”14 - بەسجىلدىق“ مەزگىلىندە مەملەكەت قورعانىسى مەن ارميا قۇرىلىسىنىڭ تاماشا باستاماسىن جۇزەگە اسىرىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋ كەرەك
3 - ايدىڭ 9 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندەگى ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 3 - ايدىڭ 9 - كۇنى بەيجيڭنەن بەرگەن حابارى (تىلشىلەر لي شۋانلياڭ، مەي شىشيۇڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 9 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندەگى ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ باستالاتىن، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى باستالاتىن جىل، سونداي - اق مەملەكەت قورعانىسى مەن ارميانى وسىزامانداندىرۋدىڭ جاڭا ”ءۇش قادامىنىڭ“ باستالاتىن جىلى. بۇكىل ارميا جاۋاپكەرشىلىك ارقالاۋدى كۇشەيتىپ، ناقتى ىستەۋ رۋحىن اسقاقتاتىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى يگەرىپ، ءتۇرلى قىزمەتتەردى تىڭعىلىقتى ويداعىداي ىستەپ، ”14 - بەسجىلدىقتىڭ“ تاماشا باستاماسىنىڭ جۇزەگە اسۋىنا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋى كەرەك.
جيىندا فاڭ شياڭ، شين ي، چي حۋگۋاڭ، شياۋ دۇڭسۇڭ، ۋاڭ حۇيچيڭ، ۋاڭ چيفان قاتارلى 6 ۋاكىل جەكە - جەكە ءسوز سويلەپ، مەملەكەت قورعانىسى عىلىم - تەحنيكاسىندا جاڭالىق اشۋ، جاڭا سالاداعى، جاڭا سيپاتتاعى سوعىس جۇرگىزۋ كۇشتەرىن دامىتۋ، جۇنشى تۇزىمىنە جاڭالىق ەنگىزۋ، دارىندىلار قىزمەتىنە جاڭالىق ەنگىزۋ، ارميامىز قۇرىلىسىنىڭ جىلدىق جوسپارىنىڭ تياناقتاندىرىلۋىن ويداعىداي يگەرۋ، ارميامىزدىڭ مال - مۇلىك باسقارۋ ونىمدىلىگىن جوعارىلاتۋ سياقتى ماسەلەلەر جونىندە پىكىرلەر مەن ۇسىنىستاردى العا قويدى.
ۋاكىلدەردىڭ ءسوزىن مۇقيات تىڭداعان سوڭ، شي جينپيڭ ماڭىزدى ءسوز سويلەدى. ول الدىمەن وتكەن ءبىر جىلدا مەملەكەت قورعانىسى مەن ارميا قۇرىلىسىندا قول جەتكەن ناتيجەلەردى تولىق تۇراقتاندىردى. شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى توسىن تۋىلعان، ەل ءىشى - سىرتى جاعدايى قىم - قۋىت، كۇردەلى بولعان احۋالدا بۇكىل ارميا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ىندەتكە پارمەندى تۇردە قارسى اتتانىپ، اسكەر جاتتىقتىرىپ سوعىسقا دايىندالۋدى كۇشەيتىپ، رەفورمانى ۇزدىكسىز تەرەڭدەتىپ، جوبانىڭ تياناقتانۋىن مىقتى يگەرىپ، مەملەكەت قورعانىسى مەن ارميا قۇرىلىسىنىڭ 2020 - جىلدىق نىسانالارىن، مىندەتتەرىن نەگىزىنەن جۇزەگە اسىرىپ، پارتيا مەن حالىق جۇكتەگەن ءتۇرلى مىندەتتەردى ايتارلىقتاي ورىندادى.
شي جينپيڭ جوبانىڭ اتقارىلۋىمەن ۇشتاستىرىپ، ”14 - بەسجىلدىق“ مەزگىلىندەگى مەملەكەت قورعانىسى مەن ارميا قۇرىلىسىنىڭ باستاماسىن جاقسى باستاۋ، قادامدى جاقسى تاستاۋ قىزمەتى جونىندە تالاپتار قويدى. ول بىلاي دەپ باسا دارىپتەدى: پارتيا ورتالىق كوميتەتى مەن ورتالىق اسكەري ىستەر كوميتەتىنىڭ بەكىمىن، ويىن تەرەڭ ءتۇسىنىپ، نازاردى ارميا قۇرىلعاندىعىنىڭ 100 جىلدىعىنداعى كۇرەس نىساناسىن جۇزەگە اسىرۋعا شوعىرلاندىرىپ، ارميامىز قۇرىلىسىنىڭ ”14 - بەسجىلدىق“ جوباسىن ورنالاستىرۋ، جوسپارلاۋ جانە ىلگەرىلەتۋ قىزمەتىن مىقتاپ ارقاۋ ەتۋ كەرەك. سوعىس ارقىلى قۇرىلىسقا جەتەكشىلىك ەتۋگە تاباندى بولىپ، سوعىس پەن قۇرىلىستى ءبىر تۇتاس جوسپارلاۋدى كۇشەيتىپ، ستراتەگيالىق سيپات، جەتەكشىلىك سيپات، نەگىزدىك سيپات الاتىن كەلەلى ينجەنەريالاردى ىلگەرىلەتۋدى مىقتى يگەرىپ، جوعارى دەڭگەيدەگى ستراتەگيالىق ايبار مەن بىرلەسىپ سوعىس جۇرگىزۋ جۇيەسىن جەدەل تۇلعالاۋ كەرەك. جاۋاپكەرشىلىك سەزىمدى، كوكەي تەستىلىك سەزىمدى، ىرىقتىلىقتى كۇشەيتىپ، ارميامىز قۇرىلىسىنىڭ جىلدىق جوسپارىندا ورنالاستىرىلعان ءتۇرلى قىزمەتتەردى العا ىلگەرىلەتىپ، ناقتى يگەرىپ، ەرتەرەك تياناقتاندىرىپ، ونىمدىلىك كورسەتۋىنە شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: جاڭالىق اشۋ ارقىلى دەم بەرۋدى كۇشەيتىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى اناعۇرلىم زور تەبىنمەن، اناعۇرلىم ناقتى شارالارمەن جەدەلدەتىپ، عىلىم - تەحنيكانىڭ ارميامىز قۇرىلىسىنداعى ستراتەگيالىق تىرەكتىك رولىن تولىق ساۋلەلەندىرۋ كەرەك. عىلىم - تەحنيكادا قۋاتتى ەل قۇرۋ اياق الىسىنا ءجىتى ىلەسىپ، مەملەكەت قورعانىسى عىلىم - تەحنيكاسىندا جاڭالىق اشۋ ورنالاستىرۋلارىن جانە ورتا شارت - جاعدايىن ساپالىلاندىرىپ، ءار جاقتاعى باسىمدىققا يە كۇشتەر مەن بايلىقتاردان ويداعىداي، تولىق پايدالانىپ، مەملەكەت قورعانىسى عىلىم - تەحنيكاسىندا جاڭالىق اشۋ قابىلەتى مەن دەڭگەيىن زور دارەجەدە جوعارىلاتۋ كەرەك. جاسالعان ورنالاستىرۋ بويىنشا مەملەكەت قورعانىسى مەن ارميا رەفورماسىن تىڭعىلىقتى ىلگەرىلەتىپ، رەفورمانىڭ ونىمدىلىگىن ۇزدىكسىز جارىققا شىعارۋ كەرەك. جاڭالىق اشۋدىڭ ءتۇبىرلى نەگىزى − دارىندىلاردا. ستراتەگيالىق جوبالاۋدى كۇشەيتىپ، وي جەلىسىن، ۇستانىمدى جاڭالاپ، ناقتى شارالار قولدانىپ، ارميامىزدىڭ دارىندىلار قىزمەتىن ارشىندى قاداممەن العا ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: ستراتەگيالىق باسقارۋدى كۇشەيتىپ، نىسانداردى دالەلدەۋ ءتاسىلىن جانە نىسانعا ەنگىزۋدى بەكىتۋ ءتارتىبىن ساپالىلاندىرىپ، كەلەلى نىسانداردى ءبىر تۇتاس جوسپارلاپ، مەڭگەرۋدى كۇشەيتۋ كەرەك. جوبا، جوسپاردىڭ قۇزىرەتتىلىگى مەن اتقارۋ قابىلەتىن كۇشەيتىپ، جاۋاپكەرشىلىك جۇيەسىن، ۋاقىت تۇيىندەرىن، ساپا ولشەمىن قاتايتۋ، باعالاۋ جانە باقىلاۋ - باسقارۋ تەبىنىن ارتتىرىپ، جوبا مىندەتتەرىنىڭ جوعارى ونىمدىلىكپەن تياناقتانۋىن قۋزاۋ كەرەك. ارميامىزدىڭ وسى زامانعى مال - مۇلىك باسقارۋ جۇيەسى قۇرىلىسىن ىلگەرىلەتىپ، مال - مۇلىكتى ىسكە قوسىپ، ويداعىداي پايدالانىپ، باسقارۋ، پايدالانۋ ونىمدىلىگىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر پارتيا مەن مەملەكەتتىڭ ورنالاستىرۋلارىن، تالاپتارىن مۇقيات تياناقتاندىرىپ، ۇستىنە العان مەملەكەت قورعانىسى قۇرىلىسى سالاسىنداعى قىزمەت جاۋاپكەرشىلىگىن ويداعىداي اتقارۋى كەرەك. ارميا حالىقتى ءسۇيۋ، حالىق ارميانى قولداۋ داڭقتى ءداستۇرىن ساۋلەلەندىرىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەپ جانە دامىتىپ، مەملەكەتتى قۇدىرەتتەندىرىپ، ارميانى گۇلدەندىرۋدىڭ قۋاتتى كۇشىن توپتاۋ كەرەك.
شي جينپيڭ سوڭىندا بىلاي دەپ باسا دارىپتەدى: قازىر ەلىمىزدىڭ حاۋىپسىزدىك جاعدايىندا ورنىقسىزدىق پەن تۇراقسىزدىق ءبىرشاما زور، بۇكىل ارميا قۇرىلىس پەن سوعىس دايىندىعى قاتىناسىن ءبىر تۇتاس جوسپارلاپ، ءتۇرلى كۇردەلى قيىن جاعدايلارعا توتەپ بەرۋگە ساقاداي ساي تۇرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، جاپپاي سوتسياليستىك وسىزاماندانعان مەملەكەت قۇرۋعا پارمەندى تىرەك ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ جيىندى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين جيىنعا قاتىناستى.
