تيانشان تورىنىڭ حابارى. (تىلشىلەر لي ياڭ، ياۋ تۇڭ حابارلايدى) جالىندارىمەن، جاۋاپكەرشىلىكتەرىمەن، ءۇمىت پەن اۋىر مىندەتتەردى ارقالاپ، 3 - ايدىڭ 3 - كۇنى تۇستەن كەيىن، 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناساتىن شينجياڭداعى مەملەكەتتىك حالىق قۇرىلتايى ۋاكىلدەرى ۇشاققا وتىرىپ بەيجيڭگە جەتتى.
3 - ايدىڭ 3 - كۇنى، 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناساتىن شينجياڭ ۋاكىلدەر ۇيىرمەسى ۇشاققا وتىرىپ بەيجيڭگە جەتتى. ءتىلشى سۇي جىجيان تۇسىرگەن سۋرەت
بۇل رەتكى ماجىلىسكە قاتىناسقان شينجياڭداعى مەملەكەتتىك حالىق قۇرىلتايى ۋاكىلدەرى جالپى 56 ادام، مۇنىڭ ىشىندە، حانزۋ ۇلتىنان 21 ادام، ۇيعۇر ۇلتىنان 22 ادام، قازاق ۇلتىنان 5 ادام، حۇيزۋ ۇلتىنان، قىرعىز ۇلتىنان، موڭعۇل ۇلتىنان، تاجىك ۇلتىنان، سىبە ۇلتىنان، وزبەك ۇلتىنان، ورىس ۇلتىنان، تاتار ۇلتىنان بىردەن؛ جۇڭگو كوممۋنيستىك پارتيا مۇشەسى 45 ادام؛ ايەلدەر ۋاكىلىنەن 13 ادام.
بەيجيڭگە اتتاناردان بۇرىن، شينجياڭداعى مەملەكەتتىك حالىق قۇرىلتايى ۋاكىلدەرى ءۇرىمجى قالاسى، قۇمىل قالاسى سياقتى جەرلەرگە بارىپ، شوعىرلى كوزدەن كەشىرۋ سياقتى كوپ ءتۇرلى فورمالاردى قولدانىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەۋ، ”التىنى قامتاماسىز ەتۋ“ مىندەتتەرىن جاپپاي تياناقتاندىرۋ، ”13 - بەسجىلدىق“ جوباسىنىڭ باستى نىسانا، مىندەتتەرىنىڭ ورىندالۋ جاعدايى، ”14 - بەسجىلدىق“ كەزىندەگى ەكونوميكالىق، قوعامدىق دامۋداعى ءتۇيىندى ماسەلەلەر، قيىن ماسەلەلەر سياقتىلاردى ۇعىسىپ، 13 - كەزەكتى بۇكىل مەملەكەتتىك حالىق قۇرىلتايىنىڭ 4 - ماجىلىسىنە قاتىناسۋعا، ءتۇرلى ۇسىنىس جوبالارى مەن باياندامالاردى تالقىلاۋعا، جوعارى ساپالى ۇسىنىس جوبالارى مەن ۇسىنىستاردى العا قويۋعا جاقسى نەگىز قالادى.
