(ساياسي كەڭەس 13 - كەزەكتى مەملەكەتتىك كوميتەتىنىڭ 4 - ماجىلىسىندە 2021 - جىلى 3 - ايدىڭ 10 - كۇنى ماقۇلداندى)
جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى 2021 - جىلى 3 - ايدىڭ 4 - كۇنىنەن 10 - كۇنىنە دەيىن بەيجيڭدە وتكىزىلدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ىستەرىن اقىلداستى. ءماجىلىس ءتوراعا ۋاڭ ياڭنىڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ اتىنان جاساعان قىزمەت بايانداماسىن قاراپ بەكىتتى، ورىنباسار ءتوراعا گۋ شىڭزۋدىڭ ۇسىنىس جوبالار قىزمەتى جاعدايىنان جاساعان بايانداماسىن قاراپ بەكىتتى، مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى باياندامانى ماقۇلدادى. مۇشەلەر 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە سىرتتاي قاتىناسىپ، لي كىچياڭ زۇڭلي جاساعان ۇكىمەت قىزمەتىنەن باياندامانى تىڭدادى ءارى تالقىلادى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسى جوباسىن تالقىلادى، ەڭ جوعارى حالىق سوتى مەكەمەسىنىڭ قىزمەتىنەن بايانداماسىن، ەڭ جوعارى حالىق پروكۋراتۋراسىنىڭ قىزمەتىنەن بايانداماسىن، ت. ب تىڭدادى ءارى تالقىلادى، قوسىلاتىندىقتارىن ءبىلدىردى ءارى پىكىرلەرى مەن ۇسىنىستارىن العا قويدى. مۇشەلەر مەملەكەتتىك حالىق قۇرىلتايى جاساعان شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ءبىر اۋىزدان قۇپتادى ءارى باتىل قولدادى.
ءماجىلىس بىلاي دەپ قارادى: 2020 - جىل جاڭا جۇڭگو تاريحىنداعى ايرىقشا وزگەشە ءبىر جىل بولدى. قاتاڭ دا كۇردەلى جاعداي - مىندەتتەر، بۇرىن بولىپ كورىلمەگەن حاۋىپ - قاتەرلەر، سىن - سايىستار الدىندا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، ءبىر نيەتپەن كۇش سالىپ، قامال الىپ، قيىندىقتاردى جەڭىپ، ىندەتكە قارسى اتتانۋ كۇرەسىندە كەلەلى ستراتەگيالىق جەتىستىككە قول جەتكىزىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتىپ، جاپپاي دوڭگەلەك داۋلەتتى قوعام ورناتۋ دا ۇلى تاريحي تابىسقا قول جەتكىزىپ، ”13 - بەسجىلدىقتى“ تولىق تابىسپەن اياقتاتىپ، ”14 - بەسجىلدىق“ جاپپاي كەسكىندەلىپ، حالىق رازى بولعان، دۇنيە ءجۇزىن جالت قاراتقان، تاريح پاراعىنا جازىلاتىن جاڭا شۇعىلا جاراتتى. حالىق ساياسي كەڭەسى ارناۋلى كەڭەسۋ قۇرىلىمىندىق رولىن ساۋلەلەندىرىپ، پارتيا مەن مەملەكەتتىڭ وزەكتى مىندەتتەرىن توڭىرەكتەي مۇقيات مىندەت اتقارىپ، جاۋاپكەرشىلىكتى ادا ەتىپ، بەلسەندى ۇلەس قوستى. كۇرەس ساپارى جاپا - ماشاقاتقا تولى بولدى، ءتۇسىنۋ مەن ورتاق تانىم توتەنشە قاستەرلى. اماليات مىنانى تاعى ءبىر رەت دالەلدەدى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعى، جۇڭگوشا سوتسياليزمنىڭ تۇزىمدىك ارتىقشىلىعى − ءبىزدىڭ العا باسۋ جولىمىزداعى حاۋىپ - قاتەر، سىن - سايىس اتاۋلىنى جەڭۋىمىزدىڭ ءتۇبىرلى كەپىلى، ءسوز جوق، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك.
ءماجىلىس بىلاي دەپ قارادى: باس شۋجي شي جينپيڭ ەمدەۋ، شيپاگەرلىك، دارىگەرلىك، دەنساۋلىق ساقتاۋ سالاسىنداعى، وقۋ - اعارتۋ سالاسىنداعى مۇشەلەردىڭ بىرىككەن گرۋپپا جيىنىنداعى ماڭىزدى سوزىندە حالىقتىڭ سالاماتتىعىن قامتاماسىز ەتۋدى الدىمەن دامىتاتىن ستراتەگيالىق ورىنعا قويۋ، سالاماتتى جۇڭگو ارەكەتىن جەدەل اتقارۋ، ساپالى، بىركەلكى نەگىزگى الەۋمەتتىك وقۋ - اعارتۋدان قىزمەت كورسەتۋ جۇيەسىن كۇش سالا ورناتۋ، جوعارى ساپالى وقۋ - اعارتۋ جۇيەسىن قۇرۋ، ەلىمىزدىڭ ايەلدەر ىستەرىنىڭ دامۋىن ىلگەرىلەتۋ كەرەكتىگىن باسا دارىپتەپ، حالىقتى وزەك ەتكەن دامۋ يدەياسىن تولىق ايگىلەدى، بۇل پارتيا مەن مەملەكەتتىڭ قىزمەتتەرىن ويداعىداي ىستەۋدە ماڭىزدى جەتەكشىلىك مانگە يە، ءسوز جوق، مۇقيات ۇيرەنىپ جانە ءتۇسىنىپ، دايەكتىلەندىرۋ جانە تياناقتاندىرۋدى ويداعىداي يگەرىپ، قىزمەتتىڭ جاڭا جاعدايىن ۇزدىكسىز اشۋ كەرەك.
ءماجىلىس مىنانى باسا دارىپتەدى: 2021 - جىل − ”14 - بەسجىلدىق“ باستالاتىن جىل. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، اقىل - كەڭەس بەرۋ مەن ورتاق تانىم ۇيىستىرۋ سىندى ەكى جاققا كۇش سالۋدى تەرەڭدەتىپ، ”14 - بەسجىلدىق“ جوباسىندا اتقارىلاتىن ماڭىزدى ماسەلەلەر مەن بۇقارانىڭ كوڭىل بولگەنىن، ءجىتى قاداعالاعانىن ارقاۋ ەتىپ، ۇكىمەت ءىسىن كەڭەسۋدى جانە دەموكراتيالىق باقىلاۋدى ىشكەرىلەي ورىستەتىپ، جوعارى ورەدە مىندەت اتقارۋ ارقىلى جوعارى ساپالى دامۋعا قىزمەت وتەپ، ”14 - بەسجىلدىقتىڭ“ باستاماسىن جاقسى اشۋدى، قادامىن جاقسى باسۋدى ىلگەرىلەتۋ ءۇشىن جاڭا ۇلەس قوسۋ كەرەك.
ءماجىلىس مىنانى باسا دارىپتەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز. حالىق ساياسي كەڭەسى جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، جۇڭگو كوممۋنيستىك پارتياسى تاريحىن ماڭىزدى ءتۇيىن ەتكەن ”ءتورت تاريح“ ۇيرەنۋ تاربيەسىن كۇشەيتىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، ۇيرەنۋ بارىسىنىڭ پارتيانىڭ ساياسي كەڭەس قىزمەتىنە باسشىلىعىن كۇشەيتۋ بارىسىنا اينالۋىن، پارتيانىڭ جاسامپاز نازاريامەن قارۋلانۋىنىڭ بارىسىنا اينالۋىن، يدەيالىق تانىمدى تەرەڭدەتۋ، جاپپاي ورتاق تانىم ۇيىستىرۋ بارىسىنا اينالۋىن ىلگەرىلەتۋ كەرەك.
ءماجىلىس مىنانى باسا دارىپتەدى: حالىق ساياسي كەڭەسى − جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، سوتسياليستىك دەموكراتيانى دامىتۋداعى، ”جۇڭگونىڭ جونگە سالۋ“ ارناسىن اشۋداعى ماڭىزدى تۇزىمدىك جوبالاۋى جانە وزگەشە جونگە سالۋ تۇعىرى. ”ەكى كەلەلى جاعدايدى“ كوكەيدە ساقتاپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن جالپى بەتتىك تياناقتاندىرىپ، ارناۋلى كەڭەس قۇرىلىمى قۇرىلىسىن ىلگەرىلەتىپ، مۇشەلەردىڭ جاۋاپكەرشىلىك ارقالاۋىن كۇشەيتىپ، كەڭەس ەرەجەسىن تياناقتاندىرىپ، كەڭەس مادەنيەتىن جەتىلدىرىپ، كىتاپ وقىپ ۇيرەنۋدى كۇشەيتىپ، كەڭەسۋ قابىلەتىن ارتتىرىپ، شەبەرلىكپەن پارتيا سىرتىنداعى ۋاكىل قايراتكەرلەردى يدەيا - ساياسي جاقتان جەتەكتەۋ قىزمەتىن ويداعىداي ىستەپ، شەبەرلىكپەن مۇشەلەردىڭ كاسىپتىك پىكىرىن ساياسات تۇرىنە اينالدىرىپ، شەبەرلىكپەن سالالاردى، بۇقارانى بەتكە الىپ، تىلەكتەردى اڭىس ەتەتىن، حالىق پاراساتىن توپتايتىن، ورتاق تانىم ۇيىستىراتىن ويداعىداي كوپىر - دانەكەر بولىپ، ءتۇبىرلى مۇددەنىڭ بىردەيلىگى مەن پاراسات، كۇش - قۋاتتىڭ جان - جاقتىلىعىنىڭ ۇشتاسۋىن ىلگەرىلەتىپ، كۇش - قۋاتتى شوعىرلاندىرىپ ءىرى ءىس تىندىرۋ جانە كوپ پاراساتىن ساۋلەلەندىرىپ اقىلداسۋدىڭ ءبىر تۇتاستىعىن ىلگەرىلەتىپ، حالىق ساياسي كەڭەس ءتۇزىمىنىڭ ارتىقشىلىعىن مەملەكەتتى جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك. پارتيا سىرتىنداعى زيالىلار، از ۇلت قايراتكەرلەر، ءدىن سالاسىنداعى قايراتكەرلەر، جالپىلىق مەنشىككە جاتپايتىن شارۋاشىلىقتاعى قايراتكەرلەر، جاڭا قوعامدىق جىكتەگى قايراتكەرلەر سياقتىلارمەن تىلدەسۋدى، اۋىس - كۇيىستى جيىلەتىپ، شياڭگاڭدىق، اۋمىندىق باۋىرلاستارمەن، تايۋاندىق باۋىرلاستارمەن، شەتەلدەگى چياۋباۋلارمەن بايلانىستى كۇشەيتۋ كەرەك. ”وتانشىلدار شياڭگاڭدى باسقارۋ“ پرينسيبىنىڭ جالپى بەتتىك تياناقتاندىرىلۋىن باتىل قولداپ، ”ءبىر ەل، ەكى ءتۇزىم“ امالياتىنىڭ ورنىقتى قاداممەن الىسقا جەتۋىن ىلگەرىلەتۋ كەرەك. ءبىر جۇڭگو پرينسيبى مەن ”92 - جىلعى ورتاق تانىمعا“ تاباندى بولىپ، ەكى جاعالاۋ قاتىناسىنىڭ بەيبىت دامۋى مەن وتاننىڭ بىرلىككە كەلۋىن ىلگەرىلەتىپ، ”تايۋان تاۋەلسىزدىگى“ بولشەكتەۋ ارەكەتىنەن بارىنشا ساقتانۋ جانە ونى باتىل تەجەۋ كەرەك. سىرتپەن اۋىس - كۇيىستى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
ءماجىلىس مىناعان ۇندەدى: حالىق ساياسي كەڭەسىنىڭ ءار دارەجەلى ۇيىمدارى، وعان قاتىناسقان ورىندار جانە قالىڭ ساياسي كەڭەس مۇشەلەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن - زەردەنى، كۇش - قۋاتتى ۇيىستىرىپ دامۋدى جەبەپ، قولايلى جاعدايدان ۇتىمدى پايدالانىپ، جاڭا جاعداي اشىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاساۋ كەرەك!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
