شي جينپيڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى
لي كىچياڭ ۇكىمەت قىزمەتىنەن بايانداما جاسادى لي جانشۋ ءماجىلىستى باسقاردى
14 - بەسجىلدىق جوبانى جانە 2035 - جىلعا دەيىنگى بولاشاقتىق نىسانا باعدارلاماسى جوباسىن قاراپ تەكسەردى، مەملەكەتتىك حالىق قۇرىلتايى ۇيىمدىق زاڭىنىڭ وزگەرىس ەنگىزىلگەن جوباسى جانە ءىس قاراۋ ەرەجەسىنىڭ وزگەرىس ەنگىزىلگەن جوباسى تۋرالى، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوبا تۋرالى تۇسىنىكتى تىڭدادى
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭ حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى، لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭ حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭ حالىق سارايىندا اشىلدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 3 - ايدىڭ 5 - كۇنى بەيجيڭنەن بەرگەن حابارى. العاشقى كوكتەمدەگى بەيجيڭدە بارلىق جەردەن تىرشىلىك تىنىسى جالىن اتتى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 5 - كۇنى تۇستەن بۇرىن حالىق سارايىندا اشىلدى. مەملەكەتتىك حالىق قۇرىلتايىنىڭ 3000عا تارتا ۋاكىلى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا جۇكتەلگەن قاسيەتتى قىزمەت جاۋاپكەرشىلىكتەرىن مۇقيات وتەدى.
حالىق سارايىنىڭ 10 مىڭ ادامدىق ۇلكەن زالى ايبىندى دا قىزۋ مەرەيگە شومدى، ءتوراعالار مىنبەسىندەگى شىمىلدىقتىڭ ءدال ورتاسىنداعى مەملەكەت گەربى نارت قىزىل تۋدىڭ ايشىقتاۋىمەن نۇر - شۇعىلا شاشتى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسۋعا ءتيىستى ۋاكىل 2953 ادام. 3 - ايدىڭ 5 - كۇنى تۇستەن بۇرىنعى ماجىلىسكە 2900 ادام قاتىناستى، 53 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9دا لي جانشۋ جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلعاندىعىن جاريالادى. زالداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
ءماجىلىستىڭ كەڭەستىك ءتارتىبى بويىنشا مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما 3 بولىكتەن قۇرالعان: ءبىرىنشى، 2020 - جىلعى قىزمەتتەرگە شولۋ؛ ەكىنشى، ”13 - بەسجىلدىق“ مەزگىلىندەگى دامۋ تابىستارى مەن ”14 - بەسجىلدىق“ مەزگىلىندەگى باستى نىسانا - مىندەتتەر؛ ءۇشىنشى، 2021 - جىلعى ءتۇيىندى قىزمەتتەر.
لي كىچياڭ باياندامادا بىلاپ دەپ اتاپ كورسەتتى: وتكەن ءبىر جىل جاڭا جۇڭگو تاريحىنداعى تىم ەرەكشە جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقى قايسارلىقپەن كۇرەس جاساپ، ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزدى، الەمدەگى باستى ەكونوميكالىق تۇلعالار ىشىندە ەكونوميكاسى وڭ ارتقان بىردەن - ءبىر تۇلعا رەتىندە، ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە جەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە شەشۋشى تابىستارعا قول جەتكىزىپ، حالىق رازى بولاتىن، كۇللى دۇنيە كوز تىككەن، تاريح پاراعىنا جازىلاتىن جاۋاپناما تاپسىردى.
لي كىچياڭ باياندامادا ءبىر جىلدان بەرگى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جاعدايىن 7 جاقتان قورىتىندىلادى: بازار سۋبيەكتتەرىنىڭ شۇعىل قاجەتى اياسىندا ماكرولىق ساياسات بەلگىلەنىپ جانە اتقارىلىپ، ەكونوميكانىڭ نەگىزگى جۇلگەسى ورنىقتى بولدى؛ جۇمىستاندىرۋدى ورنىقتىرۋعا، حالىق تۇرمىسىن قامتاماسىزداندىرۋعا الدىمەن ءمان بەرىلىپ، حالىق تۇرمىسى شىنايى قامتاماسىز ەتىلدى؛ ءۇش ۇلكەن قامال الۋ شايقاسى باتىل، ويداعىداي جۇرگىزىلىپ، باستى نىسانا - مىندەتتەر ۋاعىندا ورىندالدى؛ رەفورما جاساۋ، ەسىك اشۋ تاباندىلىقپەن ىلگەرىلەتىلىپ، دامۋدىڭ ومىرشەڭدىك قۋاتى مەن ىشكى قوزعاۋشى كۇشى اناعۇرلىم نىعايدى؛ عىلىم - تەحنيكادا جاڭالىق اشۋ بارىنشا جەبەلىپ، كاسىپ سالاسىنىڭ تيبىن وزگەرتۋ، دارەجەسىن جوعارىلاتۋ قادامى تەزدەدى؛ جاڭاشا قالا - قالاشىقتاندىرۋ مەن اۋىل - قىستاقتى گۇلدەندىرۋ ىلگەرىلەتىلىپ، قالا مەن اۋىلدىڭ وڭىرلىك دامۋ ارناسى ۇزدىكسىز ساپالىلاندى؛ اكىمشىلىكتى زاڭ بويىنشا جۇرگىزۋ مەن قوعامدىق قۇرىلىس كۇشەيتىلىپ، قوعامنىڭ جاراسىمدىلىعى مەن ورنىقتىلىعى ساقتالدى.
وتكەن 5 جىلدا ەلىمىزدىڭ ەكونوميكالىق، قوعامدىق دامۋىندا جاڭا تاريحي تابىستارعا قول جەتتى. ”13 - بەسجىلدىق“ مەزگىلىندەگى دامۋ تابىستارىنا شولۋ جاساعاننان كەيىن لي كىچياڭ باياندامادا بىلاي دەپ اتاپ كورسەتتى: ”14 - بەسجىلدىق“ مەزگىلى − جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستايتىن ءبىرىنشى بەس جىل. «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جاساۋ جانە 2035 - جىلعا دەيىنگى بولاشاقتىق نىسانا جونىندەگى ۇسىنىسىنا» ساي، مەملەكەتتىك كەڭەس «حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسىن (جوبا)» جاسادى. باعدارلاما جوباسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىساناسى مەن ماڭىزدى مىندەتتەرىن ناقتىلاندىرىپ جانە ساندى كورسەتكىشتەرگە اينالدىرىپ، تولىق نۇسقاسىن ءماجىلىستىڭ قاراپ تەكسەرۋىنە تاپسىردى.
لي كىچياڭ باياندامادا بىلاي دەپ اتاپ كورسەتتى: باعدارلاما جوباسى دامۋدىڭ ساپاسى مەن ونىمدىلىگىن كۇش سالا جوعارىلاتىپ، ەكونوميكانىڭ باياندى، اقاۋسىز دامۋىن ساقتاۋعا كۇش سالدى. ەكونوميكالىق اينالىمدى ۇيلەسىمدى ارالىقتا ساقتاۋ، ءار جىلى جاعدايعا قاراي ەكونوميكانى ارتتىرۋدىڭ مەجەلى نىساناسىن ورتاعا قويۋ، جالپى جۇمىسشى - قىزمەتكەرلەردىڭ ەڭبەك ءوندىرىس ونىمدىلىگىنىڭ ارتۋى ىشكى ءوندىرىستىڭ جالپى ءونىم قۇنىنىڭ ارتۋىنان جوعارى بولۋ، قالا - قالاشىقتاردا انىقتالعان جۇمىسسىزدىق مولشەرىن ％5.5 كولەمىندە تىزگىندەۋ، زات باعاسىنىڭ دەڭگەيى جالپى جاقتان ورنىقتىلىقتى ساقتاۋ كەرەك. جاڭالىق اشۋ ارقىلى دامۋعا دەم بەرۋگە تاباندى بولىپ، وسى زامانعى كاسىپ جۇيەسىن جەدەل دامىتۋ كەرەك. قۋاتتى ەل ءىشى بازارىن قالىپتاستىرىپ، جاڭا دامۋ ارناسىن تۇلعالاۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، جاڭاشا قالا - قالاشىقتاندىرۋ ستراتەگياسىن كەمەلدەندىرۋ كەرەك. وڭىرلىك ەكونوميكانىڭ ورنالاسۋىن ساپالىلاندىرىپ، وڭىرلىك سايكەستى دامۋدى جەبەۋ كەرەك. رەفورما جاساۋ، ەسىك اشۋدى جاپپاي تەرەڭدەتىپ، دامۋدىڭ قوزعاۋشى كۇشى مەن ومىرشەڭدىك قۋاتىن ۇزدىكسىز كۇشەيتۋ كەرەك. جاسىل دامۋدى ىلگەرىلەتىپ، ادامنىڭ تابيعاتپەن جاراسىمدى قاتار ءومىر ءسۇرۋىن جەبەۋ كەرەك. حالىقتىڭ ىرىس - قۇتىن ۇزدىكسىز ارتتىرىپ، بىرگە بايۋدى تىڭعىلىقتى ىلگەرىلەتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، اناعۇرلىم جوعارى دەڭگەيدەگى تىنىش جۇڭگو قۇرۋ كەرەك.
لي كىچياڭ باياندامادا بىلاي دەپ اتاپ كورسەتتى: 2021 - جىلعى دامۋدىڭ باستى مەجەلى نىساناسى: ىشكى ءوندىرىستىڭ جالپى قۇنىنىڭ ارتۋى ％6تەن جوعارى بولادى؛ قالا - قالاشىقتاردا 11 ميلليوننان استام ادام تىڭنان جۇمىستانادى، قالا - قالاشىقتاردا انىقتالعان جۇمىسسىزدىق مولشەرى ％5.5 اينالاسىندا بولادى؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرى ％3 شاماسىندا بولادى؛ يمپورت - ەكسپورت مولشەرى ورنىقتى بولىپ، ساپاسى جوعارىلايدى، حالىقارالىق كىرىس - شىعىس نەگىزىنەن تەپە - تەڭ بولادى؛ تۇرعىنداردىڭ كىرىسى ورنىقتى ارتادى؛ ەكولوگيالىق ورتانىڭ ساپاسى اناعۇرلىم جاقسارادى، ىشكى ءوندىرىستىڭ جالپى قۇنىنداعى ەنەرگيانىڭ بىرلىك جۇمسالىمى ％3 اينالاسىندا تومەندەيدى، نەگىزگى لاس زاتتاردىڭ شىعارىلۋ مولشەرى ۇزدىكسىز تومەندەيدى؛ استىقتىڭ ءونىم مولشەرى ءبىر تريلليون 300 ميلليارد جىڭنان جوعارى دەڭگەيدى ساقتايدى.
لي كىچياڭ باياندامادا بىلاي دەپ اتاپ كورسەتتى: 2021 - جىلى 8 جاقتاعى قىزمەت ءتۇيىندى تۇردە ويداعىداي ىستەلەدى: ماكرولىق ساياساتتىڭ ۇلاسپالىلىعى، ورنىقتىلىعى، باياندىلىعى ساقتالىپ، ەكونوميكالىق اينالىمنىڭ ۇيلەسىمدى ارالىقتا بولۋى جەبەلەدى؛ ءتۇيىندى سالالار رەفورماسى ىشكەرىلەي ىلگەرىلەتىلىپ، بازار سۋبيەكتتەرىنىڭ ومىرشەڭدىك قۋاتى ونان ارى تاسقىندايدى؛ تۇلعالىق شارۋاشىلىقتىڭ جوعارى ساپالى دامۋى جاڭالىق اشۋعا سۇيەنىپ ىلگەرىلەتىلىپ، جاڭا قوزعاۋشى كۇش جەتىلدىرىلەدى جانە زورايتىلادى؛ ىشكى سۇرانىستى ۇلعايتۋ سىندى ستراتەگيالىق نەگىزگە تاباندى بولىپ، ىشكى بازاردىڭ كومەسكى كۇشى تولىق اشىلادى؛ اۋىل - قىستاقتى گۇلدەندىرۋ ستراتەگياسى جاپپاي اتقارىلىپ، اۋىل شارۋاشىلىعىنىڭ ورنىقتى دامۋى جانە شارۋالاردىڭ كىرىسىن ارتتىرۋ جەبەلەدى؛ جوعارى دەڭگەيدە سىرتقا ەسىك اشىلىپ، سىرتقى ساۋدا مەن شەتەل قارجىسىنىڭ ورنىقتىلىق بارىسىندا ساپاسىن جوعارىلاتۋ جەبەلەدى؛ لاستانۋدان ساقتانۋ مەن ونى وڭاۋ جانە ەكولوگيالىق قۇرىلىس كۇشەيتىلىپ، ورتا ساپاسى ۇزدىكسىز جاقسارتىلادى؛ حالىقتىڭ ىرىس - قۇتى شىنايى ارتتىرىلىپ، قوعامدىق قۇرىلىس دەڭگەيى ۇزدىكسىز جوعارىلاتىلادى.
باياندامادا لي كىچياڭ تاعى ۇكىمەتتىڭ وزىندىك قۇرىلىسىن كۇشەيتۋ، ۇلت، ءدىن جانە چياۋمين ىستەرى قىزمەتى، مەملەكەت قورعانىسى جانە ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى سياقتىلارعا بايىمداۋ جاسادى.
ءماجىلىستىڭ كەڭەستىك تارتىبىنە ساي، ءماجىلىس حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاماسى جوباسىن، مەملەكەتتىك كەڭەستىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى بايانداماسىن، سونداي - اق 2021 - جىلعى حالىق شارۋاشىلىعى مەن قوعامدىق دامۋ جوسپار جوباسىن، مەملەكەتتىك كەڭەستىڭ ورتالىق پەن جەرگىلىكتى ورىننىڭ 2020 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىننىڭ 2021 - جىلعى مەجە ەسەپ جوباسى جونىندەگى بايانداماسىن، سونداي - اق ورتالىق پەن جەرگىلىكتى ورىننىڭ 2021 - جىلعى مەجە ەسەپ جوباسىن قاراپ تەكسەردى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن جەكە - جەكە مەملەكەتتىك حالىق قۇرىلتايى ۇيىمدىق زاڭىنىڭ وزگەرىس ەنگىزىلگەن جوباسى تۋرالى تۇسىنىك، مەملەكەتتىك حالىق قۇرىلتايى ءىس قاراۋ ەرەجەسىنىڭ وزگەرىس ەنگىزىلگەن جوباسى تۋرالى تۇسىنىك، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوباسى تۋرالى تۇسىنىك جاسادى.
مەملەكەتتىك حالىق قۇرىلتايى ۇيىمدىق زاڭىنىڭ وزگەرىس ەنگىزىلگەن جوباسى تۋرالى تۇسىنىكتە بىلاي دەپ اتاپ كورسەتىلدى: مەملەكەتتىك حالىق قۇرىلتايى ۇيىمدىق زاڭى − مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ ۇيىمدىق ءتۇزىمى جانە قىزمەت ءتۇزىمى جونىندەگى نەگىزدىك زاڭ. پارتيا 18 - قۇرىلتايىنان بەرى باس شۋجي شي جينپيڭ حالىق قۇرىلتايى تۇزىمىنە تاباندى بولۋ جانە كەمەلدەندىرۋ، سوتسياليستىك دەموكراتيالىق ساياسيدى دامىتۋ جونىندە ءبىر قىدىرۋ ماڭىزدى ءسوز سويلەدى. باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە كەمەلدەندىرۋ جونىندەگى ماڭىزدى يدەياسى مەن شي جينپيڭنىڭ زاڭمەن جونگە سالۋ يدەياسىن دايەكتىلەندىرۋدە، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋدا امالياتتىق تاجىريبەلەردى مۇقيات قورىتىندىلاپ، مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزىپ، مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ ۇيىمدىق ءتۇزىمى مەن قىزمەت ءتۇزىمىن ونان ارى كەمەلدەندىرۋ قاجەتتى بولدى. جوبا جيىنى 37 تارماق، باستى وزگەرىس ەنگىزىلگەن مازمۇن مىنالاردى قامتيدى: ”جالپى ەرەجە“ اتتى تاراۋ قوسىلدى؛ مەملەكەتتىك حالىق قۇرىلتايى ءتوراعالار القاسى مەن مەملەكەتتىك حالىق قۇرىلتايى تۇراقتى كوميتەتى كوميتەت باستىقتارى ءماجىلىسىنىڭ قىزمەت ۇقىعىنا قاتىستى بەلگىلەمەلەر كەمەلدەندىرىلدى؛ مەملەكەتتىك حالىق قۇرىلتايىنىڭ ارناۋلى كوميتەتتەرىنە قاتىستى بەلگىلەمەلەر كەمەلدەندىرىلدى؛ باقىلاۋ - تەكسەرۋ ءتۇزىلىس رەفورماسىنىڭ قاجەتىنە ۇيلەسۋ ءۇشىن قاتىستى مازمۇندار قوسىلدى؛ مەملەكەتتىك حالىق قۇرىلتايى تۇراقتى كوميتەتىنىڭ كادرلاردى مىندەتكە تاعايىنداۋ، مىندەتتەن بوساتۋ ۇقىعى اقاۋسىزداندىرىلدى؛ ۋاكىلدەر قىزمەتى كۇشەيتىلىپ، ۋاكىلدەرمەن بايلانىس جاساۋ نىعايتىلدى.
مەملەكەتتىك حالىق قۇرىلتايى ءىس قاراۋ ەرەجەسىنىڭ وزگەرىس ەنگىزىلگەن جوباسى تۋرالى تۇسىنىكتە بىلاي دەپ اتاپ كورسەتىلدى: مەملەكەتتىك حالىق قۇرىلتايى ءىس قاراۋ ەرەجەسى − مەملەكەتتىك حالىق قۇرىلتايى ءماجىلىس ءتۇزىمى مەن قىزمەت ءتارتىبى جونىندەگى نەگىزدىك زاڭ. مەملەكەتتىك حالىق قۇرىلتايى ءىس قاراۋ ەرەجەسىنە وزگەرىس ەنگىزۋ − پارتيانىڭ جاپپاي باسشىلىعىنا تاباندى بولۋداعى، مەملەكەتتىك حالىق قۇرىلتايىنىڭ ساياسي قۇرىلىسىن كۇشەيتۋدەگى ماڭىزدى شارا، جالپى بارىستىق دەموكراتياعا تاباندى بولۋداعى، حالىقتىڭ قوجايىن بولۋىنا كەپىلدىك ەتۋدەگى جانە ونى دامىتۋداعى تۇزىمدىك قامتاماسىزدىق، امالياتتىق تاجىريبەنى ىشكەرىلەي قورىتىندىلاۋداعى، حالىق قۇرىلتايى تۇزىمىنە تاباندى بولۋداعى جانە ونى كەمەلدەندىرۋدەگى وبيەكتيۆ تالاپ، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ رەال قاجەتى. جوبا جيىنى 35 تارماق، باستى وزگەرىس ەنگىزىلگەن مازمۇندار مىنالاردى قامتيدى: ءماجىلىس اشۋدىڭ قاتىستى دايىندىق قىزمەتتەرى ايقىندالدى؛ ءماجىلىس ءتارتىبى قاتايتىلدى؛ ءماجىلىس ءتارتىبى لايىقتى ىقشامدالىپ، ءىس قاراۋ ساپاسى مەن ونىمدىلىگى جوعارىلاتىلدى؛ ءماجىلىستىڭ اشىقتىعى مەن ينفورماتسيالاندىرۋ قۇرىلىسى كۇشەيتىلدى؛ زاڭ جوباسى سياقتى كەڭەستىك جوبالاردى قاراۋ ءتارتىبى كەمەلدەندىرىلدى؛ جوبا باعدارلاماسىن قاراپ تەكسەرۋ، بەكىتۋ جانە رەتتەۋ ءتارتىبى جۇيەلىلەندىرىلدى؛ ءماجىلىس ماقۇلداعان ىستەردى جاريالاۋ ءتارتىبى اقاۋسىزداندىرىلدى، كەمەلدەندىرىلدى.
مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوباسى تۋرالى تۇسىنىكتە بىلاي دەپ اتاپ كورسەتىلدى: شياڭگاڭ ەرەكشە اكىمشىلىك رايونى اتقارعان سايلاۋ ءتۇزىمى اكىم سايلاۋ ءادىسى مەن زاڭ شىعارۋ كەڭەسىن سايلاۋ ءادىسىن قامتيدى، بۇل شياڭگاڭ ەرەكشە اكىمشىلىك رايونى ساياسي ءتۇزىلىسىنىڭ ماڭىزدى قۇرامداس بولىگى. شياڭگاڭ قوعامىندا جارىققا شىققان ءىشىنارا بىلىققان جايتتەر شياڭگاڭدا قازىر اتقارىلىپ وتىرعان سايلاۋ ءتۇزىمى مەحانيزمىندە كورنەكتى ولقىلىقتار مەن جەتەرسىزدىكتەر بار ەكەندىگىن اڭعارتادى، ءسوز جوق، قاجەتتى شارا قولدانىپ شياڭگاڭنىڭ سايلاۋ ءتۇزىمىن كەمەلدەندىرىپ، ءتۇزىم مەحانيزمىندە ساقتالعان كومەسكى كىناراتتار مەن حاۋىپ - قاتەرلەردى جويىپ، وتانشىلداردى نەگىزگى تۇلعا ەتكەن ”شياڭگاڭدى شياڭگاڭدىقتار باسقارۋعا“ شىنايى كەپىلدىك ەتۋ كەرەك. شياڭگاڭنىڭ سايلاۋ ءتۇزىمىن كەمەلدەندىرۋدىڭ جالپى تۇلعالىق وي جەلىسى: شياڭگاڭ ەرەكشە اكىمشىلىك رايونىنىڭ سايلاۋ كوميتەتىن قايتا قۇرۋ مەن ۇقىق ۇستەپ بەرۋدى وزەك ەتىپ جالپى تۇلعالىق تۇزىمدىك جوبا جاساۋ، سايلاۋ كوميتەتىنىڭ كولەمىن، قۇرامىن جانە سايلاۋ ءادىسىن رەتتەۋ جانە كەمەلدەندىرۋ، اكىم سايلاۋ كوميتەتى ۇزدىكسىز سايلاپ شىعۋ ءارى سايلاۋ كوميتەتىنە ءبىرشاما زور سالىستىرماداعى زاڭ شىعارۋ كەڭەسى مۇشەلەرىن سايلاپ شىعۋ جانە زاڭ شىعارۋ كەڭەسىندەگى بارلىق مۇشە كانديداتتاردى كورسەتۋگە تىكەلەي ات سالىسۋ جاڭا فۋنكتسياسىن جۇكتەۋ، سايلاۋ كوميتەتى ارقىلى شياڭگاڭ قوعامىنىڭ ساياسيعا بىركەلكى دە ءتارتىپتى ات سالىسۋىن جانە اناعۇرلىم جان - جاقتىلى ۋاكىلدىك سيپاتىن كەڭەيتۋ، قاتىستى سايلاۋ فاكتورىنا لايىقتى رەتتەۋ جاساۋ، سونىمەن بىرگە جالپى بارىستىق تولىمدىلىقتى قاراپ تەكسەرۋ مەحانيزمىن ورناتۋ، سول ارقىلى شياڭگاڭنىڭ ءىس جۇزىندىك جاعدايىنا ۇيلەسەتىن، شياڭگاڭ ەرەكشەلىگىنە يە جاڭاشا دەموكراتيالىق سايلاۋ ءتۇزىمىن قالىپتاستىرۋ. ورتالىق پەن مەملەكەتتىڭ قاتىستى تاراۋلارى مۇقيات زەرتتەۋ ءارى قاتىستى جاقتارمەن پىكىرلەسۋ ارقىلى، ”قارار +زاڭعا وزگەرىس ەنگىزۋ“ سىندى ءتاسىلدى قولدانىپ، باسقىشقا ءبولىپ ىلگەرىلەتۋ جانە ورىنداۋدى العا قويدى. ءبىرىنشى باسقىشتا، مەملەكەتتىك حالىق قۇرىلتايى نەگىزگى زاڭنىڭ جانە شياڭگاڭ ءتۇبىرلى زاڭىنىڭ، شياڭگاڭدا مەملەكەت حاۋىپسىزدىگىن قورعاۋ زاڭىنداعى قاتىستى بەلگىلەمەلەرگە ساي، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندە قارار شىعارىپ، شياڭگاڭ ەرەكشە اكىمشىلىك رايونىنىڭ سايلاۋ تۇزىمىنە وزگەرىس ەنگىزىپ كەمەلدەندىرۋدە بويسۇنۋعا ءتيىستى نەگىزگى پرينسيپتى جانە وزگەرىس ەنگىزىلگەن، كەمەلدەندىرىلگەن وزەكتى فاكتور، مازمۇنى ايقىندالادى ءارى مەملەكەتتىك حالىق قۇرىلتايى تۇراقتى كوميتەتىنە وسى قارارعا ساي شياڭگاڭنىڭ ءتۇبىرلى زاڭىنىڭ ءبىرىنشى قوسىمشا حۇجاتى مەن ەكىنشى قوسىمشا حۇجاتىنا وزگەرىس ەنگىزۋ ۇقىعى بەرىلەدى. ەكىنشى باسقىشتا، مەملەكەتتىك حالىق قۇرىلتايى تۇراقتى كوميتەتى نەگىزگى زاڭ، شياڭگاڭ ءتۇبىرلى زاڭى، شياڭگاڭدا مەملەكەت حاۋىپسىزدىگىن قورعاۋ زاڭى جانە مەملەكەتتىك حالىق قۇرىلتايىنىڭ قاتىستى قارارى بويىنشا شياڭگاڭ ءتۇبىرلى زاڭىنىڭ ءبىرىنشى قوسىمشا حۇجاتى «شياڭگاڭ ەرەكشە اكىمشىلىك رايونىنىڭ اكىمىن سايلاۋ ءادىسى» مەن ەكىنشى قوسىمشا حۇجاتى «شياڭگاڭ ەرەكشە اكىمشىلىك رايونىنىڭ زاڭ شىعارۋ كەڭەسىن سايلاۋ ءادىسى مەن داۋىسقا سالۋ تارتىبىنە» وزگەرىس ەنگىزەدى، وزگەرىس ەنگىزىلگەننەن كەيىنگى ءبىرىنشى قوسىمشا حۇجات پەن ەكىنشى قوسىمشا حۇجاتتا شياڭگاڭ ەرەكشە اكىمشىلىك رايونىندا اتقارىلاتىن جاڭا دەموكراتيالىق سايلاۋ ءتۇزىمى جونىندە ناقتى، ايقىن بەلگىلەمە شىعارىلادى.
ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى يچىڭ ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.
مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.
شەتەلدىڭ جۇڭگوداعى ەلشىلەرى ءماجىلىستى سىرتتاي تىڭدادى.
