تيانشان تورى   ›   ۇيرەنۋ   ›   شولۋ

پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتەيىك

− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  □ حالىق گازەتىنىڭ شولۋشىسى

  جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تەتىگى پارتيادا، تەتىگى ادامدا، سايىپ كەلگەندە، ۇرپاقتار بويى سەنىمدى ءىزباسارلاردى تاربيەلەپ سومداۋدا جاتىر. 2021 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ ”پارتيا حالىق بۇقاراسىنىڭ قولداۋىنا جانە جاقتاۋىنا يە بولۋ ءۇشىن، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىن مىزعىماس تاباندىلىقپەن اسقاقتاتۋ كەرەك“ دەپ تەرەڭ اتاپ كورسەتتى، اسىرەسە، ”جاس كادرلار − پارتيا مەن مەملەكەت ىستەرىنىڭ ءىزباسارى، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتۋى كەرەك“ دەپ اتاپ كورسەتتى.

  بۇگىن جۇڭگو كوممۋنيستىك پارتياسى 100 جىلدىق شۇعىلالى بارىستى باستان كەشىرىپ، ەڭ ۇلكەن سوتسياليستىك مەملەكەتتە 70 جىلدان استام ۋاقىت بيلىك جۇرگىزىپ، 91 ميلليوننان استام پارتيا مۇشەسى بار دۇنيە جۇزىندەگى ەڭ ۇلكەن ماركسيزمدىك بيلىك باسىنداعى پارتياعا اينالىپ، ءبىر ميلليارد 400 ميلليون جۇڭگو حالقىنىڭ ەڭ كەڭ كولەمدى قولداۋى مەن جاقتاۋىنا يە بولدى. پارتيامىز حالىقتى ىنتىماقتاستىرىپ، باستاپ، توڭكەرىستىڭ، قۇرىلىستىڭ، رەفورمانىڭ ۇلى تابىسىنا قول جەتكىزدى، مۇنداعى اسا ماڭىزدى ءبىر ءتۇيىن − پارتيامىزدىڭ ۇزاق ۋاقىتتىق اماليات بارىسىندا جۇيەلى داڭقتى ءداستۇر جانە تاڭداۋلى ستيل جەتىلدىرگەندىگى جانە وعان تاباندى بولعاندىعى. باستان - اياق پارتياعا ادال بولۋ، نازاريانى امالياتپەن ۇشتاستىرۋعا تاباندى بولۋ، بۇقارامەن تىعىز بايلانىس جاساۋعا تاباندى بولۋ، سىن جانە ءوز - وزىنە سىن سىندى قارۋدان ويداعىداي پايدالانۋ، باتىلدىقپەن كۇرەس جۇرگىزۋ، شەبەرلىكپەن كۇرەس جۇرگىزۋ، ماڭگى قاجىرلىلىقپەن كۇرەس جۇرگىزۋ، مىنە وسى داڭقتى ءداستۇر مەن تاڭداۋلى ستيل پارتيامىزدىڭ سيپاتى مەن باس ماقساتىنىڭ شوعىرلى بەينەلەنۋى، پارتيامىزدىڭ باسقا ساياسي پارتيادان پارىقتالاتىن كورنەكتى بەلگىسى سانالادى. بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، الايدا وراي مەن اۋقىم ءبىز جاقتا، بۇل ءبىزدىڭ تاباندىلىعىمىز بەن قايراتىمىزدىڭ تياناعى، سونداي - اق ءبىزدىڭ بەكىمىمىز بەن سەنىمىمىزدىڭ تياناعى. سونىمەن بىرگە، مىنانى، ءسوز جوق، سەرگەكتىكپەن كورە ءبىلۋىمىز كەرەك: قازىر جانە مۇنان بىلايعى ءبىز مەزگىلدە ەلىمىزدىڭ دامۋى ماڭىزدى ستراتەگيالىق وراي مەزگىلىندە تۇرسا دا وراي مەن سىن - سايىستاردىڭ بارىندە تىڭ دامۋشىلىقتار مەن وزگەرىستەر بار، وراي مەن سىن - سايىستار بۇرىن بولماعان دەڭگەيدە كوبەيدى، جالپى جاقتان العاندا، وراي سىن - سايىستاردان كوپ. ءباز - باياعىداي كوپتەگەن قيىن وتكەلدەر مەن سىن - سايىستارعا ءدوپ كەلگەن العا باسۋ جولىندا پارتيانىڭ داڭقتى ءداستۇرى مەن تاڭداۋلى ستيلىن تاباندىلىقپەن ساۋلەلەندىرىپ، ماشاقاتتاردان جاسقانباي، ەرلىكپەن ۇدەرە العا تارتقاندا عانا، بارلىق حاۋىپ - قاتەرلەر مەن سىن - سايىستاردى جەڭىپ، جەڭىستەردەن تىڭ جەڭىستەرگە ۇزدىكسىز جەتە الامىز.

  رۋحاني بايلىق ۋاقىت پەن كەڭىستىكتى كەسىپ وتەدى، ۇلى ىستەر ۇرپاقتار بويى جالعاسادى. پارتيانىڭ داڭقتى ءداستۇرى مەن تاڭداۋلى ستيلىن اسقاقتاتۋ جاس كادرلاردىڭ ەسەيۋى، دارىندى بولۋى جونىنەن توتەنشە ماڭىزدى. پارتياعا ادال بولۋ − كوممۋنيستەردىڭ ماڭداي الدى ساياسي قاسيەتى، باس شۋجي شي جينپيڭ باسا دارىپتەگەندەي، ”پارتيامىز باسىپ وتكەن جولىندا سان - ساناقسىز ماشاقاتتار مەن قيىندىقتاردى باستان كەشىردى، الايدا ەشقانداي قيىنشىلىق اتاۋلى ءبىزدىڭ ەڭسەمىزدى باسا العان جوق، ەشقانداي جاۋ ءبىزدى كۇيرەتە العان جوق، مۇندا ءبىز سان ميلليونداعان پارتيا مۇشەلەرىنىڭ ادالدىعىنا سۇيەندىك“؛ نازاريانى امالياتپەن ۇشتاستىرۋ − ماركسيزمنىڭ نەگىزگى پرينسيبى، ”پارتيامىزدىڭ تاريحى نازاريانى امالياتپەن ۇشتاستىرۋعا قاي كەزدە ويداعىداي تاباندى بولعاندا پارتيا مەن حالىق ىستەرىنىڭ ۇزدىكسىز جەڭىستەرگە قول جەتكىزگەندىگىن؛ كەرىسىنشە بولعاندا پارتيا مەن حالىق ىستەرىنىڭ زيانعا ۇشىراعاندىعىن، ءتىپتى، اۋىر بۇرالاڭدىق جارىققا شىققاندىعىن قايتا - قايتا دالەلدەدى“؛ حالىق − پارتيامىزدىڭ بيلىك جۇرگىزۋىنىڭ ەڭ تەرەڭ نەگىزى جانە ەڭ زور كۇش - قايراتى، ”پارتيامىزدىڭ نەگىزى حالىقتا، قان تامىرى حالىقتا، ءسوز جوق، حالىقتى جۇرەكتە ەڭ جوعارى ورىنعا قويىپ، قاشاندا بۇقارانىڭ مۇراتىن مۇرات ەتۋىمىز كەرەك“؛ سىن جانە ءوز - وزىنە سىن − پارتيامىزدىڭ ءوزىن الۋەتتەندىرىپ، سىرقاتتى ەمدەۋىندەگى، دەنەنىڭ سالاماتتىعىن ساقتاۋىنداعى وتكىر قارۋى، ”ءبىز كوممۋنيستەردىڭ ءوز - وزىنە سىن ورىستەتۋىنىڭ ءتۇبىرلى قوزعاۋشى كۇشى پارتيالىلىقتان كەلگەن، پارتيا مەن حالىق ىستەرىنە وسكەلەڭ جاۋاپكەرلىكپەن قاراۋ رۋحىنان كەلگەن“؛ باتىلدىقپەن كۇرەس جۇرگىزۋ − پارتيامىزدىڭ ايقىن قاسيەتى، ”پارتيامىز كۇرەسكە سۇيەنىپ بۇگىنگە جەتتى ءارى تابيعي تۇردە كۇرەسكە سۇيەنىپ بولاشاققا قول جەتكىزەدى“؛ قاجىرلىلىقپەن كۇرەس جۇرگىزۋ − پارتيامىزدىڭ ساياسي قاسيەتى، ءبىزدىڭ تىنباي جول باسىپ، دامىپ، گۇلدەنۋىمىزدىڭ ماڭىزدى كەپىلى ءارى ءبىزدىڭ الدىڭعىلاردىڭ ءىزىن باسىپ بولاشاققا جول اشۋىمىزدىڭ، تاعى دا نۇر شۇعىلا جاراتۋىمىزدىڭ ماڭىزدى كەپىلى، ”جاس كادرلار قاجىرلىلىقپەن كۇرەس جۇرگىزۋدىڭ ۇتىلامالى تاياقشاسىن قولعا الىپ، ۇدەرە العا تارتاتىن كۇرەسكەرلىك بەينەمەن جانە ماڭگى قاجىمايتىن رۋحاني كۇيمەن اۋىر مىندەتتى باتىلدىقپەن ارقالاپ، قاجىرلىلىقپەن ىستەپ، ناقتى ىستەپ، جاڭا داۋىردەگى جاڭا ساپاردا پارتيا مەن مەملەكەتتىڭ ءۇمىتىن اقتايتىن كۇرەس ءىزىن قالدىرۋ كەرەك“.

  ءبىر ۇرپاق ادامنىڭ ءبىر ۇرپاق ادامعا ءتان بورىشى بولادى، ءبىر ۇرپاق ادامنىڭ ءبىر ۇرپاق ادامعا ءتان جاۋاپكەرشىلىك ارقالاۋى بولادى. پارتيامىزدىڭ 100 جىلدىق بەلەسىنە قايىرىلا قاراساق، جۇڭگو كوممۋنيستەرى سوعىس جۇرگىزە الا ما، الماي ما دەگەندى جاڭا جۇڭگونىڭ قۇرىلۋى دالەلدەدى؛ جۇڭگو كوممۋنيستەرى قۇرىلىس جۇرگىزە الا ما، الماي ما، دامۋدى ىستەي الا ما، الماي ما دەگەندى رەفورما جاساۋدىڭ، ەسىك اشۋدىڭ ىلگەرىلەۋى دە دالەلدەدى؛ جۇڭگو كوممۋنيستەرى كۇن سايىن كۇردەلىلەسكەن حالىقارا، ەل ءىشى ورتاسىندا پارتيانىڭ باسشىلىعىنا تاباندى بولا الا ما، جوق پا، جۇڭگوشا سوتسياليزمگە تاباندى بولا الا ما، الماي ما جانە ونى دامىتا الا ما، الماي ما دەگەنگە سان ۇرپاق كوممۋنيستەر ۇزدىكسىز جاۋاپ بەرۋدى دە قاجەت ەتەدى. پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتىپ، جاقسى ءداستۇردى جاڭا ساپارعا الىپ كىرىپ، تاماشا ستيلدى جاڭا داۋىردە اسقاقتاتسا، جاس كادرلار تاريحتىڭ ماڭىزدى تاپسىرماسىن اقتاپ، ءداۋىردىڭ ۇندەۋىن اقتاپ، ەرلىكپەن ۇزدىك بولۋعا ۇمتىلىپ، ەڭبەك كورسەتىپ، ىستەردى گۇلدەندىرىپ، پارتيانىڭ ۇمىتىنەن شىعاتىن، حالىقتىڭ ۇمىتىنەن شىعاتىن، ءداۋىردىڭ ۇمىتىنەن شىعاتىن ناتيجە جاراتا الاتىن بولادى.

  (شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.