شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 5 - كۇنى تۇستەن بۇرىن ساعات 9دا حالىق سارايىندا اشىلادى، مەملەكەتتىك كەڭەستىڭ زۇڭليى لي كىچياڭنىڭ ۇكىمەت قىزمەتى جونىندەگى بايانداماسىن تىڭدايدى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسى جوباسىن قاراپ تەكسەرەدى، مەملەكەتتىك كەڭەستىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن، سونداي - اق 2021 - جىلعى حالىق شارۋاشىلىعى مەن قوعامدىق دامۋ جوسپار جوباسىن قاراپ تەكسەرەدى، مەملەكەتتىك كەڭەستىڭ ورتالىق پەن جەرگىلىكتى ورىننىڭ 2020 - جىلعى مەجە ەسەبىنىڭ اتقارىلۋ جاعدايى مەن ورتالىق پەن جەرگىلىكتى ورىننىڭ 2021 - جىلعى مەجە ەسەپ جوباسى جونىندەگى بايانداماسىن جانە ورتالىق پەن جەرگىلىكتى ورىننىڭ 2021 - جىلعى مەجە ەسەپ جوباسىن قاراپ تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىننىڭ جۇڭحۋا حالىق رەسپۋبليكاسىنىڭ مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جوباسى جونىندەگى تۇسىنىگىن، جۇڭحۋا حالىق رەسپۋبليكاسىنىڭ مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جوباسى جونىندەگى تۇسىنىگىن، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوباسى تۋرالى تۇسىنىگىن تىڭدايدى. تۇستەن كەيىن ءارقايسى ۋاكىلدەر ۇيىرمەلەرى جالپى جيىن اشىپ، ۇكىمەت قىزمەتىنەن باياندامانى قارايدى.
3 - ايدىڭ 5 - كۇنى تۇستەن بۇرىن مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان مەملەكەتتىك ساياسي كەڭەستىڭ مۇشەلەرى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلۋ جينالىسىنا سىرتتاي قاتىناسىپ، ۇكىمەت قىزمەتىنەن باياندامانى تىڭدايدى. 3 - ايدىڭ 5 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى گرۋپپالار جيىنىن اشىپ، مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن بايانداماسىن جانە ۇسىنىس جوبا قىزمەتى جاعدايى بايانداماسىن قارايدى.
ورتالىق راديو - تەلەۆيزيا باس ستانسياسى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلۋ جينالىسىن ۇستىنەن تىكە تاراتادى، شينحۋا سايتى اشىلۋ جينالىسىن سۋرەت، ماقالا فورماسىمەن ۇستىنەن تىكە تاراتادى.
