شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. جۋىردا ورتالىق اسكەري ىستەر كوميتەتى «بۇكىل ارميادا پارتيا تاريحىن ۇيرەنۋ تاربيەسىن ورىستەتۋ جونىندەگى حابارلاندىرۋدى» باسىپ تاراتىپ، بۇكىل ارميادا پارتيا تاريحىن ۇيرەنۋ تاربيەسىن ورىستەتۋ جونىندە ورنالاستىرۋ جاسادى.
حابارلاندىرۋدا مىنالار اتاپ كورسەتىلدى: پارتيا تاريحىن ۇيرەنۋ تاربيەسىن ورىستەتۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، پارتيانىڭ جاسامپاز نازارياسىن جەتە ۇيرەنۋدى، جەتە يگەرۋدى، شىنايى تياناقتاندىرۋدى توڭىرەكتەي وتىرىپ، پارتيا تاريحىن ۇيرەنۋدى ءتۇيىن ەتىپ، جاڭا جۇڭگو تاريحىن ۇيرەنۋ، رەفورما جاساۋ، ەسىك اشۋ تاريحىن ۇيرەنۋ، سوتسياليزمنىڭ دامۋ تاريحىن ۇيرەنۋ مەن ارميامىزدىڭ تاريحىن ۇيرەنۋدى ساباقتاستىرىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، بارلىق ارەكەتتە پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا بويسۇنۋدى ورىنداۋ كەرەك.
حابارلاندىرۋدا مىنالار باسا دارىپتەلدى: ءتوراعا شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى كورنەكتىلەندىرىپ، تۋان دارەجەلىدەن جوعارى باسشى كادرلاردى ءتۇيىن ەتۋ، جالپى كوماندير - جاۋىنگەرلەردى بەتكە الىپ ورىستەتۋ، 2021 - جىلى تۇتاس جىلمەن ساباقتاستىرۋ كەرەك. ءار دارەجەلى ورىندار نازاريا ۇيرەنۋدى كۇشەيتۋ، وي - ساناعا ءسىڭىرىپ ساباق ءوتۋدى جاقسى ىستەۋ، ارناۋلى تاقىرىپتىق ۇگىت - لەكسيا ۇيىمداستىرۋ، امالياتتىق قيمىل ورىستەتۋ، ارناۋلى تاقىرىپتىق ۇيىمدىق تۇرمىس جيىنىن اشۋ ارقىلى كوماندير - جاۋىنگەرلەردى جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن ۇيرەنۋگە، جۇڭگو كوممۋنيستىك پارتياسىنىڭ مەملەكەت پەن ۇلت ءۇشىن قوسقان ۇلى ۇلەسىن ۇيرەنۋگە، جۇڭگو كوممۋنيستىك پارتياسىنىڭ حالىق ءۇشىن ىستەۋ اۋەلگى ماقساتىنان، باس ماقساتىنان باستان - اياق بۇلجىماعاندىعىن ۇيرەنۋگە، جۇڭگو كوممۋنيستىك پارتياسىنىڭ ماركسيزمنىڭ جۇڭگوشالانۋىن ىلگەرىلەتە وتىرىپ قالىپتاستىرعان كەلەلى نازاريالىق جەتىستىگىن ۇيرەنۋگە، جۇڭگو كوممۋنيستىك پارتياسىنىڭ ۇزاق ۋاقىت كۇرەس جاساۋ بارىسىندا سومداعان ۇلى رۋحىن ۇيرەنۋگە، جۇڭگو كوممۋنيستىك پارتياسىنىڭ توڭكەرىستى، قۇرىلىستى، رەفورمانى ءساتتى ىلگەرىلەتۋدەگى قىمباتتى تاجىريبەلەرىن ۇيرەنۋگە، پارتيانىڭ حالىق ارمياسىنا شارتسىز باسشىلىق ەتۋ بارىسىندا ايگىلەگەن ۇلى كۇشىن ۇيرەنۋگە ۇيىمداستىرىپ، بۇكىل ارمياداعى كوماندير - جاۋىنگەرلەردى پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋعا شابىتتاندىرۋ كەرەك.
حابارلاندىرۋدا مىنالار تالاپ ەتىلدى: ءار دارەجەلى ورىندار پارتيا تاريحىن ۇيرەنۋ تاربيەسىن ورىستەتۋدى كەلەلى ساياسي مىندەت ەتىپ، ساياسي جاۋاپكەرشىلىكتى كۇشەيتىپ، ساياسي وتكەلدى، جەتەكشىلىك وتكەلىن ويداعىداي يگەرىپ، ناقتى ونىمدىلىكتى كۇشەيتۋگە دەن قويىپ، قويۋ راي قالىپتاستىرىپ، ءبىر تۇتاس جوسپارلاپ جەتەكشىلىك ەتۋدى كۇشەيتىپ، جىلدىق كەلەلى مىندەت، نەگىزگى تاقىرىپتىق تاربيە سياقتىلارمەن ۇشتاستىرۋدى، توعىستىرۋدى جاقسى ىستەپ، تاربيە مازمۇنىن، ۋاقىتىن جانە ۇيىمداستىرۋ ءتاسىلىن عىلمي ورنالاستىرىپ، اسا كۇشتى ۇيىمدىق باسشىلىق ارقىلى ۇيرەنۋ تاربيەسىندە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
