− شياڭجياڭ شايقاسىنداعى ارداگەرلەر رۋحىنىڭ ماڭگى جالعاسۋى ءۇشىن
شينحۋا اگەنتتىگىنىڭ تىلشىلەرى ليۋ ۋي، شياڭ جىچياڭ، حى ۋي، لەي جياشيڭ
كوكتەم باسى، گۇيبەي، تاۋ قويناۋىنداعى سۋ جاعاسىندا قىزىل ارميا قابىرى ەرەكشە جىم - جىلاس كورىنەدى.
كەيبىرى بيىك تە سالتاناتتى، كەيبىرى ەكى - ۇشتەن قوسىلىپ جەرلەنگەن؛ كەيبىر قابىردا قاڭقا سۇيەك، كەيبىرىندە تەك كيىم - كەشەك قانا بار؛ كەيبىر قابىرعا نەشە مىڭ ەسىم ويىپ جازىلعان، جازۋ جازىلماعان قابىرلار دا بار...
گۋاڭشيدىڭ گۇيلين قالاسىنىڭ گۋانياڭ، شيڭان، چۋانجوۋداعى شياڭجياڭ شايقاسىنىڭ ەسكى جۇرتىنا بارساڭىز، قۇربانداردىڭ ىزگى ىستەرى مەن ەسىمدەرىن ادامداردىڭ ءتۇرلى فورمالارمەن ىزدەگەندىگىن، ەستەرىندە بەرىك ساقتاعاندىقتارىن بىلەسىز.
شياڭجياڭ شايقاسى − ورتالىق قىزىل ارميا ۇزاق جورىعىنان بەرگى ەرەكشە قيان - كەسكى شايقاس ءارى قىزىل ارميانىڭ تاعدىرىنا قاتىستى شەشۋشى شايقاس بولدى.
1934 - جىلى 11 - ايدىڭ اياق شەنىنەن 12 - ايدىڭ باس شەنىنە دەيىن، جۇڭگو كوممۋنيستىك پارتياسى ورتالىق كوميتەتى مەن ورتالىق قىزىل ارمياسىنىڭ نەگىزگى كۇشى شياڭجياڭنان ءوتىپ، جاۋدىڭ قىزىل ارميانى شياڭجياڭنىڭ شىعىسىندا قورشاپ جويۋ قاسكۇنەمدىگىن تالقاندادى، قىزىل ارميانىڭ سانسىزداعان قولباسىلارى مەن جاۋىنگەرى تولارساقتان قان كەشىپ شايقاس جۇرگىزىپ، ايبىندى توڭكەرىستىك تاريحي داستان جازدى.
ەسكە ءتۇسىرۋ، وسكەلەڭ قۇرمەت
گۋاڭشيدىڭ چۋانجوۋىنداعى قىزىل ارميا ۇزاق جورىق شياڭجياڭ شايقاسى ەسكەرتكىش سارايىنا كىرسەڭىز، مىنالاردى كورەسىز: الىپ بەدەرلى ناقىش قارسى الدىڭىزدا قاسقايىپ تۇر: قىلىش اسىنىپ، مىلتىق ۇستاپ، ات جەتەلەگەن قىزىل ارميانىڭ قولباسىلارى مەن جاۋىنگەرلەرى ەرلىكپەن العا ۇمتىلۋدا، اياق استىڭىزدا قايىقپەن جاسالعان قالقىما كوپىر، وزەنگە تۇسكەن جارىلعىشتاردان شاشىراپ كوتەرىلگەن سۋ.
”قىزىل ارميا ورىن اۋىستىرعاندا قىرۋار اسكەري جابدىقتاردى الا ءجۇردى، قارۋ - جاراقپەن جابدىقتالۋى دا قاراپايىم، مەشەۋ بولدى، قارسىلاسى ولاردى نەشە ەسەلەيتىن جابدىعى وزىق جاۋلار ەدى“، - دەدى ءتۇسىندىرۋشى حۋ ياشين.
قىزىل ارميا حۋناننىڭ داۋشيان اۋدانىنان اتتانىپ، شياڭجياڭنان ەرلىكپەن وتكەن كەزدە 300 مىڭنان استام جاۋ اسكەرى ءبىر ”قالتا“ قالىپتاستىرىپ، قىزىل ارميانى شياڭجياڭنىڭ شىعىسىندا جويۋعا ۇرىندى. جۇڭگو كوممۋنيستىك پارتياسى ورتالىق كوميتەتى، ورتالىق توڭكەرىستىك اسكەري ىستەر كوميتەتى، قىزىل ارميا باس ساياسى ءبولىمى بىرلەسىپ ”جەڭىمپاز بولماساق جەڭىلەمىز“ دەگەن تەلەگرامما جولدادى، قىزىل ارميانىڭ قولباسىلارى مەن جاۋىنگەرلەرى باسىمدىعى وراسان زور جاۋلارمەن سۇراپىل شايقاس جۇرگىزدى.
شينشۇي توسقاۋىل سوعىسى − شياڭجياڭ شايقاسىنىڭ 3 ۇلكەن توسقاۋىل سوعىسىنىڭ العاشقى سوعىسى. گومينداڭنىڭ گۇيجۇن ارمياسىمەن بولعان قيان - كەسكى شايقاستا قىزىل ارميا 3 - جۇنتۋانى 5 - شىسىنىڭ سانموۋجاڭى، قىزىل ارميا 14 - تۋاننىڭ تۋانجاڭى، سونداي - اق ورىنباسار تۋانجاڭى، سانموۋجاڭى، ساياسي باسقارمانىڭ مەڭگەرۋشىسى تۇگەلدەي ەرلىكپەن قۇربان بولدى، قىزىل ارميا اسكەري بولىمىنەن 2000 نەشە ادام جارالاندى، قۇربان بولدى، ورتالىق اسكەري ىستەر كوميتەتىنىڭ ەكى قوسىنى تۇگەلدەي وزەننەن وتكەنگە دەيىن تاباندىلىق كورسەتتى.
گۋاڭحۋاپۋ توسقاۋىل سوعىسىندا وزەننەن وتەتىن وتكەلدى ساقتاۋ ءۇشىن، قىزىل ارميا 3 - جۇنتۋانى 4 - شىسى قىزىل ارميا 10 - تۋانىنىڭ باستىعى شىن شۋچيڭ قوسىندى باستاپ جاۋمەن قايتا - قايتا ايقاسقاندا، وقياتتان وق ءتيىپ، باقىتقا قارسى، قۇربان بولدى. سول كۇنى شىنىڭ سانموۋجاڭى دۋ جۇڭمەي بۇيرىققا ساي تۋان باستىعى مىندەتىن قوسىمشا وتەپ، اسكەري ءبولىمنىڭ ايانباي توسقاۋىل جاساۋىنا قولباسشىلىق ەتىپ، جاۋ ارمياسىنىڭ تالاي رەتكى سۇراپىل شابۋىلىن تويتارىپ، ەڭ سوڭىندا، نەشە 100 جاۋىنگەرمەن بىرگە شايقاس شەبىندە قۇربان بولدى.
وزەننەن وتەتىن شەشۋشى ساتتە جۋ دى ارتقى قورعاۋشى مىندەتىن اتقاراتىن قىزىل ارميا 5 - جۇنتۋانى 34 - شىسىنا بىرنەشە ”ەرەكشە شۇعىل“ تەلەگرامما جولدادى. ”جان قيار ارتقى قورعاۋشى شىسى“ دەپ اتالعان وسى اسكەري ءبولىم ورتالىق قىزىل ارميانىڭ نەگىزگى كۇشىن قورعاپ شياڭجياڭنان وتكىزگەننەن كەيىن، جاۋلار جاعىنان توسقاۋىلعا ۇشىراپ، دەرلىك بۇكىلدەي قۇربان بولدى.
شىجاڭ چىن شۋشياڭ قۇرساق بولىمىنە وق ءتيىپ، باقىتقا قارسى، تۇتقىندالدى، ولسە دە باس يمەگەن ول جاراقاتتانعان جەرىنەن ءوزىنىڭ ىشەگىن سۋىرىپ الىپ، بار پارمەنىمەن بۇراپ ۇزگەننەن كەيىن، نەبارى 29 جاسىندا ەرلىكپەن قۇربان بولىپ، ”سوۆەتتىك رايون ءۇشىن ەڭ سوڭعى قانىمدى سارقامىن“ دەگەن سەرتىن ورىندادى.
جياۋشانپۋ توسقاۋىل سوعىسىن جۇرگىزگەن قىزىل ارميانىڭ قولباسىلارى مەن جاۋىنگەرلەرى گومينداڭ حۋنان ارمياسىنىڭ شابۋىلىن كۇش سالا توستى. قىزىل ارميا 1 - جۇنتۋانى 2 - شىسى 5 - تۋانىنىڭ جىڭۋيى ي داڭپيڭنىڭ شايقاس بارىسىندا اياعى جارالانادى. جاۋلار ءتونىپ كەلگەن كەزدە، ي داڭپيڭ قورعاۋشىلارىنان ءوزىن اتۋدى تالاپ ەتەدى. قورعاۋشىلاردىڭ ءداتى شىداماعاندا، ول مىلتىقتى تارتىپ الىپ وزىنە قاراتىپ وق شىعارىپ، ولسە دە تۇتقىن بولمادى. ول قۇربان بولعان كەزىندە نەبارى 26 جاستا بولاتىن.
شيڭ - ان اۋدانىنداعى پارتيا تاريحى مامانى لو جيفۋ وتكەندە 80 جاستان اسقان كاريانىڭ اۋزىنان كىشكەنتاي كەزىندە سوعىس مايدانىنا بارىپ، جەز تەرىپ جۇرگەندە ادامدى قايران قالدىراتىن مىناداي ءبىر جاعدايدى كورگەندىگىن ەستىگەن ەدى: قۇربان بولعان قىزىل ارميانىڭ ءبىر كىشكەنتاي جاۋىنگەرى ۇرادا قوس قولىمەن مىلتىقتى ۇستاپ، جان ۇزگەنگە دەيىن نىسانانى سىعالاپ جۇرەلەپ وتىرعان كۇيىندە قالعان...
”قىزىل ارميا قۇرباندارىنىڭ بارلىعى جاستار بولاتىن، ولاردىڭ سەنىم ءۇشىن، مۇرات ءۇشىن قانىن سۋداي اعىزىپ قۇربان بەرۋدەن تايىنباۋى − مەنىڭ ەسىمە ’ولىمگە باسىن ءباي تىككەن‘ دەگەن ءسوزدى سالدى“، - دەيدى گۋانياڭ اۋدانىنداعى پارتيا تاريحى مامانى ۋىن دۇڭبو، - ولاردىڭ باتىلدىقپەن جەڭىسكە جەتكەن، باتىلدىقپەن شەپ بۇزعان، باتىلدىقپەن قۇربان بولعان توڭكەرىستىك رۋحتارى تاريحقا ماڭگى جازىلادى.
ىزدەۋ، ساعىنا ەسكە الۋ
ما يۇيليزى، لا لاۋشىتوۋ، ۋاڭ شياۋزىڭنۇي، حۋاڭ شۇيجينشىڭ، لا مانمەيلاۋ... شينشۇي توسقاۋىل سوعىسى جيۋحايجيڭ قىزىل ارميا ەسكەرتكىش باقشاسىنا ورناتىلعان قۇلپىتاستارداعى بۇل ”ەرەكشە“ ات - ەسىمدەر ادامداردىڭ نازارىن اۋداردى.
”سول جىلدارى قىزىل ارمياعا قاتىناسقانداردىڭ كوبى كەدەي بۇقارا بولاتىن، ولاردىڭ اكە - شەشەلەرىنىڭ كوبىنىڭ مادەنيەت ماعلۇماتى تومەن بولاتىن دا بالالارىنا ءبىرشاما قاراپايىم ات - ەسىمدەردى قويا سالاتىن“، - دەيدى گۋانياڭ اۋداندىق پارتيا تاريحىن زەرتتەۋ كەڭسەسىنىڭ مەڭگەرۋشىسى شى چيۋيىڭ، - كەيبىرەۋى اتا جولى بويىنشا اعا - ءىنى، باۋىر - قارىنداستارىنا تەتەلەس قويا سالادى، كەيبىرەۋى اكە - شەشەسىنىڭ فاميلياسىنا ساي قويىلادى، ال كەيبىرەۋى جەكە ادامنىڭ ەرەكشەلىگى سياقتى سەبەپتەرگە بايلانىستى قويىلادى.
قاندى شياڭجياڭ شايقاسىنان كەيىن، جەر - جەرگە قويىلعان، انىقتالۋى قيىن اتسىز قۇربانداردىڭ سانى كوپ بولعان، ءبىراق پارتيا مەن حالىق ولاردى ىزدەۋ قادامىن ەشقاشان كىدىرتكەن ەمەس.
ورتالىق قىزىل ارميانىڭ نەگىزگى كۇشى شياڭجياڭ قۇرساۋلاۋ شەبىن بۇزىپ وتكەن شيڭ - ان اۋدانىندا اۋىل، قالاشىق، قىستاق، قورجالاردا تۇرعىزىلعان ۇلكەندى - كىشى قىزىل ارميا قابىرلارىنان وننان استامى بار.
لو جيفۋ بىلاي دەپ تانىستىردى: 20 - عاسىردىڭ 60 - جىلدارىنان باستاپ، جەرگىلىكتى ورىن ىلگەرىندى - كەيىندى كوپتەگەن قۇربانداردىڭ مۇردەسىن قازىپ الىپ، ”بىرەۋىن بايقاسا، ءبىر قابىر تۇرعىزدى ءارى كوپ رەت قايتا جوندەدى“.
قىزىل ارميا گۋانياڭنان 3 رەت ءوتتى، قىزىل ارميانىڭ نەشە مىڭداعان قولباسىلارى مەن جاۋىنگەرلەرى وسى ارادا ماڭگىلىك ۇيقىعا كەتتى. گۋانياڭ اۋدانى باستابىندا تەك 1800دەن استام قۇرباننىڭ ات - ەسىمىن تاپقان ەدى. جەرگىلىكتى پارتيا تاريحى، حالىق ىستەرى سياقتى تاراۋلاردىڭ قىزمەتكەرلەرى فۋجيان، جياڭشي قاتارلى جەرلەرگە بارىپ انىقتاۋ ارقىلى قۇربانداردىڭ سانى 2831 ادامعا كوبەيدى.
2018 - جىلدىڭ اياعىنان بەرى جالپى 82 ءبىرشاما تولىق ساقتالعان مۇردە، 7465 بىتىراندى مۇردە گۇيبەي ءوڭىرىنىڭ تاۋ ۇڭگىرلەرىنەن، وزەن شاتقالدارىنان، تاۋ ورمانى اراسىنان قازىپ الىندى. جاڭادان نەمەسە قايتالاي جوندەلگەن ەسكەرتكىش ورنىندا سالتاناتتى جەرلەۋ مۇراسىمىن وتكىزىپ، توپتىق جەرلەدى... پارتيا مەن حالىق ءتۇرلى ءتۇستى ءتاسىل ارقىلى باتىرلاردىڭ رۋحىمەن قوشتاستى.
”ءبىر تال ءشوپ، ءبىر تال اعاش ءبىر ارداگەردىڭ رۋحى، ءبىر تاۋ، ءبىر تاس ءبىر ەسكەرتكىش بولدى“. جياۋشانپۋ توسقاۋىل سوعىسىنىڭ كونە جۇرتىندا جاڭادان سالىنعان قىزىل ارميانىڭ ۇزاق جورىقتاعى شياڭجياڭ شايقاس ەسكەرتكىش باقشاسىنىڭ ىشىندەگى بەتكەيدە ءتۇرلى فورماداعى الىپ تاستار بار.
”ءاربىر ءنومىر ويىلعان تاستىڭ استىنا قۇربانداردىڭ سۇيەگى جەرلەنگەن، قۇربانداردىڭ رۋحى جاسىل قاراعايداي گۇيبەي دالاسىنا ايباتتانا ءسىڭىپ، ماڭگى جاپ - جاسىل بولىپ تۇر“، - دەدى چۋانجوۋ اۋدانىنداعى پارتيا تاريحى مامانى جوۋ شيۇڭ تەبىرەنە.
تالاي - تالاي ات - ەسىمدەردىڭ ارتىندا زارىعا كۇتكەن جانارلار بار ەدى.
قىزىل ارميا قۇربانى يا مەيشيننىڭ ۇرپاعى يا حانگاۋ جيۋحايجيڭ قىزىل ارميا ەسكەرتكىش باقشاسىنداعى قۇرباندار ات - ەسىمى داۋالىنان ءوزىنىڭ تۋىسىنىڭ اتىن تاۋىپ العاندا جانارى جاسقا تولدى. ول ادەيى ءوزىنىڭ اتا مەكەنى دۇڭلانعا شياڭجياڭ توپىراعىنان ءبىر ۋىس الىپ قايتتى.
فۋجيان ولكەسى تيڭشيان اۋدانىنان كەلگەن لين يانجين، لين ليمەيزى، لين تيانبا 3 اعالى - ءىنىلى بىردەي شياڭجياڭ شايقاسىندا ەرلىكپەن قۇربان بولعان. 2019 - جىلى 6 - ايدىڭ سوڭىندا شياڭجياڭ شايقاسىنداعى باتىس فۋجيان قۇرباندارىنىڭ ۇرپاقتارى تۋىستارىن ىزدەۋ قيمىلى ارقىلى لين فاميليالى اعالى - ىنىلەردىڭ نەمەرەلەرى اقىرى شياڭجياڭ جاعالاۋىنان اتالارىنىڭ ات - ەسىمىن تاۋىپ الدى. ولار كۇرىش اراعىن، حىتيان تاۋىعىن، قارا شەكەر جانە اۋىلىنىڭ سۋىن الا كەلىپ، سالتاناتتى تۇردە كىجيانىڭ سالت - ساناسىمەن شيڭان اۋدانىنداعى قۇرباندار داۋالىنىڭ الدىندا تاساتتىق بەردى.
سانسىز ارداگەردىڭ رۋحى تۇراقتارىن تاپتى، ءتىپتى دە كوپ اتسىز قۇرباندار ءالى دە تەكسەرىلىپ ىزدەستىرىلۋ ۇستىندە.
”سەندەردىڭ فاميليالارىڭ مەن ات - ەسىمدەرىڭدى ەشكىم بىلمەيدى، سەندەردىڭ ەسەلى ەڭبەكتەرىڭ ماڭگى جاسايدى“. گۋانياڭ اۋدانىنداعى توڭكەرىستىك قۇرباندار قابىرستاندىعىنداعى اتسىز قۇرباندار ەسكەرتكىشىنە ءدال وسىلاي ءبىر سويلەم ءسوز جازىلعان.
”ءاربىر قىزىل ارميا قاھارمان - قۇرباندارىنىڭ ات - ەسىمىن ىزدەۋ − قىزىل ارميا قاھارمان - قۇرباندارىنىڭ اۋىلداستارىنا، تۋعان - تۋىستارىنا دەگەن ەڭ زور جاۋاپ بولىپ تابىلادى“، - دەدى ۋىن دۇڭبو، - ”ءبىز ىزدەستىرۋدى تىنباي جالعاستىرامىز!“
مۇراگەرلىك ەتۋ، دامۋ
قۇربانداردىڭ ىستىق قانى بوياعان گۇيبەيدىڭ تاۋلى ءوڭىرى بۇل كۇندەرى كەدەيلىكتەن ارىلىپ، وزگەشە جاڭا كورىنىستى قارسى الدى.
سول كەزدەگى قىزىل ارميانىڭ گۋانياڭ، چۋانجوۋ ەكى اۋدانعا كىرگەن جول لەنياسىن بويلاي ％80تەن جوعارى قوسارلانا سالىنعان گۋان - فىڭ جوعارى قارقىندى تاس جولىندا 2015 - جىلى كولىك قاتىناپ، بايىرعى رايون حالقىنا ءتىپتى دە كوپ ىرىس - قۇت الا كەلدى.
شينشۇي توسقاۋىل سوعىسىنىڭ ورنى گۋانياڭ اۋدانىنىڭ شينشۇي قالاشىعى مەن حىمۋ قىستاعىندا، گۋان - فىڭ جوعارى قارقىندى تاس جولى ءتىپتى دە كوپ ساياحاتشىلاردى باۋراپ، جەرگىلىكتى ورىننىڭ قارا ءجۇزىم، قاۋىن سياقتى جەمىس - جيدەكتەرىنىڭ كۇسەت ساتىلۋىنا تۇرتكى بولدى. قىستاق پارتيا ياچەيكاسىنىڭ شۋجيى جياڭ جۇنفا قىستاق تۇرعىندارىن باستاپ، اسحانا، حالىقتىق تۇسەلحانا اشىپ، قىزىل ساياحاتتى دامىتتى.
”بۇرىنعى قىزىل ارميا قولباسىلارى مەن جاۋىنگەرلەرىنىڭ اسقار اسۋلاردان اسقان ۇزاق ساپارى بولعاندىقتان عانا، ءبىز بۇگىنگى بارعان سايىن داڭعىلدانا تۇسكەن دامۋ جولىن سالا الدىق“، - دەدى جياڭ جۇنفا.
گۋاڭحۋاپۋ توسقاۋىل سوعىسىنىڭ تۋىلعان ورنى شيڭان اۋدانى تۇلەي ءتۇستى. حۋاجياڭ ياۋزۋ اۋىلى ىشىندەگى لاۋشانجيە قىزىل ارميا ۇزاق جورىق باستاعاننان بەرى تۇڭعىش رەت اسقان اسقار تاۋ.
حۋاجياڭ اۋىلى گاۋجاي قىستاعى لياڭجياجايىنا بارا قالساڭىز، بامبۋك ورمانى ىرعالىپ، ءموپ - ءمولدىر بۇلاقتار سىلدىراپ اعىپ جاتىر، ياۋزۋ ەرەكشەلىگىندەگى تۇرعىن ۇيلەر ايقىش - ۇيقىش سالىنعان، قىزىل مادەنيەت الاڭى، ەگىمشىلىك كورمە اۋماعى سياقتىلار ايرىقشا كوز تارتادى.
كەدەيلىكتەن ارىلعان ياڭ شىڭيوۋ شارۋالار شاتتىعى ساياجايىن سالۋمەن قاربالاس بولىپ جاتىپتى، بيىل ”1 - مامىر“ دەمالىسىنان باستاپ ساياحاتشى قابىلداۋدى جوسپارلاپ وتىر ەكەن. مۇنان بۇرىن مي ارتەرياسى وسپەسى سىرقاتىنا شالدىققان ول جەرگىلىكتى ورىنداعى پارتكومنىڭ، ۇكىمەتتىڭ كومەكتەسۋىندە، سۇيەمەلدەۋىندە دەنساۋلىعى مەن تۇرمىسى بىرتىندەپ جاقسارعان. اۋىلى جاڭالانعاننان كەيىن ساياحاتشىلاردىڭ اياعىنىڭ دامىل تاپپاعانىن كورىپ، ول دا بەلسەندىلىكپەن ارالاسىپ كەتىپتى.
بۇل كۇندەرى حۋاجياڭ اۋىلى قىزىل مادەنيەت، ۇلتتىق مادەنيەت، ەكولوگيالىق ورتا سياقتى باسىمدىقتارعا سۇيەنىپ بەلسەندىلىكپەن بۇرىلىس جاساپ، ”حۋاجياڭ جيۋجاي“ سياقتى ساياحات نىسان قۇرىلىستارىن باستاپ، كۇتىمدەلۋ ساياحات كاسىبىن زور كۇشپەن دامىتتى.
قىزىل مادەنيەت بايلىق قاينارىن جۇيەلى اشتى، قىزىل ساياحات نىسانىن سالدى، ەكولوگيانى قورعاۋ ”تۇنىق سۋ، جاسىل تاۋ − باعالى بايلىق“ نازارياسىن امالياتتا ايگىلەدى... بۇل كۇندەرى ”قىزىل گەن“ جەرگىلىكتى ورىنداعى كادرلاردىڭ، بۇقارانىڭ قانىنا ءسىڭىپ، شياڭجياڭنىڭ ەكى جاعاسىندا تىرشىلىك تىنىسى جالىنداعان جاڭا جاعداي جارىققا شىقتى.
”قىزىل ارميانىڭ قاھارمان - قۇرباندارىنا دەگەن ەڭ جاقسى ەسكە الۋ − قىزىل گەنگە مۇراگەرلىك ەتۋ، اۋەلگى ماقساتتى، بورىشتى ەستە بەرىك ساقتاۋ، حالىقتىڭ باقىتىن جانە ۇلتتىڭ گۇلدەنۋىن كوزدەۋ بارىسىندا ۇلەس قوسىپ، ادال بولىپ، جاۋاپكەرشىلىك ارقالاپ، جاڭا داۋىردەگى جاڭا ساپاردى ۇزدىكسىز ويداعىداي باسۋ“، - دەدى گۋانياڭ اۋداندىق پارتكومنىڭ شۋجيى جوۋ چۇنيۇڭ.
(شينحۋا اگەنتتىگىنىڭ 2 - ايدىڭ 4 - كۇنى ناننيڭنەن بەرگەن حابارى)
