(ساياسي كەڭەس 13 - كەزەكتى مەملەكەتتىك كوميتەتىنىڭ 4 - ماجىلىسىندە 2021 - جىلى 3 - ايدىڭ 10 - كۇنى ماقۇلداندى)
مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ كەزەڭىن تياناق ەتۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى ارقاۋ ەتىپ، جوعارى ساپالى دامۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا باستاماسىن جاقسى اشىپ، جاقسى قادام تاستاپ، بەلسەنە ۇسىنىس جوبا قويۋ ارقىلى اقىل - كەڭەس بەرىپ، مىندەتىن وتەپ، جاۋاپكەرشىلىگىن ادا ەتتى.
3 - ايدىڭ 5 - كۇنى ساعات 20عا دەيىن جيىنى 5913 نۇسقا ۇسىنىس جوبا تاپسىرىپ الىندى. «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەت ەرەجەسىنە» جانە ۇسىنىس جوبالاردى تەكسەرۋ قىزمەتىنىڭ ەگجەي - تەگجەيلى ەرەجەسىنە نەگىزدەلىپ، تەكسەرۋ ارقىلى تىزىمگە الىنعان ۇسىنىس جوبا 4940 نۇسقا، بىرىكتىرىپ ءبىر جايلى ەتىلگەن ۇسىنىس جوبا 127 نۇسقا، پىكىرگە جانە ۇسىنىسقا اينالعان ۇسىنىس جوبا 846 نۇسقا بولدى.
تىزىمگە الىنعان ۇسىنىس جوبادا مۇشەلەر جەكە نەمەسە بىرلەسىپ ۇسىنعان ۇسىنىس جوبا 4454 نۇسقا بولىپ، ％90.2ىن ۇستادى؛ ءارقايسى دەموكراتيالىق پارتيا - توپتار، حالىقتىق ۇيىمدار جانە سالالار، مۇشەلەر گرۋپپالارى سياقتىلار ۇسىنعان ۇسىنىس جوبا 486 نۇسقا بولىپ، ％9.8ىن ۇستادى. مۇندا ەكونوميكالىق قۇرىلىس جاعىنداعى ۇسىنىس جوبا 1820 نۇسقا بولىپ، جالپى ساننىڭ ％36.8ىن ۇستادى؛ ساياسي قۇرىلىس جاعىنداعى ۇسىنىس جوبا 312 نۇسقا بولىپ، ％6.3ىن ۇستادى؛ مادەنيەت قۇرىلىسى جاعىنداعى ۇسىنىس جوبا 312 نۇسقا بولىپ، ％6.3ىن ۇستادى؛ قوعامدىق قۇرىلىس جاعىنداعى ۇسىنىس جوبا 1808 نۇسقا بولىپ، ％36.6ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 468 نۇسقا بولىپ، ％9.5ىن ۇستادى؛ باسقا جاقتارداعى ۇسىنىس جوبالار 220 نۇسقا بولىپ، ％4.5ىن ۇستادى.
وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ءبىرىنشى، مۇشەلەر ۇسىنىس جوبا ارقىلى كەڭەسىپ ۇكىمەت ءىسىن اقىلداستى، مىندەتىن وتەپ، ۇسىنىس بەرۋ بەلسەندىلىگى جوعارى بولدى. بۇل ساياسي كەڭەس مۇشەلەرىنىڭ وتان ءۇشىن مىندەت اتقارۋ، حالىق ءۇشىن جاۋاپكەرشىلىكتى ادا ەتۋ سىندى جاۋاپكەرشىلىك ارقالاۋ رۋحىن تولىق ايگىلەدى. جيىنى 1959 مۇشە ۇسىنىس جوبا ۇسىنىپ، مۇشەلەردىڭ جالپى سانىنىڭ ％90.7ىن ۇستادى؛ بىرلەسىپ ۇسىنعان ۇسىنىس جوبالار كوبەيىپ، ۇسىنىس جوبا جالپى سانىنىڭ ％15.2ىن ۇستادى. ەكىنشى، ۇسىنىس جوبالاردىڭ مازمۇنى پارتيا مەن مەملەكەت قىزمەتىنىڭ كەلەلى جاعدايىمەن، حالىق بۇقاراسى جاپپاي كوڭىل بولگەن كورنەكتى ماسەلەلەرمەن تىعىز ۇشتاستى. ”14 - بەسجىلدىق“ جوبانى جاساۋ جانە اتقارۋ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جەتىستىكتەرىن بەكەمدەۋ، كەڭەيتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، رەفورمانى تەرەڭدەتۋ، ەسىكتى ايقارا اشۋ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەبەۋ، حالىقتىڭ سالاماتتىعىن قامتاماسىز ەتۋ سياقتىلاردى ارقاۋ ەتىپ، 2558 نۇسقا ۇسىنىس جوبا قويدى، بۇل ۇسىنىس جوبا جالپى سانىنىڭ ％43.3ىن ۇستادى. كوپتەگەن مۇشە مەملەكەت قورعانىسىن جانە ارميا قۇرىلىسىن كۇشەيتۋ، ”وتانشىلدار شياڭگاڭدى باسقارۋ“ پرينسيبىن جاپپاي تياناقتاندىرۋ سياقتىلار جونىندە پىكىر، ۇسىنىس قويدى. ءۇشىنشى، ۇسىنىس جوبا ماسەلەنى باعدار ەتۋدەن جازباي، ساپاسى كورنەكتى جوعارىلادى. مۇشەلەر ساپا تانىمىن جانە تاتىمدى بولۋ تانىمىن اناعۇرلىم كۇشەيتىپ، ۇسىنىس جوبا تاقىرىبىن تاڭداۋدا نازاردى اناعۇرلىم شوعىرلاندىرىپ، ۇسىنىستاردىڭ باعىتتامالىلىعى مەن يكەمدىلىگى ونان ارى كۇشەيدى.
ءماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلادى. بۇل رەتكى ءماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار تەكسەرىپ ەستەلىككە الىنعاننان كەيىن ءماجىلىس جابىق مەزگىلدەگى ۇسىنىس جوبا رەتىندە ۇسىنىس جوبانى اتقارۋعا جاۋاپتى ورىنداردىڭ ءبىر جايلى ەتۋىنە دەر كەزىندە تاپسىرىلادى.
جوعارىداعى باياندامانى قاراپ شىعۋلارىڭىزدى سۇرايمىن.
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
