− مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
«حالىق گازەتى» باسماقالاسى
”ءشوپ كوكتەپ، اعاش بۇرلەپ، تاۋ - دالا جاسىل ءپۇلىس جامىلدى“. جاندى جەلپىندىرەتىن كوكتەمدە مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسى ماڭىزدى تاپسىرمانى ورىنداپ، بورىشتى وتەپ، ءتۇرلى كەڭەستىك تارتىپتەرىن تولىق ورىنداپ، 3 - ايدىڭ 10 - كۇنى بەيجيڭدە جەڭىسپەن جابىلدى. ءبىز ءماجىلىستىڭ تابىستى بولعاندىعىن قىزۋ قۇتتىقتايمىز!
بۇل رەتكى ءماجىلىس دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى. ءماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى مۇشەلەر گرۋپپاسىنا بارىپ ءارى بىرىككەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭداپ، مۇشەلەرمەن بىرگە مەملەكەت ءىسىن اقىلداسىپ، دامۋدى بىرگە قاراستىردى. قالىڭ ساياسي كەڭەس مۇشەلەرى مىندەتتەرىن مۇقيات وتەپ، جاۋاپكەرشىلىكتەرىن قۇلشىنا ادا ەتىپ، مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايى تۋرالى باياندامانى تىڭداپ جانە قاراپ، 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداپ جانە تالقىلاپ، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاما جوباسىن تالقىلاپ، قۇپتايتىندىقتارىن ءبىلدىردى ءارى قۇندى پىكىرلەر مەن ۇسىنىستاردى ورتاعا قويدى. كوپشىلىك ءبىر اۋىزدان شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋدى قۇپتادى ءارى باتىل قولدادى. ريتىم تەز، مىندەت اۋىر جاعدايدا بارلىق مۇشەلەر جوعارى ولشەمگە، جوعارى تالاپقا، جوعارى ونىمدىلىككە تاباندى بولىپ، حۇجاتتاردى مۇقيات تالقىلاپ، ىشكەرىلەي كەڭەسىپ، اۋىس - كۇيىس جاساپ، بەلسەنە ۇسىنىس بەرىپ، مەملەكەت ىستەرىن اقىلداسىپ، كەڭىنەن ورتاق تانىم ۇيىستىرىپ، ارناۋلى كەڭەستىك قۇرىلىمنىڭ مەملەكەتتى جونگە سالۋ جۇيەسىندەگى ماڭىزدى رولىن تولىق ساۋلەلەندىرىپ، جۇڭگوشا سوتسياليستىك دەموكراتيالىق ساياسيدىڭ جالىندى ومىرشەڭدىگىن تولىق ايگىلەدى.
بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، سونداي - اق ”14 - بەسجىلدىق“ جوبانى اتقاراتىن، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستايتىن تۇڭعىش جىل. ”14 - بەسجىلدىق“ ايبىندى ساپارىنا كوز تاستاساق، وراي مەن اۋقىمنىڭ ءبىز جاقتا ەكەندىگىن كورە الامىز، بۇل ءبىزدىڭ تاباندىلىعىمىز مەن قايراتىمىزدىڭ تياناعى ءارى بەكىمىمىز بەن سەنىمىمىزدىڭ تياناعى. سونىمەن قاتار، مىنانى، ءسوز جوق، سەرگەكتىكپەن كورە ءبىلۋىمىز كەرەك: كەزەكتەگى جانە مۇنان بىلايعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرعانىمەن، الايدا وراي مەن سايىستا جاڭا دامۋ مەن وزگەرىس بولدى. العا باسۋ جولىنداعى حاۋىپ - قاتەرلەردى، سىن - سايىستاردى جەڭىپ، ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋدا پارتيانىڭ جالپى بەتتىك باسشىلىعىنا، ءسوز جوق، تاباندى بولىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاستىرۋعا بولاتىن بارلىق كۇشتى كەڭىنەن ىنتىماقتاستىرىپ، دامۋدى ىلگەرىلەتۋدىڭ پارمەندى بىرىككەن كۇشىن قالىپتاستىرۋ كەرەك. پارتيانىڭ ءتۇرلى قىزمەتكە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى شەبى، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرى، ورتاق يدەيا - ساياسي نەگىزىندە قايشىلىقتاردى جويۋدىڭ جانە ورتاق تانىم ۇيىستىرۋدىڭ ماڭىزدى ارناسى رەتىندە حالىق ساياسي كەڭەسى سيپاتىن تۇراقتاندىرۋدى ءداپ باسىپ يگەرىپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، نازاردى پارتيا مەن مەملەكەتتىڭ وزەكتى مىندەتتەرىنە شوعىرلاندىرا وتىرىپ مىندەتىن اتقارىپ، جاۋاپكەرشىلىگىن ادا ەتىپ، ۇسىنىس بەرىپ مەملەكەت ىستەرىن اقىلداسۋ جانە ورتاق تانىم ۇيىستىرۋ قىزمەتىن جاقسى ىستەپ، مىندەتتى جوعارى دەڭگەيدە اتقارۋ ارقىلى جوعارى ساپالى دامۋعا قىزمەت وتەپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا جۇرتتىڭ اقىل - پاراساتىن ۇيىستىرىپ، كوپتىڭ كۇشىن توپتاۋ كەرەك.
جاڭا ءداۋىر جاڭا مىندەت جۇكتەدى، جاڭا ساپاردا تىڭ ىسكەرلىك بولۋ كەرەك. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ توڭىرەگىندە ساياسي كەڭەس، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ دەڭگەيىن ۇزدىكسىز جوعارىلاتىپ، ورتاق تانىمدى اناعۇرلىم جاقسى ۇيىستىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتاردى تياناقتاندىرا ءتۇسۋ، ەل ىشىندەگى جانە شەتەلدەگى جۇڭحۋا پەرزەنتتەرىنىڭ اقىل - پاراساتىن جانە كۇش - قۋاتىن ۇيىستىرۋ ساياسي جاۋاپكەرشىلىگىن شىن مانىندە ارقالاۋ كەرەك. قالىڭ ساياسي كەڭەس مۇشەلەرى وتان ءۇشىن مىندەت اتقارۋ، حالىق ءۇشىن جاۋاپكەرشىلىكتى ادا ەتۋ ىنتا - ىقىلاسىنان جازباي، قىزمەت قابىلەتىن ۇزدىكسىز جوعارىلاتىپ، جاۋاپكەرشىلىكتى كوكەيدە ساقتاپ، جاۋاپكەرشىلىكتى ارقالاپ، جاۋاپكەرشىلىكتى ارەكەتتە ادا ەتىپ، حالىق ساياسي كەڭەس ءتۇزىمىنىڭ قاتىناسۋشىسى، امالياتتا ايگىلەۋشىسى، ىلگەرىلەتۋشىسى بولىپ، وتان ءۇمىتىن اقتاۋ مۇراتىن، حالىق ءۇشىن ىستەۋ تىلەگىن مىندەت وتەۋ قابىلەتىمەن اناعۇرلىم ويداعىداي ۇشتاستىرىپ، جاڭا بورىش ارقالاپ، جاڭا داڭق سومداپ، جاڭا ۇلەس قوسۋ كەرەك.
ءبىر نيەت، ءبىر تىلەكپەن ارماندى تۇلعالاپ، گۇلدەنۋ ۇلى ىسىنە بىرگە قولعابىس ەتىپ، قولايلى جاعدايدان ۇتىمدى پايدالانىپ، شت جاڭا ساپار باستايىق. ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋدىڭ ءمانى زور، مىندەتى اۋىر، بولاشاعى نۇرلى. ۇلى نىسانا ىنتىماقتاسا كۇرەسۋگە ۇندەيدى، داڭقتى بورىش ءورىس اشا العا باسۋعا شاقىرادى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كۇللى حالىق ءبىر نيەتپەن جۇمىلىپ، ءورىس اشا العا ۇمتىلىپ، تىڭعىلىقتى قىزمەت ىستەپ، ”14 - بەسجىلدىق“ كەزىندەگى ەكونوميكالىق، قوعامدىق دامۋدا جاقسى باستاما جۇزەگە اسىرۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەسەيىك!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
