تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقانداسويلەگەن ماڭىزدى ءسوزىنىڭ رۋحىن ارناۋلى جەتكىزدى، ۇيرەندى

جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن بەكەمدەيىك، دامىتايىق

چىن چۋانگو ءسوز سويلەدى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، ۋاڭ جۇنجىڭ قاتىناستى

  انار بۇلت/شينجياڭ گازەتىنىڭ تىلشىلەرى ياۋ تۇڭ، لي ياڭ 3 - ايدىڭ 6 - كۇنى بەيجيڭنەن حابارلايدى. 3 - ايدىڭ 6 - كۇنى تۇستەن بۇرىن، 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسقان شينجياڭ ۋاكىلدەر ۇيىرمەسى باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزىنىڭ رۋحىن ارناۋلى جەتكىزدى، ۇيرەندى. شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىنعا قاتىناستى ءارى ءسوز سويلەدى.

  مەملەكەتتىك حالىق قۇرىلتايىنىڭ ۋاكىلدەرى ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، نايىم ياسىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار جيىنعا قاتىناستى.

  چىن چۋانگو مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزى جاڭا دامۋ ۇستانىمىن تولىق، دالمە - ءدال، جاپپاي تۇسىنۋىمىزگە جانە دايەكتىلەندىرۋىمىزگە، ۇلتتار ىنتىماعى كەلەلى جاعدايىن بەكەمدەۋىمىزگە، دامىتۋىمىزعا، پارتيا تاريحىن ۇيرەنۋ تاربيەسىن ويداعىداي يگەرۋىمىزگە العا باسۋ بەتالىسىن اناعۇرلىم ايقىن كورسەتىپ، ءتۇبىرلى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن مىقتى يگەرىپ، حالىق تۇرمىسىمەن تىعىز جاناسىپ ەكونوميكانىڭ جوعارى ساپالى دامۋىن ىلگەرىلەتىپ، ”14 - بەسجىلدىقتىڭ“ باستاماسىن جاقسى باستاپ، قادامدى جاقسى باسۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

  ءبىرىنشى، جاڭا دامۋ ارناسىنا كۇش سالا قىزمەت وتەۋ، ونىمەن توعىسۋ كەرەك. جاڭا دامۋ ۇستانىمىن بۇلجىماي دايەكتىلەندىرىپ، شينجياڭنىڭ بۇكىل ەلدىڭ جاڭا دامۋ ارناسىن قالىپتاستىرۋداعى ورنىن ءداپ باسىپ تاۋىپ، عىلىم - تەحنيكانىڭ تىرەكتىك قۋاتىن ۇزدىكسىز جوعارىلاتىپ، ونەركاسىپ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋدى بەلسەنە ىلگەرىلەتىپ، باسىمدىققا يە ەرەكشە كاسىپ سالاسىن جەتىلدىرىپ، زورايتىپ، رەفورمانى جالپى بەتتىك تەرەڭدەتىپ، ەسىكتى ايقارا اشىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، ەكونوميكانىڭ جوعارى ساپالى دامۋىن ىسكە اسىرۋدى ىلگەرىلەتۋ كەرەك.

  ەكىنشى، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ كەرەك. ”ءتورتتى توقتاتپاۋ“ تالابىن قاتاڭ تياناقتاندىرىپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، اۋىل - قىستاقتاردىڭ كاسىپ سالاسىن دامىتۋدى كۇشەيتىپ، ۇيلەسىمدى كولەمدەگى شارۋاشىلىقتى دامىتىپ، ەگىن، مال شارۋاشىلىعىنىڭ كاسىپ سالالانۋىن، ماركالانۋىن جەبەپ، ىشكى دامۋ قوزعاۋشى كۇشى مەن دامۋ ومىرشەڭدىگىن نىعايتۋعا ءمان بەرىپ، كولەمدى قايتالاي كەدەيلەسۋدەن ساقتانۋدىڭ تومەنگى شەگىن باتىل ساقتاپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ كەرەك.

  ءۇشىنشى، ەكولوگيالىق قورشاعان ورتانى قورعاۋ قۇرىلىسىن كۇشەيتۋ كەرەك. تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيانى الدىڭعى ورىنعا قويۋ، جاسىل دامۋ جولىمەن بۇلجىماي ءجۇرىپ، ەكولوگيانى قورعاۋ قىزىل سىزىعىن باتىل ساقتاپ، لاستانۋدان ساقتانۋ مەن ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، قۇمايتتانۋدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، ەكولوگيالىق جۇيەنىڭ تۇراقتىلىعى مەن باياندىلىعىن جوعارىلاتىپ، كوركەم شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.

  ءتورتىنشى، ۇلتتار ىنتىماعى كەلەلى جاعدايىن بەكەمدەۋ، دامىتۋ كەرەك. حانزۋلاردىڭ از ۇلتتاردان ايرىلا المايتىندىعىن، از ۇلتتاردىڭ حانزۋلاردان ايرىلا المايتىندىعىن، از ۇلتتاردىڭ دا ءبىر - بىرىنەن ايرىلا المايتىندىعىن ەستە بەرىك ساقتاپ، ۇلتتار ىنتىماعى قىزمەتىن ەگجەي - تەگجەيلى، ناقتى ىستەپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ىشكەرىلەي ورىستەتىپ، ۇلتتاردىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزم جولىن شىنايى مويىنداۋىن كۇشەيتۋ كەرەك.

  بەسىنشى، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. جۇڭحۋا ۇلتى ورتاق تۇلعا تانىمى تاربيەسىن حالىق اعارتۋىنا، كادرلار تاربيەسىنە، جاستار مەن ورەندەر تاربيەسىنە جانە قوعامدىق تاربيەگە ەنگىزۋگە تاباندى بولىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتى كوپ نەگىزدى ءبىر تۇلعالى ارناسىن زەرتتەۋدى تەرەڭدەتىپ، جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ كوڭىل تۇكپىرىنە تەرەڭ ۇيالاتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋدى كەڭىنەن جالپىلاستىرۋ قىزمەتىن ويداعىداي ىستەپ، قالىڭ كادرلاردى، بۇقارانى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەۋ كەرەك.

  التىنشى، پارتيا تاريحىن ۇيرەنۋ تاربيەسىن شىن مانىندە مىقتى يگەرۋ كەرەك. پارتيانىڭ جاسامپاز نازارياسىن جەتە ۇيرەنۋدى، جەتە يگەرۋدى، شىنايى تياناقتاندىرۋدى مىقتاپ ارقاۋ ەتىپ، پارتيا تاريحىن ءتۇيىندى تۇردە ۇيرەنۋ، سونىمەن بىرگە جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، ”بۇقاراعا ناقتى ىستەر ىستەيمىن“ امالياتتىق قيمىلىن ويداعىداي ورىستەتىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە بولەۋگە مۇمكىندىك جاساۋ كەرەك.

  مەملەكەتتىك حالىق قۇرىلتايىنىڭ ۋاكىلدەرى شى داگاڭ، پىڭ جيارۇي، عانيبات سابىكەي، جۋ حايلۇن، ءزۇمىرات وبۇل، مۇقيات جارمۇقامەت، ابدۇرىقىپ ءتومۇرنياز، ءدىلشات قىدىرقان قاتارلىلار جيىنعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.