چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، لي ياڭ 3 - ايدىڭ 10 - كۇنى بەيجيڭنەن حابارلايدى. 3 - ايدىڭ 10 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايى 4 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، باس شۋجي شي جينپيڭنىڭ ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن جالعاستى قارادى، ۇكىمەت قىزمەتىنەن بايانداما، ”14 - بەسجىلدىق“ جوبا جانە 2035 - جىلعا دەيىنگى بولاشاقتىق نىسانا باعدارلاماسى، جوسپار بايانداماسى، مەجە ەسەپ بايانداماسى جونىندەگى 4 قاۋلى جوبانى قارادى.
شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، نايىم ياسىن قاتارلىلار قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار جيىنعا سىرتتاي قاتىناستى. ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جولداستار بەينە ەكران تاسىلىمەن پىكىرلەردى تىڭدادى.
چىن چۋانگو بىلاي دەپ اتاپ كورسەتتى: ءبىز باس شۋجي شي جينپيڭنىڭ ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋىمىز، دايەكتىلەندىرۋىمىز، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز، مەملەكەت قورعانىسى تانىمىن كۇشەيتىپ، ارميا مەن جەرگىلىكتى ورىن ”ءبىر تۇتاس جۇيە“ يدەياسىن بەرىك ورناتىپ، مەملەكەت قورعانىسى مەن ارميا قۇرىلىسىن بار كۇشپەن قولداۋىمىز، اسكەري ءبولىم رەفورماسى قۇرىلىسىن بار كۇشپەن قولداپ - قۋاتتاۋىمىز، ارميا حالىقتى ءسۇيۋ، حالىق ارميانى قولداۋ داڭقتى ءداستۇرىن ۇزدىكسىز ساۋلەلەندىرىپ، ارميانى قولداۋ تەبىنىن كۇشەيتىپ، شىنايى ىستىق ىقىلاسپەن قالىڭ وفيتسەر - جاۋىنگەرلەردىڭ قيىنشىلىقتارىن شەشىپ، اسكەري ءبولىمنىڭ دامۋىندا شىن مانىندە بەرىك تىرەك بولا ءبىلۋىمىز، مەملەكەت قورعانىسىنا كوڭىل بولەتىن، مەملەكەت قورعانىسىن قولداپ - قۋاتتايتىن، مەملەكەت قورعانىسىنا ات سالىساتىن قويۋ قوعامدىق راي قالىپتاستىرىپ، ارميانى قۇدىرەتتەندىرۋ ءىسىن العا ىلگەرىلەتۋدىڭ قۇدىرەتتى كۇشىن بىرگە توپتاۋىمىز كەرەك.
ۋاكىلدەر مىنالاردى ءبىلدىردى: ”14 - بەسجىلدىق“ كەزىندە حالىق سوتى مەكەمەسى قىزمەتىن ويداعىداي ىستەۋدىڭ جاۋاپكەرشىلىگى اۋىر، مىندەتى داڭقتى. سوتتىڭ فۋنكتسيالىق رولىن تولىق ساۋلەلەندىرىپ، جۇيە كوزقاراسىنا، زاڭمەن جونگە سالۋ ويىنا، نەگىزدى كۇشەيتۋ بەتالىسىنا اناعۇرلىم ءمان بەرىپ، ورنىقتىلىق بارىسىندا ىلگەرىلەۋگە، تۋراشىلدىقتى ساقتاپ، جاڭالىق اشۋعا تاباندى بولىپ، ساياسي قۇرىلىستى كۇشەيتىپ، كەلەلى جاعدايعا بەلسەنە قىزمەت وتەپ، ءادىليانى حالىق ءۇشىن جۇرگىزۋدەن جازباي، ءادىليادا ءادىل بولۋدى قاتايتىپ، ءادىليا رەفورماسىن تەرەڭدەتىپ، ىسىلعان قوسىن قۇرىپ، جاڭا داۋىردەگى حالىق سوتى مەكەمەسى قىزمەتىنىڭ جوعارى ساپالى دامۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋدى، جاقسى قادام تاستاۋدى قۋاتتى ءادىليالىق قىزمەت وتەۋمەن قامتاماسىز ەتۋ كەرەك.
ۋاكىلدەر مىنالاردى ءبىلدىردى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جاڭا دامۋ كەزەڭىندەگى پارتيا مەن مەملەكەت ىستەرىن دامىتۋدىڭ ۇلى جوسپارىن جاساپ بەردى، پروكۋراتۋرا ىستەرى جاڭا ساپاردى باستادى. ۇزدىكسىز ورنىقتى ىلگەرىلەپ، جوعارى ساپالى دامۋعا قىزمەت وتەۋدىڭ ساياسي سانالىلىعىن شىن مانىندە كۇشەيتىپ، تياناقتاندىرۋدى مىقتى يگەرىپ، مەملەكەتتى جاپپاي زاڭمەن جونگە سالۋمەن توعىستىرۋ سىندى زاڭمەن جونگە سالۋ سانالىلىعىن شىن مانىندە كۇشەيتىپ، وزىندىك جوعارى ساپالى دامۋدى جۇزەگە اسىرۋداعى پروكۋراتۋرا سانالىلىعىن قۇلشىنا جوعارىلاتىپ، شىن مانىندە كۇشەيتىپ، جاڭا تاريحي بورىشتى ارقالاپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا، جاقسى قادام تاستاۋعا قۋاتتى زاڭمەن جونگە سالۋ قامتاماسىزدىعىن ازىرلەۋ كەرەك.
ۋاكىلدەر ۇكىمەت قىزمەتىنەن بايانداما، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسى، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپارى، 2020 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىننىڭ مەجە ەسەبى جونىندەگى 4 قاۋلى - جوبانى ءبىر اۋىزدان قۇپتايتىندىقتارىن ءبىلدىردى.
مەملەكەتتىك حالىق قۇرىلتايىنىڭ ۋاكىلدەرى شى داگاڭ، پىڭ جيارۇي، عانيبات سابىكەي، جۋ حايلۇن، ءزۇمىرات وبۇل، مۇقيات جارمۇقامەت، ابدۇرىقىپ ءتومۇرنياز، ءدىلشات قىدىرقان قاتارلىلار جيىنعا قاتىناستى.
