باس شۋجي شي جينپيڭنىڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى رايونىمىزداعى ۋاكىلدەردى، مۇشەلەردى جانە ءار ۇلت كادر - بۇقاراسىن شابىتتاندىردى، كوپشىلىك ءبىر اۋىزدان مىنالاردى ءبىلدىردى −
ەكولوگيانى الدىمەن ويلاستىرۋعا تاباندى بولىپ، جوعارى ساپالى دامۋدى ىلگەرىلەتىپ، جوعارى ساپالى تۇرمىس جاراتامىز
انار بۇلت / شينجياڭ گازەتىنىڭ تىلشىلەرى
باس شۋجي شي جينپيڭ 3 - ايدىڭ 7 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندەگى چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا ماڭىزدى ءسوز سويلەپ، جوعارى ساپالى دامۋدى ىلگەرىلەتۋ جونىندە جاساعان تەرەڭ تۇسىنىگى، ورتاعا قويعان جاڭا تالابى رايونىمىزداعى ۋاكىلدەر، مۇشەلەر جانە ءار ۇلت كادر - بۇقاراسى اراسىندا قىزۋ اڭىس قوزعادى. كوپشىلىك مىنالاردى ءبىلدىردى: ەڭ كەڭ حالىقتىڭ ءتۇبىرلى مۇددەسىن باستان - اياق كوكەيدە ساقتاپ، ەكولوگيانى الدىمەن ويلاستىرۋعا تاباندى بولۋ، جوعارى ساپالى دامۋدى ىلگەرىلەتۋ، جوعارى ساپالى تۇرمىس جاراتۋ ورنالاستىرۋى مەن تالاپتارىن ناقتى تياناقتاندىرامىز.
جوعارى ساپالى دامۋدىڭ باي مازمۇنىن يگەرەمىز
باس شۋجي شي جينپيڭ بىلاي دەپ باسا دارىپتەدى: جوعارى ساپالى دامۋ − ”14 - بەسجىلدىقتاعى“، ءتىپتى، ونان دا ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ باستى تاقىرىبى، ەلىمىزدىڭ سوتسياليستىك وسىزامانداندىرۋ قۇرىلىسىنىڭ جالپى جاعدايىنا سايادى.
باس شۋجي شي جينپيڭنىڭ ماڭىزدى ءسوزىن مۇقيات ۇيرەنگەن شينجياڭدا تۇراتىن مەملەكەتتىك ساياسي كەڭەستىڭ مۇشەسى ۋ گاڭ جوعارى ساپالى دامۋ جونىندە اناعۇرلىم تەرەڭ تۇسىنىككە يە بولدى. ول مىنالاردى ءبىلدىردى: جينفىڭ عىلىم - تەحنيكاسى جەل ەلەكتر جابدىقتارىن زەرتتەپ - اشاتىن جانە جاسايتىن كاسىپورىن ساناتىندا، ەنەرگيا جاعىنداعى حالىق تۇرمىسى نەگىزدىك قۇرىلعىلارىن جانە الەۋمەتتىك قىزمەت وتەۋ قابىلەتى قۇرىلىسىن ۇزدىكسىز نىعايتىپ، كاسىپورىننىڭ جاڭالىق اشۋ قابىلەتىن جەتىلدىرۋدى ۇزدىكسىز كۇشەيتىپ، جوعارى ساپالى دامۋعا جاڭا قوزعاۋشى قۋات ۇستەيدى.
باس شۋجي شي جينپيڭ بىلاي دەپ باسا دارىپتەدى: جوعارى ساپالى دامۋ ەكونوميكالىق تالاپ قانا بولماستان، قايتا ەكونوميكالىق، قوعامدىق دامۋدىڭ ءار سالاسىنا قويىلعان باس تالاپ؛ ەكونوميكاسى دامىعان وڭىرلەرگە قويىلعان تالاپ قانا بولماستان، بارلىق وڭىرلەردىڭ دامۋىندا، ءسوزسىز، دايەكتىلەندىرۋگە ءتيىستى تالاپ؛ ءبىر مەزەتتىك تالاپ ەمەس، قايتا، ءسوزسىز، ۇزاق ۋاقىت تاباندى بولۋعا ءتيىستى تالاپ.
”باس شۋجيدىڭ ديالەكتيكاعا تولى ماڭىزدى ءسوزى بىزگە ”14 - بەسجىلدىقتا“، ءتىپتى، ونان دا ۇزاق مەزگىلدە جوعارى ساپالى دامۋ ءبىر تۇتاس باسقارۋ تالابى، ءسوز جوق، ەكونوميكالىق، قوعامدىق تۇرمىستىڭ ءار جاعىندا دايەكتىلەندىرۋ كەرەك دەگەن وي سالدى“، - دەدى مەملەكەتتىك حالىق قۇرىلتايىنىڭ ۋاكىلى پۋربا دۇگرجاپ.
سانجى حۇيزۋ اۆتونوميالى وبلىستىق پارتكومنىڭ تۇراقتى مۇشەسى، ماناس اۋداندىق پارتكومنىڭ شۋجيى جاڭ جيانجۇن بىلاي دەدى: ماناس اۋدانى جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكولوگيانى الدىمەن ويلاستىرۋدى، كاسىپ سالاسىندا بۇرىلىس جاساۋدى، بيڭتۋان مەن جەرگىلىكتى ورىننىڭ توعىسۋىن، اۋىل - قىستاقتى گۇلدەندىرۋدى، جاعداي جاساپ دارىندىلاردى باۋراۋدى، جاڭالىق اشۋ ارقىلى دەم بەرۋدى، حالىق تۇرمىسىن جاقسارتۋدى كۇش سالۋ ءتۇيىنى ەتىپ، ءتۇيىندى تۇردە قامال الىپ، ساتىلار بويىنشا قيىندىقتى جەڭىپ، ءوز ءوڭىرىنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن جۇرەدى.
حالىقتىڭ تاماشا تۇرمىس قاجەتىن قاناعاتتاندىرامىز
باس شۋجي شي جينپيڭ بىلاي دەپ باسا دارىپتەدى: جوعارى ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرىپ، ەكولوگيانى الدىمەن ويلاستىرۋعا تاباندى بولۋدىڭ، جوعارى ساپالى دامۋدى ىلگەرىلەتۋدىڭ، جوعارى ساپالى تۇرمىس جاراتۋدىڭ ورگانيكالى ۇشتاسۋىن، ءبىر - بىرىنە ساي كەلۋىن ىلگەرىلەتۋ كەرەك.
”باس شۋجي بىلاي دەپ اتاپ كورسەتتى: ەكولوگيانى قورعاۋدى ماڭداي الدى ورىنعا قويۋ ەكولوگيانى قورعاۋداعى ساياسي سانالىلىقتى ايگىلەيدى. بۇگىنگى تاڭدا شي جينپيڭنىڭ ەكولوگيالىق وركەنيەت يدەياسىنا تاباندى بولىپ، ەكولوگيالىق وركەنيەت قۇرىلىسىن كۇشەيتۋ ساياسي سانالىلىق بولىپ قالماستان، ونان دا ماڭىزدىسى، اقسۋ ايماعىنداعى ءار ۇلت بۇقاراسىنىڭ ورتاق ەرىك - جىگەرىنە اينالدى“. مەملەكەتتىك حالىق قۇرىلتايىنىڭ ۋاكىلى نياز اشىم بىلاي دەدى: 30 نەشە جىلدان بەرى، اقسۋ حالقى ”ەڭبەك ماعان جازىلماسا دا بولادى“ دەگەن بەكىممەن جانە قايسارلىلىقپەن، جالپى ءبىر ميلليون 150 مىڭ مۋ جەرگە ورمان ءوسىردى، ىلگەرى قىلايعان قىلتاناق شىقپايتىن ءشول دالانى بۇگىنگى تاڭداعى ”جايقالا وسكەن كوز تارتىپ تال مەن ورىك، باۋ - باقشاعا اينالىپ، بەردى كورىك“ دەگەندەي كەڭ كوسىلگەن ورمان القابىنا اينالدى. بۇدان كەيىن ەكولوگيانى قورعاۋدى تاباندىلىقپەن ءۇرتىس ويداعىداي يگەرىپ، تۇنىق سۋ، جاسىل تاۋ ارقىلى حالىقتى باقىتقا كەنەلتىپ، ۇرپاقتارعا يگىلىك جاراتامىز.
2020 - جىلى 10 - ايدا قابا اۋدانى 4 - توپتاعى مەملەكەتتىك ەكولوگيالىق وركەنيەت قۇرىلىسىنداعى ۇلگى كورسەتۋ اۋدان قاتارىنا ءساتتى تاڭدالدى. التاي ايماقتىق ەكولوگيالىق ورتا مەكەمەسىنىڭ قابا اۋداندىق بولىمشە مەكەمەسى پارتيا باسشىلىق گرۋپپاسىنىڭ شۋجيى جاڭ شيۋحۋا بىلاي دەدى: ءبىز مەملەكەتتىك ەكولوگيالىق وركەنيەت قۇرىلىسىنداعى ۇلگى كورسەتۋ اۋدان جەتىستىگىن بەكەمدەۋدى تۇتقا ەتىپ، مەملەكەت جەرى كەڭىستىگىن اشۋ، قورعاۋ جاعدايىن ساپالىلاندىرىپ، نەگىزگى تۇلعالىق يقۋات ءوڭىرى ورنالاستىرۋىن قاتاڭ تياناقتاندىرىپ، ەكولوگيالىق وركەنيەت ءتۇزىمى جۇيەسىن جەدەل كەمەلدەندىرىپ، اسپاننىڭ اناعۇرلىم اشىق، جەردىڭ اناعۇرلىم جاسىل، سۋدىڭ اناعۇرلىم تۇنىق بولۋىنا شىنايى كەپىلدىك ەتەمىز.
بۇقارانىڭ كۇن سايىن ارتىپ وتىرعان حالىق تۇرمىسى قاجەتىن قاناعاتتاندىرۋ − جوعارى ساپالى دامۋدىڭ ءتيىستى مازمۇنى. قورعاس قالاسىنىڭ ورىنباسار باستىعى لي جۇن - ي مىنالاردى ءبىلدىردى: ”13 - بەسجىلدىق“ مەزگىلىندە، قورعاس ادامدى نەگىز ەتۋگە تاباندى بولىپ، ءتۇرلى حالىققا تيىمدىلىك جاساۋ ينجەنەريالارىن جالپى بەتتىك تياناقتاندىرىپ، ءۇرتىس 5 جىل ءوز دارەجەسىندەگى قازىنادان حالىق تۇرمىسىنا پايدالانعان شىعىسى قازىنالىق شىعىستىڭ ％70ىنەن استى، جۇمىستاندىرۋ، وقۋ - اعارتۋ، قوعامدىق قامسىزداندىرۋ، ەمدەۋ سياقتى سالالارعا ساياتىن قىرۋار حالىق تۇرمىسى ناقتى ىستەرى بۇقارانى ناقتى يگىلىككە كەنەلدىردى. ”ءبىز باس شۋجيدىڭ تالابى بويىنشا، حالىق تۇرمىسىنىڭ تومەنگى شەگىن مىقتاپ قامتاماسىز ەتىپ، وقۋ - اعارتۋ، ەمدەۋ - دەنساۋلىق ساقتاۋ، بالاباقشا سياقتى حالىق تۇرمىسى ينجەنەرياسى قۇرىلىسىن ءۇرتىس كۇشەيتىپ، الەۋمەتتىك قىزمەت وتەۋدىڭ قولجەتىمدىلىگى مەن بىركەلكىلىك دەڭگەيىن شىنايى جوعارىلاتىپ، بۇقارانى ورنىقتى باقىتقا كەنەلتەمىز“، - دەدى ول.
باس شۋجي شي جينپيڭ بىلاي دەپ اتاپ كورسەتتى: اۋىل - قىستاق قونىس ورتاسىن رەتتەۋ - جونگە سالۋدى كۇشەيتىپ، وركەنيەتتى اۋىل سالتىن جەتىلدىرىپ، كورىكتى دە جايلى، شارۋاشىلىعى شالقىعان، حالقى بەرەكەلى سوتسياليستىك جاڭاشا اۋىل - قىستاق قۇرۋ كەرەك. بۇل جۇڭگو ەلەكتر قۋاتى قۇرىلىسى جارنا شەكتى سەرىكتەستىگىنىڭ نيە اۋدانى ياۋا توڭگۇز اۋىلى لانچىڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى سۇي يۋانپىڭنىڭ سەنىمىن نىعايتتى.
تاياۋ جىلداردان بەرى، لانچىڭ اۋىلى ەرەكشە ەگىمشىلىك كاسىبىن، باعىمشىلىق كاسىبىن دامىتۋ ارقىلى قىستاق تۇرعىندارىنىڭ قالتاسىن قامپايتتى؛ قىستاق مادەنيەت ءۇيىن، قيمىل ءۇيىن قۇرۋ ارقىلى قىستاق تۇرعىندارىنىڭ رۋحاني مادەنيەت تۇرمىسىن بايىتتى. ”كەلەر قادامدا ءبىز كاسىپ سالاسىن زورايتۋ، كۇشەيتۋ، اۋىل - قىستاقتى جونگە سالۋ تاسىلىندە جاڭالىق اشۋ جاعىنا كۇش سالىپ، لانچىڭ قىستاعىن اناعۇرلىم كورىكتى دە باي سوتسياليستىك جاڭاشا اۋىل - قىستاققا اينالدىرامىز“، - دەدى سۇي يۋانپىڭ.
”باس شۋجي شي جينپيڭ بىلاي دەپ اتاپ كورسەتتى: بۇقارا ءۇشىن كوبىرەك جاقسى، ناقتى ىستەر ىستەپ، قيىن ماسەلەلەردى شەشۋ كەرەك. بۇل ءدال ءبىزدىڭ الەۋمەتتىك اۋماق قىزمەتكەرلەرىنىڭ قىزمەت جاۋاپكەرشىلىگى“. اراسان اۋدانى سانشيا جولى الەۋمەتتىك اۋماعىنىڭ قىزمەتكەرى ناسىنبات بىلاي دەدى: الەۋمەتتىك اۋماق قىزمەتكەرلەرى، ءبىر جاعىنان، پارتيا مەن ۇكىمەتكە، ەندى ءبىر جاعىنان، بۇقاراعا جالعاسىپ جاتادى، الداعى جەردە حالىققا دەگەن تەرەڭ دە شىنايى سۇيىسپەنشىلىكتى باستان - اياق ساقتاپ، بۇقارانى قامنان ارىلتىپ، قيىنشىلىعىن شەشەتىن سىرلاس، جان اشىر بولۋعا قۇلشىنامىز.
مۇرات - سەنىمدى بەكەمدەپ، اۋەلگى ماقساتتى، بورىشتى مىقتاپ ورناتامىز
باس شۋجي شي جينپيڭ بىلاي دەپ اتاپ كورسەتتى: پارتيا تاريحىن ۇيرەنۋ تاربيەسىنىڭ ماڭىزدى ءبىر مىندەتى − بۇكىل پارتياداعى جولداستاردى مۇرات - سەنىمدى بەكەمدەۋگە، اۋەلگى ماقسات پەن بورىشتى مىقتاپ ورناتۋعا تاربيەلەۋ، جەتەكتەۋ.
ۇلىقشات اۋدانى جىعىن اۋىلدىق پارتكومنىڭ مۇشەسى دۇڭ جىنحۋا مىنالاردى ءبىلدىردى: قىزىل بايلىقتان تولىق پايدالانىپ، قالىڭ پارتيالى كادرلاردى كۇرەس جاساۋ رۋحىن ۇزدىكسىز كۇشەيتىپ، كۇرەس جاساۋ قابىلەتىن ۇزدىكسىز جوعارىلاتىپ، كۇردەلى جاعداي الدىندا باعداردان جازباۋعا، ماشاقاتتى كۇرەس الدىندا تايساقتاماۋعا تاربيەلەيمىز، جەتەكتەيمىز. ءتۇرلى فورمالاردان پايدالانىپ، پارتيا تاريحىن ۇيرەنۋ تاربيەسىندەگى ىرىقتىلىقتى، سانالىلىقتى كۇشەيتىپ، كوممۋنيستەردىڭ ساياسي قاسيەتىن ماڭگى ساقتاپ، كوممۋنيستەردىڭ رۋحاني نەگىزىن بەرىكتەيمىز.
تۇرپان قالاسى گاۋچاڭ رايونى پۋتاۋگوۋ بويلۇق مەكتەبى وسى وقۋ ماۋسىمىندا «پارتيا تاريحىن ۇيرەنۋ، پارتيا جاعدايىن ءبىلۋ، پارتيالىلىقتى كۇشەيتۋ» دەگەندى ءار جىلدىقتىڭ وقۋ باستاۋداعى العاشقى ساباعىنىڭ نەگىزگى تاقىرىپتىق كلاس جيىنى ەتتى، 698 وقۋشى وقىتۋشىنىڭ جەتەكشىلىگىندە جۇڭگو كوممۋنيستىك پارتياسىنىڭ 100 جىلدىق كۇرەس بارىسىن ەسكە الىپ، اۆانگارد، ۇلگىلى قايراتكەرلەردىڭ ىزگى ىستەرىنەن ۇيرەنىپ، وتانشىلدىق تاربيە قابىلدادى.
اتالعان مەكتەپتىڭ پارتيا ياچەيكاسىنىڭ شۋجيى ۋاڭ يۇيحۇڭ بىلاي دەدى: ”ءبىز ءتۇرلى فورمالارمەن ۇيرەنۋ ارقىلى قالىڭ وقىتۋشىلاردى، اسىرەسە، پارتيالى وقىتۋشىلاردى پارتيالىلىق جەتىلىمدى كۇشەيتىپ، مۇرات - سەنىمدى بەكەمدەپ، وقۋشىلار اراسىندا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن اناعۇرلىم ويداعىداي ورىستەتۋگە جەتەكتەيمىز، جاستار مەن ورەندەردى جۇڭگو كوممۋنيستىك پارتياسىنىڭ نە ءۇشىن ’يقۋاتتى ەكەندىگى‘، ماركسيزمنىڭ نە ءۇشىن ’جۇزەگە اساتىندىعى‘، جۇڭگوشا سوتسياليزمنىڭ نە ءۇشىن ’جاقسى‘ ەكەندىگى سياقتى نەگىزگى قاعيدالاردى انىق تۇسىنۋگە جەتەكتەپ، قىزىل گەندى جالعاستىرىپ، ءداۋىر جاڭا ادامدارىن جەتىلدىرىپ، جاستار مەن ورەندەردى مىزعىماس تاباندىلىقپەن پارتيانىڭ سوزىنە قۇلاق اسۋعا، پارتياعا ىلەسۋعا تاربيەلەيمىز، جەتەكتەيمىز“.
(ءتىلشى لي ياڭ، قاتىناسقان تىلشىلەر جىڭ جو، گى يوۋجۇن، جاڭ تيڭ، چىن چياڭۋي، ءپاريزات ابدۇل، لياڭ ليحۋا، جاڭ رۇيلين، جاۋ شييا، ەرىكتى ءتىلشى حى داۋي)
