مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى بەيجيڭدە اشىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى بەيجيڭدە اشىلدى

    شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى

  ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، جاڭ چيڭلي باسقاردى، گۋ شىڭزۋ ۇسىنىس جوبا قىزمەتى جاعدايىنان بايانداما جاسادى

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى بەيجيڭ حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ءتوراعالار مىنبەسىنەن ورىن الدى، ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى بەيجيڭ حالىق سارايىندا اشىلدى. مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

   شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. ءبىر نيەت، ءبىر تىلەكپەن ارماندى تۇلعالاپ، گۇلدەنۋ ۇلى ىسىنە بىرگە قولعابىس ەتىپ، قولايلى جاعدايدان ۇتىمدى پايدالانىپ، شىت جاڭا ساپاردى باستادى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2100دەن استام مۇشەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، نازاردى ”14 - بەسجىلدىق“ جوبا باعدارلاماسىن جاساۋ مەن اتقارۋعا شوعىرلاندىرىپ، تىڭعىلىقتى تۇردە مىندەت وتەپ، جاۋاپكەرشىلىكتى ادا ەتىپ، بەلسەندى تۇردە ۇسىنىس قويىپ، مەملەكەت ءىسىن اقىلداسىپ، ورتاق تانىمدى كەڭ كولەمدە ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە اقىل - پاراسات جانە كۇش - قۋات توپتايدى.

  مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

   پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

   مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسۋعا ءتيىستى مۇشە 2159 ادام، ناقتى قاتىناسقانى 2106 ادام، بۇل بەلگىلەمەدەگى ادام سانىنا ۇيلەسەدى.

  تۇستەن كەيىن ساعات 3تە جاڭ چيڭلي ءماجىلىستىڭ اشىلعاندىعىن جاريالادى، زالداعىلار تۇگەلدەي ورىندارىنان تۇرىپ، مەملەكەت ءانىن شىرقادى.

  ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 4 - ءماجىلىسىنىڭ كەڭەستىك ءتارتىبىن قاراپ ماقۇلدادى.

   ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

   ۋاڭ ياڭ بىلاي دەپ اتاپ كورسەتتى: 2020 - جىل جاڭا جۇڭگو تاريحىنداعى وتە ايرىقشا جىل بولدى. جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ - تىزگىندەۋمەن جانە ەكونوميكالىق، قوعامدىق دامۋمەن تىعىز بايلانىستىرا وتىرىپ مۇقياتتىلىقپەن مىندەت وتەپ، جاۋاپكەرشىلىكتى ادا ەتىپ، قوعامداعى نازار اۋدارىلعان كەلەلى ىستەردى كوزدەي وتىرىپ يدەيالىق - ساياسي جەتەكشىلىكتى شىن مانىندە كۇشەيتىپ، ارناۋلى كەڭەس قۇرىلىمى ءتۇزىمى قۇرىلىسىن مىقتاپ يگەرىپ، قىزمەت ونىمدىلىگىن كۇشەيتىپ، ”13 - بەسجىلدىق“ نىسانانى جۇزەگە اسىرۋعا بەلسەندى ۇلەس قوستى، ارناۋلى كەڭەس قۇرىلىمى قۇرىلىسى جاڭا بەت - بەينەنى ايگىلەدى، وزەكتى مىندەتكە قىزمەت وتەۋدە جاڭا ناتيجەگە قول جەتكىزدى، قالىڭ ساياسي كەڭەس مۇشەلەرى ەرەكشە جىلدا ەرەكشە ”مۇشەلىك تاپسىرما“ ورىندادى.

  ۋاڭ ياڭ وتكەن ءبىر جىلداعى مەملەكەتتىك ساياسي كەڭەس قىزمەتىن 5 جاقتان قورىتىندىلادى. ءبىرىنشى، نازاريا ۇيرەنۋدى تەرەڭدەتىپ، مۇشەلەردىڭ كىتاپ وقۋ قيمىلىن ىشكەرىلەي ورىستەتىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ يدەيالىق نەگىزىن ونان ارى بەكەمدەدى. ەكىنشى، ىشكەرىلەي كەڭەسىپ مىندەت وتەپ، ءار ءتۇرلى كەڭەسۋ فورماسىن ءونىمدى تۇردە قولدانىپ، ينتەرنەتتە ۇكىمەت ءىسىن كەڭەسۋ ابزالدىلىعىن ساۋلەلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا مىندەت وتەۋ قيمىلدارىنىڭ بوساڭسىماۋىنا، رەتسىز بولماۋىنا، ءۇزىلىس جاساماۋىنا شىنايى كەپىلدىك ەتتى. ءۇشىنشى، مۇشەلەر ساباقحاناسى، كەلەلى ارناۋلى قىزمەت مۇشەلەر ۇگىت - لەكسيا ۇيىرمەسى، سىرلاسۋ، اڭگىمەلەسۋ سياقتى دانەكەر تۇعىرلاردى ۇزدىكسىز كەمەلدەندىرىپ، پارتيا ىشىنەن پارتيا سىرتىنا دەيىن، مۇشەلەردەن سالالارداعى بۇقاراعا دەيىن ورتاق تانىم ۇيىستىرۋ قىزمەت ارناسىن اقاۋسىزداندىرىپ، ىنتىماق پەن سەلبەستىك وڭ ەنەرگياسىن توپتادى. ءتورتىنشى، ساياسي كەڭەس قىزمەت ءتۇزىمى جۇيەسىن كەمەلدەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىنىڭ تەرەڭدەي دايەكتىلەنۋىن، ناقتىلانۋىن ىلگەرىلەتتى. بەسىنشى، ءوز قۇرىلىسىن كۇشەيتىپ، ارناۋلى كوميتەتتەردىڭ سالالارمەن بايلانىس ورناتۋ، مۇشەلەرگە قىزمەت وتەۋ يقۋاتىن ساۋلەلەندىرىپ، ساياسي كەڭەس قىزمەتىنىڭ ساپاسى مەن دەڭگەيىن جوعارىلاتتى.

  ۋاڭ ياڭ بىلاي دەپ باسا دارىپتەدى: 2021 - جىل − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى باستالعان تۇڭعىش جىل. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ىنتىماق پەن دەموكراتيا سىندى ەكى ءىرى نەگىزگى تاقىرىپقا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ كەلەلى ساياساتتارى مەن باعىتتارىن جانە شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى ارقاۋ ەتىپ، ۇسىنىس قويىپ، مەملەكەت ءىسىن اقىلداسۋ جانە ورتاق تانىم ۇيىستىرۋ قىزمەتىن ويداعىداي ىستەپ، جوعارى دەڭگەيدە مىندەت وتەۋ ارقىلى جوعارى ساپالى دامۋعا قىزمەت وتەپ، ”14 - بەسجىلدىقتا“ جاقسى باستاما باستاۋعا، جاقسى قادام تاستاۋعا كوپتىڭ اقىل - پاراساتىن ۇيىستىرۋ، كوپتىڭ كۇش - قۋاتىن توپتاۋ كەرەك.

  ۋاڭ ياڭ بىلاي دەپ باسا دارىپتەدى: ارناۋلى كەڭەس قۇرىلىمىنىڭ ساياسي كەڭەسۋدى جان - جاقتى ۇستىنە الۋ سيپاتىن تۇراقتاندىرۋ − مەملەكەتتىڭ جونگە سالۋ جۇيەسىنىڭ ورگانيكالىق قۇرامداس ءبولىمى، جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ سوتسياليستىك دەموكراتيانى دامىتۋداعى، ”جۇڭگونىڭ جونگە سالۋ جولىن“ اشۋداعى ماڭىزدى تۇزىمدىك جوبا جانە وزگەشە جونگە سالۋ تۇعىرى. باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن جاپپاي تياناقتاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، حالىق ساياسي كەڭەسى ءتۇزىمىنىڭ ابزالدىلىعىن مەملەكەتتى جونگە سالۋ ونىمدىلىگىنە ونان ارى اينالدىرۋ كەرەك. ارناۋلى كەڭەس قۇرىلىمىنىڭ ءتۇزىم ابزالدىلىعىن تەرەڭ يگەرىپ، ءىستى كەڭەسپەن ىستەۋ، كوپتىڭ ءىسىن كوپ بولىپ اقىلداسۋدى تۇزىمدەندىرۋ امالياتىن ۇزدىكسىز بايىتۋ كەرەك. ارناۋلى كەڭەس قۇرىلىمى قىزمەتى ءتۇزىمىن ۇزدىكسىز كەمەلدەندىرىپ، امالياتتى باعدار ەتۋگە تاباندى بولىپ، كەڭەس مادەنيەتىن جەتىلدىرىپ، ساياسي كەڭەستىڭ كەڭەسۋلەرىنىڭ باسقا كەڭەسۋ فورمالارىمەن ۇشتاسۋىن، سايكەسۋىن جەبەۋ كەرەك. ارناۋلى كەڭەس قۇرىلىمىنىڭ مىندەت وتەۋ قابىلەتىن كۇش سالا جوعارىلاتىپ، مۇشەلەردىڭ كەڭەسۋ قاعيداسىن اناعۇرلىم جاقسى قولدانىپ، پىكىرلەسۋ ءادىسىن يگەرىپ، جاۋاپكەرشىلىكتى كوكەيدە ساقتاپ، جاۋاپكەرشىلىكتى ارقالاپ، ارەكەتتە ادا ەتىپ، وتان ءۇمىتىن اقتاۋ مۇراتىن، حالىق ءۇشىن ىستەۋ تىلەگىن جانە مىندەت وتەۋ قابىلەتىن اناعۇرلىم جاقسى ۇشتاستىرىپ، جاڭا ساپاردا ساياسي كەڭەس مۇشەلەرىنىڭ جاڭا جاۋاپكەرشىلىگىن ايگىلەۋ كەرەك.

  مەملەكەتتىك ساياسي كەڭەستىڭ ورىنباسار ءتوراعاسى گۋ شىڭزۋ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە ساياسي كەڭەس 13 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ساياسي كەڭەس مۇشەلەرى، ساياسي كەڭەسكە قاتىناسۋشى ورىندار 5974 ۇسىنىس جوبا ۇسىندى، 5044ى ەستەلىككە الىندى. ۇسىنىس جوبالار ءداۋىر تىنىسىمەن تىعىز بايلانىستىرىلىپ، نازاردى وزەكتى قىزمەتكە شوعىرلاندىرىپ، حالىققا دەگەن سۇيىسپەنشىلىكتى قامتىدى، مۇشەلەردىڭ ماڭداي تەرى مەن اقىل - پاراساتى شوعىرلانىپ، قالىڭ بۇقارانىڭ ارمان - تىلەگى مەن ءۇمىتىن ارقالادى. ۇسىنىس جوبالاردى ءبىر جاقتى ەتۋدى ۇستىنە العان ورىندار ىندەتتىڭ ىقپالىن جەڭىپ، جاۋاپكەرشىلىكتى ساتى سايىن ناقتىلاندىردى، ءبىر جاقتى ەتىلىپ جاۋاپ قايتارىلۋ مولشەرى %99.64كە جەتتى. ساياسي كەڭەستىڭ ۇسىنىس جوبا قىزمەتى پارتيا مەن مەملەكەت ىستەرىنىڭ دامۋىنا قىزمەت وتەۋگە بەلسەندى ۇلەستەر قوستى.

   ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا ءتوراعالار مىنبەسىنەن ورىن الدى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. ءار ەلدىڭ جۇڭگوداعى ەلشىلەرى، ت.ب ۇسىنىس بويىنشا اشىلۋ ماجىلىسىنە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.