تيانشان تورى   ›   جاڭالىقتار   ›   ماڭىزدى حابارلار

«شي جينپيڭ ەل باسقارۋ جونىندە» 3 - تومىن بىرگە اۋدارىپ باسپادان شىعارادى

  17 مەملەكەتتىڭ باسپا قۇرىلىمدارى ەلىمىزبەن ەسكەرتپە حاتقا قول قويدى

  «شي جينپيڭ ەل باسقارۋ جونىندە» 3 - تومىن بىرگە اۋدارىپ باسپادان شىعارادى

  شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى. جۋىقتا 17 مەملەكەتتىڭ تانىمالى باسپا قۇرىلىمدارى جەكە - جەكە جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىنىڭ شەتەل ءتىلى باسپاسىمەن «شي جينپيڭ ەل باسقارۋ جونىندە» 3 - تومىن حالىقارالىق سەلبەسىپ اۋدارىپ باسپادان شىعارۋ ەسكەرتپە حاتىنا قول قويىپ، «شي جينپيڭ ەل باسقارۋ جونىندە» 3 - تومىن كوپ تىلدە اۋدارىپ باسپادان شىعارادى.

  وسى 17 مەملەكەت مىنالار: البانيا، پولشا، رۋمينيا، بەلورۋسسيا، ۋكراينا، اۋعانستان، كامبودجا، نەپال، لاوس، بانگلادەش، تايلاند، ءۇندىستان، پاكيستان، شريلانكا، تاجىكستان، قىرعىزستان جانە موڭعۇليا.

  ورتالىق كوميتەتتىڭ ۇگىت ءبولىمى (مەملەكەتتىك كەڭەستىڭ اقپارات كەڭسەسى) ورتالىق پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرگە قۇراستىرعان «شي جينپيڭ ەل باسقارۋ جونىندە» 3 - تومى 2020 - جىلى 6 - ايدىڭ 30 - كۇنى شەتەل تىلدەرى باسپاسىندا حانزۋ تىلىندە، اعىلشىن تىلىندە باسپادان شىعىپ، مەملەكەت ءىشى - سىرتىندا تاراتىلدى.

  «شي جينپيڭ ەل باسقارۋ جونىندە» 3 - تومى پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستى كوزدە ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، پارتيا مەن مەملەكەت ىستەرىن ىلگەرىلەتۋدە قول جەتكىزگەن تىڭ دا كەلەلى ىلگەرىلەۋشىلىكتەرىنىڭ ۇلى امالياتىن جاندى ەستەلىككە الىپ، ماركسيزمنىڭ جۇڭگوشالانۋىنىڭ ەڭ جاڭا جەتىستىگىن شوعىرلى ايگىلەپ، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قوسقان اقىل - پاراسات جوباسىن تولىق بەينەلەدى، بۇل شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بەينەلەگەن بەدەلدى شىعارما.

  «شي جينپيڭ ەل باسقارۋ جونىندە» 1 - تومىنىڭ، 2 - تومىنىڭ جانە 3 - تومىنىڭ باسپادان شىعىپ تاراتىلۋىنا حالىقارالىق قوعام باسا نازار اۋداردى جانە كەڭ كولەمدە جاقسى باعا بەردى. كەزەكتە بۇل شىعارما 33 تىلدە باسپادان شىعىپ، دۇنيە جۇزىندەگى 170 نەشە مەملەكەت پەن رايوندا تاراتىلدى.

  ۇعىسۋعا قاراعاندا، «شي جينپيڭ ەل باسقارۋ جونىندە» 3 - تومىنىڭ فرانسۋز، ورىس، يسپان، اراب، نەمىس، جاپون، پورتۋگال، ت.ب تىلدەرىندەگى باسىلىمى ىركەس - تىركەس اۋدارىلىپ، باسپادان شىعىپ جاتىر ەكەن. كوپ ەلدەردىڭ تانىمالى باسپا قۇرىلىمدارى ەلىمىزبەن سەلبەسىپ، ءوز جەرىنىڭ تىلىندە اۋدارىپ باسپادان شىعارۋ تىلەگىن جابال بىلدىرگەن. «شي جينپيڭ ەل باسقارۋ جونىندە» 3 - تومىن حالىقارالىق سەلبەسىپ اۋدارىپ باسپادان شىعارۋدى ىلگەرىلەتۋ حالىقارالىق قوعامنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باي مازمۇنىن اناعۇرلىم جاقسى بىلۋىنە، جۇڭگو كوممۋنيستىك پارتياسىنىڭ بيلىك جۇرگىزۋ ۇستانىمىن، بيلىك جۇرگىزۋ امالياتىن، بيلىك جۇرگىزۋ تابىسىن وبيەكتيۆ تانۋىنا، جۇڭگو مەن شەتەلدىڭ ەل باسقارۋ تاجىريبەلەرىن اۋىستىرۋىن جانە ادامزات وركەنيەتتەرى اۋىس - كۇيىسىن، ءبىر - بىرىنەن ۇلگى الۋىن جەبەۋگە كومەگىن تيگىزەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.