□ انار بۇلت/ شينجياڭ گازەتىنىڭ تىلشىلەرى لي ياڭ، جىڭ جو
”وتكەن 5 جىلدا ەلىمىزدىڭ ەكونوميكالىق، قوعامدىق دامۋىندا جاڭا تاريحي تابىستارعا قول جەتتى“. ۇكىمەت قىزمەتىنەن بايانداماداعى وسى قورىتىندىنىڭ استارىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەلدەگى ءار ۇلت حالقىن باستاپ، قايىسپاس قايسارلىقپەن ارىنداي ۇمتىلعان رۋح - جىگەر جاتىر. باسىپ وتكەن جولعا قايىرىلا قاراۋ ساپارعا ويداعىداي اتتانۋ ءۇشىن بولىپ تابىلادى. ەكى ماجىلىستە ۋاكىلدەر مەن مۇشەلەر ساليقالى وسى 5 جىلدى القاپ، بولاشاقتاعى 5 جىلعا دەگەن سەنىمدەرىن ونان ارى بەكەمدەدى.
”ناتيجەلەر ءتىزىمى“ ەرەكشە كوز تارتتى
”ەكونوميكالىق اينالىم جالپى تۇلعالىق جاقتان ورنىقتى بولدى، ەكونوميكالىق قۇرىلىم ءۇرتىس ساپالىلاندى، ىشكى ءوندىرىستىڭ جالپى ءونىم قۇنى 70 تريلليون يۋانعا جەتپەۋدەن ارتا كەلە 100 تريلليون يۋاننان استى. جاسامپاز مەملەكەت قۇرىلىسىندا مول تابىسقا قول جەتتى، كەدەيلىكتەن ارىلتۋدان قامال الۋ كۇللى الەمدى جالت قاراتتى، اۋىل شارۋاشىلىعىن وسىزامانداندىرۋ نىق قاداممەن ىلگەرىلەدى، وڭىرلىك كەلەلى ستراتەگيالار تىڭعىلىقتى ىلگەرىلەدى...“. مەملەكەتتىك حالىق قۇرىلتايىنىڭ ۋاكىلى جاڭ شين بىلاي دەدى: ”ۇكىمەت قىزمەتىنەن باياندامادا كورسەتىلگەن وسى’ناتيجەلەر ءتىزىمى‘ ادامدى ەرەكشە جەلپىندىرىپ، ايرىقشا شابىتتاندىردى“.
مەملەكەتتىك حالىق قۇرىلتايىنىڭ ۋاكىلى لي بين بىلاي دەدى: ناتيجە ايعايمەن ەمەس، ىستەۋمەن كەلدى. وتكەن 5 جىلعا قايىرىلا قاراساق، كەدەيلىكتەن ارىلتۋدان قامال الۋدا قايراتتانا شايقاس جۇرگىزۋ بولسىن، الدە رەفورما جاساۋدى، ەسىك اشۋدى جاپپاي تەرەڭدەتۋ بولسىن؛ جوعارى ساپالى دامۋدى ىلگەرىلەتۋ بولسىن، الدە حالىقتىڭ تۇرمىس دەڭگەيىن زور كۇشپەن جوعارىلاتۋ بولسىن؛ ەكولوگيالىق ورتانى جاقسارتۋ بولسىن، الدە قوعامنىڭ جاراسىمدى، ورنىقتىلىعىن ساقتاۋ بولسىن... قول جەتكىزىلگەن ءار ناتيجە تۇگەلدەي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ جەمىسى سانالادى. ءبىز تابىستاردى كوزبەن كورىپ، قولمەن ۇستاپ، جۇرەكپەن سەزىنە العاندىعىمىزعا اسەرلەنۋمەن بىرگە، ءاربىر كەرەمەت ءۇشىن ءوزىمىزدى القاۋىمىز كەرەك.
جاڭاشىل مەملەكەت قۇرۋدىڭ تابىسى مول بولدى، عارىشقا ادام الىپ ۇشۋ، اي بارلاۋ ينجەنەرياسى، تەرەڭ تەڭىز ينجەنەرياسى، اسقىن ەسەپتەۋىش، كۆانتتىق ينفورماتسيا سياقتى سالالاردا ءبىر توپ كەلەلى عىلىم - تەحنيكا جەتىستىكتەرى قولعا كەلدى. مەملەكەتتىك ساياسي كەڭەستىڭ شينجياڭدا تۇراتىن ۋاكىلى باۋ انميڭنىڭ قاراۋىنشا، عىلىم - تەحنيكاداعى وسى جاڭالىق اشۋلار جۇڭگو كۇشىن ايگىلەگەن، ”جاڭالىق اشۋدىڭ ءبىرىنشى قوزعاۋشى كۇش رەتىندە، ەلىمىزدىڭ ەكونوميكالىق، قوعامدىق دامۋىنا تىرەك بولۋ جانە ونى جەتەكتەۋ رولىنىڭ كۇن سايىن كۇشەيىپ كەلە جاتقاندىعىن ايقىن سەزىنۋگە بولادى“.
باستاما جالپى جاعدايعا سايادى
”5 جىل تىنباي كۇرەس جۇرگىزۋ ارقىلى ’13 - بەسجىلدىق‘ جوبانىڭ جالپى باستى نىسانا، مىندەتتەرى جەڭىسپەن ورىندالىپ، جۇڭحۋا ۇلتىنىڭ ۇلى گۇلدەنۋى العا قاراي تىڭ، ارشىندى قادام تاستادى“. مەملەكەتتىك حالىق قۇرىلتايىنىڭ ۋاكىلى ۋاڭ يانچيڭ بىلاي دەدى: بۇل ۇلكەن قادام وڭايعا سوقپادى، سونداي - اق الداعى 5 جىلدا ۇدەرە العا باسۋعا نەگىز قالاپ، بەتالىستى بەلگىلەدى.
باستاما جالپى جاعدايعا سايادى، العاشقى قادام كەيىنگى اۋقىمدى بەلگىلەيدى. ”’14- بەسجىلدىق‘ جوبا مەن 2035 - جىلعا دەيىنگى بولاشاقتىق نىسانا باعدارلاما جوباسى نازاردى پارتيا مەن مەملەكەت دامۋىنىڭ قاجەتىنە شوعىرلاندىرىپ، حالىق بۇقاراسىنىڭ تىلەگى مەن ءۇنىن ايگىلەدى. ساياسي كەڭەس مۇشەسى رەتىندە، وسى نىسانانى جۇزەگە اسىرۋدى تىعىز ارقاۋ ەتە وتىرىپ، اقىل قوسىپ، كەڭەس بەرىپ، كەلەلى جاعدايعا اناعۇرلىم ويداعىداي قىزمەت وتەيمىن“، - دەدى مەملەكەتتىك ساياسي كەڭەستىڭ شينجياڭدا تۇراتىن مۇشەسى مىڭ چيڭساي نىق سەنىممەن.
مەملەكەتتىك حالىق قۇرىلتايىنىڭ ۋاكىلى نياز اشىمنىڭ سەنىمى قابات - قابات وراي مەن ابزالدىلىقتان باستاۋ الدى. ”الداعى 5 جىلدا اقسۋ ايماعى ساياساتتىڭ قاباتتاسۋى، ورنىقتىلىقتىڭ پايداسى جارىققا شىعۋ، توعىسا دامۋ تەزدەۋ سياقتى كوپ ورايعا ءدوپ كەلەدى، ءبىز جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى ونان ارى ىلگەرىلەتىپ، باستامانىڭ، قادام تاستاۋدىڭ شاپشاڭ ءارى نىق بولۋىن جۇزەگە اسىرامىز“.
حالىق تۇرمىسىنىڭ ىرىس - قۇتىن ۇزدىكسىز مولايتۋ، بىرگە بايۋدى تىڭعىلىقتى ىلگەرىلەتۋ ”14 - بەسجىلدىق“ مەزگىلىندەگى ماڭىزدى مىندەتتەردىڭ ءبىرى. ۇكىمەت قىزمەتىنەن باياندامادا جالپىعا ءتيىمدى، نەگىزدىك، تۇبەسەلى قامتاماسىز ەتىلەتىن حالىق تۇرمىسى قۇرىلىسىن كۇشەيتۋ كەرەكتىگى اتاپ كورسەتىلدى. ”ءبىز جۇمىستاندىرۋدى الدىڭعى ورىنعا قويۋعا تاباندى بولىپ، كاسىپ سالاسىن دامىتۋ سىندى تەتىكتى مىقتى ۇستاپ، اناعۇرلىم كوپ جۇمىستاندىرۋ تۇعىرىن ورناتىپ، بۇقارانىڭ ىستەيتىن جۇمىسى بولۋىنا، اقشا تابا الۋىنا مۇمكىندىك جاساۋىمىز كەرەك“، - دەدى ۋاكىل لي بين.
ۇزدىكسىز قاجىرلىلىقپەن، ناقتى ىستەيمىز
ۇكىمەت قىزمەتىنەن باياندامادا ايتىلعانداي، جۇڭگونىڭ ەكونوميكالىق، قوعامدىق دامۋى شۇعىلالى تابىستارعا قول جەتكىزدى، الايدا جاپپاي وسىزاماندانۋدى جۇزەگە اسىرۋدا ءالى دە نەداۋىر ۇزاق جول باسۋ كەرەك. ”ءبىز ماجىلىستە قارالىپ ماقۇلدانعان ۇكىمەت قىزمەتىنەن باياندامانىڭ، ’14 - بەسجىلدىق‘ جوبا مەن 2035 - جىلعا دەيىنگى بولاشاقتىق نىسانا باعدارلاماسىنىڭ ورنالاستىرۋى بويىنشا شينجياڭنىڭ ءىس جۇزىندىگىمەن ۇشتاستىرىپ، ءتۇرلى قىزمەتتەردى اناعۇرلىم ىشكەرىلەي جوسپارلاپ، اناعۇرلىم مىقتى ۇستاپ، اناعۇرلىم ويداعىداي ىستەۋىمىز كەرەك“، - دەدى مۇشە مىڭ چيڭساي.
”حالىقتى قاشاندا كوڭىل تورىنە قويعاندا عانا، پارتيانىڭ بيلىك جۇرگىزۋ نەگىزىن ۇزدىكسىز بەكەمدەۋگە بولادى، پارتيانىڭ 100 جىلدىق ىستەرىنىڭ نەگىزى قۇلپىرىپ بەكەمدەلە تۇسەدى“. ۋاكىل نياز اشىم بىلاي دەدى: ”14 - بەسجىلدىق“ مەزگىلىندە اقسۋ ايماعى حالىق تۇرمىسى قۇرىلىسىن الدىمەن جۇرگىزەتىن ءوڭىر رەتىندەگى دامۋ ورنىن كوزدەپ، حالىققا ءتيىمدى قوماقتى ءبىر توپ ينجەنەريا اتقارىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتادى.
ۇكىمەت قىزمەتىنەن باياندامادا فورماشىلدىقتان، تورەشىلدىكتەن قاتاڭ ساقتانىپ، نەگىزگى ساتىلاردىڭ شىن مانىندە قول بايلاۋىن بوساتىپ، جۇگىن جەڭىلدەتۋىمىز كەرەك دەپ اتاپ كورسەتىلدى. مۇشە باۋ انميڭ بىلاي دەپ قارادى: باسشى كادرلار باستاماشى بولا وتىرىپ ستيلگە بۇرىلىس جاساپ، قىزمەتتەردى ىلگەرىلەتۋدە ناقتى ىستەر تىندىرىپ، قيىن تۇيىندەردى شەشۋگە ۇمتىلۋ، ماسەلەلەردى شەشۋدە ايبىندى دا شاپشاڭ بولۋ، تۇبەگەيلى شەشىپ، ناتيجەسىن كورۋ، قيىن ماسەلەلەرگە تاپ بولعاندا جۇرەكتىلىكپەن يگەرۋ، جۇرەكتىلىكپەن باسقارۋ، باتىلدىقپەن جاۋاپكەرشىلىك ارقالاۋ كەرەك. ستيلدىڭ ناقتى بولماۋىنىڭ العا باسۋعا كەدەرگى بولۋىنا استە جول بەرمەۋ كەرەك.
ۋاكىل لي بين بىلاي دەدى: ارمان ءوز - وزىنەن جۇزەگە اسا قالمايدى. جاڭا باستامادا تۇرىپ قاجىرلىلىقپەن ىستەيتىن، ناقتى ىستەيتىن كۇرەسكەرلىك بەينەنى جانە نەعۇرلىم ماشاقاتتى، قيىن بولعان سايىن سولعۇرلىم العا ۇمتىلاتىن كۇرەسكەرلىك رۋحتى ساقتاپ، از سويلەپ، كوپ ىستەپ، مىقتاپ يگەرىپ، شاپشاڭ ىستەگەندە عانا، ءبىز نىساناعا جاقىنداي ءتۇسىپ، تاريحتىڭ ءۇمىتىن اقتايتىن، حالىقتىڭ ءۇمىتىن اقتايتىن جاۋاپناما تاپسىرا الامىز.
