شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى
لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
ەڭ جوعارى حالىق سوتى مەكەمەسىنىڭ قىزمەت بايانداماسىن جانە ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى
3 - ايدىڭ 8 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭ حالىق سارايىندا ەكىنشى جالپى جين وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.
□ سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 8 - كۇنى تۇستەن كەيىن حالىق سارايىندا ەكىنشى جالپى جيىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. لي جانشۋ باياندامادا بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، مىندەت اتقارىپ، جاۋاپكەرشىلىكتى ادا ەتىپ، بەلسەنە ىسكەرلىك كورسەتىپ، ەلەۋلى قىزمەت ورنالاستىرۋلارىن ىلگەرىلەتۋ، ەلەۋلى حاۋىپ - قاتەر، سىن - سايىسقا توتەپ بەرۋ، مەملەكەتتىڭ حاۋىپسىزدىگىن قورعاۋ ءۇشىن زاڭدىق قامتاماسىزدىق ازىرلەپ، مەملەكەتتىڭ بيلىك ورگانىندىق فۋنكتسيالىق رولىن ءونىمدى ساۋلەلەندىردى.
لي جانشۋ باياندامادا بىلاي دەپ اتاپ كورسەتتى: 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنەن بەرى تۇراقتى كوميتەت 9 زاڭ جاسادى، 13 زاڭعا وزگەرىس ەنگىزدى، قاتىستى زاڭدىق ماسەلەلەر مەن ەلەۋلى ماسەلەلەر جونىندە 8 قارار شىعاردى، 23 زاڭ جوباسى قارالۋ ۇستىندە؛ 35 باياندامانى تىڭدادى، قارادى، ءبىر قاراردىڭ جانە 6 زاڭنىڭ اتقارىلۋ جاعدايىن تەكسەردى، ارناۋلى تاقىرىپتا 2 رەت سۇراۋ سالدى، 6 ءتۇرلى ارناۋلى تاقىرىپتا تەكسەرۋ - زەرتتەۋ ورىستەتتى، ءبىر قاۋلى شىعاردى؛ 7 ءتۇرلى شارتتى بەكىتۋدى نەمەسە وعان كىرۋدى ۇيعاردى؛ 39 تاعايىنداۋ - مىندەتىنەن قالدىرۋ جوباسىن قاراپ، ماقۇلداپ، مەملەكەت قىزمەتكەرلەرىنەن 259 ادامدى (رەت) زاڭ بويىنشا مىندەتكە تاعايىندادى نەمەسە مىندەتىنەن قالدىردى.
باياندامادا لي جانشۋ بىلاي دەپ اتاپ كورسەتتى: تۇراقتى كوميتەت قىزمەتىنىڭ ەڭ ايقىن ەرەكشەلىگى − پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا ءجىتى ىلەسىپ، حالىق بۇقاراسىنىڭ تاماشا تۇرمىسىنىڭ زاڭمەن جونگە سالۋ قۇرىلىسىنا دەگەن پىكىر - تىلەگىنە تىعىز جاناسىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ ورتاعا قويعان زاڭدىق قاجەتتىڭ ءىس جۇزىندىگىمەن تىعىز بايلانىستىرىپ، زاڭ شىعارۋدى جانە زاڭدىق باقىلاۋدى كۇشەيتىپ، ءتۇرلى قىزمەتتەردىڭ وزەك پەن كەلەلى جاعدايدى اناعۇرلىم ويداعىداي ارقاۋ ەتۋىنە، مەملەكەت پەن حالىققا اناعۇرلىم ويداعىداي قىزمەت وتەۋىنە مۇمكىندىك جاساۋعا قۇلشىندى. ءبىرىنشى، نەگىزگى زاڭدى اتقارۋدى جانە باقىلاۋدى كۇشەيتىپ، مەملەكەتتى زاڭمەن جونگە سالۋ بىرلىگىن قورعادى. مەملەكەت تۋى زاڭىنا، مەملەكەت گەربى زاڭىنا وزگەرىس ەنگىزىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن قاراپ ماقۇلدادى. ەكىنشى، پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، حالىقتىڭ ءۇمىت - تىلەگىنە ۇيلەسىپ، ءتۇيىندى سالالارداعى زاڭ شىعارۋدى كۇشەيتتى. الەۋمەتتىك دەنساۋلىق ساقتاۋ بويىنشا زاڭ شىعارۋدى، زاڭعا وزگەرىس ەنگىزۋدى كۇشەيتىپ، مەملەكەت حاۋىپسىزدىگى بويىنشا زاڭ شىعارۋدى تەزدەتىپ، جوعارى ساپالى دامۋدى ىلگەرىلەتۋ مەن جوعارى دەڭگەيدە سىرتقا ەسىك اشۋدى ارقاۋ ەتىپ زاڭ شىعاردى. ءۇشىنشى، قولداپ - قۋاتتاۋدى باقىلاۋ بارىسىنا سىڭىرۋگە تاباندى بولىپ، زاڭدىق باقىلاۋ مەن قىزمەتتىك باقىلاۋدى زاڭ بويىنشا ورىستەتتى. نەگىزگى زاڭنىڭ، زاڭداردىڭ جان - جاقتى، ءونىمدى اتقارىلۋىن ىلگەرىلەتىپ، اكىمشىلىك ۇقىقتىڭ، باقىلاۋ - تەكسەرۋ ۇقىعىنىڭ، سوت ۇقىعىنىڭ، پروكۋراتۋرا ۇقىعىنىڭ زاڭ بويىنشا جۇرگىزىلۋىنە شىنايى كەپىلدىك ەتتى. ءتورتىنشى، ۋاكىلدەردىڭ تۇلعالىق ورنىنا تاباندى بولىپ، ۋاكىلدەردىڭ زاڭ بويىنشا مىندەت اتقارۋىنا قولداۋ كورسەتتى جانە قىزمەت وتەدى. مەملەكەتتىك حالىق قۇرىلتايى ۋاكىلدەر قىزمەتىن كۇشەيتۋ جانە جاقسارتۋ جونىندەگى ”35 تارماقتى ناقتى شارانى“ مۇقيات تياناقتاندىرىپ، ۋاكىلدەر قىزمەتىنىڭ دەڭگەيىن ۇزدىكسىز جوعارىلاتتى. بەسىنشى، مەملەكەتتىڭ سىرتقى ىستەر كەلەلى جاعدايىنا قىزمەت وتەپ، حالىق قۇرىلتايى سىرتقى ىستەر قىزمەتىنىڭ فۋنكتسيالىق رولىن ساۋلەلەندىردى. التىنشى، مىندەت اتقارۋ قابىلەتى قۇرىلىسىن كۇشەيتىپ، تۇراقتى كوميتەتتىڭ ءوز قۇرىلىسىنىڭ دەڭگەيىن ۇزدىكسىز جوعارىلاتتى.
لي جانشۋ باياندامادا بىلاي دەپ اتاپ كورسەتتى: تۇراقتى كوميتەت قىزمەتىندە ءالى دە كەيبىر جەتەرسىزدىكتەر مەن ولقىلىقتار بار، ۋاكىلدەر مەن ءار جاقتىڭ پىكىر - ۇسىنىسىن كىشى پەيىلدىلىكپەن تىڭداپ، قابىلداپ، قىزمەتتەردى ۇزدىكسىز كۇشەيتىپ جانە جاقسارتىپ، نەگىزگى زاڭ مەن زاڭدار جۇكتەگەن قىزمەت جاۋاپكەرشىلىگىن اناعۇرلىم ويداعىداي اتقارامىز.
باياندامادا، لي جانشۋ بىلاي دەپ اتاپ كورسەتتى: 2021 - جىل ”14 - بەسجىلدىق“ جوبا اتقارىلعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالعان العاشقى جىل، سونداي - اق جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. تۇراقتى كوميتەت قىزمەتىنىڭ جالپى تالابى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ زاڭمەن جونگە سالۋ يدەياسىن جانە باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى مىقتاپ ارقاۋ ەتە وتىرىپ حالىق قۇرىلتايى قىزمەتىن جوسپارلاپ، زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، مىندەتكە تاعايىنداۋ جانە مىندەتتەن قالدىرۋ ۇقىعىن زاڭ بويىنشا اتقارىپ، جاپپاي سوتسياليستىك وسىزاماندانعان مەملەكەت قۇرۋداعى فۋنكتسيالىق رولىن ويداعىداي ساۋلەلەندىرۋ.
لي جانشۋ باياندامادا تۇراقتى كوميتەتتىڭ الداعى ءبىر جىلداعى باستى مىندەتتەرى جونىندە ورنالاستىرۋ جاسادى: نەگىزگى زاڭدى اتقارۋدى جانە باقىلاۋدى شىنايى كۇشەيتىپ، نەگىزگى زاڭنىڭ ابىرويى مەن بەدەلىن قورعاۋ؛ ءتۇيىندى سالالاردا، جاڭا وركەندەگەن سالالاردا، سىرتقا ساياتىن سالالاردا زاڭ شىعارۋدى شىنايى كۇشەيتىپ، زاڭ شىعارۋ ساپاسى مەن ونىمدىلىگىن ۇزدىكسىز جوعارىلاتۋ؛ باقىلاۋ قىزمەتىن شىنايى كۇشەيتىپ، مەملەكەت ورگاندارىنىڭ زاڭ بويىنشا قىزمەت جاۋاپكەرشىلىگىن اتقارۋىنا شىنايى كەپىلدىك ەتۋ؛ ۋاكىلدەر قىزمەتىن شىنايى كۇشەيتىپ، ۋاكىلدەردىڭ رولىن اناعۇرلىم ويداعىداي ساۋلەلەندىرۋ؛ حالىق قۇرىلتايىنىڭ سىرتقى ىستەر قىزمەتىن شىنايى كۇشەيتىپ، ءار ساتىداعى، ءار دەڭگەيدەگى، ءار سالاداعى اۋىس - كۇيىس پەن سەلبەستىكتى تەرەڭدەتۋ جانە كەڭەيتۋ؛ ءوز قۇرىلىسىن شىنايى كۇشەيتىپ، مىندەت اتقارۋدىڭ يدەيالىق، ساياسي، ۇيىمدىق نەگىزىن بەكەمدەۋ.
ەڭ جوعارى حالىق سوتى مەكەمەسىنىڭ باستىعى جوۋ چياڭ ەڭ جوعارى حالىق سوتى مەكەمەسىنىڭ قىزمەتىنەن باياندامادا بىلاي دەپ اتاپ كورسەتتى: 2020 - جىلى ەڭ جوعارى حالىق سوتى مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نەگىزگى زاڭ مەن زاڭدار جۇكتەگەن قىزمەت جاۋاپكەرشىلىگىن ادالدىقپەن اتقارىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە زاڭ بويىنشا قىزمەت وتەپ، ءتۇرلى قىزمەتتەردە تىڭ ناتيجەگە قول جەتكىزدى. ەڭ جوعارى حالىق سوتى مەكەمەسى 39 مىڭ 347 دەلونى قابىلداپ، 35 مىڭ 773ىن قاراپ، اياقتاتتى؛ جەرگىلىكتى ءار دارەجەلى حالىق سوتى مەكەمەلەرى مەن ارناۋلى حالىق سوتى مەكەمەلەرى 30 ميلليون 805 مىڭ دەلو قابىلداپ، 28 ميلليون 705 مىڭ دەلونى قاراپ اياقتاتتى، اتقارۋدى اياقتاتتى.
باياندامادا، جوۋ چياڭ 2020 - جىلعى باستى قىزمەتتەردى 7 جاقتان قورىتىندىلادى: ءبىرىنشى، مەملەكەت حاۋىپسىزدىگى مەن قوعام ورنىقتىلىعىن باتىل قورعادىق؛ ەكىنشى، جوعارى ساپالى دامۋعا بەلسەنە قىزمەت وتەدىك؛ ءۇشىنشى، حالىق بۇقاراسىنىڭ زاڭدى ۇقىق - مۇددەسىن شىنايى قورعادىق؛ ءتورتىنشى، داۋ - شاردى شەشۋگە جانە ارىز - شاعىمدىق قىزمەت وتەۋدىڭ ءبىر بەكەتتىك، كوپ نەگىزدىك مەحانيزمىن جاپپاي ورناتتىق؛ بەسىنشى، ءادىليا ءتۇزىلىسى رەفورماسىن كۇش سالا تەرەڭدەتتىك؛ التىنشى، ادال، كىرشىكسىز، جاۋاپكەرلىك ارقالايتىن، ىسىلعان سوت مەكەمەسى قوسىنىن تۇلعالادىق؛ جەتىنشى، باقىلاۋدى سانالىلىقپەن قابىلدادىق.
جوۋ چياڭ باياندامادا مىنالاردى ءبىلدىردى: 2021 - جىلى جانە مۇنان بىلايعى ءبىر مەزگىلدە، حالىق سوتى مەكەمەسى جوعارى ساپالى دامۋدى ىلگەرىلەتۋ نەگىزگى تاقىرىبىمەن تىعىز بايلانىستىرىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ تالابىن ءدال يگەرىپ، جۇيە كوزقاراسىنا، زاڭمەن جونگە سالۋ ويىنا، نەگىزدى بەكەمدەۋدى باعدار ەتۋگە اناعۇرلىم ءمان بەرىپ، ورنىقتىلىق بارىسىندا ىلگەرىلەۋگە، تۋراشىلدىقتى ساقتاپ، جاڭالىق اشۋعا تاباندى بولىپ، جاڭا داۋىردەگى حالىق سوتى مەكەمەسى قىزمەتىنىڭ جوعارى ساپالى دامۋىن ىلگەرىلەتۋ كەرەك. ساياسي قۇرىلىستى كۇشەيتىپ، كەلەلى جاعدايعا بەلسەنە قىزمەت وتەپ، ءادىليانى حالىق ءۇشىن جۇرگىزۋگە تاباندى بولىپ، ءادىليادا ءادىل بولۋدى قاتايتىپ، ءادىليا رەفورماسىن تەرەڭدەتىپ، ىسىلعان قوسىن قۇرۋ كەرەك. شىندىققا جۇگىنىپ، ناقتى ءىس ىستەپ، ءورىس اشا جاڭالىق جاساپ، سوتتىڭ فۋنكتسيالىق رولىن تولىق ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ، اناعۇرلىم زور ۇلەس قوسۋ كەرەك.
ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ەڭ جوعارى حالىق پروكۋراتۋراسىنىڭ قىزمەتىنەن باياندامادا بىلاي دەپ اتاپ كورسەتتى: وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى ءتۇرلى حاۋىپ - قاتەرلەر مەن سىن - سايىستارعا، اسىرەسە، جاڭا تيپتى ايدارشا ۆيرۋس وكپە قابىنۋ ىندەتى اكەلگەن اۋىر سوققىنىڭ ىقپالىنا بەلسەنە توتەپ بەرىپ، ءتۇرلى قىزمەتتەردە تىڭ ىلگەرىلەۋشىلىككە قول جەتكىزدى. ءبىر جىلدان بەرى، بۇكىل ەلدەگى پروكۋراتۋرا ورگاندارى ءتۇرلى دەلولاردان جالپى 3 ميلليون 10 مىڭىن ءبىر جاقتى ەتتى، بۇل سايكەس مەزگىلدەگىدەن ％19.4 تومەندەدى، مۇنىڭ ىشىندە سانالىلىقپەن مىندەت وتەگەن الەۋمەتتىك يگىلىك ارىز - شاعىمى، ارىز - شاعىمدى باقىلاۋ دەلولارى سايكەس مەزگىلدەگىدەن جەكە - جەكە ％19.2 جانە ％9.6 جوعارىلادى.
باياندامادا، جاڭ جۇن 2020 - جىلعى قىزمەتتەرگە 5 جاقتان شولۋ جاسادى: ءبىرىنشى، مەملەكەتتى جونگە سالۋعا بەلسەنە ات سالىسىپ، پروكۋراتۋرانىڭ قامتاماسىز ەتۋى ارقىلى جۇڭگونىڭ جونگە سالۋىنا دەم بەردىك؛ ەكىنشى، دامۋدىڭ كەلەلى جاعدايىنا ىرىقتىلىقپەن توعىسىپ، پروكۋراتۋرالىق قىزمەت وتەۋ ارقىلى جاپپاي دوڭگەلەك داۋلەتتىلىككە جەتۋگە كۇش قوستىق؛ ءۇشىنشى، ”4 ءتۇرلى پروكۋروتۋرالىق زور تەكسەرۋدى“ جاپپاي ىلگەرىلەتىپ، پروكۋراتۋرالىق باقىلاۋ ارقىلى ادىلدىكتى، تۋراشىلدىقتى قورعادىق؛ ءتورتىنشى، حالىق تىلەگى سىندى ەڭ ۇلكەن ساياسيمەن تىعىز بايلانىستىرىپ، پروكۋراتۋرانى حالىق ءۇشىن جۇرگىزۋ ارقىلى حالىق تۇرمىسىنىڭ ىرىس - قۇتىن مولايتتىق؛ بەسىنشى، تەمىر سوقساڭ قۇرىش بول دەگەندى ەستە بەرىك ساقتاپ، پروكۋراتۋرا قۇرىلىسى ارقىلى زاڭ بويىنشا مىندەت اتقارۋعا شىنايى كەپىلدىك ەتتىك.
جاڭ جۇن باياندامادا بىلاي دەپ اتاپ كورسەتتى: 2021 - جىلى پروكۋراتۋرا قىزمەتكەرلەرى اناعۇرلىم سانالىلىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا تاريحي بورىشتى ارقالاپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما اشۋعا، جاقسى قادام تاستاۋعا پارمەندى زاڭمەن جونگە سالۋ قامتاماسىزدىعىن ازىرلەۋ كەرەك. ۇزدىكسىز ورنىقتى تۇردە ىلگەرىلەپ، جوعارى ساپالى دامۋعا قىزمەت وتەۋ ساياسي سانالىلىعىن شىنايى كۇشەيتۋ؛ تياناقتاندىرۋدى مىقتاپ يگەرىپ، مەملەكەتتى جاپپاي زاڭمەن جونگە سالۋعا توعىسۋداعى زاڭمەن جونگە سالۋ سانالىلىعىن شىنايى كۇشەيتۋ؛ دەڭگەيدى قۇلشىنا جوعارىلاتىپ، ءوزىنىڭ جوعارى ساپالى دامۋىن جۇزەگە اسىرۋدىڭ پروكۋراتۋرالىق سانالىلىعىن شىنايى كۇشەيتۋ كەرەك. حالىقتىڭ باقىتىن، مەملەكەتتىڭ حاۋىپسىزدىگىن، قوعامنىڭ ورنىقتىلىعىن قامتاماسىز ەتۋ ءۇشىن، اناعۇرلىم زور ۇلەس قوسۋ كەرەك.
جيىنعا قاتىناسۋعا ءتيىستى ۋاكىل 2953 ادام، قاتىناسقانى 2895 ادام، قاتىناسا الماعانى 58 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ۋاڭ چىن باسقاردى.
بۇگىن − ”8 - ناۋرىز“ حالىقارالىق ەڭبەكشى ايەلدەر مەرەكەسى، جيىن ءماجىلىس ءتوراعالار القاسى اتىنان بارلىق ايەل ۋاكىلدەردى، ايەل مۇشەلەردى، ايەل قىزمەتكەرلەردى، بۇكىل ەلدەگى ءار ۇلت، ءار سالاداعى ايەلدەردى، دۇنيە جۇزىندەگى ءار ەل ايەلدەرىن مەرەكەلەرىمەن قۇتتىقتادى جانە ىزگى تىلەك ءبىلدىردى.
ءماجىلىستىڭ اتقارۋشى ءتوراعالارى ما فىڭگو، ۋاڭ دۇڭفىڭ، ۋاڭ گۋاڭيا، ۋاڭ جيانجۇن، يىن لي، شى تايفىڭ، باي چۇنلي، ليۋ يلياڭ، ليۋ گوجۇڭ، ليۋ جيا - ي، شۇي چيلياڭ، رۋان چىڭفا، لي يۇيمەي، لي ۋي، لي شۋەيۇڭ، ۋ يۇيلياڭ، يىڭ يۇڭ، شىن شياۋميڭ، چىن چۋانگو، چىن شي - ۋىن، يۋان جياجۇن، حۋاڭ جىشيان، پىڭ چيڭحۋا، جياڭ جوچيڭ، جيڭ جۇنحاي ءتوراعالار مىنبەسىندەگى اتقارۋشى ءتوراعالار ورنىنا جايعاستى.
