تيانشان تورى   ›   جاڭالىقتار   ›   شينجياڭ حابارلارى

كوكتەمدە ءۇمىت ۇرىعى سەبىلدى، كەلەشەك اناعۇرلىم كوركەم بولادى

□ انار بۇلت / شينجياڭ گازەتىنىڭ ءتىلشىسى جاڭ يۇنمەي

  ءشوپ كوكتەپ، قۇستار قالىقتادى، بارشا تىرشىلىك قايتا وياندى. كوكتەم ءۇمىت ۇرىعىن سەبەتىن تاماشا مەزگىل.

  مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى 3 - ايدىڭ 10 - كۇنى تۇستەن كەيىن جابىلدى، 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى دە 3 - ايدىڭ 11 - كۇنى تۇستەن كەيىن جابىلادى. رايونىمىزداعى مەملەكەتتىك حالىق قۇرىلتايى ۋاكىلدەرى، شينجياڭدا تۇراتىن مەملەكەتتىك ساياسي كەڭەس مۇشەلەرى باياندامالاردى قاراۋعا، تەكسەرۋگە جانە تالقىلاۋعا تولىق قاتىناسۋ ارقىلى كۇرەس نىساناسىن ءتىپتى دە ايقىنداپ، دامۋ سەنىمىن اناعۇرلىم بەكەمدەدى، كوپشىلىك كەلەشەكتىڭ ۇمىتكە تولى بولاتىندىعىنا، تاياۋ بولاشاقتىڭ، ءسوز جوق، اناعۇرلىم كوركەم بولاتىندىعىنا كامىل سەندى.

جاڭا ساپار، دابىل ءۇنى ەكپىندەي ىلگەرىلەۋگە جىگەرلەندىردى

  ءار كەزەڭ ساپاردىڭ اياقتاۋى، جاڭا ساپاردىڭ باستالعاندىعىنان دەرەك بەرەدى، الدىڭعى مەن كەيىنگى جالعاسقان كۇرەس ءبىزدىڭ العا ىلگەرىلەۋدەگى تاريحي جولىمىزدى تۇتاستىرادى.

  2021 - جىلدىڭ ەرەكشە ءبىر جىل بولاتىنى داۋسىز، ول ەلىمىزدىڭ جاڭا تاريحي ورنىن بەلگىلەدى: ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە ”14 - بەسجىلدىق“ باستالىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالادى.

  جوبا سىزىلدى، دابىل ءۇنى ەكپىندەي ىلگەرىلەۋگە جىگەرلەندىردى.

  ۋاكىل يوۋ لياڭيىڭ بىلاي دەدى: بيىل ءبىز ءىس جۇزىندىككە ءتىپتى دە ۇيلەسەتىن تاسىلمەن تىڭ اشىپ، شەكارانى قورعاۋ، بوراننان ساقتانىپ، قۇمدى بوگەۋ قىزمەتىن ويداعىداي ىستەپ، تۇنىق سۋ، جاسىل تاۋ − باعالى بايلىق ۇستانىمىن ءار ادامنىڭ كوڭىلىنە ۇيالاتۋدى جوسپارلادىق.

  قازىر يوۋ لياڭيىڭ ۋاكىلدىڭ كووپەراتيۆىندەگى كوپتەگەن كووپەراتيۆ مۇشەلەرى جەمىس اعاش ءوسىرۋدى تاكلاماكان ءشولىنىڭ جيەگىنە ورنالاستىرىپ، ”شولدە تىڭ اشىپ ءبىر ءتۇپ اعاش ەگۋ“ سىندى تاقىرىپتى توڭىرەكتەي وتىرىپ، قوعامداعى ءار سالانىڭ جەمىس اعاشىن ۇستىنە الىپ ءوسىرۋىن دارىپتەپ، وسى جەمىس اعاشتارىنىڭ ءۇنسىز ەكولوگيا قورعاۋشى بولىپ، شينجياڭنىڭ بوراننان ساقتانىپ، قۇمدى بوگەۋىنە دەم بەرۋىنە مۇمكىندىك جاساۋدا.

  بولاشاق جونىندە مۇشە گۋان فاڭفاڭنىڭ ارمانى تاماشا: كەدەيلىكتەن ارىلتۋدان قامال الۋدىڭ جەتىستىكتەرى بەكەمدەلىپ، قىستاق تۇرعىندارىنىڭ باي، سالاماتتى تۇرمىس وتكىزۋىنە، بالالاردىڭ مەملەكەتتىڭ ءتيىمدى ساياساتتارىنان ۇزدىكسىز يگىلىكتەنىپ، جارامدى دارىندى بولىپ ەسەيۋىنە مۇمكىندىك جاسالسا دەپ تىلەيدى.

  ”بۇل ارماندار تەز ارادا رەالدىققا اينالادى“. مۇشە گۋان فاڭفاڭ بىلاي دەدى: جەكەنىڭ كىشكەنتاي ءۇمىتى مەملەكەتتىڭ ”ۇلكەن جوسپارىنا“ قامتىلعان. جاڭا ساپاردا بۇكىل ەل حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جوعارى مەن تومەن ءبىر نيەتپەن جۇدىرىقتاي جۇمىلسا، ءسوز جوق، تولقىن جارا العا ىلگەرىلەپ، ايبىندى جوبانى جۇزەگە اسىراتىن بولادى.

باتىلدىقپەن جاۋاپكەرشىلىك ارقالادى

كۇرەسكەرلىك قاسيەتىن ايگىلەدى

  قيىندىققا قاسقايا قارسى اتتانىپ، قاھارماندىق قاسيەتتى بارىنشا ايگىلەدى. اماليات مەيلى قانداي قيىنشىلىق پەن سىن - سايىس بولسا دا، مەيلى قانداي زور بوران - شاشىن مەن ساتسىزدىك بولسا دا بارلىعى كۇرەس رۋحىن مۇقالتا المايتىندىعىن، جۇڭگولىقتاردى بوگەي المايتىندىعىن دالەلدەدى.

  مۇشە جياڭ پيڭان بىلاي دەدى: جاڭا تاريحي باستامادا تاعى تالاي بەلەس ءبىزدىڭ اسۋىمىزدى، تالاي بوگەت ءبىزدىڭ ءوتۋىمىزدى كۇتىپ تۇر، بۇل بىزدەن اناعۇرلىم ەرلىك پەن اقىل - پاراسات قولدانىپ حاۋىپ - قاتەرلەر مەن سىن - سايىستارعا توتەپ بەرۋىمىزدى قاجەت ەتەدى. اسىرەسە، بيىل ”14 - بەسجىلدىق“ باستالاتىن جىل، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز، ەكىنشى 100 جىلدىق كۇرەس نىساناسىن بەتكە الىپ ارشىندى قاداممەن ىلگەرىلەۋدەمىز، ءبىز تەبىندى تولىق نىعايتىپ، قىمباتتى كوكتەم شۋاعىندا، جاڭا تاراۋلار جازۋعا ءتىپتى دە ءتيىسپىز.

  ”بيىل مەن ساياسي كەڭەسۋ، دەموكراتيالىق باقىلاۋ، ۇكىمەت ىستەرىنە ات سالىسۋ، ۇكىمەت ىستەرىن اقىلداسۋ مىندەت - بورىشىمدى ادالدىقپەن وتەۋ ارقىلى ىشكەرىلەي تەكسەرۋ - زەرتتەۋ جۇرگىزىپ، ۇكىمەت ىستەرىنە اقىل - كەڭەس بەرۋ مەن ورتاق تانىم ۇيىستىرۋعا قوس باعىتتا كۇش سالۋدى قۇلشىنا ورىنداپ، ’14- بەسجىلدىق‘ قىزمەتتەرىن ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تىڭ ۇلەستەر قوسامىن“، - دەدى مۇشە جياڭ پيڭان.

  ۇلتتار ىنتىماعى، العاباسارلىعىنداعى مەملەكەتتىك ۇلگى رەتىندە، ۋاكىل يوۋ لياڭيىڭ ۇلتتار ىنتىماعىن ۇگىتتەۋدى، جەبەۋدى باستان - اياق ءوزىنىڭ مىندەتى ەتە ءبىلدى.

  ”ۇلتتار ىنتىماعى قىزمەتى باستالعان ەكەن، ماڭگى توقتاۋسىز جۇرىلەدى“، - دەدى ۋاكىل يوۋ لياڭيىڭ. بىرنەشە جىلدىڭ الدىندا، ول شارۋالار كاسىپتىك كووپەراتيۆىن قۇردى، سونىمەن بىرگە ءوز اتىندا ماركا تىركەۋگە الدىرىپ، ”ىزگى ادام، ىزگى نيەت، يگى ناتيجە“ دەگەن سوزدەردى ماركا مادەنيەت مازمۇنى ەتىپ، يوۋ لياڭيىڭ ماركالى شىلان قايدا ساتىلسا، شينجياڭداعى ۇلتتار ىنتىماعى حيكايالارىن سوندا تاراتۋدى ءۇمىت ەتتى. ۋاكىل يوۋ لياڭيىڭ مىنالاردى ءبىلدىردى: جاقىن كەلەشەكتە ءوندىرىستى ۇزدىكسىز كەڭەيتىپ، ءتىپتى دە كوپ ءار ۇلت اعا - باۋىر، اپەكە - سىڭلىلەردى بارعان سايىن بايىعان تۇرمىستى بىرگە وتكىزۋگە جەتەكتەيمىن.

كۇرەسكە قايتا اتتاندى

ۇلى ءداۋىردىڭ ءۇمىتىن اقتايمىز

  ساپار الىس، ماقساتقا تەك كۇرەسپەن عانا جەتەمىز.

  ”سوتسياليزم ىستەۋدەن كەلەدى، جاڭا ءداۋىر كۇرەستەن كەلەدى“، - دەدى مۇشە دىڭ حۇڭ.

  ”بيىل اقسۋ ايماعى قوعام ورنىقتىلىعىنىڭ جەتىستىكتەرىن ۇزدىكسىز بەكەمدەپ، جوعارى ساپالى دامۋدى ىلگەرىلەتەدى“. ۋاكىل نياز اشىم بىلاي دەدى: كەزەكتە ورىستەتىلىپ جاتقان پارتيا تاريحىن ۇيرەنۋ تاربيەسىمەن ۇشتاستىرىپ، ءبىز ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، قىزمەتتەردى جاقسى ىستەۋدىڭ جاۋاپكەرشىلىك سەزىمىن، بورىشتىلىق سەزىمىن، كوكەي تەستىلىك سەزىمىن ىشكەرىلەي كۇشەيتىپ، دامۋداعى بوگەتتەردى الاستاپ، حالىق تۇرمىسىنداعى قيىنشىلىقتاردى شەشىپ، بەلسەندىلىكپەن ىزدەنىس جاساپ، جاڭالىق اشىپ، دالمە - ءدال نىسانالى كۇش سالىپ، اقسۋ ايماعىنىڭ قىزمەتتەرىندە جاڭا ناتيجە جاراتۋدى، تىڭ ساتىعا كوتەرۋدى قۇلشىنا ىلگەرىلەتەمىز.

  مۇشە دىڭ حۇڭ بىلاي دەدى: ”13 - بەسجىلدىق“ تابىسپەن اياقتاپ، ”14 - بەسجىلدىقتى“ قۇلشىنا باستاعاندا، ءبىز جاڭا تاريحي وتكەلگە تاعى كەلدىك. جاپپاي دوڭگەلەك داۋلەتتى قوعام ورناتۋدان وسىزامانداندىرۋدى نەگىزىنەن جۇزەگە اسىرۋعا دەيىن، ونان جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋعا دەيىن جاڭا ءداۋىر جۇڭگوشا سوتسياليزمدى دامىتۋدىڭ ستراتەگيالىق ورنالاستىرۋى بىزدەن، ءسوز جوق، ۋاقىتپەن جارىسىپ، تاريحپەن بىرگە ىلگەرىلەۋدى تالاپ ەتەدى. ءبىز، ءسوز جوق، ۇتىلاي كۇرەس جاساپ، ورايدى مىقتاپ يگەرىپ، قىمباتتى ۋاقىتتى قاستەرلەپ، ناقتى ءىس ىستەپ، قاجىرلىلىقپەن ىستەپ، ۇلى ءداۋىردىڭ ءۇمىتىن اقتايتىن ەڭبەك ناتيجەسىن جاراتۋىمىز كەرەك.

  ىلگەرىلەۋ جولىندا بوگەتتەر كوپ ءارى جول ۇزاق، جۇرە بەرسەك جەتەمىز. ۋاكىلدەر، مۇشەلەر ءبىر اۋىزدان بىلاي دەپ قارادى: جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميللياردتاعان حالىقتىڭ قولىمەن جاراتىلۋدا، جۇڭگونىڭ كەلەشەگى، ءسوز جوق، ءتىپتى دە تاماشا بولادى!

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.