3 - ايدىڭ 3 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناساتىن رايونىمىزداعى مەملەكەتتىك حالىق قۇرىلتايى ۋاكىلدەرى ۇشاقپەن بەيجيڭگە جەتتى. سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى لي ياڭ، ياۋ تۇڭ 3 - ايدىڭ 3 - كۇنى بەيجيڭنەن حابارلايدى. 3 - ايدىڭ 3 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناساتىن رايونىمىزداعى مەملەكەتتىك حالىق قۇرىلتايىنىىڭ ۋاكىلدەرى اسقاق سەزىم مەن جاۋاپكەرشىلىك، ءۇمىت پەن ماڭىزدى تاپسىرما ارقالاپ ۇشاقپەن بەيجيڭگە جەتتى.
وسى رەتكى ماجىلىسكە قاتىناساتىن رايونىمىزداعى مەملەكەتتىك حالىق قۇرىلتايىنىڭ ۋاكىلدەرى جيىنى 56 ادام، مۇندا حانزۋ ۇلتىنان 21 ادام، ۇيعۇر ۇلتىنان 22 ادام، قازاق ۇلتىنان 5 ادام، حۇيزۋ، قىرعىز، موڭعۇل، تاجىك، سىبە، وزبەك، ورىس، تاتار ۇلتتارىنىڭ اربىرەۋىنەن ءبىر ادام بار؛ جۇڭگو كوممۋنيستىك پارتياسىنىڭ مۇشەلەرى 45 ادام؛ ايەل ۋاكىلدەر 13 ادام.
بەيجيڭگە اتتاناردان بۇرىن رايونىمىزداعى مەملەكەتتىك حالىق قۇرىلتايىنىڭ ۋاكىلدەرى ءۇرىمجى قالاسى، قۇمىل قالاسى سياقتى جەرلەرگە بارىپ، شوعىرلى كوزدەن كەشىرۋ سياقتى كوپ ءتۇرلى فورمالار ارقىلى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەۋ، ”التىنى قامتاماسىز ەتۋ“ مىندەتىن جاپپاي تياناقتاندىرۋ، ”13 - بەسجىلدىق“ جوباداعى نەگىزگى نىسانا - مىندەتتەرىنىڭ ورىندالۋ جاعدايى، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋداعى ءتۇيىندى، قيىن ماسەلەلەر سياقتىلاردى ۇعىسىپ، 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسۋ، كەڭەستىك جوبالار مەن باياندامالاردى قاراۋ، جوعارى ساپالى كەڭەستىك جوبا جانە ۇسىنىس قويۋعا ويداعىداي نەگىز قالادى.
مەملەكەتتىك حالىق قۇرىلتايىنىڭ ۋاكىلى ءورنيسا قادىر اتتاناردان ىلگەرگى 2 كۇندە تاعى دا اتىز باسىندا تەكسەرۋ - زەرتتەۋ جۇرگىزىپ ارالادى. وسى رەت ول تۇرپان قالاسىندا مەملەكەتتىك كەپتىرىلگەن جەمىس زات اينالىمى ورتالىعىن قۇرۋ جونىندەگى ۇسىنىسىن الا كەلدى. ”تۇرپاننىڭ تاس جول، تەمىر جول، اۆياتسيا سياقتى قاتىناس تورلارىنىڭ بارعان سايىن جيىلەۋىنە ىلەسە، ەكونوميكالىق دامۋدى دەمەۋ رولى بارعان سايىن كورنەكتىلەندى، تۇتاس مەملەكەت كولەمىندىك قۇرعاق جەمىس زات اينالىمى ورتالىعىن قۇرۋ ارقىلى تۇرپاننىڭ جەمىس ورمانى كاسىبىنىڭ جوعارى ساپالى دامۋىن ىلگەرىلەتۋدى ءۇمىت ەتەمىن“، - دەدى ول.
مەملەكەتتىك حالىق قۇرىلتايىنىڭ ۋاكىلى جاڭ شين جۇندۇڭنان ەلىمىزدىڭ شىعىس بولىكتەرىنە دەيىنگى 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ نىسانىن جەدەل جوبالاپ سالىپ، شينجياڭنىڭ ەنەرگيا بازاسى رولىن تولىق ساۋلەلەندىرىپ، باسىمدىققا يە بايلىقتى كادەگە جاراتۋدى ۇسىنىس ەتتى.
ۋاكىلدەر بىلاي دەپ قارادى: بيىل − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، سونداي - اق ”14 - بەسجىلدىق“ جوبانىڭ باستالعان جىلى، ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا شەرۋ تارتادى، وسى رەتكى مەملەكەتتىك حالىق قۇرىلتايى ءماجىلىسىن ويداعىداي اشۋدىڭ ماڭىزى زور. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شىن مانىندە يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جاۋاپكەرشىلىك ارقالاۋ رۋحىمەن، كوكىرەك تولى قىزۋ ىنتامەن، تاماشا ستيلمەن ۋاكىلدىك بورىشىمىزدى وتەپ، پارتيا مەن حالىقتىڭ ماڭىزدى تاپسىرماسىن ورىندايمىز.
