انار بۇلت / شينجياڭ گازەتىنىڭ تىلشىلەرى يۋان لەي، ۋاڭ يۇيجاۋ 3 - ايدىڭ 2 - كۇنى ۇرىمجىدەن حابارلايدى. 3 - ايدىڭ 2 - كۇنى تۇستەن كەيىن شينجياڭدا تۇراتىن مەملەكەتتىك ساياسي كەڭەس مۇشەلەرى بەيجيڭگە باردى ءارى ماجىلىسكە تىزىمگە الدىرىپ، 3 - ايدىڭ 4 - كۇنى اشىلاتىن مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسۋعا دايىندالدى.
بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ باستالعان جىل. ايرىقشا جىل، ايرىقشا مەزگىل، مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە ماڭىزدى تاريحي ءمان قوستى جانە ايرىقشا بورىش، مىندەت جۇكتەدى. مۇشەلەر وسى رەتكى ماجىلىسكە تولىق سەنىممەن، زور ۇمىتپەن قاتىناسقالى وتىر.
”بۇل ءبىر وتە ماڭىزدى ءماجىلىس“. مۇشە ءدىلنار ابىلا بۇكىل ىنتا - پەيىلىمەن ءماجىلىستىڭ ءتۇرلى مىندەتتەرىنە ات سالىسىپ، مىندەتىن، جاۋاپكەرشىلىگىن مۇقيات ورىنداپ، شينجياڭ حيكاياسىن ويداعىداي بايانداپ، وڭ ەنەرگيا تاراتىپ، كۇش - قۋات رۋحىن ۇيىستىرىپ، ”14 - بەسجىلدىقتىڭ“ جاقسى باستاما باستاۋىنا، جاقسى قادام تاستاۋىنا ۇلەس قوساتىندىعىن ايتتى.
وسى رەتكى ءماجىلىستى ويداعىداي اشۋ ءۇشىن، ەكى ماجىلىستەن بۇرىن مۇشەلەر نەگىزگى ساتىعا ىشكەرىلەي كىرىپ، نازاردى ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ يگەرۋگە، ”التىنى ورنىقتىرۋ“ قىزمەتىن ويداعىداي ىستەۋگە، ”التىنى قامتاماسىز ەتۋ“ مىندەتىن تياناقتاندىرۋعا شوعىرلاندىردى، سونداي - اق وقۋ - اعارتۋ، قارتتاردى كۇتىمدەۋ، ەمدەۋ سياقتى حالىق تۇرمىسى سالاسىنداعى ءتۇيىندى ماسەلەلەرگە كەڭ كولەمدە تەكسەرۋ - زەرتتەۋ جۇرگىزىپ، جوبا، ۇسىنىس بەرۋگە دەن قويا دايىندىق جاسادى.
”مەن بيىل ەگىس اتىزىنداعى قالدىق سۋلياۋ جارعاقتاردىڭ لاستاۋىن جونگە سالۋ تەبىنىن كۇشەيتۋ، ەگىنشىلىك رەفورماسىندا جاڭالىق اشۋ قادامىن جەدەلدەتۋ سياقتىلارعا قاتىستى ۇسىنىس جوبالاردى اكەلدىم، وسى ءبىر - ەكى كۇندە ۋاقىتتى قولدان بەرمەي وزگەرىس ەنگىزىپ، كەمەلدەندىرەمىن“، - دەدى مۇشە جياڭ پيڭان.
مۇشە جياڭ پيڭان سياقتى، شينجياڭدا تۇراتىن مەملەكەتتىك ساياسي كەڭەستىڭ مۇشەلەرى وسى ءبىر جىلداعى تاپسىرمالارىن تولتىرا ”جازدى“. مۇشەلەر مىنالاردى ءبىلدىردى: مىندەت وتەۋ بورىشتىلىق سەزىمىن، جاۋاپكەرشىلىك سەزىمىن اناعۇرلىم كۇشەيتىپ، ساياسي كەڭەس مۇشەلەرىنىڭ مىندەتىن جاۋاپكەرشىلىگىن مۇقيات اتقارىپ، بەلسەنە سىندارلى اقىل - كەڭەس بەرەمىز.
