انار بۇلت/شينجياڭ گازەتىنىڭ تىلشىلەرى يۋان لەي، جاڭ يۇنمەي، چىن چياڭۋيدىڭ 3 - ايدىڭ 5 - كۇنى بەيجيڭنەن جالعاپ بەرگەن حابارى. 3 - ايدىڭ 5 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەس مۇشەلەرى مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى سالالىق گرۋپپالار بويىنشا قارادى.
شينجياڭدا تۇراتىن مەملەكەتتىك ساياسي كەڭەس مۇشەسى نۇرلان ءابىلماجىن گرۋپپانىڭ باياندامانى قاراۋىنا قاتىناستى.
مۇشەلەر بىلاي دەپ قارادى: تۇراقتى كوميتەتتىڭ قىزمەت بايانداماسىنىڭ نەگىزگى تاقىرىبى ايقىن، ءتۇيىندى كورنەكتىلەندىرگەن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جالپى بارىسىنا ءسىڭىرىپ، ءبىر جىلدان بەرگى مەملەكەتتىك ساياسي كەڭەستىڭ تۋراشىلدىقتى ساقتاپ، جاڭالىق اشقانىن، شىندىققا جۇگىنىپ، ناقتى ءىس ىستەگەنىن، قول جەتكىزگەن سۇبەلى نازاريالىق جاسامپازدىق، امالياتتىق جاسامپازدىق جانە تۇزىمدىك جاسامپازدىق تابىستارىن جاپپاي ايگىلەپ، ءاربىر ءسوز - سويلەمدەرىنەن ەكى كەلەلى جاعدايعا، مەملەكەتتىڭ ءىرى ىستەرىنە قىزمەت وتەۋ بورىش جاۋاپكەرشىلىگىن كوكەيدە ساقتاعانى اڭعارىلىپ، ادامعا وي سالىپ، سەنىم سيلاپ، كۇش - قۋات بەرەدى.
”’بىلىكتىلەر ساياسي كەڭەسى‘ ارقىلى ’بىلىكتىلەر قوعام‘ قۇرىلىسىن“ دەمەدى، ”ەرەكشە جىلدا ەرەكشە مۇشەلىك تاپسىرما“ ورىندادى، ”ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا مىندەت وتەۋ قيمىلدارىنىڭ بوساڭسىماۋىنا، رەتسىز بولماۋىنا، ءۇزىلىس جاساماۋىنا“ شىنايى كەپىلدىك ەتتى... مۇشەلەر بىلاي دەپ قارادى: باياندامانىڭ ءتىلى جاندى، ءاربىر ءسوز - سويلەمدەرى ناقتى ءىس ىستەۋ، جاۋاپكەرشىلىك ارقالاۋدى شەشىپ بايىمداپ، مىندەت وتەۋ ونىمدىلىكتەرىن شىنايى ەستەلىككە الىپ، كوپشىلىكتىڭ حالىق ساياسي كەڭەسىنىڭ فۋنكتسيالىق ورنىنا بولعان تۇسىنىگى مەن سەنىمىن اناعۇرلىم تەرەڭدەتىپ، كەڭەسۋ ارقىلى زەيىن - زەردەنى ءونىمدى شوعىرلاندىرىپ، زەيىن - زەردەنى شوعىرلاندىرۋ ارقىلى كۇش توپتاۋدى جۇزەگە اسىردى.
مۇشەلەر مىنالاردى ءبىلدىردى: ”14 - بەسجىلدىق“ باستالعان جىلدا جاڭا ساپاردا ەكپىندەي ىلگەرىلەۋ ءۇشىن ءبىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، مەملەكەتتىك ساياسي كەڭەس قىزمەتىنىڭ جاقسى تاجىريبەلەرىن، جاقسى ادىستەرىن مۇقيات ۇيرەنىپ، قىزمەتتىڭ جاپپاي ساپاسىن جوعارىلاتۋدى، ونىمدىلىگىن ارتتىرۋدى ىلگەرىلەتەمىز. باياندامادا ورتاعا قويىلعان ”ۇلى ىنتىماقتى، ۇلى بىرلىكتى كۇشەيتۋدى نىسانا ەتىپ، زەيىن - زەردەنى ۇيىستىرىپ، كۇش - قۋاتتى توپتاۋعا كۇش سالۋ“ تالابىنا ساي، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ”توعىسۋعا“، ”كەڭەيتۋگە“، ”جەتەكشىلىك ەتۋگە“ كۇش سالىپ، ورتاق تانىم ۇيىستىرۋدى مىندەت وتەۋدىڭ جالپى بارىسىنا ءسىڭىرىپ، ساياسي كەڭەستىڭ ورتاق تانىم ۇيىستىرۋداعى ءتۇزىم ابزالدىلىعىن جونگە سالۋ ونىمدىلىگىنە شىنايى اينالدىرامىز.
مۇشەلەر مىنالاردى ءبىلدىردى: حالىق ساياسي كەڭەسى ىستەرىن ويداعىداي دامىتۋ مۇشەلەردىڭ جاۋاپكەرشىلىك ارقالاۋىن كۇشەيتۋدى ءتىپتى دە قاجەت ەتەدى، مىندەت وتەۋ قابىلەتىن كۇشەيتىپ، ساياسي يگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسۋ، ىستەس بولۋ قابىلەتىن جالپى بەتتىك كۇشەيتىپ، جاۋاپكەرشىلىكتى كوكەيدە ساقتاپ، جاۋاپكەرشىلىكتى ارقالاپ، جاۋاپكەرشىلىكتى ارەكەتتە ادا ەتىپ، ”14 - بەسجىلدىق“ جوبانى اتقارۋعا قىزمەت وتەۋدى نەگىزگى جەلى ەتىپ، وتان ءۇمىتىن اقتاۋ مۇراتىن، حالىق ءۇشىن ىستەۋ تىلەگىن جانە مىندەت وتەۋ قابىلەتىن اناعۇرلىم ويداعىداي ۇشتاستىرىپ، جاڭا ساپاردا ساياسي كەڭەس مۇشەلەرىنىڭ جاڭا جاۋاپكەرشىلىگىن ايگىلەپ، جاڭا داۋىردە ايبىندى جاڭا تاراۋدى جالعاستىرىپ جازامىز.
شينجياڭدا تۇراتىن مەملەكەتتىك ساياسي كەڭەس مۇشەلەرى پىڭ يۇڭ، دۇڭ شينگۋاڭ، ليۋ جيانشين، ۋان حايچۋان، كۇڭ شيڭلۇڭ، عايرات ءومار، ءمۇتالىپ قاسىم، ماعاۋ سەيىتقامزا، ورگۇل جاپپار قاتارلىلار باياندامانى قاراۋعا قاتىناستى.
