تيانشان تورى   ›   جاڭالىقتار   ›   شينجياڭ حابارلارى

مەملەكەتتىك ساياسي كەڭەس تۇڭعىش رەت مۇشەلەردىڭ ۇزدىك مىندەت وتەۋ سيلىعىن تاعايىندادى

مەملەكەتتىك ساياسي كەڭەستىڭ شينجياڭدا تۇراتىن 2 مۇشەسى سيلىققا يە بولدى

  انار بۇلت / شينجياڭ گازەتىنىڭ ءتىلشىسى چىن چياڭۋيدىڭ 3 - ايدىڭ 8 - كۇنى بەيجيڭنەن جالعاپ بەرگەن حابارى. 3 - ايدىڭ 8 - كۇنى مەملەكەتتىك ساياسي كەڭەس مۇشەلەرىنىڭ ۇزدىك مىندەت وتەۋ سيلىعىن تاراتۋ بويىنشا ماداقتاۋ - سيلاۋ سالتى بەيجيڭدە وتكىزىلدى، 20 مۇشە 2020 - جىلعى ۇزدىك مىندەت وتەۋ سيلىعىنا يە بولدى. ولاردىڭ اراسىندا مەملەكەتتىك ساياسي كەڭەستىڭ شينجياڭدا تۇراتىن 2 مۇشەسى نيۋ رۋجي مەن ياڭ جيە بار.

  «مەملەكەتتىك ساياسي كەڭەستىڭ مۇشەلەردىڭ جاۋاپكەرشىلىك ارقالاۋىن كۇشەيتۋ جونىندەگى پىكىرىنە» ساي، مەملەكەتتىك ساياسي كەڭەستىڭ ءتوراعالار ءماجىلىسى ”مەملەكەتتىك ساياسي كەڭەس مۇشەلەرىنىڭ ۇزدىك مىندەت وتەۋ سيلىعىن“ تاعايىنداپ، ءار جىلى مىندەت وتەۋ قىزمەتىندە كورنەكتى ۇلەس قوسقان مۇشەلەردى ماداقتاپ - سيلاۋدى اقىلداسىپ ۇيعاردى. بيىل تۇڭعىش رەت مەملەكەتتىك ساياسي كەڭەس مۇشەلەرى ۇزدىك مىندەت وتەۋ سيلىعى تاراتىلدى.

  ” بىلتىر مەنىڭ ۇسىنىس بەرىپ، مەملەكەت ىستەرىن اقىلداسۋدا اسا تابىستى بولعان ءبىر جىلىم بولدى. سيلىق العاننان كەيىن قىزمەتىمنىڭ تۇراقتاندىرىلعانىنا قۋانسام دا جەتەرسىزدىكتەرىمدى دە تەرەڭ سەزىندىم. الداعى جەردە تەك ىشكەرىلەي تاريحتان، حالىقتان ۇيرەنىپ، نەگىزگى ساتىنىڭ ءبىرىنشى شەبىنە تامىر تارتىپ، كەڭ كولەمدى تەكسەرۋ - زەرتتەۋ جۇرگىزىپ، حالىق رايىنا دەن قويىپ، مۇقيات مىندەت وتەگەندە عانا حالىقتىڭ سەنىمىن اقتاي الامىن“، - دەدى مۇشە نيۋ رۋجي.

  مۇشە نيۋ رۋجي باستان - اياق جۇڭحۋا مادەنيەتى، ۇلتتار ىنتىماعى، اۋىل - قىستاقتى گۇلدەندىرۋ سياقتى سالالارعا ايرىقشا ءمان بەرىپ، وسى سالالارداعى كەلەلى ماسەلەلەر جونىندە ناقتى ۇسىنىس قويىپ، ۇتىمدى ءادىس كورسەتتى، ۇسىنىستارى دەر كەزىندە قابىلدانىپ، بەلسەندى قوعامدىق ونىمدىلىك تۋدىردى. بۇرىن وڭتۇستىك شينجياڭنىڭ قىستاقتارىندا تۇرعان كەشىرمەلەرى مۇشە نيۋ رۋجيدىڭ وڭتۇستىك شينجياڭ اۋىل - قىستاقتارىنداعى حالىق جاعدايىنا، حالىق رايىنا قاتىستى سەنىمدى ماتەريالداردى يگەرۋىنە مۇمكىندىك جاسادى، وسى نەگىزدە ول تالاي رەت وڭتۇستىك شينجياڭنىڭ دامۋىنا، مەكتەپكە دەيىنگى تاربيەگە دەم بەرىپ، بۇقارانىڭ ەڭ كوكەي تەستى تالاپ - تىلەكتەرىن دەر كەزىندە اڭىس ەتتى، ول تاعى بۇقارانى ءوزارا ءتۇسىنسۋ بارىسىندا ”بەستى شىنايى مويىنداۋدى“ كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا بەلسەنە باستاپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىنا مۇمكىندىك جاسادى.

  ”سيلىق الۋ مەنىڭ مىندەت وتەۋ قىزمەتىمدى تۇراقتاندىرعاندىق، مەن مۇنى اسا داڭق سەزىنەمىن. الداعى جەردە مەن بۇرىنعىداي مىندەتىمدى وتەپ، جاۋاپكەرشىلىگىمدى ادا ەتىپ، اقىل - كەڭەس بەرىپ، نازاريالىق ۇيرەنۋدى كۇشەيتىپ، باستان - اياق دۇرىس سەنىمنىڭ، دۇرىس ارەكەتتىڭ تاراتۋشىسى جانە امالياتتا ايگىلەۋشىسى بولىپ، ۇزدىكسىز كوپتەپ كىتاپ وقىپ، جاقسى كىتاپتار وقىپ، ۇگىت - لەكسيالاردى كوبىرەك جاساپ، دۇنيە جۇزىنە شينجياڭ حيكاياسىن ويداعىداي اڭگىمەلەيمىن“، - دەدى مۇشە ياڭ جيە.

  مۇشە ياڭ جيە كەزىندە ”مەن ءدىن ۇستانۋشىمىن، ونان دا ماڭىزدىسى، ازاماتپىن“ دەگەن سوزىمەن كوپشىلىككە تانىس بولعان. مەملەكەتتىك ساياسي كەڭەستىڭ مۇشەسى بولعاننان بەرى ياڭ جيە جۇڭحۋا مادەنيەتى، ۇلتتار ىنتىماعى، ۇلت، ءدىن سياقتى سالالارعا ءجىتى نازار اۋدارىپ، تاباندىلىقپەن نەگىزگى ساتىنىڭ ءبىرىنشى شەبىندە تەكسەرۋ - زەرتتەۋ جۇرگىزدى. ىشكەرىلەي تەكسەرۋ - زەرتتەۋ جۇرگىزۋ ونىڭ ۇسىنىستارىن وتە كۇشتى باعىتتامالىلىققا جانە ونىمدىلىككە يە ەتتى. ول وڭتۇستىك شينجياڭدا كەدەيلەردى سۇيەمەلدەۋ، وقۋ - اعارتۋ، اۋىل - قىستاقتى گۇلدەندىرۋ سياقتى جاقتاردا ىلگەرىندى - كەيىندى كوپتەگەن ۇسىنىستار تاپسىردى ءارى ۇسىنىستارى قابىلداندى. ءدىن سالاسىنداعى مۇشە رەتىندە، ياڭ جيە تاعى ءوزىنىڭ ءىس جۇزىندىگىمەن ۇشتاستىرا وتىرىپ كوپ رەت ءتۇرلى ۇگىت - لەكسيا قيمىلدارىنا قاتىناسىپ، وتاننىڭ ابزال ساياساتىن، شينجياڭنىڭ جاڭا وزگەرىستەرىن، ۇلتتار ىنتىماعىنداعى اسەرلى حيكايالاردى اناعۇرلىم كوپ ادامعا جەتكىزىپ، كەڭ كولەمدى جاقسى باعاعا يە بولدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.