تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى قاتارلىلاردى قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ باياندامالاردى قاراۋعا قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، لي ياڭ 3 - ايدىڭ 9 - كۇنى بەيجيڭنەن حابارلايدى. 3 - ايدىڭ 9 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايى 4 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قارار جوبانى، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قارار جوبانى، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوبانىڭ وزگەرىس ەنگىزىلگەن نۇسقاسىن، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، نايىم ياسىن قاتارلىلار باياندامالاردى قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار ماجىلىسكە سىرتتاي قاتىناستى. ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جولداستار بەينە ەكران تاسىلىمەن پىكىرلەردى تىڭدادى.

   ۋاكىلدەر مىنالاردى ءبىلدىردى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن بۇكىلدەي قۇپتايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، مىندەت وتەپ، جاۋاپكەرشىلىكتى ادا ەتىپ، بەلسەندىلىكپەن ىسكەرلىك كورسەتىپ، كەلەلى قىزمەت ورنالاستىرۋلارىن ىلگەرىلەتۋگە، ەلەۋلى حاۋىپ - قاتەرلەر مەن سىن - سايىستارعا توتەپ بەرۋگە، مەملەكەتتىڭ حاۋىپسىزدىگىن قورعاۋعا زاڭدىق قامتاماسىزدىق ازىرلەپ، مەملەكەتتىڭ بيلىك ورگانىندىق فۋنكتسيالىق رولىن ءونىمدى ساۋلەلەندىردى. حالىق قۇرىلتايى تۇراقتى كوميتەتى قىزمەتىنىڭ ەڭ كورنەكتى ەرەكشەلىگى − پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا ءجىتى ىلەسىپ، حالىق بۇقاراسىنىڭ تاماشا تۇرمىسىنىڭ زاڭمەن جونگە سالۋ قۇرىلىسىنا دەگەن ۇنىنە، ءۇمىت - تىلەگىنە تىعىز جاناسىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ العا قويعان زاڭ قاجەتىنىڭ ءىس جۇزىندىگىمەن تىعىز بايلانىستىرىپ، زاڭ شىعارۋدى جانە زاڭدىق باقىلاۋدى كۇشەيتىپ، قىزمەتتە وزەك پەن كەلەلى جاعدايدى اناعۇرلىم ويداعىداي ارقاۋ ەتۋگە، مەملەكەت پەن حالىققا اناعۇرلىم ويداعىداي قىزمەت ەتۋگە قۇلشىنۋ. جاڭا دامۋ كەزەڭىنە وتكەندە، حالىق قۇرىلتايى قىزمەتىندە، ءسوز جوق، بورىشتىلىق سەزىمدى، جاۋاپكەرشىلىك سەزىمدى، كوكەي تەستىلىك سەزىمدى كۇشەيتىپ، باتىلدىقپەن جاۋاپكەرشىلىك ارقالاپ، باتىلدىقپەن جاۋاپتى بولىپ، شەبەرلىكپەن ىسكەرلىك كورسەتىپ، جاڭا ءداۋىردىڭ، جاڭا ساپاردىڭ حالىق قۇرىلتايى قىزمەتىنە قويعان جاڭا مىندەتتەرىن، جاڭا تالاپتارىن سانالى تۇردە ارقالاۋ كەرەك.

  ۋاكىلدەر مىنالاردى ءبىلدىردى: مەملەكەتتىك حالىق قۇرىلتايى ۇيىمدىق زاڭى مەن مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزىپ، مەملەكەتتىك حالىق قۇرىلتايىنىڭ ۇيىمدىق ءتۇزىمىن، قىزمەت ءتۇزىمىن، ءماجىلىس ءتۇزىمىن جانە قىزمەت ءتارتىبىن كەمەلدەندىرۋ نەگىزگى زاڭنىڭ بەلگىلەمەسىنە، پرينسيبىنە جانە رۋحىنا ۇيلەسەدى، ول، ءسوز جوق، حالىق قۇرىلتايى تۇزىمىنە تاباندى بولۋعا جانە ونى كەمەلدەندىرۋگە، حالىقتىڭ قوجايىن بولۋىن ىلگەرىلەتۋگە جانە دامىتۋعا، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە پارمەندى زاڭمەن جونگە سالۋ قامتاماسىزدىعىن ازىرلەيدى. ۋاكىلدەر مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قارار جوبا مەن مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قارار جوبانى ءبىر اۋىزدان قۇپتادى.

  ۋاكىلدەر مىنالاردى ءبىلدىردى: مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋگە قاتىستى ماسەلە جونىندە جاساعان قارارى شياڭگاڭ ەرەكشە اكىمشىلىك رايونىنىڭ سايلاۋ تۇزىمىنە وزگەرىس ەنگىزۋدە، كەمەلدەندىرۋدە بويسۇنۋعا ءتيىستى نەگىزگى پرينسيپ پەن وزگەرىس ەنگىزۋدەگى، كەمەلدەندىرۋدەگى وزەكتى فاكتور مازمۇنداردى ايقىندادى، سونىمەن بىرگە، مەملەكەتتىك حالىق قۇرىلتايى تۇراقتى كوميتەتىنە شياڭگاڭ ءتۇبىرلى زاڭىنىڭ قاتىستى قوسىمشا حۇجاتتارىنا وزگەرىس ەنگىزۋ ۇقىعىن بەردى، ول نەگىزگى زاڭداعى بەلگىلەمە مەن نەگىزگى زاڭ پرينسيبىنە ۇيلەسەدى، شياڭگاڭ ءتۇبىرلى زاڭىنا ۇيلەسەدى، مىعىم ساياسي نەگىزگە جانە زاڭمەن جونگە سالۋ نەگىزىنە يە. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، وسكەلەڭ اۆتونوميا باعىتىن جان - جاقتى، ءدال دايەكتىلەندىرۋگە باستان - اياق تاباندى بولىپ، ”وتانشىلدار شياڭگاڭدى باسقارۋعا“ باستان - اياق تاباندى بولىپ، شياڭگاڭدى زاڭمەن جونگە سالۋعا باستان - اياق تاباندى بولىپ، نەگىزگى زاڭ مەن شياڭگاڭ ءتۇبىرلى زاڭىنىڭ اياسىندا شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرىپ، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن شياڭگاڭنىڭ ءىس جۇزىندىك جاعدايىنا ۇيلەستىرىپ، قوعامنىڭ تۇتاس تۇلعالىق مۇددەسىن ايگىلەپ، شياڭگاڭدىق باۋىرلاستاردىڭ ساياسيعا كەڭ كولەمدە، بىركەلكى ات سالىسۋىن زاڭ بويىنشا قامتاماسىز ەتۋ كەرەك.

  ۋاكىلدەر مىنالاردى ءبىلدىردى: ەڭ جوعارى حالىق سوتى مەكەمەسىنىڭ قىزمەت بايانداماسىن بۇكىلدەي قۇپتايمىز. 2020 - جىلى ەڭ جوعارى حالىق سوتى مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نەگىزگى زاڭ مەن زاڭدار جۇكتەگەن مىندەت جاۋاپكەرشىلىگىن ادالدىقپەن اتقارىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە زاڭ بويىنشا قىزمەت ەتىپ، قىزمەتتەردە تىڭ ناتيجەلەرگە قول جەتكىزدى. جاڭا دامۋ ۇستانىمىن جالپى بەتتىك دايەكتىلەندىرىپ، ”14 - بەسجىلدىق“ جوبا جانە 2035 - جىلعا دەيىنگى بولاشاقتىق نىسانا باعدارلاماسى تۇراقتاندىرعان ەكونوميكالىق، قوعامدىق دامۋدىڭ نىسانا - مىندەتتەرىنىڭ ۇلگى، ولشەمدەرىمەن تۋرالانىپ، زاڭ بويىنشا مىندەت وتەپ، دالمە - ءدال كۇش سالىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكانى، قوعامدى جوعارى ساپالى دامىتۋعا بەلسەندىلىكپەن قىزمەت وتەۋ كەرەك.

  ۋاكىلدەر مىنالاردى ءبىلدىردى: ەڭ جوعارى حالىق پروكۋراتۋراسىنىڭ قىزمەت بايانداماسىن بۇكىلدەي قۇپتايمىز. وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ، سونداي - اق ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى ءتۇرلى حاۋىپ - قاتەرلەر مەن سىن - سايىستارعا، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسىنىڭ ىقپالىنا بەلسەندىلىكپەن توتەپ بەرىپ، قىزمەتتەردە تىڭ ىلگەرىلەۋشىلىكتەرگە قول جەتكىزدى. جۇيە كوزقاراسىنا، زاڭمەن جونگە سالۋ ويىنا، نەگىزدى كۇشەيتۋ بەتالىسىنا اناعۇرلىم ءمان بەرىپ، نەگىزگى ساتى ۇيىمىن، نەگىزدىك قىزمەتتى جانە نەگىزگى قابىلەت قۇرىلىسىن كۇشەيتىپ، پروكۋراتۋرا قىزمەتىنىڭ ءوزىنىڭ جوعارى ساپالى دامۋى ارقىلى ەكونوميكانىڭ، قوعامنىڭ جوعارى ساپالى دامۋىن قامتاماسىز ەتۋگە قىزمەت وتەۋ كەرەك.

  مەملەكەتتىك حالىق قۇرىلتايىنىڭ ۋاكىلدەرى شى داگاڭ، پىڭ جيارۇي، عانيبات سابىكەي، جۋ حايلۇن، ءزۇمىرات وبۇل، مۇقيات جارمۇقامەت، ابدۇرىقىپ ءتومۇرنياز، ءدىلشات قىدىرقان قاتارلىلار ماجىلىسكە قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.