− ساياسي كەڭەس 13 - كەزەكتى مەملەكەتتىك كوميتەتىنىڭ 4 - ماجىلىسىندە جاسالدى
(2021 - جىلى 3 - ايدىڭ 4 - كۇنى)
ۋاڭ ياڭ
مۇشەلەر:
مەن جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى وتىنەمىن.
1. 2020 - جىلى: پارتيا مەن مەملەكەتتىڭ وزەكتى مىندەتىن ارقاۋ ەتىپ، زەيىن - زەردەنى، كۇش - قۋاتتى شوعىرلاندىردىق
2020 - جىل جاڭا جۇڭگو تاريحىنداعى ەرەكشە ءبىر جىل بولدى. قاتاڭ دا كۇردەلى جاعداي مەن مىندەت الدىندا، بۇرىن بولىپ كورىلمەگەن حاۋىپ - قاتەر مەن سىن - سايىس الدىندا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەل بىرلىگىنەن بەرىك قامال ورناتىپ، قاجىرلىلىقپەن كۇرەس جۇرگىزىپ، حاۋىپ - قاتەردى ورايعا اينالدىردى، ىندەتكە قارسى كۇرەستە كەلەلى ستراتەگيالىق جەتىستىكتەرگە جەتىپ، كەدەيلىكتەن ارىلتۋدان قامال الۋ شايقاسى جالپى بەتتىك جەڭىسكە قول جەتكىزدى، ”13 - بەسجىلدىق“ پىلان ءساتتى اياقتالىپ، جاپپاي دوڭگەلەك داۋلەتتى قوعام ورناتۋدا ۇلى تاريحي تابىسقا قول جەتىپ، حالىق رازى بولاتىن، كۇللى دۇنيە كوز تىككەن، تاريح بەتىنە جازىلاتىن تىڭ دا شۇعىلالى ناتيجەلەر بارلىققا كەلدى.
جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدى مىقتاپ ارقاۋ ەتىپ، مىندەتىن مۇقيات وتەپ، جاۋاپكەرشىلىگىن ادا ەتتى، قوعامداعى كەلەلى ىستەرگە قاداعالاي نازار اۋدارىپ، يدەيالىق ساياسي جاقتاعى جەتەكشىلىكتى كۇشەيتىپ، ارناۋلى كەڭەس قۇرىلىمى ءتۇزىمى قۇرىلىسىن مىقتى ۇستاپ، قىزمەت ءونىمىن كۇشەيتىپ، ”13 - بەسجىلدىق“ پىلان نىساناسىن ىسكە اسىرۋ ءۇشىن بەلسەندى ۇلەستەر قوسىپ، ارناۋلى كەڭەس قۇرىلىمى قۇرىلىسىندا جاڭا بەينە جارىققا شىعىپ، وزەكتى مىندەتكە قىزمەت وتەۋدە تىڭ تابىستارعا قول جەتتى.
(1) نازاريا ۇيرەنۋدى تەرەڭدەتىپ، ورتاق يدەيالىق - ساياسي نەگىزدى بەكەمدەدىك. پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ ۇيرەنۋىن جەتەكشى ەتۋگە تاباندى بولىپ، مەملەكەتتىك ساياسي كەڭەس پارتيا باسشىلىق گرۋپپاسىنىڭ ءماجىلىسى، ءتوراعالار ءماجىلىسى، تۇراقتى كوميتەت ءماجىلىسى سياقتى كوللەكتيۆ ۇيرەنۋدى تىڭعىلىقتى ىلگەرىلەتتىك، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ 11 اڭگىمە گرۋپپاسى 46 رەت ۇيرەنۋ ۇيىمداستىرىپ، «شي جينپيڭ ەل باسقارۋ جونىندە» اتتى كىتاپتىڭ 3 - تومىن جۇيەلى ۇيرەندىك، باس شۋجي شي جينپيڭنىڭ ەڭ جاڭا ماڭىزدى سوزدەرىن ىلەسە ۇيرەنىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ارناۋلى ۇيرەنىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ۇزدىكسىز ۇيرەندىك. مۇشەلەردىڭ كىتاپ وقۋ قيمىلىن ىشكەرىلەي قانات جايدىرىپ، ”تۇنىق سۋ، جاسىل تاۋ − باعالى بايلىق“ نازارياسى، اۋىل - قىستاقتى گۇلدەندىرۋ، جۇڭحۋا ۇلتى ورتاق تۇلعا تانىمىن بەكەمدەۋ جانە سيفرلى ەكونوميكا، تاريحتاعى ىندەتتەن ساقتانۋ، ادامزاتتىڭ تاعدىرلاس ورتاق تۇلعاسى سياقتى 47 نەگىزگى تاقىرىپتىق كىتاپ وقۋ توبىن قۇردىق، مۇشەلەردىڭ كىتاپ وقۋ اسەرىن ءبولىسۋى 140 مىڭ ادام - رەت بولىپ، جەلىدەگى كورىلىمى ءبىر ميلليون 100 مىڭ ادام - رەتتەن استى. نازاريا ۇيرەنۋ مەن كىتاپ وقۋ ناتيجەسىن امالياتتا ايگىلەۋدى ىلگەرىلەتىپ، ساياسي كەڭەس ينفورماتسياسى، كىتاپ وقۋ قىسقا حابارى، تۇپتەلمەگەن ماقالالاردان تاڭدامالىلار قاتارلىلار ارقىلى ماڭىزدى پىكىر - ۇسىنىستار جولداپ، جاڭا مەديا سياقتىلار ارقىلى قوعامعا ورتاق تانىم تاراتتىق، ازاماتتىق زاڭنامانى ۇيرەنۋ جەلىلەس ارناۋلى ايدارىن اشىپ، كورىلىم مولشەرى 60 ميلليون رەتكە جەتىپ، مۇشەلەردىڭ ءوزىن - ءوزى تاربيەلەۋىن، كەڭەسۋىن، اۋىس - كۇيىس جاساۋىن جانە سالالارداعى بۇقارانىڭ ءبىرىن - ءبىرى جەبەۋىنە جەتەكشىلىك ەتۋدى جۇزەگە اسىرىپ، ”بىلىكتىلەر ساياسي كەڭەس“ ارقىلى ”جالپى قوعام بولىپ كىتاپ وقۋ“ قۇرىلىسىنا دەم بەردىك. ۇزدىكسىز ۇيرەنۋ ارقىلى”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ يدەيالىق نەگىزىن ونان ارى بەكەمدەپ، حالىق ساياسي كەڭەسىنىڭ پارتيانىڭ جاڭالىق اشۋ نازارياسىنان پايدالانىپ ءار ۇلت، ءار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، جەتەكتەيتىن ماڭىزدى تۇعىرلىق رولىن ءتىپتى دە جاقسى ساۋلەلەندىردىك.
(2) كەڭەسۋ مىندەتىن ىشكەرىلەي اتقارىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋعا قىزمەت وتەدىك. جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، ساياسي كەڭەسكە قاتىناسقان ورىنداردى، ارناۋلى كوميتەتتەردى، ءار سالاداعى مۇشەلەردى ىندەتكە قارسى كۇرەسكە جەدەل ۇيىمداستىردىق. اۋىر ىندەتتەن ساقتانۋ - تىزگىندەۋ مەحانيزمىن كەمەلدەندىرۋ، جۇمىستى، ءوندىرىستى قالپىنا كەلتىرۋ سياقتىلاردى ارقاۋ ەتىپ، ”التىنى ورنىقتىرۋ“ قىزمەتىنە بەلسەنە دەم بەرىپ، ”التىنى قامتاماسىز ەتۋ“ مىندەتىنىڭ تياناقتانۋىن جەبەپ، ءماجىلىس، اڭگىمە ءماجىلىسى، مۇشەلەردىڭ جىلجىمالى مىندەت وتەۋ تەكشەسى سياقتىلار ارقىلى ءماسليحاتتاسىپ، اقىل - كەڭەس بەرىپ، جەدەل ارنالار قۇرىپ «ءار كۇنگى قوعامدىق جاعداي» باسىلىمنىڭ 249 سانىنا 699 نۇسقا ۇسىنىس جوبا جولداپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا جانە ءارقايسى قاتىستى تاراۋلاردىڭ قىزمەتىنىڭ تياناقتانۋىن ىلگەرىلەتۋگە پايدالانۋ ماتەريالىن ازىرلەپ بەردىك. ىندەتكە قارسى اتتانعان قاھارماندارعا قۇرمەت ءبىلدىرىپ، ىندەتكە قارسى اتتانۋ ۇلى رۋحىن اسقاقتاتۋدى نەگىزگى تاقىرىپ ەتىپ، 34 سالانى قامتىعان مۇشەلەر كوزدەن كەشىرۋ ۇيىرمەسىن حۋبەيدى كوزدەن كەشىرۋگە ۇيىمداستىردىق، مۇشەلەر باستارىنان كەشىرىپ، ءوز كوزدەرىمەن كورىپ، ەت قۇلاقتارىمەن ەستۋ ارقىلى تەرەڭ يدەيالىق تاربيە الدى جانە رۋحاني سىننان ءوتتى. قالىڭ مۇشەلەر ءارقايسى شەپتە باتىلدىقپەن جاۋاپكەرشىلىك ارقالاپ، اۋرۋدى ەمدەپ اجالعا اراشاشى بولۋ، عىلمي زەرتتەۋدە قامال الۋ، كاسىپورىنداردى، جۇمىس ورنىن ورنىقتىرۋ سياقتى قىزمەتتەرگە بەلسەنە ات سالىسىپ، ەرەكشە جىلدا ەرەكشە ”مۇشەلىك تاپسىرما“ ورىندادى.
ءتۇرلى كەڭەسۋ فورمالارىنان ۇتىمدى پايدالانىپ، ۇكىمەت ىسىنە توراپتا كەڭەس بەرۋ ابزالدىلىعىن ساۋلەلەندىرىپ، ىندەتتەن ساقتانۋ - تىزگىندەۋ ۇدايىلانعان جاعدايدا مىندەت وتەۋ قيمىلىنىڭ بوساڭسىماۋىنا، بىلىقپاۋىنا، ءۇزىلىپ قالماۋىنا شىنايى كەپىلدىك ەتىپ، تۇتاس جىلدا 23 رەت ماڭىزدى كەڭەسۋ قيمىلىن وتكىزىپ، 80 رەت قىزمەتتى كوزدەن كەشىرۋگە، تەكسەرىپ - زەرتتەۋگە ۇيىمداستىردىق. نازاردى ”14 - بەسجىلدىق“ پىلاندى جاساۋعا شوعىرلاندىرىپ، مۇشەلەردىڭ اڭگىمە ءماجىلىسى، بەينە ەكران ارقىلى تەكسەرىپ - زەرتتەۋ ءماجىلىسى، جاعدايعا تالداۋ جاساۋ ءماجىلىسى سياقتى فورمالارمەن زەرتتەۋ - تالقى جۇرگىزىپ، وسى نەگىزدە ارناۋلى تاقىرىپتا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن اشىپ، شوعىرلى كەڭەسىپ، اقىل - كەڭەس بەردىك. گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ جاڭالىق اشۋ سەلبەستىگى، مادەنيەت قۇرىلىسىنىڭ اۋىل - قىستاقتى گۇلدەندىرۋ ستراتەگياسىن اتقارۋداعى رولىن ساۋلەلەندىرۋ سياقتىلار جونىندە ارناۋلى تاقىرىپتا كەڭەس وتكىزىپ، شارۋاشىلىق - ساۋدا ورتاسىن ساپالىلاندىرۋ، ءتۇيىندى سالالارداعى فينانس حاۋىپ - قاتەرىنەن ساقتانۋ جانە ونى جويۋ، عىلىم - تەحنيكادا جاڭالىق اشاتىن كاسىپورىنداردى دامىتۋ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ، سىرتقا ساياتىن زاڭ دارىندىلارى قوسىنى قۇرىلىسى، كوپ ارنالى يكەمدى جۇمىستانۋدى قولداۋ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ، جايلىمنىڭ ەكولوگيالىق ورتاسىن قورعاۋ، تەڭىز - مۇحيت بايلىعىن قورعاۋ جانە اشۋ سياقتى ءتۇيىندى ماسەلەلەرگە باعىتتاي وتىرىپ تەكسەرۋ - زەرتتەۋ جۇرگىزىپ، اقىل - كەڭەس بەردىك. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە كوپ ءتۇرلى فورمامەن دەم بەرىپ، ارناۋلى كوميتەتتەر دەموكراتيالىق پارتيا - توپتاردىڭ ورتالىق كوميتەتتەرىمەن، مەملەكەتتىك ساۋدا - ونەركاسىپشىلەر بىرلەستىگىمەن بىرلەسىپ تەكسەرۋ - زەرتتەۋ جۇرگىزىپ، بەينە ەكران ارقىلى جەرگىلىكتى ساياسي كەڭەس مۇشەلەرىمەن جانە نەگىزگى ساتى بۇقاراسىمەن بايلانىس جاساپ، بىرلەسىپ كەڭەسۋ ارقىلى سالىستىرمالى كەدەيلىك ماسەلەسىن شەشۋدىڭ باياندى مەحانيزمىن ورناتىپ، ”’14 - بەسجىلدىق‘ پىلان مەزگىلىندە باتىس بولىكتەگى وڭىرلەردىڭ كەدەيلىكتەن ارىلۋداعى جەتىستىكتەرىن بەكەمدەۋ“ جونىندەگى ءتۇيىندى ۇسىنىس جوبالاردى ناق مايداندا باسقارۋعا قۋزاپ، تەكسەرۋ - زەرتتەۋ جۇرگىزىپ، كەڭەسۋ ۇلگىسىندەگى باقىلاۋدىڭ رولىن ويداعىداي ساۋلەلەندىردىك. كەڭەسۋ ارقىلى مىندەتىن وتەۋ جەتىستىگىن دەر كەزىندە اڭىس ەتىپ، 2547 سان ءتۇرلى ساياسي كەڭەس ينفورماتسياسىن جولدادىق. جيىنى 5974 ۇسىنىس جوبا تاپسىرىپ الىپ، 5044ىن تىزىمگە الدىق.
(3) كەڭ كولەمدە ورتاق تانىمعا كەلىپ، ىنتىماقتاسا سەلبەسەتىن وڭ ەنەرگيا توپتادىق. سىرلاسۋ، اڭگىمەلەسۋ، مۇشەلەر لەكسياسى، كەلەلى ارناۋلى قىزمەتتەن مۇشەلەر ۇگىت - لەكسيا جاساۋ ۇيىرمەسى سياقتى دانەكەرلەردى ۇزدىكسىز كەمەلدەندىرىپ، پارتيا ىشىندەگىلەردەن پارتيا سىرتىنداعىلارعا دەيىن، مۇشەلەردەن سالالارداعى بۇقاراعا دەيىن ورتاق تانىمعا كەلۋ قىزمەت جۇيەسىن اقاۋسىزداندىرىپ، حالىق ساياسي كەڭەسىنىڭ ورتاق يدەيالىق ساياسي نەگىزدە قايشىلىقتاردى شەشۋدىڭ جانە ورتاق تانىمعا كەلۋدىڭ ماڭىزدى ارناسىنا اينالۋىن ىلگەرىلەتتىك. مەملەكەتتىك ساياسي كەڭەس پارتيا باسشىلىق گرۋپپاسىنىڭ مۇشەلەرى پارتيا سىرتىنداعى مۇشەلەردى 300 ادام - رەت ۇسىنىس ەتىپ سىرلاسىپ، جاعدايدى بەتپە - بەت ۇعىسىپ، ىشتەسىپ اڭگىمەلەستى. ءتۇيىندى كوڭىل ءبولىپ وتىرعان ماسەلەلەر جونىندە 10 رەت جاعدايدان حاباردار ەتۋ ءماجىلىسىن اشىپ، 11 رەت مۇشەلەردىڭ ءوزىن - ءوزى تاربيەلەۋىن، ءوزىن - ءوزى جەتىلدىرۋىن نەگىزگى ماقسات ەتكەن ارناۋلى تاقىرىپتى كوزدەن كەشىرۋدى ورىستەتتىك. مۇشەلەردىڭ ىقپالىن ساۋلەلەندىرىپ، 14 مايدان كەلەلى ارناۋلى قىزمەت ىستەيتىن مۇشەلەر ۇگىت - لەكسيا جاساۋ قيمىلىن وتكىزىپ، ”مۇشەلەر ساباقحاناسى“ باعدارلاماسىنان 12 سان تاراتىپ، سالالارداعى بۇقارا مەن قوعامداعى بۇقاراعا قاراتا ساياساتتى ءتۇسىندىرۋ، كۇدىك - كۇماننان ارىلتۋ، مەجەگە جەتەكشىلىك ەتۋ قىزمەتتەرىن ويداعىداي ىستەدىك، قاتىستى باعدارلامالار مەن اقپاراتتىق حابارلاردىڭ كورىلىمى 200 ميلليون ادام - رەتتەن استى. دەموكراتيالىق پارتيا - توپتاردىڭ ءوز پارتيا - توبىنىڭ اتىنان ۇسىنىس جوبا قويۋى، ماجىلىسكە جارىس ءسوز تاپسىرۋى جونىندە مەحانيزمدىك ورنالاستىرۋلار جاساپ، دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى ماڭىزدى كەڭەسۋ قيمىلدارىنا تۇگەلدەي قاتىناستى جانە اتالعان قيمىلداردى وتكىزدى. از ۇلت سالاسىنىڭ، ءدىن سالاسىنىڭ تاقىرىپتىق كەڭەسۋ اڭگىمە ءماجىلىسىن اشىپ، شياڭگاڭدىق، اۋمىندىق مۇشەلەردىڭ جاعدايدان حاباردار ەتۋ ءماجىلىسىن جانە اڭگىمە ءماجىلىسىن ۇيىمداستىرىپ، تايۋاننىڭ قايتارىلىپ العاندىعىنىڭ 75 جىلدىعىن اتاپ ءوتۋ تاقىرىپتىق كورمەسىنە جانە 12 - كەزەكتى بۇعاز تالقى مىنبەرى 3 - كەزەكتى ەكى جاعالاۋدىڭ نەگىزگى ساتىلاردى جونگە سالۋ نازاريالىق تالقى مىنبەرىنە قاتىناسىپ جانە وتكىزىپ، جاڭا ۇرپاق چياۋباۋلاردىڭ ۋاكىلدەرىن ۇيرەنۋگە، اڭگىمە ماجىلىسىنە، ەل ىشىندەگى قىزمەتتى كوزدەن كەشىرۋگە ۇسىنىس ەتتىك، ت.ب. شياڭگاڭدىق، اۋمىندىق مۇشەلەردىڭ ساياسي جاۋاپكەرشىلىگىن كۇشەيتىپ، ەرەكشە اكىمشىلىك رايون ۇكىمەتى مەن اكىمدەرىنىڭ زاڭ بويىنشا بيلىك جۇرگىزۋىن قولداپ، شياڭگاڭ رايونىنىڭ مۇشەلەرىن شياڭگاڭدا مەملەكەت حاۋىپسىزدىگى زاڭىن جاساۋ جانە ونى اتقارۋدى ىلگەرىلەتۋ سياقتى جاقتاردا ۇزدىكسىز ۇسىنىس - پىكىر بىلدىرۋگە شابىتتاندىردىق. ”بۇلتتىق ديپلوماتيا“ مەن جەلىدەن تىس اۋىس - كۇيىس جاساۋ تاسىلىنەن جان - جاقتى پايدالانىپ، شەتەلدەرمەن بارىس - كەلىس جاسادىق، امەريكانىڭ اتالمىس شينجياڭعا، شيزاڭعا، شياڭگاڭعا، ت.ب قاتىستى زاڭ جوبالارى مەن ىندەتكە قاتىستى جۇڭگوعا قارسى جوبالارىنا، سونداي - اق ءىشىنارا ساياسي الاياقتاردىڭ جۇڭگوعا قارسى ساندىراقتارىنا قاراتا، مالىمدەمە جاريالاۋ، اڭگىمە ءماجىلىسىن ۇيىمداستىرۋ جانە مۇشەلەردىڭ تىلشىلىكتى قابىلداۋ سياقتى تاسىلدەر ارقىلى قاتاڭ تويتارىس بەرىپ، جۇڭگو ەكونوميكالىق، قوعامدىق القالار كەڭەسىنىڭ، جۇڭگو ءدىن سالاسى بەيبىتشىلىك كوميتەتىنىڭ پرينسيپتىك مايدانىمىزدى پايىمداۋىنا قولداۋ كورسەتتىك.
(4) قىزمەت ءتۇزىمىن كەمەلدەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ىشكەرىلەي، ناقتى دايەكتىلەندىرۋدى ىلگەرىلەتتىك. جاڭا داۋىردەگى حالىق ساياسي كەڭەسى كۇش سالا جاقسى ىستەۋگە ءتيىستى ءتۇيىندى قىزمەتتەردى ارقاۋ ەتىپ، ساياسي كەڭەس قىزمەتىنىڭ ءتۇزىم جۇيەسىن كەمەلدەندىردىك. مەملەكەتتىك ساياسي كەڭەستىڭ كەڭەسۋ قىزمەت ەرەجەسىن جاساپ، كەڭەسۋ مازمۇنىنىڭ فورماسى، تالقى پرينسيبى، ءتارتىپ ءتاسىلى سياقتىلار جونىندە بەلگىلەمە شىعارىپ، كەلەلى ستراتەگيالىق ماسەلەلەر جونىندەگى ىشكەرىلەي زەرتتەۋ مەحانيزمىن ورناتىپ، مۇشەلەردىڭ دەربەس تەكسەرۋ - زەرتتەۋ جۇرگىزۋىن ىلگەرىلەتىپ، ۇكىمەت ىسىنە ارالاسۋ، كەڭەس بەرۋ دارىندىلار قامباسىن قۇرىپ، كەڭەسۋ قىزمەتىنىڭ عىلميلانۋ، جۇيەلىلەنۋ، تۇزىمدەنۋ دەڭگەيىن جوعارىلاتتىق. حالىق ساياسي كەڭەسىنىڭ ورتاق تانىمعا كەلۋدى كۇشەيتۋ جانە جەبەۋ قىزمەتى پىكىرىن جاساپ اتقارىپ، ورتاق تانىمعا كەلۋ جونىندەگى تەكشە دانەكەرى، قىزمەت مەحانيزمى، نىسانا وبيەكتىسى سياقتى مازمۇنداردى اناعۇرلىم ايقىنداپ، ساياسي كەڭەستىڭ دەموكراتيالىق كەڭەس ءتارتىبى مەن ءونىمدى قىزمەتى ارقىلى پارتيانىڭ قۋاتتاماسىن قوعامداعى ءار سالانىڭ ورتاق تانىمىنا اينالدىرۋ جونىندە تۇزىمدىك ورنالاستىرۋلار جاسادىق. ءتۇيىندى ۇسىنىس جوبالاردى سارالاۋ جانە ءبىر جاقتى ەتۋدى قۋزاۋ ادىسىنە وزگەرىس ەنگىزىپ، ءبىر جاقتى ەتۋ ساپاسىن جوعارىلاتتىق. مۇشەلەردىڭ جاۋاپكەرشىلىك ارقالاۋىن كۇشەيتۋ جونىندەگى پىكىردى جاساپ جانە اتقارىپ، مىندەت وتەۋ جاۋاپكەرشىلىگىن ايقىنداپ، دۇرىس باعىتتا شابىتتاندىرۋ مەن ءتارتىپ تەجەمىنە تەڭ ءمان بەرۋگە تاباندى بولىپ، مۇشەلەردى سالالارداعى بۇقارامەن بايلانىس جاساۋعا جانە ولارعا قىزمەت وتەۋگە شابىتتاندىرىپ، مىندەتىن ۇزدىك اتقارعان مۇشەلەردى ماداقتادىق.
(5) وزىندىك قۇرىلىستى كۇشەيتىپ، ساياسي كەڭەس قىزمەتىنىڭ ساپاسى مەن دەڭگەيىن جوعارىلاتتىق. پارتيانىڭ حالىق ساياسي كەڭەسى قىزمەتىنە جالپى بەتتىك باسشىلىق ەتۋ ءتۇزىمىن تياناقتاندىرىپ، باقىلاۋ - تەكسەرۋ مەحانيزمىن قاتاڭداستىرىپ، باس شۋجي شي جينپيڭنىڭ ماڭىزدى نۇسقاۋلارى مەن بەكىتۋلەرىنىڭ جانە جۇڭگو كوممۋنيستىك پارتياسى ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ دايەكتىلەنۋىنە، تياناقتانۋىنا شىنايى كەپىلدىك ەتىپ، حالىق ساياسي كەڭەسىنىڭ پارتيانىڭ ءتۇرلى قىزمەتتەرگە باسشىلىعىنا تاباندى بولاتىن جانە ونى كۇشەيتەتىن ناعىز ماڭىزدى شەپكە اينالۋىن ىلگەرىلەتتىك. مۇشەلەردىڭ مىندەت وتەۋ ارحيۆىن، تۇراقتى مۇشەلەردىڭ جىلدىق مىندەت وتەۋ مالىمەتىن تاپسىرۋ ءتۇزىمىن كەمەلدەندىرىپ، پارتيالى تۇراقتى مۇشەلەردىڭ مىندەت وتەۋىنە باعا بەرۋدى جالعاستىردىق. مۇشەلەردى تۇراقتى كوميتەتتىڭ ماجىلىسىنە توپقا ءبولىپ سىرتتاي قاتىناسۋعا ورنالاستىرۋدى تۇزىمگە اينالدىردىق. ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ تاجىريبە - ادىستەرىنەن پايدالانىپ، تۇراقتى كوميتەتتىڭ ءماجىلىس ۋاقىتىن قىسقارتىپ، ءماجىلىس ستيلىن، جازۋ ستيلىن ءۇرتىس جاقسارتتىق. ناق مايداندا تەكسەرۋ - زەرتتەۋ جۇرگىزۋدىڭ ناقتى ءونىمىن جوعارىلاتىپ، بەينە ەكران ارقىلى تەكسەرۋ - زەرتتەۋ، ساۋالنامالىق تەكسەرۋ ورىستەتىپ، ۇزدىك تەكسەرۋ، كوزدەن كەشىرۋ، تەكسەرۋ - زەرتتەۋ باياندامالارىن باعالاۋدى ۇيىمداستىرىپ، ۇكىمەت ىسىنە كەڭەس بەرۋ ناتيجەسىن اڭىس ەتۋ مەحانيزمىن كەمەلدەندىردىك. يدەولوگيا قىزمەتى جاۋاپكەرشىلىك ءتۇزىمىن تياناقتاندىرىپ، ساياسي كەڭەستىڭ اقپاراتتىق قوعامدىق پىكىر شەبى قۇرىلىسىن جانە ونى باسقارۋدى كۇشەيتتىك. مەملەكەتتىك ساياسي كەڭەستىڭ ارناۋلى كوميتەتتەرىنىڭ قىزمەت ءماجىلىسىنىڭ رۋحىن دايەكتىلەندىرىپ، ارناۋلى كوميتەتتەردىڭ جالپى ەرەجەسىنە وزگەرىس ەنگىزىپ، سالالارمەن بايلانىس جاساۋ، مۇشەلەرگە قىزمەت وتەۋ فۋنكتسياسىن ساۋلەلەندىرىپ، ارناۋلى كوميتەتتەردىڭ قىزمەت دەڭگەيى مەن نەگىزدىك رولىن كورنەكتى نىعايتتىق. جەرگىلىكتى ساياسي كەڭەستەردىڭ قىزمەت تاجىريبە اۋىستىرۋ جينالىستارىن اشىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن دايەكتىلەندىرۋدەگى ۇتىمدى ادىستەردى جالپىلاستىردىق. جۇڭگو حالىق ساياسي كەڭەسى نازاريا زەرتتەۋ قوعامىنىڭ رولىن ساۋلەلەندىرىپ، كەلەلى نازاريالىق ماسەلەلەردى زەرتتەۋدى ورىستەتتىك. ورتالىقتىڭ ارالاپ تەكسەرۋ گرۋپپاسىنىڭ ورگان پارتگرۋپپالارىن ارالاپ تەكسەرۋىن قولداپ، پارتيا ستيلى، پاكتىك قۇرىلىسىن كۇشەيتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ تاقىرىپتىق تاربيەسىنىڭ جەتىستىكتەرىن بەكەمدەپ جانە تەرەڭدەتىپ، ساياسيدى دارىپتەيتىن، تارتىپكە بويسۇناتىن، جاۋاپكەرشىلىك ارقالايتىن، ونىمدىلىگى جوعارى ۇلگىلى ورگان قۇردىق.
مۇشەلەر، ءبىر جىلدان بەرگى قىزمەتتەگى ناتيجەلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ ناتيجەسى، ءار دارەجەلى پارتكومداردىڭ، ۇكىمەتتەردىڭ جانە قوعامداعى ءار سالانىڭ بار كۇشپەن قولداۋىنىڭ ناتيجەسى، حالىق ساياسي ءماسليحات كەڭەسى ءار دارەجەلى ۇيىمدارىنىڭ، ساياسي كەڭەسكە قاتىناسقان ورىنداردىڭ جانە قالىڭ مۇشەلەردىڭ ىنتىماقتاسا كۇرەس جۇرگىزۋىنىڭ ناتيجەسى. مەن مەملەكەتتىك ساياسي كەڭەس تۇراقتى كوميتەتى اتىنان شىن جۇرەكتەن العىس ايتامىن!
سونىمەن بىرگە، ءبىز قىزمەتتەگى جەتەرسىزدىكتەردى دە سەرگەكتىكپەن كورە بىلدىك: ورتالىقتىڭ ساياسي كەڭەس قىزمەتى ءماجىلىسىنىڭ رۋحىن تياناقتاندىرۋ قىزمەتىن ونان ارى تەرەڭدەتۋگە، كەڭەسۋ قابىلەتى قۇرىلىسىن ونان ارى كۇشەيتۋگە، ورتاق تانىمعا كەلۋ دەڭگەيىن ونان ارى جوعارىلاتۋعا، كەڭەس فورماسىنداعى باقىلاپ - تەكسەرۋ جونىندە ونان ارى ىزدەنس جاساۋعا تۋرا كەلەدى. بۇل ماسەلەلەردى بۇدان بىلايعى قىزمەتتەر بارىسىندا مۇقيات زەرتتەپ جاقسارتۋ قاجەت.
2. 2021 - جىلى: نازاردى ”14 - بەسجىلدىق“ پىلاننىڭ باستاماسىنا شوعىرلاندىرىپ، مىندەتتى وتەپ، جاۋاپكەرشىلىكتى ادا ەتۋ
2021 - جىل − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايتىن العاشقى جىل. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ىنتىماق پەن دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ كەلەلى باعىت - ساياساتتارىنىڭ جانە شەشىمدەرى مەن ورنالاستىرۋلارىنىڭ دايەكتىلەنۋىن، تياناقتانۋىن وزەك ەتىپ، ۇكىمەت ىسىنە اقىل - كەڭەس بەرۋ جانە ورتاق تانىمعا كەلۋ قىزمەتىن ويداعىداي ىستەپ، مىندەتىن جوعارى دەڭگەيدە وتەۋ ارقىلى جوعارى ساپالى دامۋعا قىزمەت وتەپ، ”14 - بەسجىلدىق“ پىلاندا جاقسى باستاما باستاپ، جاقسى قادام تاستاۋعا كوپتىڭ اقىل - پاراساتىن شوعىرلاندىرىپ، كوپتىڭ كۇشىن ۇيىستىرۋى كەرەك.
(1) جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى ماڭىزدى ءتۇيىن ەتىپ، يدەيالىق ساياسي جاقتاعى جەتەكشىلىكتى كۇشەيتۋ. تۇراقتى كوميتەتتىڭ كوللەكتيۆ ۇيرەنۋى، ارناۋلى تاقىرىپتىق لەكسيا، پىكىر اۋىستىرىپ اڭگىمە ءماجىلىس وتكىزۋ، مۇشەلەردىڭ كىتاپ وقۋى سياقتى فورمالاردى ءبىر تۇتاس جوسپارلاپ پايدالانىپ جۇڭگو كوممۋنيستىك پارتياسى تاريحىن ءتۇيىن ەتكەن ”ءتورت تاريحتى“ ۇيرەنۋ تاربيەسىن كۇشەيتۋ. جۇڭگو كوممۋنيستىك پارتياسى ورتالىق كوميتەتىنىڭ ءبىر تۇتاس ورنالاستىرۋىنا ساي، مۇشەلەردى پارتيا قۇرىلعاندىعىنىڭ 100 جىلدىعىن قۇتتىقتاۋعا ارنالعان جەلىلەس قيمىلدارعا قاتىناسۋعا ۇيىمداستىرىپ، جۇڭگو كوممۋنيستىك پارتياسىنىڭ ”8 - قۇرىلتايىنىڭ“ تاريحي كورمەسىن ويداعىداي وتكىزۋگە سەلبەسۋ. ساياسي كەڭەستىڭ ءىس جۇزىندىك جاعدايىمەن ۇشتاستىرىپ، مۇشەلەردىڭ ۇگىت - لەكسيا جاساۋ، ارناۋلى تاقىرىپتا تەكسەرۋ جۇرگىزۋ، كوزدەن كەشىرۋ، نازاريالىق زەرتتەۋ - تالقىلاۋ سياقتى قىزمەتتەرىن ويداعىداي ىستەۋ. ۇيرەنۋ - تاربيە ارقىلى حالىق ساياسي كەڭەسىنە قاتىناسقان پارتيا - توپتار مەن ءار ۇلت، ءار سالا قايراتكەرلەرىنە جەتەكشىلىك ەتىپ، جۇڭگو كوممۋنيستىك پارتياسىنىڭ 100 جىلدان بەرگى اسا جاپالى كۇرەسى بارىسىنان، جۇڭحۋا ۇلتىنىڭ ەڭسە كوتەرىپ، بايۋدان قۇدىرەتتەنۋگە دەيىنگى ۇلى سەكىرۋىنەن، جۇڭگو كوممۋنيستىك پارتياسىنىڭ 18 - قۇرىلتايىنان بەرگى پارتيا مەن مەملەكەت ىستەرىندە قول جەتكىزگەن تاريحي تابىستاردان، تۋىلعان تاريحي وزگەرىستەردەن، جۇڭگو كوممۋنيستىك پارتياسىنىڭ باسشىلىعىنداعى حالىق ءماسليحات ىستەرىنىڭ دامۋىنان جۇڭگو كوممۋنيستەرىنىڭ اۋەلگى ماقساتى مەن بورىشىن جەتە ءتۇسىنىپ، جۇڭگو كوممۋنيستىك پارتياسىنىڭ جۇڭگو حالقىنىڭ قيىن كۇندەرگە تاپ بولعان كەزدەگى ەڭ سەنىمدى سۇيەنىشى ەكەنىن جەتە ءتۇسىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ عىلمي باعدارناماسى ەكەنىن جەتە ءتۇسىنىپ، ساياسيدا شىنايى مويىنداۋدى، يدەيادا شىنايى مويىنداۋدى، نازاريادا شىنايى مويىنداۋدى، سۇيىسپەنشىلىكتە شىنايى مويىنداۋدى شىن مانىندە كۇشەيتىپ، پارتياعا ىلەسۋدەن اۋىتقىماي، جاڭا ساپارعا قول ۇستاسا اتتانۋ كەرەك.
(2) ”14 - بەسجىلدىق“ پىلاننىڭ اتقارىلۋىنا قىزمەت وتەۋدى نەگىزگى جەلى ەتىپ، كەڭەسۋ، ۇسىنىس بەرۋ ناقتى ونىمدىلىگىن ارتتىرۋ. پارتيا مەن مەملەكەت قىزمەتىنىڭ جالپى جاعدايىن كوزدە ۇستاپ، جاڭا دامۋ ارناسىن قالىپتاستىرۋدى، تىنىش، بەرەكەلى جۇڭگو قۇرىلىسىن ارقاۋ ەتىپ، ارناۋلى تاقىرىپتا ۇكىمەت ءىسىن كەڭەسەتىن تۇراقتى كوميتەت ءماجىلىسىن اشىپ، اۋىل - قىستاقتى گۇلدەندىرۋ ستراتەگياسىن اتقارۋ، حالىق سانىنداعى قارتايۋ سالىستىرماسىنىڭ جوعارىلاۋىنا توتەپ بەرۋ سياقتىلار جونىندە ارناۋلى تاقىرىپتا كەڭەس وتكىزۋ. قوس اپتالىق كەڭەس اڭگىمە ءماجىلىسى، ۇسىنىس جوبالاردى باسقارۋ جونىندە كەڭەسۋ، توراپتا ۇكىمەت ءىسىن كەڭەسۋ، الىس ارالىقتى كەڭەسۋ، باعىتتامالى كەڭەسۋ، سالالار بويىنشا كەڭەسۋ سياقتى فورمالاردان جان - جاقتى پايدالانىپ، مەملەكەتتىڭ عىلىم - تەحنيكالىق كەلەلى ارناۋلى نىساندارىن اتقارۋ، شارۋاشىلىق تىزبەگى مەن قامداۋ تىزبەگىنىڭ وسىزاماندانۋ دەڭگەيىن جوعارىلاتۋ، جوعارى ساپالى وقۋ - اعارتۋ جۇيەسى قۇرىلىسىن جوعارىلاتۋ، جۇڭگوشا شيپاگەرلىك، ءدارى - دارمەك بايلىعىن اشۋدى جانە قورعاۋدى كۇشەيتۋ، اۋىل شارۋاشىلىق ونىمدەرىنىڭ ساپا حاۋىپسىزدىگىن قامتاماسىز ەتۋ، مادەنيەت، كورمە ىستەرىنىڭ جوعارى ساپالى دامۋىن جەبەۋ، ۇلتتىق وڭىرلەردىڭ كوپ ارنامەن جۇمىستانۋىن ىلگەرىلەتۋ، چاڭجياڭ ەكونوميكالىق بەلدەۋىنىڭ ەكولوگياسىن قورعاۋدى كۇشەيتۋ، كومىر قىشقىل گازىن شىعارۋ مولشەرىن وركەش ماننەن اسىرماۋ، بەيتاراپتاندىرۋ قىزمەتىن جاقسى ىستەۋ، مەملەكەتتىڭ الەۋمەتتىك دەنساۋلىق ساقتاۋ قورعانىس تورىن مىقتاپ توقۋ سياقتى ماڭىزدى ماسەلەلەردى تىعىز ارقاۋ ەتىپ، بەلسەنە اقىل - كەڭەس بەرۋ. ماماندار كەڭەسۋ ءماجىلىسىن اشىپ، بىرگە بايۋدى ىلگەرىلەتۋ، مەملەكەت حاۋىپسىزدىگى قالتقىسىن بەكەمدەۋ، ۇلت، ءدىن ساياساتى سياقتى كەلەلى ماسەلەلەر جونىندە ىشكەرىلەي كەڭەسىپ، كەڭەسۋ ءتۇزىمىنىڭ مازمۇنىن بايىتۋ. دەموكراتيالىق باقىلاۋ قىزمەت جوسپارىن جاساپ، ”14 - بەسجىلدىق“ پىلاندى اتقارۋداعى كەلەلى ماسەلەلەردى ءتۇيىندى تۇردە وزەك ەتىپ، كەڭەسۋ ۇلگىسىندە باقىلاۋ جۇرگىزىپ، پارتيا مەن مەملەكەتتىڭ ماڭىزدى ورنالاستىرۋلارىنىڭ تياناقتانۋىنا دەم بەرۋ.
(3) ۇلى ىنتىماقتى، ۇلى بىرلىكتى نىعايتۋدى نىسانا ەتىپ، اقىل - پاراسات، كۇش - قۋات توپتاۋعا كۇش سالۋ. مۇشەلەر ساباقحاناسى قىزمەتىن كۇشەيتىپ، ماڭىزدى ارناۋلى قىزمەت ىستەيتىن مۇشەلەردىڭ ۇگىت - لەكسيا جاساۋ تاجىريبەلەرىن قورىتىندىلاپ، جەكە - جەكە 10 رەتتەن ارتىق قيمىل ۇيىمداستىرىپ، ورتاق تانىمدى تاراتۋ ارناسىن كەڭەيتۋ. مۇشەلەر سالالارداعى بۇقارامەن بايلانىستى كۇشەيتۋى، يدەيالىق ساياسي جاقتاعى جەتەكشىلىكتى تەرەڭدەتۋى، ۇسىنىس - پىكىرلەردى دەر كەزىندە اڭىس ەتۋى كەرەك. «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» تياناقتاندىرىپ، ساياسي كەڭەستىڭ جاڭاشا ساياسي پارتيا تۇزىمىندىك ابزالدىلىعىن ساۋلەلەندىرۋ مەحانيزمىن اقاۋسىزداندىرۋ. سالالاردىڭ ۋاكىل قايراتكەرلەرىنىڭ اڭگىمە ءماجىلىسى، مۇشەلەردىڭ كىتاپ وقۋ، جەلىدەن تىس اۋىس - كۇيىس جاساۋ ءماجىلىسى، سىرلاسۋ قيمىلىن ورىستەتۋ سياقتىلار ارقىلى پارتيا سىرتىنداعى زيالىلارمەن، از ۇلت قايراتكەرلەرىمەن، ءدىن سالاسىنداعى قايراتكەرلەرمەن، جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەرمەن، جاڭا قوعامدىق جىكتەگى قايراتكەرلەرمەن پىكىرلەسىپ، بايلانىس جاساۋ. ”وتانشىلدار شياڭگاڭدى باسقارۋ“ پرينسيبىنىڭ جالپى بەتتىك تياناقتانۋىن باتىل قولداپ، شياڭگاڭدىق، اۋمىندىق باۋىرلاستارمەن، تايۋاندىق باۋىرلاستارمەن، شەتەلدەگى چياۋباۋلارمەن ىنتىماقتى، دوستىقتى كۇشەيتىپ، شياڭگاڭدىق، اۋمىندىق جاستار مەن ورەندەرگە وتانشىلدىق تاربيەنى كۇشەيتۋ، ەكى جاعالاۋدىڭ ەكونوميكا، مادەنيەت اۋىس - كۇيىسىن، سەلبەستىگىن جەبەۋ، ت.ب جونىندە تەكسەرۋ - زەرتتەۋ، كەڭەس وتكىزۋ. شينحاي توڭكەرىسىنىڭ 110 جىلدىعىن ەسكە ءتۇسىرۋ قيمىلىن وتكىزىپ، شينحاي توڭكەرىسى رۋحىن ساۋلەلەندىرىپ، ەل ءىشى - سىرتىنداعى جۇڭحۋا ۇلاندارىمەن ىنتىماقتاسىپ، وتاندى بىرلىككە كەلتىرۋ ۇلى ءىسىن جەبەپ، ۇلتتىڭ گۇلدەنۋ ۇلى ىسىنە بىرگە ات سالىسۋ. ىندەتتەن ساقتانۋ - تىزگىندەۋ ۇدايىلانعان جاعدايدا سىرتپەن بارىس - كەلىس جاساۋ تاسىلىندە جاڭالىق اشىپ، جۇڭگو حيكاياسىن جاقسى بايانداپ، ”دوستىق شەڭبەرىن“ كەڭەيتۋ.
(4) ءتۇزىمنىڭ تياناقتانۋىن ىلگەرىلەتۋدى تۇتقا ەتىپ، قىزمەت ونىمدىلىگىن جوعارىلاتۋ. جاڭا داۋىردەگى حالىق ساياسي كەڭەسىنىڭ پارتيا قۇرىلىسى قىزمەتىن كۇشەيتۋ جونىندەگى ءبىرقانشا پىكىر سياقتى تۇزىمدىك بەلگىلەمەلەردى تياناقتاندىرىپ، ساياسي كەڭەس پارتيا باسشىلىق گرۋپپاسىنىڭ، ورگان پارتيا باسشىلىق گرۋپپاسىنىڭ، ارناۋلى كوميتەتتەردىڭ بولىمشە پارتگرۋپپالارىنىڭ وزىندىك قۇرىلىسىن كۇشەيتىپ، مەملەكەتتىك ساياسي كەڭەس جۇيەسىنىڭ پارتيا قۇرىلىسى قىزمەتى جونىندەگى تاجىريبە الماستىرۋ جينالىسىن اشۋ. مۇشەلەردىڭ نەگىزگى تۇلعالىق ورنىنا تاباندى بولىپ، مىندەت وتەۋ احۋالىن ساناققا الۋ، مىندەت وتەۋىن باعالاۋ جانە شابىتتاندىرۋ، ءتارتىپ تەجەمى سياقتى ءتۇزىم - مەحانيزمدەردى مۇقيات اتقارۋ. ۇسىنىس بەرۋ، كوزدەن كەشىرۋ، تەكسەرىپ - زەرتتەۋ، ماجىلىستە ءسوز سويلەۋ، قوعام جاعدايىن، حالىق رايى ينفورماتسيالارىن اڭىس ەتۋ، اقپارات - ۇگىت سياقتى قىزمەتتەردى كۇشەيتىپ جانە جاقسارتىپ، مەملەكەتتىك ساياسي كەڭەستىڭ ۇگىت - يدەيا قىزمەتى اڭگىمە ءماجىلىسىن اشۋ. ”حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرۋ“ نازاريالىق زەرتتەۋ - تالقى ءماجىلىسىن اشۋ. قالالىق، اۋداندىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى پىكىردى دايىنداۋعا قاتىستى قىزمەتتەردى ويداعىداي ىستەۋ. ءماجىلىس ستيلىن، جازۋ ستيلىن ۇزدىكسىز جاقسارتىپ، فورماشىلدىقتى، تورەشىلدىكتى باتىل جويىپ، ۇقىپتى، ۇنەمشىل بولىپ، قىزمەتتىڭ وزىندىك قۇنىن تومەندەتۋگە كۇش سالىپ، قىزمەت ساپاسىن جوعارىلاتۋ. ورگاننىڭ ارالاپ تەكسەرۋ، رەتتەۋ - تۇزەتۋ قىزمەتىن ىشكەرىلەي ىلگەرىلەتىپ، ۇلگىلى ورگان قۇرۋعا قۇلشىنۋ.
3. ارناۋلى كەڭەس قۇرىلىمى قۇرىلىسىن كۇشەيتىپ، ءتۇزىمنىڭ ونىمدىلىگىن جوعارىلاتۋ
قازىر ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا دامۋ كەزەڭىنە قادام تاستاپ، حالىق ساياسي كەڭەسى قىزمەتىنە تىڭ دا اناعۇرلىم جوعارى تالاپتار قويىلىپ وتىر. ءبىز باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن جاپپاي تياناقتاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، حالىق ساياسي كەڭەسى ءتۇزىمى ابزالدىلىعىنىڭ مەملەكەتتى باسقارۋ ونىمدىلىگىنە اينالۋىن ونان ارى ىلگەرىلەتۋىمىز كەرەك.
(1) ارناۋلى كەڭەس قۇرىلىمىنىڭ تۇزىمدىك ابزالدىلىعىن جەتە يگەرۋ. ارناۋلى كەڭەس قۇرىلىمى ساياسي كەڭەستىڭ سيپاتىن، ورنىن جان - جاقتى وزىنە سىڭىرگەن، مەملەكەتتى باسقارۋ جۇيەسىنىڭ ورگانيكالى قۇرامداس بولىگى، ول جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، سوتسياليستىك دەموكراتيانى دامىتىپ، ”جۇڭگوشا باسقارۋ جولىن“ اشۋىنداعى ماڭىزدى تۇزىمدىك جوبا جانە وزگەشە باسقارۋ تۇعىرى بولىپ تابىلادى. 70 نەشە جىلدان بەرگى ەلىمىز سوتسياليستىك ساياسي ءتۇزىمىنىڭ تابىستى امالياتىن، وتكەن جىلدان بەرگى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ، اۋىر حاۋىپ - قاتەرلەر مەن سىن - سايىستارعا توتەپ بەرۋ كۇرەس بارىسىن تەرەڭ ءتۇسىنۋ ارقىلى وسىلاردان سوتسياليستىك ءماسليحاتتىق دەموكراتيانىڭ سىندارلىلىعى مەن ابزالدىلىعىن ءتۇسىنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە نىعايتۋ كەرەك. ءىستى كەڭەسپەن شەشۋدى، كوپتىڭ ءىسىن كوپتىڭ كەڭەسىنە سالۋدى تۇزىمدەندىرۋ امالياتىن تىنباي بايىتىپ، حالىق ساياسي كەڭەسىنىڭ تىلەكتەس، باعىتتاس بولاتىن ساياسي ابزالدىلىعىنان، زەيىن - زەردەنى، كۇش - قۋاتتى شوعىرلاندىراتىن ىنتىماق ابزالدىلىعىنان، تەڭ تۇرعىدا كەڭەسەتىن دەموكراتيالىق ابزالدىلىعىنان، دارىندىلار شوعىرلانعان اقىل - پاراسات ابزالدىلىعىنان، قارىم - قاتىناستى سايكەستىرەتىن فۋنكتسيالىق ابزالدىلىعىنان، كەڭ كولەمدە بايلانىس ورناتاتىن سالالىق ابزالدىلىعىنان پايدالانىپ، ءتۇبىرلى مۇددەسىنىڭ بىردەيلىگى مەن اقىل - پاراساتىنىڭ، كۇش - قۋاتىنىڭ جالپىلىق ەرەكشەلىگىنىڭ ۇشتاسۋىن جەبەپ، كۇشتى شوعىرلاندىرا وتىرىپ ءىرى ءىس تىندىرۋ مەن ءىستى كوپ بولىپ اقىل قوسىپ اقىلداسۋ بىرلىگىن ىلگەرىلەتۋ، پارتيانىڭ باسشىلىعىنا تاباندى بولۋ جانە ونى كۇشەيتۋ، جۇڭحۋا ۇلتىنىڭ ۇلى گۇلدەنۋىنىڭ تاريحي بورىشىن جۇزەگە اسىرۋ ءۇشىن يدەيالىق نەگىز بەن قوعامدىق نەگىزدى بەكەمدەۋ كەرەك.
(2) ارناۋلى كەڭەس قۇرىلىمدارىنىڭ قىزمەت ءتۇزىمىن ۇزدىكسىز كەمەلدەندىرۋ. 13 - كەزەكتى مەملەكەتتىك ساياسي كەڭەستەن بەرى 77 ءتۇرلى ماڭىزدى قىزمەت ءتۇزىمى جاسالىپ جانە وزگەرىس ەنگىزىلىپ، ساياسي كەڭەستىڭ ۋستاۆىن نەگىز ەتكەن، ءماسليحاتتاسۋ، مىندەت وتەۋ، ۇيىمدىق باسقارۋ، قوسىن قۇرىلىسى سياقتىلاردى قامتىعان ءتۇزىم جۇيەسى العاشقى ادىمدا ورناتىلدى. امالياتتى باعدار ەتۋگە تاباندى بولىپ، توراپتا نەگىزگى تاقىرىپتىق ۇكىمەت ىسىنە كەڭەس بەرۋ، مۇشەلەردىڭ كىتاپ وقۋ، اۋىس - كۇيىس جاساۋ، قوعام جاعدايى مەن حالىق اۋانىن شىنايى ۇعىسۋ، اقتارىلا سىر شەرتۋ، سالالارداعى بۇقارامەن بايلانىس جاساۋ سىندى اماليات بارىسىنداعى جاڭالىق اشۋ شارالارى مەن ۇتىمدى ادىستەردى دەر كەزىندە قورىتىندىلاپ، كەمەلدەندىرىپ، جاڭا تۇزىمدىك ولشەم قالىپتاستىرۋ كەرەك. ءماسليحاتتاسۋ مادەنيەتىن جەتىلدىرىپ، جۇڭحۋا ۇلتىنىڭ تاڭداۋلى مادەنيەت داستۇرىنە مۇراگەرلىك ەتىپ، ساياسي كەڭەستىڭ ءماسليحات امالياتىن تەرەڭدەتىپ، ءبىر نيەت، ءبىر تىلەكتە بولۋ، كوپ بولىپ اقىل قوسۋ، كوپ بولىپ كۇش شىعارۋ، تەڭ تۇرعىدا سيىسىمدى بولۋ، پارىقتاردى ساقتاپ، ورتاقتىققا ۇمتىلۋ، ءبارىن تەگىس قامتۋ سياقتى ۇستانىمداردى ساياسي كەڭەستىڭ ءتۇزىم قۇرىلىسى مەن اينالىمىنا ءسىڭىرىپ، ارناۋلى كەڭەس قۇرىلىمدارىنىڭ سيپاتىن، ورنىن، ەرەكشەلىگىن جانە باسىمدىعىن اناعۇرلىم ويداعىداي ايگىلەۋ كەرەك. ءتۇزىمدى قاتاڭ اتقارىپ، تۇزىمگە قۇرمەت ەتىپ، ءتۇزىمدى قورعاپ، ءتۇزىمدى سانالى تۇردە ۇيرەنىپ جانە قولدانىپ، كەڭەسۋ، مىندەت وتەۋدى قاتاڭ دا ءتارتىپتى، جاندى دا جالىندى ورىستەتۋ كەرەك. كەڭەسۋ جۇيەسىمەن توعىستىرىپ، ساياسي ءماسليحات كەڭەسى مەن باسقا دا كەڭەسۋ فورمالارىنىڭ بايلانىسىن، سايكەسۋىن جەبەپ، ارناۋلى كەڭەس قۇرىلىمدارىنىڭ مەملەكەتتى باسقارۋ جۇيەسىندە ۇتىمدى جۇمىس جۇرگىزۋىن ىلگەرىلەتۋ كەرەك.
(3) ارناۋلى كەڭەس قۇرىلىمدارىنىڭ مىندەت وتەۋ قابىلەت دەڭگەيىن جوعارىلاتۋعا كۇش سالۋ. مىندەت وتەۋ قابىلەت قۇرىلىسىن كۇشەيتۋ ارناۋلى كەڭەس قۇرىلىمىنىڭ مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىنا قىزمەت وتەۋدىڭ تەتىگى. حالىق ساياسي كەڭەسىنىڭ پارتيانىڭ ءتۇرلى قىزمەتتەرگە باسشىلىعىنا تاباندى بولاتىن جانە ونى كۇشەيتەتىن ماڭىزدى شەپكە، پارتيانىڭ جاڭالىق اشۋ نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، جەتەكتەيتىن ماڭىزدى تۇعىرعا، ورتاق يدەيالىق ساياسي نەگىزدە قايشىلىقتاردى شەشەتىن جانە ورتاق تانىمدى ۇيىستىراتىن ماڭىزدى ارناعا ونان ارى جاقسى اينالۋىن ىلگەرىلەتۋ كەرەك، قابىلەتتىڭ جەتەرسىز بولۋى، قابىلەت ۋايىمى ءاربىر مۇشە الدىندا تۇرعان رەال ماسەلە، ۇيرەنۋدى كۇشەيتۋ بارلىق مۇشەنىڭ ماڭىزدى مىندەتى، ساياسيدى يگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسۋ - ىستەس بولۋ قابىلەتىن جالپى بەتتىك جوعارىلاتۋ − جاۋاپكەرشىلىك ارقالاپ، مىندەت وتەۋدىڭ قاجەتتى تالابى. ال ارناۋلى كەڭەس قۇرىلىمىنىڭ مۇشەسى رەتىندە، كەڭەسۋ قابىلەتىن جوعارىلاتۋ جاۋاپكەرشىلىك ارقالاپ، مىندەت وتەۋدەگى ەڭ كوكەي تەستى تاقىرىپ بولىپ تابىلادى. پارتيا سىرتىنداعى ۋاكىل قايراتكەرلەرمەن كەڭەسۋ قابىلەتىن جوعارىلاتىپ، يدەيالىق ساياسي جاقتان جەتەكشىلىك ەتۋ قىزمەتىن ويداعىداي ىستەۋگە شەبەر بولۋ؛ تاراۋلارمەن كەڭەسۋ قابىلەتىن جوعارىلاتىپ، كاسىپتىك پىكىرلەردى ساياسات شىعارۋ مازمۇنىنا اينالدىرۋعا شەبەر بولۋ؛ سالالارداعى بۇقارامەن كەڭەسۋ قابىلەتىن جوعارىلاتىپ، تالاپ - تىلەكتەردى اڭىس ەتەتىن، حالىقتىڭ اقىل - پاراساتىن شوعىرلاندىراتىن، ورتاق تانىمدى ۇيىستىراتىن كوپىر، دانەكەر بولۋعا شەبەر بولۋ كەرەك. باۋلۋدى، زەرتتەۋ - تالقىلاۋدى كۇشەيتىپ، اماليات بارىسىندا جەتىلۋگە ءمان بەرىپ، مۇشەلەردىڭ كەڭەسۋ ەرەجەسىنەن اناعۇرلىم ويداعىداي پايدالانۋىن، پىكىرلەسۋ ءادىسىن يگەرۋىن جەبەپ، اركىمنىڭ ءوز ويىن بىلدىرۋىنە ءارى ىقپالداسۋعا شەبەر بولۋىنا، پارىقتى پىكىر ايتۋىنا ءارى ورتاقتىققا ۇمتىلۋعا شەبەر بولۋىنا دەم بەرىپ، مەملەكەت ىسىنە اقىل - كەڭەس بەرۋدىڭ، ورتاق تانىمعا كەلۋدىڭ اناعۇرلىم ءونىمدى بولۋىنا مۇمكىندىك جاساۋ كەرەك. قالىڭ ساياسي كەڭەس مۇشەلەرى ”ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن اقىلداسۋعا شەبەر بولۋ، تارتىپكە بويسۇنۋ، قاعيدانى دارىپتەۋ، احىلاق - ءمورالعا ءمان بەرۋ“ تالابىنا ساي، جاۋاپكەرشىلىكتى كوكەيىندە تانىپ، جاۋاپكەرشىلىكتى ارقالاي ءبىلىپ، جاۋاپكەرشىلىگىن ارەكەتىندە ايگىلەپ، وتان ءۇمىتىن اقتاۋ جىگەرىن، حالىق ءۇشىن قىزمەت وتەۋ نيەتى مەن مىندەت وتەۋ قابىلەتىن اناعۇرلىم ويداعىداي ۇشتاستىرىپ، جاڭا ساپاردا ساياسي كەڭەس مۇشەلەرىنىڭ تىڭ جاۋاپكەرشىلىگىن ايگىلەۋ كەرەك.
مۇشەلەر! ”ءور اسۋدى قۇرىش قامال دەمە استە وتە الماس، بوگەلمە، قايراتتانا نىق قادام باس“! شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، جاڭا داۋىردەگى حالىق ساياسي كەڭەسى ىستەرى دامۋىنىڭ جاڭا جاعدايىن ۇزدىكسىز اشىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ، قوس 100 جىلدىق كۇرەس نىساناسىن جۇزەگە اسىرۋ ءۇشىن تىڭ دا اناعۇرلىم زور ۇلەستەر قوسايىق!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
(باياندامانى مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسىنىڭ حاتشىلار باسقارماسى اۋدارتىپ بەرگەن)
