انار بۇلت/شينجياڭ گازەتىنىڭ تىلشىلەرى يۋان لەي، جاڭ يۇنمەي، چىن چياڭۋيدىڭ 3 - ايدىڭ 6 - كۇنى بەيجيڭنەن جالعاپ بەرگەن حابارى. 3 - ايدىڭ 6 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەس مۇشەلەرى جەكە - جەكە ءارقايسى سالالىق گرۋپپالاردا ۇكىمەت قىزمەتىنەن باياندامانى، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى جوباسى سياقتىلاردى تالقىلادى.
مۇشە نۇرلان ءابىلماجىن بىلاي دەدى: 2020 - جىلى قات - قابات قيىنشىلىقتاردىڭ، اسىرەسە، توسىن تۋىلعان ىندەتتىڭ سوققىسى الدىندا، ەلىمىز دۇنيە ءجۇزىن جالت قاراتقان تاريحي تابىستارعا قول جەتكىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قيىن - قىستاۋ كەزدەردە جۇڭگو حالقىنىڭ ەڭ سەنىمدى تىرەگى، پارتيا ورتالىق كوميتەتىنىڭ بەدەلى قىسىلتاياڭ شاقتا بۇكىل پارتيانىڭ، بۇكىل ەلدەگى ءار ۇلت حالقىنىڭ قيىندىقتى ەڭسەرە ورگە ۇمتىلۋىنىڭ ءتۇبىرلى سۇيەنىشى ەكەنىن تاعى ءبىر رەت دالەلدەدى. ءبىز ۇكىمەت قىزمەتىنەن باياندامادان دامۋدىڭ بولاتتاي بەرىك تاباندىلىعىن، بەلدى بەكەم بۋعان اۋەلگى ماقساتتى، بورىشتى، جۇرەككە تىكە جەتەتىن سەنىم مەن كۇش - قۋاتتى جانە ماشاقاتتى بولعان سايىن سولعۇرلىم العا ۇمتىلاتىن كۇرەسكەرلىك رۋحتى سەزىندىك. باعدارلاما جوباسى جوعارى ساپالى دامۋدىڭ نەگىزگى تاقىرىبىن جالپى بارىسىنا ءسىڭىرىپ، نازاردى بىرگە بايۋدىڭ ماندىك تالابىنا شوعىرلاندىرىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، ”بەستى ءبىر تۇلعالاندىرۋدىڭ“ ءارقايسى جاعىن قامتىعان، ءىس جۇزىندىككە ۇيلەسەتىن، قولدانىلمالى سيپاتى كۇشتى بولعان جوبا. ءبىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ارناۋلى كەڭەس قۇرىلىمىنىڭ رولىن ساۋلەلەندىرىپ، ءبىر نيەتپەن كۇش قوسىپ، ناقتى ىستەپ، تەڭ ىلگەرىلەپ، مىندەتىمىزدى جوعارى دەڭگەيدە وتەۋ ارقىلى جوعارى ساپالى دامۋعا قىزمەت ەتۋىمىز كەرەك.
مۇشە دىڭ حۇڭ بىلاي دەدى: وتكەن ءبىر جىلدا پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا قول جەتكىزگەن ناتيجەسى ادامدى جەلپىندىرىپ، جۇڭگو ەكونوميكاسىنىڭ توزىمدىلىگى مەن ءتۇزىم ابزالدىلىعىن ايگىلەدى، ءبىز ”14 - بەسجىلدىق“ جوبادا العا قويىلعان نىسانا، مىندەتتەر مەن ايبىندى جوسپارعا زور سەنىم جانە ءۇمىت ارتامىز. پارتيا قۇرىلعاندىعىنىڭ 100 جىلدىعىن قۇتتىقتاۋدى وراي ەتىپ، جۇڭگو كوممۋنيستىك پارتياسىنىڭ پارتيا تاريحىن ۇيرەنۋ تاربيەسىن كۇشەيتىپ، داڭقتى ءداستۇردى جالعاستىرىپ، ساۋلەلەندىرىپ، ءوز قۇرىلىسىن جالپى بەتتىك كۇشەيتىپ، مىندەت وتەۋ قابىلەتىن ۇزدىكسىز جوعارىلاتىپ، ەلىمىزدىڭ جاڭاشا ساياسي پارتيا ءتۇزىمىنىڭ ات سالىسۋشىسى، امالياتتا ايگىلەۋشىسى، ىلگەرىلەتۋشىسى سىندى ساياسي جاۋاپكەرشىلىكتى شىنايى ارقالايمىز.
مۇشە يۋە جۇڭلين بىلاي دەدى: جوعارى ساپالى دامۋدى ىلگەرىلەتۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنان ماسەلەگە تالداۋ جاساۋدىڭ جانە شەشۋدىڭ بەتالىسى مەن ءادىس - امالىن تاۋىپ، شىنايى يگەرىپ، ناقتى ىستەپ، قامال الىپ، قيىنشىلىقتاردى جەڭىپ، جاڭا ساپاردا ساياسي كەڭەس مۇشەسىنىڭ تىڭ ىسكەرلىگىن ايگىلەيمىز. ”14 - بەسجىلدىق“ مەزگىلىندە جاسىل دامۋدى، تومەن كومىرتەكتى دامۋدى ىلگەرىلەتىپ، ەنەرگيا حاۋىپسىزدىگىن، ءسوزسىز، قامتاماسىز ەتۋ العى شارتىندا، تازا ەنەرگيانى دامىتىپ، ءوندىرىس بۋىندارىندا ەنەرگيا ۇنەمدەپ، جاراقسىز زاتتاردى شىعارۋدى ازايتۋدى جەدەل ىلگەرىلەتىپ، تۇتاس قوعامدا جاسىل، تومەن كومىرتەكتى تۇرمىس ءتاسىلىن دارىپتەۋ ۇسىنىسىن بەرەمىن.
مۇشە يۇكسەك شيجاات بىلاي دەدى: وسى باعدارلاما جوباسى سىندى ”ارەكەت باعدارناماسى“ ءبىر قىدىرۋ ءتۇيىندى مىندەت، كوپتەگەن بەلگى سيپاتتى ينجەنەريا، تولىق ءارى ەگجەي - تەگجەيلى كورسەتكىش، ساندى مالىمەت ارقىلى جۇڭگونىڭ دامۋىنىڭ جوباسىن سالدى. مەن نازاردى ”14 - بەسجىلدىقتىڭ“ باستالۋىنا، قادام تاستاۋىنا بەلسەنە اقىل - كەڭەس بەرۋگە شوعىرلاندىرىپ، بايلانىس ورناتقان بۇقارانى جۇڭگو كوممۋنيستىك پارتياسىنىڭ باسشىلىعىنا جانە جۇڭگوشا سوتسياليزمگە بولعان ساياسي جاقتاعى شىنايى مويىنداۋىن، يدەيالىق جاقتاعى شىنايى مويىنداۋىن، نازاريالىق جاقتاعى شىنايى مويىنداۋىن، سۇيىسپەنشىلىك جاقتاعى شىنايى مويىنداۋىن ونان ارى ارتتىرۋعا جەتەكتەيمىن.
