تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ ۋاكىلدەر ۇيىرمەسى ماجىلىسكە 4 كەڭەستىك جوبا، 100 ۇسىنىس تاپسىردى

  انار بۇلت / شينجياڭ گازەتىنىڭ تىلشىلەرى لي ياڭ، ياۋ تۇڭ 3 - ايدىڭ 8 - كۇنى بەيجيڭنەن حابارلايدى. 3 - ايدىڭ 8 - كۇنى ساعات 12گە دەيىنگى ۋاقىت13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەلگىلەگەن ۋاكىلدەردىڭ كەڭەستىك جوبا تاپسىرۋى اياقتايتىن ۋاقىت شەگى. شەكتى ۋاقىتقا دەيىن شينجياڭ ۋاكىلدەر ۇيىرمەسى ماجىلىسكە 4 كەڭەستىك جوبا تاپسىردى، بۇدان سىرت، ۋاكىلدەر 100 ۇسىنىس تاپسىردى.

   جوعارى ساپالى كەڭەستىك جوبا، ۇسىنىستار قويۋ ءۇشىن، ماجىلىستەن ىلگەرى ۋاكىلدەر بەلسەندىلىكپەن تەكسەرۋ، تەكسەرىپ - زەرتتەۋ جۇرگىزىپ، نەگىزگى ساتى ءبىرىنشى شەبىنە بارىپ، بۇقارادان كەڭ كولەمدە پىكىر تىڭداپ، ەكونوميكالىق، قوعامدىق دامۋدىڭ العاشقى ماتەريالدارىن ۇعىسىپ جانە يگەرىپ، كەڭەستىك جوبا، ۇسىنىستاردى ويداعىداي العا قويۋعا بەرىك نەگىز قالادى. ماجىلىستە ۋاكىلدەر وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن زاڭ بويىنشا مىندەتتەرىن وتەپ، مۇقيات تالقىلاپ، ءبىرشاما كەمەلدى كەڭەستىك جوبا، ۇسىنىس نۇسقالارىن قالىپتاستىردى.

  4 كەڭەستىك جوبا مىنالار: ەرىكتىلەر زاڭىن زاڭ شىعارۋ جوسپارىنا تەزىرەك ەنگىزۋ جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ جايلىم زاڭىنا» جەدەل وزگەرىس ەنگىزۋ جونىندەگى كەڭەستىك جوبا؛ جۇڭحۋا حالىق رەسپۋبليكاسىنىڭ الەۋمەتتىك يگىلىك ارىز - شاعىم زاڭىن جاساۋ جونىندەگى كەڭەستىك جوبا؛ كاسىپورىن قىلمىس وتكىزسە قوسىمشا شارت ارقىلى ارىز بەرمەۋ ءتۇزىمىن ورناتۋ جونىندەگى كەڭەستىك جوبا. ۇسىنىستار، باستىسى، جوعارى ساپالى دامۋ، ەكولوگيالىق وركەنيەت قۇرىلىسى، اۋىل - قىستاقتى گۇلدەندىرۋ، جىبەك جولى ەكونوميكالىق بەلدەۋى وزەكتى رايون قۇرىلىسى سياقتى سالالارعا سايادى، ناقتى مىنالاردى قامتيدى: شينجياڭنىڭ كەپتىرىلگەن جەمىس ونىمدەرىن ”جاسىل ارناعا“ ەنگىزۋ ساياساتىن كەڭەيتۋ جونىندەگى ۇسىنىس، شينجياڭنىڭ سورتتى تۇقىم جەتىلدىرۋ بازاسى قۇرىلىسىن ىلگەرىلەتۋ جونىندەگى ۇسىنىس، ت.ب.

  شۇي تاۋ قاتارلى ۋاكىلدەر بىلاي دەپ قارادى: 2017 - جىلى 12 - ايدىڭ 1 - كۇنىنەن باستاپ اتقارىلعان «ەرىكتى قىزمەت وتەۋ ەرەجەسى» ەرىكتىلەردىڭ، ەرىكتى قىزمەت وتەۋ ۇيىمدارىنىڭ، ەرىكتى قىزمەت وتەۋ وبيەكتىلەرىنىڭ زاڭدى ۇقىق - مۇددەسىن قامتاماسىز ەتىپ، ەرىكتى قىزمەت وتەۋ ىستەرىن دامىتۋعا زاڭمەن جونگە سالۋ جاعىنان پارمەندى كەپىلدىك ەتتى. قوعامنىڭ دامۋىنا، العا باسۋىنا ىلەسە، ەرىكتى قىزمەت وتەۋگە ساياتىن تۇلعالار، فاكتورلار جانە بۋىندار كوبەيىپ، مەملەكەت جاعىنان ارنايى زاڭ شىعارۋعا تۋرا كەلدى. ەرىكتىلەر زاڭىنىڭ مەملەكەتتىك حالىق قۇرىلتايى تۇراقتى كوميتەتىنىڭ زاڭ شىعارۋ جوسپارىنا ەنگىزىلۋىن بەلسەنە ىلگەرىلەتىپ، ەرىكتى قىزمەت وتەۋ جۇيەسىن زاڭ بويىنشا قامتاماسىز ەتۋدى ۇسىنامىز.

  قازىر جەمىس ورمان شارۋاشىلىعى شينجياڭنىڭ اۋىل شارۋاشىلىعى، اۋىل - قىستاق ەكونوميكاسىنداعى تىرەكتى كاسىپ سالاسىنىڭ بىرىنە اينالدى، ءبىراق شينجياڭنىڭ ىشكى وڭىرلەردەگى بازارلارمەن تاسىمال ارالىعى الىس، تاسىمال ۋاقىتى ۇزاق بولعاندىقتان، سۋىق تىزبەكتى زات اينالىمى دامىماعاندىقتان، جەمىس - جيدەكتى، كەپتىرىلگەن جەمىستى سىرتقا ساتۋدىڭ، تاسىمالداۋدىڭ وزىندىك قۇنى مەن حاۋىپ - قاتەرىن ارتتىرىپ، شينجياڭنىڭ ەرەكشە جەمىس ورمان ونىمدەرىنىڭ باسەكەلىك باسىمدىلىعىن تومەندەتتى. شينجياڭ ۋاكىلدەر ۇيىرمەسى: مەملەكەتتىڭ اۋىل شارۋاشىلىعى ونىمدەرىن تاسىمالداۋ ”جاسىل ارناسى“ ساياسات كولەمىن كەڭەيتىپ، قازىرگى كەزدە ”جاسىل ارنا“ ساياساتىنان يگىلىكتەنىپ وتىرعان المۇرت، شىلان (جاس) جانە ءجۇزىم سياقتى ءىشىنارا تۇرلەردەگى جاس كۇيىندەگى جەمىستەردى كەپتىرىلگەن جەمىستەردى قامتىعان بارلىق جەمىس ورمان ونىمدەرىنە، سونداي - اق العاشقى وڭدەلگەن ونىمدەرگە دەيىن كەڭەيتۋ ءارى شينجياڭنان شىعاتىن جەمىس ورمان شارۋاشىلىعىنىڭ وڭدەلگەن ونىمدەرىنە تاسىمال قوسىمشا قاراجاتىن بەرۋى جونىندە ۇسىنىس بەردى.

  شينجياڭنىڭ سورتتى تۇقىم جەتىلدىرۋ كاسىبىن دامىتۋدا وزگەشە كۇن نۇرى، جىلۋ بايلىعى باسىمدىلىعى بار، جاسىل القاپ سۋارمالى اۋىل شارۋاشىلىعىنىڭ ءوندىرىس ۇلگىسى كولەمدەنگەن، ارنايىلانعان سورتتى تۇقىم جەتىلدىرۋ ءىسىن شارت - جاعدايمەن قامتاماسىز ەتتى. شينجياڭ ۋاكىلدەر ۇيىرمەسى مەملەكەتتىڭ شينجياڭنىڭ ءبيداي، جۇگەرى، ماقتا سورتتى تۇقىمدارىن جەتىلدىرۋ بازاسىن قولداۋ تەبىنىن كۇشەيتىپ، سورتتى تۇقىم جەتىلدىرۋ كاسىبىن شينجياڭنىڭ وسى زامانعى اۋىل شارۋاشىلىعىنىڭ دامۋىن ىلگەرىلەتەتىن ماڭىزدى تىرەككە اينالدىرىپ، شارۋالار كىرىسىنىڭ ارتۋىن جەبەۋ ۇسىنىسىن بەردى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.