− باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى رايونىمىزداعى ۋاكىلدەر، مۇشەلەر جانە كادرلار مەن بۇقارا اراسىندا كۇشتى اڭىس قوزعادى
□ انار بۇلت/ شينجياڭ گازەتىنىڭ تىلشىلەرى
”جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ“، ”ۇلتتار ىنتىماعى كەلەلى جاعدايىن بەكەمدەۋ، دامىتۋ“، ”پارتيا تاريحىن ۇيرەنۋ تاربيەسىن ويداعىداي يگەرۋ“... 3 - ايدىڭ 5 - كۇنى باس شۋجي شي جينپيڭنىڭ 13 - كەزەكتى مەملەكەتتىك حالىق قۇرىلتايى 4 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى رايونىمىزدان مەملەكەتتىك ەكى ماجىلىسكە قاتىناسقان ۋاكىلدەر، مۇشەلەر جانە بۇكىل رايونداعى ءار ۇلت كادرلارى مەن بۇقارانى ايرىقشا جەلپىندىردى. كوپشىلىك مىنالاردى ءبىلدىردى: باس شۋجيدىڭ ماڭىزدى ءسوزىنىڭ رۋحىن جەتەكشى ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، 100 جىلدىق پارتيا تاريحىنان اقىل - پاراسات جانە كۇش - قايرات الىپ، ءبىر نيەتپەن كۇش بىرىكتىرىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شينجياڭنىڭ دامۋىنىڭ، العا باسۋىنىڭ شىت جاڭا تاراۋىن جازامىز.
جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرەمىز
”باس شۋجي شي جينپيڭ بىلاي دەپ باسا دارىپتەدى: جاڭا دامۋ ۇستانىمى ءبىر تۇتاس تۇلعا، ءسوز جوق، تولىق، دالمە - ءدال، جاپپاي ءتۇسىنۋ جانە دايەكتىلەندىرۋ كەرەك. كاسىپ سالاسى تىزبەگىمەن، قامداۋ تىزبەگىمەن تىعىز بايلانىستىرا وتىرىپ جاڭالىق اشۋ تىزبەگىن ورنالاستىرىپ، عىلىم - تەحنيكانىڭ تىرەكتىك قۋاتىن ۇزدىكسىز جوعارىلاتۋ كەرەك. بۇل ءبىزدىڭ كاسىپورنىمىزدىڭ دامۋىنا ايقىن بەتالىس كورسەتىپ، سەنىمىمىزدى بەكەمدەدى!“، - دەدى مەملەكەتتىك حالىق قۇرىلتايىنىڭ ۋاكىلى، ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين تەبىرەنە.
تاياۋ جىلداردان بەرى ەرەكشە ترانسفورماتور سەرىكتەستىگى ەلەكتر قۋاتى جابدىقتارىن زەردەلىلەندىرۋ جانە ەلەكتر قۋاتى جۇمىسىن زەردەلى جۇرگىزۋ - قورعاۋ سالاسىندا جاڭالىق اشۋعا جانە ونى قولدانۋعا كۇش سالىپ، كوپتەگەن عىلىم - تەحنيكالىق جەتىستىكتەر شىعاردى. ۋاكىل جاڭ شين مىنالاردى ءبىلدىردى: ”14 - بەسجىلدىق“ مەزگىلىندە ەرەكشە ترانسفورماتور سەرىكتەستىگى جاڭا دامۋ ۇستانىمىن جاپپاي دايەكتىلەندىرىپ، جاڭا دامۋ ارناسىنا بەلسەنە توعىسىپ، ەنەرگيانى نەگىز ەتكەن ”ءبىر جوعارى، ەكى جاڭا“ ماڭىزدى كاسىپ سالالارىن ونان ارى الۋەتتەندىرىپ، ونەركاسىپتىك ينتەرنەت قۇرىلىسىن بەلسەنە ورىستەتىپ، جاساندى زەردەنىڭ جانە 5G تەحنيكاسىنىڭ كاسىپ سالاسىمەن تەرەڭ توعىسۋىن ىلگەرىلەتىپ، سەرىكتەستىكتىڭ جالپى تۇلعادا تيبىن وزگەرتۋىن، دارەجەسىن جوعارىلاتۋىن جەبەيدى.
نۋ قامىستىڭ ىشىندە جابايى ۇيرەك سايران قۇرىپ، جاعادا بالاۋسالار بۇرشىك جارىپ كەلەدى... كوكتەم كەلدى، جەمسارى اۋدانى بەسبالىق مەملەكەتتىك سازدى جەر باقشاسىندا تىرشىلىك ەندى - ەندى ويانا باستادى. ”تاماشا ەكولوگيا جاسىل دامۋ ۇستانىمىنا تاباندى بولۋدىڭ ارقاسى. تاياۋ جىلداردان بەرى اۋدان 100 ميلليون يۋاننان استام قارجى سالىپ، سازدى جەردەگى كورىنىس بايلىقتارى سياقتىلاردى قورعاۋ سەرپىنىن ارتتىرىپ، سازدى جەر باقشاسىنىڭ بەت - بەينەسىندە ەرەكشە ۇلكەن وزگەرىس بولدى“. جەمسارى اۋدانى بەسبالىق قالاشىق پارتكومىنىڭ شۋجيى شۋە چاۋ بىلاي دەدى: ءبىز باس شۋجي شي جينپيڭنىڭ تاپسىرماسىن ەستە بەرىك ساقتاپ، تۇنىق سۋ، جاسىل تاۋ − باعالى بايلىق ۇستانىمىن ۇزدىكسىز امالياتتا ايگىلەپ، ەكولوگيانى الدىڭعى ورىنعا قويۋداي جاسىل دامۋ جولىنان اۋىتقىماي ءجۇرىپ، ەكولوگيالىق ونىمدىلىك پەن ەكونوميكالىق ونىمدىلىكتىڭ ەكەۋىنەن دە مول تابىسقا كەنەلۋدى جۇزەگە اسىرۋعا قۇلشىنامىز.
كەڭ دە جارىق جاڭا قونىستارىن رەتتەپ، شىلان اعاشىن بۇتاپ، كوپ ءتولدى قويلاردىڭ جەتىلۋ جاعدايىن تەكسەرىپ كوردى... 3 - ايدىڭ 6 - كۇنى شەريا اۋدانى گۇلاقما قالاشىعى شياۋكاڭ جاڭا رايونى مينحاڭ جاڭا قىستاعىنداعى قونىس جاڭالاپ ورنالاستىرۋ تۇيىنىندە، كەدەيلىكتەن ارىلعان قىستاق تۇرعىندارى قاربالاستىقتىڭ قۋانىشىنا شومدى. ”بىلتىر ءبىرسىپىرا دالمە - ءدال شارالار ارقىلى ءبىز كەدەيلىكتەن ارىلتۋدان قامال الۋ نىسانا - مىندەتتەرىن ۋاعىندا ورىندادىق“، - دەدى شەريا اۋدانى ەمدەۋ - قامتاماسىزداندىرۋ مەكەمەسى شياۋكاڭ جاڭا رايونىندا تۇراتىن ”ۇعىسۋ، تيىمدىلىك جاساۋ، توعىسىترۋ“ قىزمەت اترەتىنىڭ باستىعى، ءبىرىنشى شۋجي يۇلتۇز مۇحتار تولعانا، - ”كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. كەلەشەكتە ءبىز قوي شارۋاشىلىعىن ۇلعايتۋعا، الۋەتتەندىرۋگە قۇلشىنىپ، شارۋالاردىڭ كوشىپ شىعا الۋىنا، ورنىعىپ وتىرا الۋىنا، بايي الۋىنا مۇمكىندىك جاسايمىز“.
جۇڭحۋا ۇلتى ورتاق تۇلعا تانىمىن بەرىك ورناتامىز
باس شۋجي شي جينپيڭ بىلاي دەپ باسا دارىپتەدى: بىرگە ىنتىماقتاسىپ كۇرەس جۇرگىزۋدى، بىرگە دامىپ گۇلدەنۋدى ارقاۋ ەتىپ، حانزۋلار از ۇلتتاردان ايرىلا المايتىندىعىن، از ۇلتتار حانزۋلاردان ايرىلا المايتىندىعىن، از ۇلتتار دا ءبىر - بىرىنەن ايرىلا المايتىندىعىن ەستە بەرىك ساقتاپ، ۇلتتار ىنتىماعىن جەبەۋ جاعىنداعى قىزمەتتەردى ەگجەي - تەگجەيلى، ناقتى ىستەۋ كەرەك.
مەملەكەتتىك حالىق قۇرىلتايىنىڭ ۋاكىلى يوۋ لياڭيىڭ بىلاي دەپ قارادى: ۇلتتار ىنتىماعى ۇساق - تۇيەك ىستەردە قامتىلىپ جاتادى. ”مەن ءۇشىن ۇلتتار ىنتىماعىن امالياتتا ايگىلەۋ اۋىلداستاردى بايۋ جولىنا باستاۋ“.
ۋاكىل يوۋ لياڭيىڭ ارال قالاسى ۋاننۇڭ جەمىس ەگىمشىلىگى شارۋالار كاسىپتىك سەلبەستىك كووپەراتيۆىن قۇرعان، قازىر سەلبەستىك كووپەراتيۆىنە 300دەن استام ادام قوسىلىپ، ەگىس كولەمى 15 مىڭ مۋدان استامعا جەتكەن. ”مەن شىلان ەگۋ تەحنيكاسىن اناعۇرلىم كوپ ادامعا ۇيرەتىپ، ءاربىر تال شىلاندى ’ىنتىماق شىلانىنا‘ اينالدىرامىن. بۇنىمەن قويماي، ۇلتتار ىنتىماعىنىڭ اڭگىمەلەرىن جاقسى بايانداپ، ۇلتتار ىنتىماعى تۇقىمىن باقباق شوپتەي تيانشان الابىنا سەۋىپ، جۇڭحۋا ۇلتى ورتاق تۇلعا تانىمىنىڭ ءار ادامنىڭ جۇرەگىنە تەرەڭ تامىر تارتۋىنا مۇمكىندىك جاسايمىن“، - دەدى ول.
بۇگىنگى تاڭدا پارتيا ورتالىق كوميتەتىنىڭ شىن ىقىلاستى قامقورلىعىندا تاشقورعان تاجىك اۆتونوميالى اۋدانىنداعى كەدەي حالىق تۇگەلدەي كەدەيلىكتەن ارىلىپ، ءتۇرلى ىستەر كۇن سايىن كوركەيىپ، شالقىپ كەلەدى. اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى يان ي بىلاي دەدى: ”باس شۋجي مادەنيەتتى شىنايى مويىنداۋ − ەڭ تەرەڭ قاباتتاعى شىنايى مويىنداۋ، ۇلتتار ىنتىماعىنىڭ تامىرى، ۇلتتار تاتۋلىعىنىڭ جانى دەدى. ءبىز جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ءار ۇلتتىڭ ۇلى ىنتىماعىن ۇزدىكسىز بەكەمدەۋىمىز كەرەك. شينجياڭدى مادەنيەتپەن نارلەندىرۋ ينجەنەرياسىن تىڭعىلىقتى ىلگەرىلەتۋ ارقىلى ءار ۇلت بۇقاراسىنىڭ ’بەستى شىنايى مويىنداۋىن‘ ۇزدىكسىز كۇشەيتىپ، وتاندى سۇيەتىن، شينجياڭدى سۇيەتىن اناعۇرلىم تەرەڭ ءارى باياندى سۇيىسپەنشىلىك، ىنتىماقتاسىپ قايراتتانا العا ۇمتىلاتىن كۇش قاۋلاتىپ، بىرگە دامۋدى، بىرگە گۇلدەنۋدى جۇزەگە اسىرۋعا قۇلشىنامىز“.
مەملەكەتتىك ساياسي كەڭەستىڭ شينجياڭدا تۇراتىن مۇشەسى يۇكسەك شيجاات بىلاي دەدى: ”ادەبيەت - كوركەمونەر قىزمەتكەرى رەتىندە، مەن شينجياڭدى مادەنيەتپەن نارلەندىرۋ ينجەنەرياسىن ناقتى ارەكەتىممەن تياناقتاندىرىپ، ءار ۇلت حالقىنىڭ باقىتتى تۇرمىسى مەن ۇلتتار ىنتىماعىن بەينەلەيتىن اناعۇرلىم كوپ اسەرلى تۋىندىلار شىعارىپ، كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ قۋاتتى وڭ ەنەرگياسىن توپتايمىن“.
پارتيا تاريحىن ۇيرەنۋ تاربيەسىن تىڭعىلىقتى، ويداعىداي ورىستەتەمىز
3 - ايدىڭ 6 - كۇنى تۇستە بۋرىلتوعاي اۋدانى پارتيا تاريحى كىتاپحاناسىنا كىتاپ وقۋعا، كىتاپ الا تۇرۋعا كەلگەن ادامدار تولاس تاپپادى. اتالعان كىتاپحانانىڭ جاۋاپتىسى ءجانيا جۇمابەك: ”قوس 100 جىلدىق“ كۇرەس نىساناسى تاريحي توعىسقان شەشۋشى كەزەڭدە بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ ءدال ۋاقىتىندا بولدى، بۇل اسا قاجەتتى، پارتيالى كادرلاردىڭ اۋەلگى ماقساتتى ۇمىتپاۋىنا، بورىشتى ەستە بەرىك ساقتاۋىنا، كۇرەس جۇرگىزەتىن كۇش الۋىنا مۇمكىندىك جاسايدى“، - دەدى.
”شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا تاريحىن ۇيرەنۋ تاربيەسى جونىندە جان - جاقتى ورنالاستىرۋ جاسادى، ءبىز، ءسوز جوق، قاز - قالپىندا ويداعىداي تياناقتاندىرامىز“. بۋرىلتوعاي اۋداندىق پارتكوم ۇگىت ءبولىمىنىڭ ورىنباسار باستىعى ياڭ شياۋدۇڭ بىلاي دەدى: ءبىز پارتيا تاريحىن ۇيرەنۋ ماتەريالدارىن قۇراستىرۋ، ۇگىتتەۋ قىزمەتىن ويداعىداي ىستەپ، پارتيا تاريحى ساباعىن ءتۇرلى كۋرستارعا ءسىڭىرىپ، ”پارتيا تاريحىن كوپشىلىك اڭگىمەلەۋ“، قىزىل تاربيە بازاسىن ەكسكۋرسيالاۋ، كىتاپ وقۋ قيمىلى سياقتى تاسىلدەرمەن پارتيا تاريحىن ۇيرەنۋ تاربيەسىنىڭ ساناعا ءسىڭۋىن، جۇرەككە ۇيالاۋىن ىلگەرىلەتىپ، قالىڭ پارتيالى كادرلاردى تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ورىنداۋعا جەتەكتەيمىز“.
” پارتيا تاريحىن ۇيرەنۋ، يدەيانى ءتۇسىنۋ، ناقتى ءىس ىستەۋ، جاڭا جاعداي اشۋ، باس شۋجي شي جينپيڭنىڭ ماڭىزدى ءسوزى ءبىزدىڭ پارتيا تاريحىن ۇيرەنۋ تاربيەسىن ىشكەرىلەي ورىستەتۋىمىزگە ايقىن بەتالىس كورسەتتى“. مەملەكەتتىك حالىق قۇرىلتايىنىڭ ۋاكىلى نياز اشىم بىلاي دەدى: اقسۋ ايماعىنداعى قالىڭ پارتيالى كادرلار پارتيانىڭ جاسامپاز نازاريالارىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ساباقتاستىرۋعا تاباندى بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ؛ ۇگىت - تاربيەنى كۇشەيتىپ، سەنىم نەگىزىن بەكەمدەپ، پارتيانى سۇيەتىن، وتاندى سۇيەتىن، سوتسياليزمدى سۇيەتىن وراسان زور ىستىق ىنتانى جاڭا داۋىردەگى جۇڭگوشا سوتسياليستىك شينجياڭ قۇرۋدىڭ جاندى امالياتىنا اينالدىرۋ كەرەك.
(ءتىلشى جاڭ يانفاڭ، قاتىناسقان تىلشىلەر حى حۇڭۋي، لياڭ ليحۋا، ءپاريزات ابدۇل، لي ياڭ، حان چينيان، ۋاڭ يۇيجاۋ، جاڭ تيڭ، جاڭ جىلي، ەرىكتى ءتىلشى ءحاسىلات)
