تيانشان تورى   ›   جاڭالىقتار   ›   شينجياڭ حابارلارى

مۇشەلىك ”تاپسىرمانى“ ويداعىداي ورىنداپ، تارتىمدى ”جاۋاپ“ تاپسىرامىز

− شينجياڭدا تۇراتىن مەملەكەتتىك ساياسي كەڭەس مۇشەلەرى ۇسىنىس جوبا، ۇسىنىستارعا دەن قويا دايىندالدى

  انار بۇلت/ شينجياڭ گازەتىنىڭ تىلشىلەرى حي حۇڭۋي، ۋاڭ يۇيجاۋ

  3 - ايدىڭ 2 - كۇنى شينجياڭدا تۇراتىن مەملەكەتتىك ساياسي كەڭەستىڭ مۇشەسى يۇي مەي كومپيۋتەر الدىندا ءاربىر سوزگە دەيىن وي ەلەگىنەن وتكىزە سارالاپ، ۇسىنىس جوبانى كەمەلدەندىردى، ۇزاق ۋاقىت ەمدەۋ - دەنساۋلىق ساقتاۋ سالاسىندا قىزمەت ىستەگەن ول بيىل پسيحيكالىق اقاۋسىزدىق سالاسىنا نازار اۋداردى.

  ”ادامدار تۇرمىس ريتىمىنىڭ كورنەكتى جەدەلدەۋىمەن، جەكەلەردىڭ پسيحيكالىق ماسەلەسى جانە ونان تۋىنداعان قوعامدىق ماسەلەلەر كۇن سايىن كورنەكتىلەنىپ، قازىرگى پسيحيكالىق اقاۋسىزدىققا قىزمەت ەتۋ جاعدايى حالىق بۇقاراسىنىڭ قاجەتىن مۇلدە قاناعاتتاندىرا الماي قالدى“. مۇشە يۇي مەي پسيحيكالىق اقاۋسىزدىق بويىنشا الدىن الۋ، سۇرىپتاۋ، ارالاسۋ جۇيەسىن كەمەلدەندىرۋدى كۇشەيتۋ جونىندەگى ۇسىنىستى العا قويىپ، كوپ جاقتاردان كىرىسىپ، قوعامنىڭ ءارقايسى جىگىندەگى ادامدار شوعىرىنىڭ پسيحيكالىق اقاۋسىزدىعى بويىنشا الدىن الۋ جانە ارالاسۋدى كۇشەيتۋدى ءۇمىت ەتتى.

  مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى اشىلۋدان بۇرىن، ءتىلشى شينجياڭدا تۇراتىن مەملەكەتتىك ساياسي مۇشەلەرىنىڭ ءماجىلىس اشىلاردان بۇرىنعى ۋاقىتتان پايدالانىپ ۇسىنىس جوبالاردى، ۇسىنىستاردى سارالاپ، وڭدەپ، مەملەكەتتىك ەكى ءماجىلىس كەزىندە اناعۇرلىم ويداعىداي سىندارلى ۇسىنىس قويىپ، كەڭەس بەرۋ، مىندەت اتقارىپ، جاۋاپكەرشىلىگىن ادا ەتۋ ءۇشىن تولىق دايىندىق جاساعاندىعىن ۇعىستى.

  شينجياڭدا تۇراتىن مەملەكەتتىك ساياسي كەڭەس مۇشەسى پان شياۋيان بىلاي دەدى: ”بىلتىر مەن قويعان ۇسىنىس جوباعا قاتىستى تاراۋلار مەن ورىندار ءمان بەردى، مۇنان مەن بارىنشا شابىت الدىم، ۇسىنىس قويىپ، كەڭەس بەرۋ سەنىمىم مەن بەكىمىم اناعۇرلىم نىعايا ءتۇستى!“

  بيىل پان شياۋيان ءوز قىزمەتىمەن ۇشتاستىرا وتىرىپ، باعىتتامالىلىعى مەن يكەمدىلىگى اناعۇرلىم كۇشتى، اناعۇرلىم ساپالى 5 ۇسىنىس جوبانى، ۇسىنىستى ورتاعا قويماقشى، بۇلار جاستار مەن ورەندەردىڭ جاڭالىق اشۋ ويىن قاۋلاتۋ جانە جەتىلدىرۋ، ساياسي - زاڭنىڭ تاراۋ اتتاپ ساندى مالىمەت توپتاۋ، بىرگە يگىلىكتەنۋىن جەدەلدەتۋ سياقتى جاقتارعا سايادى.

  مۇشەلەردىڭ ۇسىنىس جوبالارى، ۇسىنىستارى نازاردى شينجياڭ قىزمەتىنىڭ باس نىساناسىنا شوعىرلاندىرىپ، جاڭالىق اشۋ ارقىلى كاسىپ سالاسىن ساپالىلاندىرۋعا دەم بەرۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، قوعامدىق ىستەردىڭ دامۋىن جەبەۋ سياقتى كەڭەس تاقىرىپتارىن قامتىدى.

  ”مەن ۇسىنىس جوباعا ەڭ سوڭعى وزگەرىس ەنگىزىپ جانە كەمەلدەندىرىپ جاتىرمىن“.ءوزىنىڭ ۇسىنىس جوبا، ۇسىنىستارىن كەمەلدەندىرۋ ءۇشىن، شينجياڭدا تۇراتىن مەملەكەتتىك ساياسي كەڭەس مۇشەسى گۇلپاري ابدۇللا قىرۋار جازۋ قىزمەتتەرىن ىستەپ، قايتا - قايتا سارالاپ، شەشۋ جوباسىن ۇزدىكسىز كەمەلدەندىرىپ، ۇسىنىس جوبا، ۇسىنىستارىنىڭ اناعۇرلىم يكەمدى بولۋىنا شىنايى كەپىلدىك ەتتى.

  تالاي جىل وقۋ - اعارتۋ قىزمەتىمەن شۇعىلدانعان جوعارى مەكتەپ وقىتۋشىسى رەتىندە، گۇلپاري ابدۇللا دەنە تاربيە وقۋ - اعارتۋىنا نازار اۋدارىپ كەلەدى، بيىل ونىڭ نازار اۋدارعان ءتۇيىنى ”دەنە تاربيە مەن مەديتسينانى توعىستىرۋ“.

  مۇشە گۇلپاري ابدۇللا مىنانى ۇسىنىس ەتتى: ”دەنە تاربيە مەن مەديتسينانى توعىستىرۋدى“ زەرتتەۋ تۇعىرىن بەلسەنە كەڭەيتىپ، ەل ىشىندەگى قاتىستى قۇرىلىمدار مەن بايلانىستى، سەلبەستىكتى كۇشەيتىپ، ايگىلى وقىمىستىلاردى لەكسيا سويلەۋگە جانە اۋىس - كۇيىس جاساۋعا ۇسىنىس ەتىپ، كەزەكتە شينجياڭنىڭ ”دەنە تاربيە مەن مەديتسينانى توعىستىرا“ دامىتۋداعى ءىس جۇزىندىك قيىندىقتارى مەن دامۋ جولىن ونان ارى ايقىنداۋ كەرەك.

  شينجياڭدا تۇراتىن مەملەكەتتىك ساياسي كەڭەستىڭ مۇشەسى يۋە جۇڭلين نازارىن تەمىر جول قۇرىلىسىن جەدەل ىلگەرىلەتۋگە اۋداردى. ول بىلاي دەدى: ”مەن وسى رەت ەكى ۇسىنىس جوبا دايىندادىم، ءبىرى جۇڭگو - پاكيستان تەمىر جولى قۇرىلىسىن جەدەل ىلگەرىلەتۋ، ەندى ءبىرى، جۇڭگو - قىرعىزستان - وزبەكستان تەمىر جولى قۇرىلىسىن جەدەل ىلگەرىلەتۋ، جۇڭگو - پاكيستان تەمىر جولى مەن جۇڭگو - قىرعىزستان - وزبەكستان تەمىر جولى قۇرىلىسىن ىلگەرىلەتۋ ەلىمىزدىڭ سىرتقا ەسىك اشۋدى كەڭەيتۋىنە اناعۇرلىم تاماشا شارت - جاعداي ازىرلەيدى“.

  ”مەملەكەتتىك ساياسي كەڭەس مۇشەسى ساناتىندا، مەن ماسەلەنى ورتاعا قويىپ قانا قالماستان، ونان دا ماڭىزدىسى، ماسەلەنى شەشۋدىڭ جوباسى مەن ويىن دا العا قويامىن. ءبىز حالىقتىڭ ءۇمىتىن اقتاپ، مۇقيات مىندەت اتقارىپ، جاۋاپكەرشىلىكتى ادا ەتىپ، مۇشەلىك ’تاپسىرمانى‘ ويداعىداي ورىنداپ، تارتىمدى ’جاۋاپ‘ تاپسىرامىز“، - دەدى مۇشە يۋە جۇڭلين.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.