− 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلعاندىعىن قىزۋ قۇتتىقتايمىز
حالىق گازەتى باسماقالاسى
كوكتەم بايتاق دالاعا قايتا ورالىپ، كۇللى تىرشىلىك جارىسا جانداندى. بۇگىن جالپى جۇرت كوز تىككەن 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى شىمىلدىعىن اشتى. مەملەكەتتىك حالىق قۇرىلتايىنىڭ 3000عا تاياۋ ۋاكىلى بەيجيڭدە باس قوسىپ، ”14 - بەسجىلدىق“ دامۋ ءىرى جوباسىن بىرگە اقىلداسىپ، رەفورمانىڭ، دامۋدىڭ جاڭا تاراۋىن بىرگە جوسپارلادى. ءبىز ءماجىلىستىڭ اشىلعاندىعىن قىزۋ قۇتتىقتايمىز!
قيىندىق بولسا، قايسارلىق ايگىلەنەدى، شىڭدالۋ بولسا، بارلىعى ورىندالادى. 2020 - جىل جاڭا جۇڭگو تاريحىنداعى وتە ايرىقشا جىل بولدى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ەل بىرلىگىنەن بەرىك قامال ورناتۋعا، قيىندىققا قاسقايا قارسى اتتانۋعا ىنتىماقتاستىرىپ، باستاپ، ىندەتپەن شايقاس جۇرگىزىپ، تاسقىنعا قارسى اتتانىپ، رەفورمانى جەبەپ، ەسىك اشۋدى ىلگەرىلەتىپ، كەدەيلىكتەن ارىلتۋدى يگەرىپ، حالىق تۇرمىسىنا يگىلىك جەتكىزىپ، ارتۋعا كەپىلدىك ەتىپ، كەلەلى جاعدايدى ورنىقتىرىپ، دۇنيە جۇزىندە ىندەتتىڭ ءورشۋىن الدىمەن تىزگىندەپ، بۇكىل الەمدەگى نەگىزگى ەكونوميكالىق تۇلعالاردىڭ ىشىندە ەكونوميكالىق وڭ ارتۋدى الدىمەن جۇزەگە اسىرىپ، ءتۇرلى ىستەردە تىڭ دا كەلەلى تابىستارعا قول جەتكىزىپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحقا جازىلاتىن جاۋاپناما تاپسىردى. وتكەن 5 جىلعا قايىرىلا قاراساق، ۇزدىكسىز كۇرەس جۇرگىزۋ ارقىلى ”13 - بەسجىلدىق“ جوبانىڭ باستى نىسانالارى مەن مىندەتتەرى جەڭىسپەن ورىندالىپ، جاپپاي دوڭگەلەك داۋلەتتى قوعام ورناتۋ ۇلى تاريحي تابىسقا قول جەتكىزىپ، كەدەيلىكتەن ارىلتۋدان قامال الۋدىڭ شەشۋشى شايقاسى جالپى بەتتىك جەڭىسكە قول جەتكىزىپ، جۇڭحۋا ۇلتىنىڭ ۇلى گۇلدەنۋى الدىعا قاراي تىڭ دا ارشىندى قادام تاستادى. بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ ارتىقشىلىعىن ايگىلەدى، بۇكىل پارتيانى، بۇكىل ەلدەگى ءار ۇلت حالقىن كۇش ۇستىنە كۇش قوسىپ، ەكىنشى 100 جىلدىق كۇرەس نىساناسىنا قاراي ۇزدىكسىز ەرلىكپەن العا ىلگەرىلەۋگە شابىتتاندىرادى.
قىم - قۋىت كۇردەلى حالىقارالىق جاعداي، جاپالى دا اۋىر رەفورما، دامۋ، ورنىقتىلىق مىندەتتەرى الدىندا، مەملەكەتتىك حالىق قۇرىلتايى مەن ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، زاڭ بويىنشا مىندەت اتقارىپ، بەلسەنە ىسكەرلىك كورسەتىپ، نەگىزگى زاڭنىڭ اتقارىلۋىن جانە ونى باقىلاۋدى كۇشەيتىپ، ازاماتتىق زاڭنامانىڭ اتقارىلۋىن ىلگەرىلەتۋ قىزمەتىن جاقسى ىستەپ، ىندەتتەن ساقتانۋ - تىزگىندەۋ كۇرەسىنە، الەۋمەتتىك دەنساۋلىق ساقتاۋدىڭ زاڭمەن جونگە سالۋ ساقتىق شەبىن بەكەمدەۋگە بەلسەندىلىكپەن ات سالىسىپ، شياڭگاڭ ەرەكشە اكىمشىلىك رايونىنىڭ نەگىزگى زاڭدىق ءتارتىبىن، زاڭمەن جونگە سالۋ ءتارتىبىن قورعاپ، زاڭمەن جونگە سالۋ فورماسىن قولدانىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋگە دەم بەرىپ، ءتۇيىندى سالالارداعى زاڭ شىعارۋدى جەدەل ىلگەرىلەتىپ، قىزمەتتىك باقىلاۋ مەن زاڭدىق باقىلاۋدى زاڭ بويىنشا ورىستەتىپ، كەلەلى قىزمەت ورنالاستىرۋلارىن ىلگەرىلەتۋگە، ەلەۋلى حاۋىپ - قاتەرلەرگە، سىن - سايىستارعا توتەپ بەرۋگە، مەملەكەتتىڭ حاۋىپسىزدىگىن قورعاۋعا زاڭدىق قامتاماسىزدىق ازىرلەپ، پارتيا ورتالىق كوميتەتىنىڭ حالىق قۇرىلتايى قىزمەتىنە قويعان جاڭا تالاپتارىن تياناقتاندىرىپ، حالىق بۇقاراسىنىڭ جاڭا ءۇمىت - تىلەگىنە جاۋاپ قاتىپ، مەملەكەتتىڭ بيلىك ورگانىندىق فۋنكتسياسىن ءونىمدى ساۋلەلەندىردى.
مەملەكەتتىڭ گۇلدەنۋى مەن قۇلدىراۋى تۇزىمگە بايلانىستى، حالىقتىڭ الاڭسىزدىعى جونگە سالۋعا بايلانىستى. بيىل ”14 - بەسجىلدىق“ باستالعان جىل ءارى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالاتىن ءبىرىنشى جىل. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ بولاشاق 5 جىلداعى، سونداي - اق 15 جىلداعى دامۋىنا ايقىن باعدار كورسەتىپ، جاپپاي سوتسياليستىك وسىزاماندانعان مەملەكەت قۇرۋعا ايبىندى جوبا جاسادى. پارتيا مەن مەملەكەت ىستەرىنىڭ تەز قارقىنمەن دامۋى حالىق قۇرىلتايى ءتۇزىمىنىڭ امالياتتىق ءمانىن بايىتتى. حالىق قۇرىلتايى قىزمەتىنىڭ جاندى امالياتى جۇڭگوشا سوتسياليستىك دەموكراتيالىق ساياسيدىڭ، حالىق قۇرىلتايى ءتۇزىمىنىڭ كورنەكتى ارتىقشىلىعى مەن جالىندى ومىرشەڭدىك كۇشىن ونان ارى ايگىلەدى. ”14 - بەسجىلدىقتا“ كۇرەس جۇرگىزۋ، جاڭا جورىقتا ەكپىندەي ىلگەرىلەۋ ءۇشىن، ءبىز حالىق قۇرىلتايى ءتۇزىمىنىڭ ءتۇبىرلى ساياسي ءتۇزىم رولىن تولىق ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا حالىق قۇرىلتايىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىقتىڭ قولىنا مىقتاپ ۇستاتۋىمىز كەرەك.
”بيلىك − حالىق، حالىق − بيلىك“. ”قوس 100 جىلدىق“ كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، ءسوز جوق، حالىق تۇرعىسىندا بەرىك تۇرىپ، حالىقتىڭ تۇلعالىق ورنىنا تاباندى بولىپ، ءبىر ميلليارد 400 ميلليون جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن تەلەگەي كۇش ەتىپ ۇيىستىرۋ كەرەك. حالىق دەموكراتياسى − سوتسياليزمنىڭ جانى، ەلىمىزدىڭ سوتسياليستىك دەموكراتياسى − حالىقتىڭ ءتۇبىرلى مۇددەسىن قورعايتىن ەڭ كەڭ كولەمدى، ەڭ شىنايى، ەڭ جارامدى دەموكراتيا. حالىقتىڭ قوجايىن بولۋىنا كەپىلدىك ەتۋدە جانە ونى دامىتۋدا حالىقتىڭ ءۇنىن دەن قويا تىڭداپ، حالىقتىڭ اقىل - پاراساتىن ۇيىستىرىپ، حالىقتىڭ ءۇمىت - تىلەگىنە جاۋاپ قاتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن ۇزدىكسىز ويداعىداي شەشىپ، ەڭ قالىڭ حالىقتىڭ اقىل - پاراساتى مەن كۇش - قۋاتىن ۇيىستىرۋ كەرەك. حالىق دەموكراتياسىن كەڭەيتىپ، دەموكراتيا ءتۇزىمىن اقاۋسىزداندىرىپ، دەموكراتيا فورماسىن بايىتىپ، دەموكراتيا ارناسىن كەڭەيتىپ، ءار ساتىدا، ءار سالادا ازاماتتاردىڭ ساياسيعا تارتىپپەن ات سالىسۋىن كەڭەيتىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز حالىق دەموكراتياسىن دامىتساق بولعانى، ءبىزدىڭ ءتۇبىرلى ساياسي ءتۇزىمىمىز باستان - اياق تەرەڭ دە بەرىك نەگىزگە يە بولادى، ءبىزدىڭ ىستەرىمىز ۇزدىكسىز جەڭىستەن تىڭ جەڭىستەرگە جەتە بەرەدى.
”اۋقىمنان پايدالانا ءبىلۋ، ءدوپ كەلگەن ورايدى قولدان بەرمەۋ كەرەك.“ ”قوس 100 جىلدىقتىڭ“ تاريحي توعىسىندا 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ماڭىزدى بورىش پەن جاۋاپكەرشىلىك ارقالاپ وتىر. قالىڭ ۋاكىلدەردىڭ باستاما اشۋ، قادام تاستاۋ جىلىن تياناق ەتىپ، ءبىر نيەتپەن، ءبىر باعىتتا كۇش قوسىپ، مىندەتتى مۇقيات اتقارىپ، جاۋاپكەرشىلىكتى ادا ەتىپ، حالىقتىڭ كەلەلى تاپسىرماسىن ورىنداپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەستەر قوسۋىن كۇتەمىز!
ءماجىلىستىڭ تولىق تابىستى بولۋىنا تىلەكتەسپىز!
(شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)
