تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ساياسي كەڭەس ماجىلىسىنە قاتىناسقان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداسا بارعاندا بىلاي دەپ باسا دارىپتەدى

حالىقتىڭ سالاماتتىعىن قامتاماسىز ەتۋدى الدىمەن دامىتاتىن ستراتەگيالىق ورىنعا قويىپ، ساپالى، بىركەلكى نەگىزگى الەۋمەتتىك وقۋ - اعارتۋ قىزمەت وتەۋ جۇيەسىن كۇش سالا ورناتۋ كەرەك

ۋاڭ ياڭ امانداسۋعا جانە تالقىعا قاتىناستى

  3 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداستى ءارى بىرلەسكەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋعا جانە تالقىعا قاتىناستى. □ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداستى ءارى بىرلەسكەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭدادى. ول بىلاي دەپ باسا دارىپتەدى: حالىقتىڭ سالاماتتىعىن قامتاماسىز ەتۋدى الدىمەن دامىتاتىن ستراتەگيالىق ورىنعا قويىپ، نەگىزگى ەمدەۋ، دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىنا تاباندى بولىپ، نازاردى حالىقتىڭ سالاماتتىعىنا ىقپال جاسايتىن سالماقتى اۋرۋلارعا جانە باستى ماسەلەلەرگە شوعىرلاندىرىپ، سالاماتتى جۇڭگو ارەكەتىن جەدەل اتقارىپ، مەملەكەتتىڭ الەۋمەتتىك دەنساۋلىق ساقتاۋ بويىنشا قورعانۋ تورىن بەرىك قۇرىپ، ۇكىمەتتىك شيپاحانالاردىڭ جوعارى ساپالى دامۋىن ىلگەرىلەتىپ، حالىقتى جان - جاقتىلى، جالپى بارىستىق سالاماتتىق قىزمەت وتەۋىمەن قامداۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ الەۋمەتتىك يگىلىك سيپاتتى پرينسيبىنە تاباندى بولىپ، ساپالى، بىركەلكى نەگىزگى الەۋمەتتىك وقۋ - اعارتۋ قىزمەت وتەۋ جۇيەسىن كۇش سالا ورناتىپ، جوعارى ساپالى وقۋ - اعارتۋ جۇيەسىن قۇرىپ، حالىق ريزا بولاتىن وقۋ - اعارتۋدى ويداعىداي جۇرگىزىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن باۋلۋ كەرەك.

  ”8 - ناۋرىز“ حالىقارالىق ەڭبەكشى ايەلدەر مەرەكەسى بايلانىسىمەن، شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان، مەملەكەتتىك ەكى ماجىلىسكە قاتىناسقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلىمىزدەگى ءار ۇلت، ءار سالاداعى ايەلدەرگە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل چياۋباۋلارعا مەرەكەلىك سالەم جولدادى جانە ىزگى تىلەك تىلەدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋعا جانە تالقىعا قاتىناستى.

  بىرلەسكەن گرۋپپا جيىنىندا ۋ حاۋ، حۋاڭ لۋچي، ۋاڭ چىن، يان چۇنحۋا، ۋاڭ حۋان، حۋ يۇي، لين جۇڭچين قاتارلى 7 مۇشە نەگىزگى ساتى دەنساۋلىق ساقتاۋ جۇيەسىن كەمەلدەندىرۋ، جۇڭگوشا شيپاگەرلىكتىڭ، دارىگەرلىكتىڭ جوعارى ساپالى دامۋىن جەبەۋ، جاڭا داۋىردەگى مەملەكەتتىڭ مەديتسينا، وقۋ - اعارتۋ جانە زەرتتەۋ جۇيەسىن ورناتۋ، جوعارى دارەجەلى وقۋ - اعارتۋ قۇرىلىمىن ساپالىلاندىرۋ، نەگىزدىك وقۋ - اعارتۋدىڭ جوعارى ساپالى دامۋىن ىلگەرىلەتۋ، ۇكىمەتتىك شيپاحانالاردىڭ جوعارى ساپالى دامۋىن ىلگەرىلەتۋ، وقۋ - اعارتۋدا بۇرىلىس جاساۋدى، جاڭالىق اشۋدى ىلگەرىلەتۋ سياقتىلار توڭىرەگىندە ءسوز سويلەدى.

  شي جينپيڭ كوپشىلىكتىڭ ءسوزىن تىڭداعاننان كەيىن ماڭىزدى ءسوز سويلەدى. ول مەملەكەتتىك ساياسي كەڭەستىڭ شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداسا كەلگەندىگىنە، بىرلەسكەن گرۋپپا تالقىسىنا قاتىناسقاندىعىنا ەرەكشە قۋانىشتى ەكەندىگىن ءبىلدىردى. ول جۇڭگو كوممۋنيستىك پارتياسى ورتالىق كوميتەتى اتىنان وسىنداعى ءاربىر مۇشەگە، بۇكىل ەلدەگى قالىڭ ساياسي كەڭەس مۇشەلەرىنە ىقىلاسپەن سالەمدەستى.

  شي جينپيڭ بىلاي دەپ اتاپ كورسەتتى: وتكەن ءبىر جىل جاڭا جۇڭگو تاريحىنداعى وتە ايرىقشا ءبىر جىل بولدى. قىم - قۋىت كۇردەلى حالىقارالىق جاعداي، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتتەرى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ءبىر نيەتپەن كۇش قوسۋعا، قيىندىققا قاسقايا قارسى اتتانۋعا ىنتىماقتاستىرىپ، باستاپ، جاپالى قۇلشىنۋدىڭ ارقاسىندا ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىككە قول جەتكىزدى، دۇنيە جۇزىندەگى باستى ەكونوميكالىق تۇلعالار اراسىندا ەكونوميكانىڭ وڭ ارتۋىن الدىمەن جۇزەگە اسىردى، كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى، جاپپاي دوڭگەلەك داۋلەتتى قوعام ورناتۋدا ۇلى تاريحي تابىسقا قول جەتكىزدى، رەفورما جاساۋ، ەسىك اشۋ ىشكەرىلەي ىلگەرىلەتىلدى، ”13 - بەسجىلدىق“ تابىسپەن اياقتالىپ، ”14 - بەسجىلدىق“ جالپى بەتتىك جوبالاندى. وسى ناتيجەلەر وڭاي - وسپاق قولعا كەلگەن ەمەس، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ، قايسارلىقپەن شايقاس جاساۋىنىڭ ناتيجەسى، ءارقايسى دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ جاپالى قۇلشىنىس جاساۋىنىڭ، قايراتتانا ەكپىندەي ىلگەرىلەۋىنىڭ ناتيجەسى.

  شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ شەشۋشى ساتىندە قالىڭ ەمدەۋ قىزمەتكەرلەرى پارتيا مەن حالىقتىڭ ماڭىزدى تاپسىرماسىن ارقالاپ، اق حالاتتى ساۋىت ەتىپ، قاسقايا قارسى اتتانىپ، باسىن ءباي تىگىپ، قايراتتانا جاپالى شايقاس جۇرگىزىپ، ۆيرۋسقا قارسى اتتانۋدىڭ قۇرىش قورعانىن جان - تاندەرىمەن تۇرعىزىپ، ەمدەۋ قىزمەتكەرلەرىنىڭ ىزگى مەيىرىن جانە شەكسىز ۇلى سۇيىسپەنشىلىگىن ءىس جۇزىندىك ارەكەتتەرىمەن ءتۇسىندىردى. قالىڭ وقۋ - اعارتۋ قىزمەتكەرلەرى ىندەتكە قارسى اتتانۋ جانە ”ساباق توقتاعانىمەن وقۋدى توقتاتپاۋ، وقىتۋدى توقتاتپاۋ“ سىندى ەكى شايقاس شەبىندە ايانباي شايقاس جۇرگىزىپ، ميلليونداعان وقۋشىنىڭ ءتان ساۋلىعى مەن جان ساۋلىعىن قورعاپ، دۇنيە جۇزىندەگى كولەمى ەڭ زور جەلىدەگى وقۋ - اعارتۋعا دەم بەرىپ، ىندەتكە قارسى اتتانىپ، ءتارتىپتى تۇردە وقۋدى، ساباقتى جاپپاي قالپىنا كەلتىرۋگە ماڭىزدى ۇلەس قوستى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنەن، بۇكىل ەلدەگى قالىڭ ەمدەۋ قىزمەتكەرلەرى مەن وقۋ - اعارتۋ قىزمەتكەرلەرىنەن شىن ىقىلاستى حال سۇرادى.

  شي جينپيڭ بىلاي دەپ اتاپ كورسەتتى: حالىقتىڭ سالاماتتىعى قوعامدىق وركەنيەتتىڭ العا باسۋ نەگىزى، ۇلتتىڭ گۇلدەنىپ - كوركەيۋىنىڭ جانە مەملەكەتتىڭ بايۋىنىڭ، قۇدىرەتتەنۋىنىڭ ماڭىزدى بەلگىسى. بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ امالياتى الدىن الۋ − دەنساۋلىق ساقتاۋدىڭ ەڭ ۇنەمدى، ەڭ ءونىمدى تاكتيكاسى ەكەندىگىن تاعى ءبىر رەت دالەلدەدى. تاجىريبەلەردى قورىتىندىلاپ، ساباق الىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋمەن بىرگە، اناعۇرلىم دالمە - ءدال، اناعۇرلىم ءونىمدى ساقتانۋدى تياناق ەتىپ، ساقتانۋداعى وتكەلدى الدىعا جىلجىتىپ، اۋرۋدان ساقتانۋ - تىزگىندەۋ جۇيەسىنە رەفورما جاساپ، ونى كەمەلدەندىرىپ، الەۋمەتتىك دەنساۋلىق ساقتاۋ ەلەۋلى حاۋىپ - قاتەرلەرى بويىنشا باعالاۋ، تۇجىرىمداۋ، شەشىم جاساۋ مەحانيزمىن كەمەلدەندىرىپ، ەمدەۋ مەن ساقتانۋدى سايكەستىرۋ مەحانيزمىندە جاڭالىق اشىپ، بىرلەسىپ ساقتانۋ، بىرلەسىپ تىزگىندەۋ مەحانيزمىن جانە ەلەۋلى ىندەتتەن قۇتقارۋ - ەمدەۋ مەحانيزمىن اقاۋسىزداندىرىپ، ەرتە باستان قاداعالاۋ، ساقتاندىرۋ قابىلەتىن، جەدەل تەكسەرۋ - ولشەۋ قابىلەتىن، شۇعىل ءبىر جاقتى ەتۋ قابىلەتىن، جالپىلىق قۇتقارۋ - ەمدەۋ قابىلەتىن كۇشەيتىپ، وتانشىلدىق تازالىق ناۋقانىن ىشكەرىلەي ورىستەتىپ، سالماقتى اۋرۋلاردان تۋ باستان ساقتانۋ جانە ونى تىزگىندەۋ كەرەك.

  شي جينپيڭ بىلاي دەپ باسا دارىپتەدى: بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا ۇكىمەتتىك شيپاحانالار ەڭ شۇعىل، ەڭ قاتەرلى، ەڭ جاپالى مەديتسينالىق قۇتقارۋ - ەمدەۋ قىزمەتىن ۇستىنە الىپ، نەگىزگى قوسىندىق رولىن ساۋلەلەندىردى. ۇكىمەتتىك ەمدەۋ، دەنساۋلىق ساقتاۋ قۇرىلىمدارىنىڭ قۇرىلىس تەبىنىن كۇشەيتىپ، اۋدان كولەمىندەگى ەمدەۋ ورتاق تۇلعالارى قۇرىلىسىن ىلگەرىلەتىپ، نەگىزگى ساتىنىڭ نەگىزدىك قۇرىلعىلار شارت - جاعدايىن جاقسارتىپ، اۋىل - قىستاق شيپاگەرلەرىنىڭ مامىلەسىن تياناقتاندىرىپ، نەگىزگى ساتىنىڭ اۋرۋدان ساقتانۋ، اۋرۋدى ەمدەۋ جانە سالاماتتىق باسقارۋ قابىلەتىن جوعارىلاتۋ كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، دارەجەگە ءبولىپ دياگنوز قويۋ - ەمدەۋ ءتۇزىمىن اقاۋسىزداندىرۋ، وسى زامانعى شيپاحانا باسقارۋ ءتۇزىمى، جالپى حالىقتىق ەمدەۋ قامسىزداندىرۋ ءتۇزىمى، ءدارى - دارمەكپەن قامداۋ، قامتاماسىز ەتۋ ءتۇزىمى، جالپىلىق باقىلاۋ - باسقارۋ ءتۇزىمى سياقتى جاقتاردا تىڭ ناتيجەگە قول جەتكىزۋگە قۇلشىنۋ كەرەك. جۇڭگوشا شيپاگەرلىكتە، دارىگەرلىكتە تۋراشىلدىقتى ساقتاپ جاڭالىق اشۋ، جالعاستىرۋ، دامىتۋ قىزمەتىن ويداعىداي ىستەپ، جۇڭگوشا شيپاگەرلىكتىڭ، دارىگەرلىكتىڭ ەرەكشەلىگىنە ۇيلەسەتىن قىزمەت وتەۋ جۇيەسىن، قىزمەت وتەۋ ۇلگىسىن، باسقارۋ ۇلگىسىن، دارىندىلاردى باۋلۋ ۇلگىسىن ورناتىپ، ءداستۇرلى جۇڭگوشا شيپاگەرلىك - دارىگەرلىكتى كەڭىنەن ساۋلەلەندىرۋ كەرەك. جۇڭگوشا - باتىسشا دارىگەرلىك دارىلەرىنىڭ جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ جاعىنداعى ونىمدىلىگىن عىلمي قورىتىندىلاپ جانە باعالاپ، جۇڭگوشا دارىگەرلىك دارىلەرىنىڭ جاڭا تيپتى ايدارشا ۆيرۋس وكپە قابىنۋىن ەمدەۋ بارىسىنداعى شيپالىق ونىمدىلىگىن عىلمي ادىسپەن ءتۇسىندىرۋ كەرەك. كۇشتى شوعىرلاندىرا وتىرىپ شەشۋشى، وزەكتى تەحنيكالاردان قامال الۋدى ورىستەتىپ، ەمدەۋ اسپاپتارى، دارىگەرلىكتە قولدانىلاتىن جابدىقتار، ۆاكسينا سياقتى سالالارداعى ”كىلتەڭ“ ماسەلەلەردى جەدەل شەشۋ كەرەك. ەمدەۋ قامسىزداندىرۋى رەفورماسى تەبىنىن ۇزدىكسىز ارتتىرىپ، ءدارى - دارمەكتى قاجەتتى مولشەرگە قاراي شوعىرلى ساتىپ الۋدى ۇدايىلاندىرا، تۇزىمدەندىرە ورىستەتىپ، سالماقتى، ەرەكشە سالماقتى اۋرۋلاردى ەمدەۋ قامسىزداندىرۋ جانە قۇتقارۋ - كومەكتەسۋ ءتۇزىمىن اقاۋسىزداندىرىپ، ەمدەۋ قامسىزداندىرۋ قورىن باقىلاۋ - باسقارۋ ءتۇزىمى رەفورماسىن تەرەڭدەتىپ، حالىق بۇقاراسىنىڭ ”ءومىرىن ساقتاۋ اقشاسىن“، ”ءومىرىن قۇتقارۋ اقشاسىن“ ويداعىداي ساقتاۋ كەرەك.

  شي جينپيڭ بىلاي دەپ اتاپ كورسەتتى: قالىڭ ەمدەۋ قىزمەتكەرلەرى حالىقتىڭ ءومىرى مەن دەنساۋلىعىنىڭ قورعاۋشىسى. ىندەتكە قارسى اتتانۋ ۇلى رۋحىن زور كۇشپەن ساۋلەلەندىرىپ، ىندەتكە قارسى اتتانۋداعى العاباسار ىزگى ىستەر مەن ءداۋىر ونەگەسىن ىشكەرىلەي ۇگىتتەپ، بۇكىل قوعامدا شيپاگەرلەرگە قۇرمەت ەتىپ، دەنساۋلىق ساقتاۋعا ءمان بەرەتىن تاماشا راي قالىپتاستىرۋ كەرەك. ەمدەۋ قىزمەتكەرلەرىن قورعاۋدى، ولارعا قامقورلىق جاساۋدى، ولاردى ايالاۋدى كۇشەيتىپ، ەمدەۋ قىزمەتكەرلەرىنىڭ قوعامدىق ورنىن جوعارىلاتىپ، شيپاحانالاردىڭ حاۋىپسىزدىكتى قورعاۋ كۇش - قۋاتى مەن قۇرىلعىلار قۇرىلىسىن كۇشەيتىپ، ەمدەۋ جاڭجالى جانە زورلىقتى كۇش ارقىلى شيپاگەرلەردى زاقىمداۋ ارەكەتىنە زاڭ بويىنشا قاتاڭ سوققى بەرۋ كەرەك. قالىڭ ەمدەۋ قىزمەتكەرلەرى شيپاگەرلىك ءمورالدى، شيپاگەرلىك ستيلدى، شيپاگەرلىك جوسىندى ساقتاپ، شيپاگەرلىك ءمورالدى جەتىلدىرىپ، شيپاگەرلىك ونەرىن ايگىلەپ، اۋرۋ ازابىنان قۇتقارۋ پەيىلىمەن حالىقتىڭ قالاۋلى شيپاگەرى بولىپ، حالىق بۇقاراسىن اناعۇرلىم ساپالى، جوعارى ءونىمدى دەنساۋلىق قىزمەت وتەۋىمەن قامتاماسىز ەتۋگە قۇلشىنۋ كەرەك.

  شي جينپيڭ بىلاي دەپ باسا دارىپتەدى: وقۋ - اعارتۋ مەملەكەتتىڭ زور ءىسى، پارتيانىڭ زور ءىسى. پارتيا مەن مەملەكەت ىستەرىنىڭ دامۋ جالپى جاعدايى دەڭگەيىنەن پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە تاباندى بولىپ، ونەگە كورسەتىپ ادام تاربيەلەۋدى يدەيا - ءمورال تاربيەسىنىڭ، مادەنيەت ءبىلىمى تاربيەسىنىڭ، قوعامدىق اماليات تاربيەسىنىڭ ءار بۋىنىنا توعىستىرىپ، نەگىزدىك وقۋ - اعارتۋدىڭ، كاسىپتىك وقۋ - اعارتۋدىڭ، جوعارى وقۋ - اعارتۋدىڭ ءار سالاسىنا ساباقتاستىرىپ، پاندەر جۇيەسى، وقىتۋ جۇيەسى، وقۋلىق جۇيەسى، باسقارۋ جۇيەسى قۇرىلىسىنىڭ ءار جاعىندا بەينەلەپ، نەگىز قالاپ، رۋح سومداپ، ءبىلىم كوزىن اشىپ، جۇرەكتەرگە ءنار بەرۋ كەرەك. ەلىمىزدىڭ رەفورما، دامۋ امالياتى بارىسىنان جاڭا كوزقاراستاردى العا قويىپ، جاڭا نازاريا قالىپتاستىرىپ، جۇڭگوشا ەرەكشەلىكتەگى، جۇڭگوشا ستيلدەگى، جۇڭگوشا ايبىنداعى پاندەر جۇيەسىن، عىلىم جۇيەسىن، ءسوز جۇيەسىن قۇلشىنا قالىپتاستىرۋ كەرەك. جوعارى ساپالى وقۋ - اعارتۋ جۇيەسىن قۇرۋدى ارقاۋ ەتىپ، وقۋ - اعارتۋدى باعالاۋ رەفورماسىن جەتەكشى ەتىپ، ادام تاربيەلەۋ ءتاسىلى، وقىتۋ ۇلگىسى، باسقارۋ ءتۇزىلىسى، قامتاماسىز ەتۋ مەحانيزمى رەفورماسىن ءبىر تۇتاس جوسپارلاپ ىلگەرىلەتۋ كەرەك. وقۋ - اعارتۋعا قىزمەت وتەۋدىڭ جاڭالىق اشا دامۋ قابىلەتىن كۇشەيتىپ، جوعارى ساپالى دامۋعا، ءوز كۇشىنە سۇيەنىپ ءوزىن الۋەتتەندىرۋگە سايكەسە الاتىن جوعارى دەڭگەيدەگى اناعۇرلىم كوپ ءار ءتۇرلى دارىندىلاردى تاربيەلەۋ كەرەك. بۇقارانىڭ اڭىسى كۇشتى بولعان كورنەكتى ماسەلەلەردى، وقۋ - اعارتۋدى جەلەۋ ەتىپ بۇقارانىڭ مۇددەسىنە زيان جەتكىزەتىن ارەكەتتەردى ەش بوساڭسىماي ءجىتى قاداعالاپ، باتىل تۇزەتۋ، ءۇزىلدى - كەسىلدى تۇزەتۋ كەرەك.

  شي جينپيڭ بىلاي دەپ اتاپ كورسەتتى: وقىتۋشى − وقۋ - اعارتۋ قىزمەتىندەگى تىرەكتى كۇش. جوعارى ساپالى وقىتۋشى بولعاندا عانا، جوعارى ساپالى وقۋ - اعارتۋ بولادى. جاقسى وقىتۋشى بولۋ ءۇشىن، ءبىلىم بەرىپ ادام تاربيەلەيتىن، وقۋ - اعارتۋدى قىزۋ سۇيەتىن تاباندىلىق، اتاق - ابىرويعا سالىنبايتىن مىزعىماستىق بولۋ، مۇرات - سەنىم بولۋ، ءمورالدىق قۇلىق بولۋ، مىعىم ءبىلىمى بولۋ، مەيىرىمدى پەيىل بولۋ كەرەك. قالىڭ يدەيا - ساياسي، نازاريا ساباعى وقىتۋشىلارى ساياسيدا بەرىك، سۇيىسپەنشىلىگى تەرەڭ، ويلاۋى جاڭاشا، كوز اياسى كەڭ، ءوزىن قاتاڭ تەجەيتىن، ادامدىق مىنەز - قۇلىعى دۇرىس بولۋ كەرەك. ۇستازدىق ءمورال، ۇستازدىق ستيل قۇرىلىسىن ماڭداي الدى ورىنعا قويىپ، قالىڭ وقىتۋشىلاردى اعا بۋىن وقۋ - اعارتۋ قىزمەتكەرلەرىنىڭ ”تەك عانا قالتقىسىز جۇرەكپەن كەلىپ، تيتتەي دە قارىمجى تىلەمەيتىن“ رۋحىن جالعاستىرىپ جانە ونى ساۋلەلەندىرىپ، وقۋ - اعارتۋ ىستەرىنە ادال نيەتپەن، ۇلەسكەرلىك جۇرەكپەن، مەيىرىمدى پەيىلمەن ات سالىسۋعا جەتەكتەۋ كەرەك. ورتا، باتىس بولىكتەگى دامۋى كەنجە قالعان وڭىرلەردەگى وقىتۋشىلاردى باعىتتامالى تاربيەلەۋ مەن دالمە - ءدال باۋلۋدى كۇشەيتىپ، اۋىل - قىستاق وقىتۋشىلارىن قولداۋ جوسپارىن ىشكەرىلەي اتقارۋ كەرەك. بۇكىل پارتيادا، بۇكىل قوعامدا وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى كۇش سالا ساۋلەلەندىرىپ، تاڭداۋلى دارىندىلار وقۋ - اعارتۋعا جارىسا ات سالىساتىن، قالىڭ وقىتۋشىلار ءوز دارىنىن كۇش سالا ايگىلەيتىن، جاقسى وقىتۋشىلار ۇزدىكسىز جارىققا شىعاتىن تاماشا جاعدايدىڭ قالىپتاسۋىن ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: ەلىمىزدە قالىڭ ايەلدەر جاڭا ءداۋىر جۇڭگوشا سوتسياليزم ىستەرىنە بەلسەندىلىكپەن ات سالىسىپ، جەلەكتىلەر بورىكتىلەردەن قالىسپايتىن اسقاق سەزىممەن قۇلشىنىستار ارقىلى ”جارتى الەمدىك“ ماڭىزدى رولدارىن ساۋلەلەندىردى. اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى ءتۇرلى شايقاس شەبىندە قالىڭ ايەلدەر ەرلىكپەن الدا جۇرۋگە ۇمتىلىپ، قايسارلىقپەن شايقاسىپ، جاڭا ءداۋىر ايەلدەرىنىڭ ءساليقالى كەلبەتىن تولىق ايگىلەدى.

  شي جينپيڭ بىلاي دەپ اتاپ كورسەتتى: پارتيا مەن مەملەكەت دامۋىنىڭ ايبىندى جوباسىن جۇزەگە اسىرۋ ايەلدەردى قامتىعان بارلىق جۇڭحۋا پەرزەنتتەرىنىڭ ورتاق كۇرەس جۇرگىزۋىن قاجەت ەتەدى. قالىڭ ايەلدەردىڭ ۇلى ءىستىڭ قۇرۋشىلارى، وركەنيەتتى سالتتىڭ دارىپتەۋشىلەرى، ارمانعا ۇمتىلۋدىڭ باتىل كۇرەسكەرلەرى بولىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن. ءار دارەجەلى ايەلدەر بىرلەستىگى ۇيىمدارى قالىڭ ايەلدەردى پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ ساياسي جاۋاپكەرشىلىگىن ارقالاپ، قالىڭ ايەلدەردىڭ تاريحي جاۋاپكەرشىلىك سەزىمى مەن قوجايىندىق رۋحىن تاسقىنداتىپ، ەلىمىزدىڭ ايەلدەر ىستەرىنىڭ دامۋىن ىلگەرىلەتۋگە جاڭا ۇلەستەر قوسۋ كەرەك. ءار دارەجەلى پارتكومدار مەن ۇكىمەتتەر ايەلدەر ىستەرىن دامىتۋدىڭ، ايەلدەر قىزمەتىن جاقسى ىستەۋدىڭ كەلەلى ماڭىزىن جەتە تانىپ، ءمان بەرۋ، قامقورلىق جاساۋ، قولداۋ تەبىنىن كۇشەيتىپ، ايەلدەردىڭ ۇقىق - مۇددەسىنە زيان جەتكىزەتىن زاڭعا قايشى قىلمىستىق ارەكەتتەرگە قاتاڭ سوققى بەرىپ، ايەلدەردىڭ ۇقىق - مۇددەسىن زاڭ بويىنشا قورعاۋ كەرەك.

  ديڭ شۋەشياڭ، جاڭ چيڭلي، ۋان گاڭ، لۋ جانگۇڭ، لي بين قاتارلىلار بىرلەسكەن گرۋپپا جيىنىنا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.