جاڭا داۋىردە بۇكىل رايوننىڭ پارتيا قۇرىلىسىنىڭ ساپاسى مەن دەڭگەيىن جاپپاي جوعارىلاتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا پارمەندى كەپىلدىك ازىرلەۋ كەرەك
شوكىرات زاكىر، ۋاڭ جۇنجىڭ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 3 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسى ءماجىلىس اشىپ، بيىلعى بۇكىل رايوننىڭ پارتيا قۇرىلىسى قىزمەتىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارىنان شوكىرات زاكىر، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.
ءماجىلىس «اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ 2021 - جىلعى قىزمەت تۇيىندەرىن» قاراپ ماقۇلدادى.
چىن چۋانگو بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن ىشكەرىلەي دايەكتىلەندىرىپ، پارتيانى جاپپاي قاتاڭ جونگە سالۋ باعىتىن ىشكەرىلەي دايەكتىلەندىرىپ، پارتيانىڭ جالپى بەتتىك باسشىلىعىنا مىزعىماستان تاباندى بولىپ جانە ونى كۇشەيتىپ، پارتيانىڭ ساياسي قۇرىلىسىن بۇلجىماستان ءبىر تۇتاس باسشىلىققا الىپ، پارتيا قۇرىلىسىنىڭ ساپاسى مەن دەڭگەيىن جاپپاي جوعارىلاتىپ، پارتيانى جاپپاي قاتاڭ جونگە سالۋدىڭ جەتەكتەۋ، قامتاماسىز ەتۋ رولىن تولىق ساۋلەلەندىرىپ، ءار دارەجەلى پارتيا ۇيىمدارىن ۇزدىكسىز تۇردە اناعۇرلىم مىعىم، پارمەندى ەتىپ قۇرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسى مەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىنا، ناتيجە بەرۋىنە شىنايى كەپىلدىك ەتۋ كەرەك.
ءبىرىنشى، ايقىن تۋ ۇستاي وتىرىپ پارتيانىڭ ساياسي قۇرىلىسىن كۇشەيتۋ كەرەك. پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ءتۇرلى قىزمەتتىڭ دۇرىس ساياسي بەتالىسىنا شىنايى كەپىلدىك ەتۋ كەرەك.
ەكىنشى، پارتيانىڭ جاسامپاز نازارياسىمەن قارۋلانۋدى ۇزدىكسىز تەرەڭدەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى جانە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندەگى ۇيرەنۋ، ۇگىت - لەكسيا، باۋلۋ، ۇگىتتەۋ، جالپىلاستىرۋ، زەرتتەۋ - تالقىلاۋ سياقتى قيمىلداردى ۇدايىلاندىرىپ ورىستەتىپ، جەتە ۇيرەنۋگە، جەتە تۇسىنۋگە، شىنايى تياناقتاندىرۋعا كۇش سالىپ، شىن مانىندە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك.
ءۇشىنشى، پارتيا تاريحىن ۇيرەنۋ تاربيەسىن ىشكەرىلەي، تىڭعىلىقتى ورىستەتۋ كەرەك. باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ساباقتاستىرۋعا تاباندى بولىپ، پارتيا تاريحىن ۇيرەنۋدى، يدەيانى ءتۇسىنىپ، ناقتى ءىس ىستەۋدى، جاڭا جاعداي اشۋدى كورنەكتىلەندىرىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، جاڭا تاريحي تاراۋدى ۇزدىكسىز ويداعىداي جازۋ كەرەك.
ءتورتىنشى، پارتيا قۇرىلعاندىعىنىڭ 100 جىلدىعىن قۇتتىقتاۋدىڭ جالىندى بەينەسىن كۇش سالا قالىپتاستىرۋ كەرەك. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، ءتۇرلى قىزمەتتەردى جوعارى ولشەممەن، جوعارى ساپامەن ويداعىداي ىستەپ، جۇڭگو كوممۋنيستىك پارتياسى جاقسى، سوتسياليزم جاقسى، رەفورما جاساۋ، ەسىك اشۋ جاقسى، ۇلى وتان جاقسى، ءار ۇلت حالقى جاقسى دەيتىن تاماشا بەينە قالىپتاستىرىپ، ءار ۇلت كادر - بۇقاراسىنىڭ ”14 - بەسجىلدىقتا“ ەكپىندەي كۇرەس جۇرگىزەتىن، جاڭا ساپاردا جىگەرلەنە ىلگەرىلەيتىن، شينجياڭ قىزمەتىنىڭ جاڭا جاعدايىن قۇلشىنا اشاتىن تەلەگەي كۇشىن ۇيىستىرۋ كەرەك.
بەسىنشى، كادر - دارىندىلار قوسىنى قۇرىلىسىن شىنايى كۇشەيتۋ كەرەك. جاقسى كادر ولشەمىنە جانە ۇلتتىق وڭىرلەردەگى كادرلار ساياسي ولشەمىنە تاباندى بولىپ، كادرلاردىڭ ساياسي ساپاسىن ساراپتاۋدى ۇدايىلاندىرىپ، كادرلاردى تاربيەلەۋ - باۋلۋ سەرپىنىن ارتتىرىپ، ىنتالاندىرۋ جانە قورعاۋ مەحانيزمىن ورناتىپ، اقاۋسىزداندىرىپ، دارىندىلار قىزمەتى جۇيەسىن كەمەلدەندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇرۋ كەرەك.
التىنشى، ۇزاق ۋاقىت قۇلشىنا ەڭبەك ەتىپ نەگىزگى ساتى پارتيا ۇيىمى قۇرىلىسىن باياندى تۇردە ويداعىداي يگەرۋ كەرەك. ۇيىمداستىرۋ قابىلەتىن جوعارىلاتۋدى ءتۇيىن ەتىپ، ءالسىز، بىتىراڭقى نەگىزگى ساتى پارتيا ۇيىمدارىن ۇزدىكسىز رەتكە سالىپ، قىستاق (الەۋمەتتىك اۋماق) كادرلارىن باۋلۋ سەرپىنىن جوعارىلاتىپ، پارتياعا مۇشە قابىلداۋ ساپاسىن جوعارىلاتىپ، نەگىزگى ساتى پارتيا ۇيىمدارىن شىن مانىندەگى بەرىك جاۋىنگەر قورعان ەتىپ قۇرىپ شىعۋ كەرەك.
جەتىنشى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن مىزعىماس تاباندىلىقپەن تەرەڭدەتۋ كەرەك. ەرەكشەلەنبەۋ يدەياسىن بەرىك ورناتىپ، ءبىر جاعىنان، بولشەكتەۋشىلىككە قارسى كۇرەستى مىقتى يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن مىقتى يگەرۋگە تاباندى بولىپ، ”ءتورت ءتۇرلى بۇرىس ستيلدى“ تيتتەي دە بوساڭسىماي تۇزەتىپ، فورماشىلدىقتىڭ، تورەشىلدىكتىڭ تۋىلۋىنان، ورشۋىنەن باتىل ساقتانىپ، دەلو ارقىلى تۇزەتۋدى جەبەۋ قىزمەتىن تىڭعىلىقتى ورىستەتىپ، كەزەك اۋىستىرۋ قىزمەتىنىڭ ءتارتىبىن قاتايتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
سەگىزىنشى، پارتيانى جاپپاي قاتاڭ جونگە سالۋ جاۋاپكەرشىلىگىن باتىل تياناقتاندىرۋ كەرەك. اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى كۇشەيتىپ، ءبىر دارەجە ارقىلى ءبىر دارەجەنى يگەرىپ، ساتىلار بويىنشا تياناقتاندىرۋدى يگەرىپ، پارتيانى جاپپاي قاتاڭ جونگە سالۋدى تۇبەگەيلى جۇرگىزۋدى ىلگەرىلەتۋ كەرەك. پارتكوم (پارتيا باسشىلىق گرۋپپالارى) شۋجيلەرى ءبىرىنشى جاۋاپتى ادامدىق مىندەتىن ويداعىداي ارقالاۋ، القا مۇشەلەرى ”ءبىر قىزمەت ورنىندا قوس جاۋاپكەرشىلىك ارقالاۋدى“ مۇقيات اتقارۋ؛ ءار دارەجەلى پارتيا قۇرىلىسى قىزمەتى باسشىلىق گرۋپپالارى مەن وعان مۇشە ورىندار جالپى تۇلعالىق جوسپارلاۋدى، ۇيىمداستىرىپ، اتقارۋدى كۇشەيتىپ، پارتيا قۇرىلىسى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك.
اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ مۇشەلەرى ماجىلىسكە قاتىناستى.
