ءماجىلىستىڭ ءتوراعالار القاسىن جانە باس حاتشىنى سايلادى، ءماجىلىستىڭ كەڭەستىك تارتىپتەرى داۋىسقا سالىنىپ ماقۇلداندى
شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 4 - كۇنى كەشتە حالىق سارايىندا دايىندىق جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى. جيىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ءتوراعالار القاسىن جانە باس حاتشىنى سايلادى، 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ كەڭەستىك تارتىپتەرىن داۋىسقا سالىپ ماقۇلدادى.
13 - كەزەكتى مەملەكەتتىك حالىق قۇرىلتايىنىڭ قازىر 2953 ۋاكىلى بار. 3 - ايدىڭ 3 - كۇنىنە دەيىن ءماجىلىستىڭ حاتشىلار باسقارماسىنا كەلىپ تىزىمدەلگەن ۋاكىل 2907 ادام. 3 - ايدىڭ 4 - كۇنگى دايىندىق جيىنىنا 2895 ادام قاتىناستى، 58 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
لي جانشۋ: 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 2021 - جىلى 3 - ايدىڭ 5 - كۇنى اشىلادى، ءماجىلىستىڭ ءتۇرلى دايىندىق قىزمەتى تولىق اياقتالدى، - دەپ جاريالادى.
لي جانشۋ بىلاي دەپ اتاپ كورسەتتى: 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ جەتەكشى يدەياسى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، ءماجىلىستىڭ ءتۇرلى مىندەتتەرىن تولىق ورىنداپ، ءماجىلىستى دەموكراتيالى، ىنتىماقتى، شىندىققا ۇمتىلعان، ەكپىندەي العا ىلگەرىلەگەن ءماجىلىس ەتىپ اشىپ، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا اتتانىسقا كەلتىرىپ، ءبىر نيەتپەن جۇمىلىپ، ءورىس اشا ىلگەرىلەپ، قىزمەتتى تىڭعىلىقتى ىستەپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ تاماشا باستاماسىن اشۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ ءۇشىن كۇرەس جاساۋ.
دايىندىق جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ءتوراعالار القاسىن جانە باس حاتشىنى سايلاپ شىقتى. ءماجىلىستىڭ ءتوراعالار القاسى 174 ادامنان ۇيىمداستى، ۋاڭ چىن جينالىستىڭ باس حاتشىسى بولدى.
داۋىسقا سالىپ ماقۇلدانعان ءماجىلىستىڭ كەڭەستىك تارتىبىنە ساي، 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ۇكىمەت قىزمەتىنەن باياندامانى قارايدى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسى جوباسىن قاراپ تەكسەرەدى، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپارى جوباسى بايانداماسىن، 2021 - جىلعى حالىق شارۋاشىلىعى مەن قوعامدىق دامۋ جوسپار جوباسىن قاراپ تەكسەرەدى، ورتالىق پەن جەرگىلىكتى ورىننىڭ 2020 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىننىڭ 2021 - جىلعى مەجە ەسەپ جوباسى بايانداماسىن، ورتالىق پەن جەرگىلىكتى ورىننىڭ 2021 - جىلعى مەجە ەسەپ جوباسىن قاراپ تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ۇيىمدىق زاڭىن (وزگەرىس ەنگىزىلگەن جوباسى)» قاراۋعا ۇسىنۋ جونىندەگى كەڭەستىك جوبانى قارايدى، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ءىس قاراۋ ەرەجەسىن (وزگەرىس ەنگىزىلگەن جوباسى)» قاراۋعا ۇسىنۋ جونىندەگى كەڭەستىك جوبانى قارايدى، مەملەكەتتىك حالىق قۇرىلتايى تۇراقتى كوميتەتىنىڭ «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن (جوبا)» قاراۋعا ۇسىنۋ جونىندەگى كەڭەستىك جوبانى قارايدى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارايدى، ەڭ جوعارى حالىق سوتى مەكەمەسىنىڭ قىزمەت بايانداماسىن قارايدى، ەڭ جوعارى حالىق پروكۋراتۋراسىنىڭ قىزمەت بايانداماسىن قارايدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، باس حاتشى ياڭ جىن - ۋ جيىنعا قاتىناستى.
