تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى ۇيىمدىق زاڭىنا، ءىس قاراۋ ەرەجەسىنە وزگەرىس ەنگىزۋ جوباسىن جانە شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوبانى قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ باياندامانى قاراۋعا قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، لي ياڭ 3 - ايدىڭ 8 - كۇنى بەيجيڭنەن حابارلايدى. 3 - ايدىڭ 8 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايى 4 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، «مەملەكەتتىك حالىق قۇرىلتايى ۇيىمدىق زاڭىن (وزگەرىس ەنگىزۋ جوباسى)»، «مەملەكەتتىك حالىق قۇرىلتايىنىڭ ءىس قاراۋ ەرەجەسىن (وزگەرىس ەنگىزۋ جوباسى)»، «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن (جوبا)» قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، نايىم ياسىن قاتارلىلار باياندامانى قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار جيىنعا سىرتتاي قاتىناستى.

  ۋاكىل ءزۇمىرات وبۇل بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ حالىق قۇرىلتايى قىزمەتىنە باسشىلىعىنا وسكەلەڭ ءمان بەردى، جاپپاي كۇشەيتتى، باس شۋجي شي جينپيڭ ءبىر قىدىرۋ ماڭىزدى ءسوز جاريالاپ، حالىق قۇرىلتايى ءتۇزىمى مەن حالىق قۇرىلتايى قىزمەتىندە تاريحي تابىستارعا قول جەتۋدى ىلگەرىلەتتى. باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن جانە شي جينپيڭنىڭ زاڭمەن جونگە سالۋ يدەياسىن دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋدا، امالياتتىق تاجىريبەلەردى مۇقيات قورىتىندىلاپ، مەملەكەتتىك حالىق قۇرىلتايىنىڭ ۇيىمدىق زاڭىنا، ءىس قاراۋ ەرەجەسىنە وزگەرىس ەنگىزىپ، حالىق قۇرىلتايىنىڭ ۇيىمدىق ءتۇزىمىن، قىزمەت ءتۇزىمىن جانە ءىس قاراۋ ءتۇزىمىن ونان ارى كەمەلدەندىرۋ اسا قاجەتتى.

  ۋاكىل حى شيڭلياڭ بىلاي دەدى: مەملەكەتتىك حالىق قۇرىلتايىنىڭ ۇيىمدىق زاڭىنا، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋدىڭ ماقساتى − مەملەكەتتىك حالىق قۇرىلتايى مەن ونىڭ تۇراقتى كوميتەتى، ارناۋلى كوميتەتتەرى، قىزمەت كوميتەتتەرى سياقتى قۇرىلىمداردىڭ مىندەت جاۋاپكەرشىلىگى مەن قيمىل ولشەمىن كەمەلدەندىرۋ، مەملەكەتتىك حالىق قۇرىلتايىنىڭ ءماجىلىس ءتۇزىمى مەن قىزمەت ءتارتىبىن كەمەلدەندىرۋ. مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ باسقا دا قاتىستى مەملەكەت ورگاندارى اراسىنداعى قارىم - قاتىناسىن دۇرىس يگەرىپ، مەملەكەتتىڭ بيلىك ورگانىنىڭ اكىمشىلىك ورگان، باقىلاۋ - تەكسەرۋ ورگانى، سوت ورگانى، پروكۋراتۋرا ورگانى سياقتى مەملەكەت ورگاندارىنا قاراتقان قىزمەتتىك باقىلاۋىن كۇشەيتۋ كەرەك.

  ۋاكىل فاتيما بىلاي دەدى: مەملەكەتتىك حالىق قۇرىلتايىنىڭ ۇيىمدىق زاڭىنا، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ مەملەكەتتىڭ قۇرىلىم رەفورماسى جەتىستىكتەرىن ونان ارى بەكەمدەپ، تەرەڭدەتىپ، مەملەكەت ورگاندارىنىڭ ءتىپتى دە جاقسى جۇمىس ءبولىسىپ سەلبەسۋىنە، ءوزارا سايكەسۋىنە كەپىلدىك ەتىپ، مەملەكەت ورگاندارىنىڭ سوتسياليستىك وسىزامانداندىرۋ قۇرىلىسى ىستەرىنە اناعۇرلىم ءونىمدى تۇردە باسشىلىق ەتۋىنە جانە ونى ۇيىمداستىرۋىنا مۇمكىندىك جاساپ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە ءتيىمدى.

  ۋاكىل سۇن چۇنۋاڭ بىلاي دەدى: مەملەكەتتىك حالىق قۇرىلتايىنىڭ ۇيىمدىق زاڭى، مەملەكەتتىك حالىق قۇرىلتايىنىڭ ءىس قاراۋ ەرەجەسى − مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ قىزمەت ۇقىعىن زاڭ بويىنشا جۇرگىزۋىنىڭ ماڭىزدى تۇزىمدىك كەپىلى. وزگەرىس ەنگىزۋ قىزمەتىندە حالىق قۇرىلتايى ءتۇزىمىنىڭ امالياتتىق جاڭا تاجىريبەلەرىن، جاڭا جەتىستىكتەرىن قورىتىندىلاپ، قابىلداپ، حالىق قۇرىلتايى قىزمەتى ءدوپ كەلگەن جاڭا جاعدايعا ۇيلەسىپ، امالياتتا جولىققان جاڭا ماسەلەلەردى شەشۋ كەرەك.

  چىن لياڭ، لي بين، مين شياۋچيڭ، جاڭ يان قاتارلى ۋاكىلدەر بىلاي دەدى: مەملەكەتتىك حالىق قۇرىلتايىنىڭ ۇيىمدىق زاڭى − مەملەكەتتىك حالىق قۇرىلتايى قۇرىلعاننان كەيىن ەڭ ەرتە جاسالعان زاڭداردىڭ ءبىرى. حالىق قۇرىلتايى ءتۇزىمى دامۋىنىڭ جانە حالىق قۇرىلتايى قىزمەتىنىڭ امالياتتىق تاجىريبەلەرىن ىشكەرىلەي قورىتىندىلاپ، كەيبىر كەمەلدى، ۇتىمدى ادىستەردى زاڭ - ءتۇزىم ارقىلى تۇراقتاندىرىپ، جاڭا امالياتتان ۇزدىكسىز تۇردە جالىندى ومىرشەڭدىك كۇش الىپ، حالىق قۇرىلتايى ءتۇزىمىنىڭ داۋىرمەن بىرگە العا باسۋىن، كەمەلدەنە دامۋىن ىلگەرىلەتۋ اسا قاجەتتى. مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ − پارتيانىڭ جالپى بەتتىك باسشىلىعىنا تاباندى بولۋداعى، مەملەكەتتىك حالىق قۇرىلتايىنىڭ ساياسي قۇرىلىسىن كۇشەيتۋدەگى ماڭىزدى شارا، جالپى بارىستا دەموكراتياعا تاباندى بولۋداعى، حالىقتىڭ قوجايىن بولۋىنا كەپىلدىك ەتۋدەگى جانە ونى دامىتۋداعى تۇزىمدىك قامتاماسىزدىق، امالياتتىق تاجىريبەلەردى ىشكەرىلەي قورىتىندىلاۋدىڭ، حالىق قۇرىلتايى تۇزىمىنە تاباندى بولۋ مەن ونى كەمەلدەندىرۋدىڭ وبيەكتيۆ تالابى، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدىڭ رەال قاجەتى، وعان ءتيىستى وزگەرىس ەنگىزىپ، كەمەلدەندىرۋ قاجەت.

  ۋاكىلدەر ءبىر اۋىزدان مىنانى ءبىلدىردى: «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن (جوبا)» بۇكىلدەي قۇپتايمىز، باتىل قولدايمىز. شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋدىڭ ماڭىزى زور، قارار جوبادا شياڭگاڭ ەرەكشە اكىمشىلىك رايونىنىڭ قاتىستى سايلاۋ ءتۇزىمىن كەمەلدەندىرۋدىڭ رەال قاجەتى مەن شياڭگاڭ ەرەكشە اكىمشىلىك رايونىنىڭ ناقتى جاعدايى تولىق ەسكەرىلىپ، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرىپ، شياڭگاڭنىڭ ءىس جۇزىندىگىنە ۇيلەسەتىن دەموكراتيالىق ساياسي ءتۇزىمنىڭ دامۋىن ىلگەرىلەتۋ جونىندە جاڭادان نەگىزگى زاڭدىق ءتارتىپ سيپاتتى تۇزىمدىك ورنالاستىرۋ جاسالدى. وسى تۇزىمدىك ورنالاستىرۋ نەگىزگى زاڭ بەلگىلەمەسى مەن نەگىزگى زاڭ پرينسيبىنە ۇيلەسەدى، شياڭگاڭنىڭ ءتۇبىرلى زاڭىنا ۇيلەسەدى، مىعىم ساياسي نەگىزگە جانە زاڭمەن جونگە سالۋ نەگىزىنە يە، وتانشىلداردى نەگىزگى تۇلعا ەتكەن ”شياڭگاڭدى شياڭگاڭدىقتار باسقارۋدى“ جۇزەگە اسىرۋعا شىنايى كەپىلدىك ەتىپ، شياڭگاڭ ”ءبىر ەل، ەكى ءتۇزىم“ امالياتىنىڭ نىق قاداممەن الىسقا جەتۋىن پارمەندى تۇردە قامتاماسىز ەتەدى.

  مەملەكەتتىك حالىق قۇرىلتايىنىڭ ۋاكىلدەرى پىڭ جيارۇي، عانيبات سابىكەي، جۋ حايلۇن، ءدىلشات قىدىرقان قاتارلىلار ماجىلىسكە قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.