تيانشان تورى   ›   جاڭالىقتار   ›   ەل ءىشى حابارى

13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ءتوراعالار القاسى 3 - رەتكى جيىنىن وتكىزدى

  شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ءتوراعالار القاسى 3 - ايدىڭ 10 - كۇنى تۇستەن كەيىن حالىق سارايىندا 3 - رەتكى جيىنىن وتكىزدى.

  ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى.

  جيىنعا قاتىناسۋعا ءتيىستى 174 ادام، قاتىناسقانى170 ادام، 4 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  3 - ايدىڭ 9 - كۇنى تۇستەن كەيىن ۋاكىلدەر ۇيىرمەلەرى مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قارار جوبانى، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قارار جوبانى، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوبانىڭ وزگەرىس ەنگىزىلگەن نۇسقاسىن مۇقيات قارادى. مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى ۋاكىلدەر ۇيىرمەلەرىنىڭ قاراۋ پىكىرىنە ساي، قارار جوبانى جانە قارار جوبانىڭ وزگەرىس ەنگىزىلگەن نۇسقاسىن قاراپ، جوبانىڭ داۋىسقا سالۋ نۇسقاسىن العا قويدى. ءتوراعالار القاسى جيىنى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي في جەكە - جەكە جاساعان مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قارار جوباسىن، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قارار جوباسىن، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جوبانىڭ وزگەرىس ەنگىزىلگەن نۇسقاسىنا وزگەرىس ەنگىزۋ پىكىرى تۋرالى بايانداماسىن تىڭدادى. جيىن داۋىسقا سالۋ ارقىلى جوعارىداعى بايانداما مەن قارار جوبانىڭ داۋىسقا سالىناتىن نۇسقاسىن ماقۇلداپ، 3 قارار جوبانىڭ داۋىسقا سالىناتىن نۇسقاسىن ءماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.

  3 - ايدىڭ 9 - كۇنى تۇستەن بۇرىن ۋاكىلدەر ۇيىرمەلەرى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن مۇقيات قارادى. ۋاكىلدەر ءبىر اۋىزدان بىلاي دەپ قارادى: تۇراقتى كوميتەتتىڭ قىزمەت بايانداماسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىردى، قىزمەتتەردى قورىتىندىلاعاندا ءتۇيىندى كورنەكتىلەندىردى، جارقىن تۇيىندەردى ايشىقتادى، مىندەتتەردى ورنالاستىرۋ وي جەلىسى ايقىن بولدى، دالمە - ءدال كۇش جۇمسادى، بۇل يدەيا تۋىن بيىك ۇستاعان، ناقتى ىستەۋ ستيلىن ايگىلەگەن، جاۋاپكەرشىلىك ارقالاۋ رۋحىن ايگىلەگەن بايانداما بولدى. ۋاكىلدەر بۇل باياندامانى ءبىر اۋىزدان قۇپتادى. ۋاكىلدەر العا قويعان پىكىرلەر مەن ۇسىنىستارعا ساي، باياندامانىڭ 14 جەرىنە وزگەرىس ەنگىزىلدى. ءتوراعالار القاسىنىڭ تۇراقتى ءتوراعاسى وزگەرىس ەنگىزىلگەننەن كەيىنگى تۇراقتى كوميتەتتىڭ قىزمەت بايانداماسىن بەكىتۋدى ۇسىنىس ەتتى ءارى تۇراقتى كوميتەتتىڭ قىزمەت بايانداماسى جونىندەگى قاۋلى جوبانى وكىلەتتى دايىندادى. جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلى جوبانى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.

  3 - ايدىڭ 9 - كۇنى تۇستەن كەيىن جانە 10 - كۇنى تۇستەن بۇرىن ۋاكىلدەر ۇيىرمەلەرى ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات قارادى. ۋاكىلدەر ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامالاردا العا قويىلعان كەلەسى قادامداعى قىزمەت ورنالاستىرۋلارىن قۇپتايتىندىقتارىن ءبىلدىردى. ۋاكىلدەر ۇيىرمەلەرى ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋگە ءبىر اۋىزدان قوسىلدى. باياندامالاردى قاراۋ بارىسىندا ۋاكىلدەر دە كەيبىر پىكىرلەر مەن ۇسىنىستاردى ورتاعا قويدى. ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى ۋاكىلدەردىڭ قاراۋ پىكىرىنە ساي، وزدەرىنىڭ باياندامالارىنا مۇقيات وزگەرىس ەنگىزدى. ءتوراعالار القاسىنىڭ تۇراقتى ءتوراعالارى ۋاكىلدەر ۇيىرمەلەرىنىڭ قاراۋ پىكىرلەرى مەن بايانداماعا وزگەرىس ەنگىزۋ احۋالىنا ساي، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋدى ۇسىنىس ەتتى ءارى ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 2 قاۋلى جوبانى وكىلەتتى دايىندادى. جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قاۋلى جوبانى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاۋلى جوبانى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.

  جيىن ءماجىلىستىڭ ورىنباسار باس حاتشىسى شين چۇنيىڭ جاساعان 13 - كەزەكتى مەملەكەتتىك حالىق قۇرىلتايى 4 - ءماجىلىسى حاتشىلار باسقارماسىنىڭ ۋاكىلدەر العا قويعان كەڭەستىك جوبالاردى ءبىر جاقتى ەتۋ پىكىرى جونىندەگى بايانداماسىن تىڭدادى. شين چۇنيىڭ بىلاي دەدى: 3 - ايدىڭ 8 - كۇنى ساعات 12گە دەيىن ءماجىلىس حاتشىلار باسقارماسى ۋاكىلدەر العا قويعان جالپى 473 كەڭەستىك جوبانى تاپسىرىپ الدى، مۇنىڭ ىشىندە ۋاكىلدەر ۇيىرمەلەرى العا قويعانى 16، ۋاكىلدەر بىرلەسىپ العا قويعانى 457. بۇل كەڭەستىك جوبالاردىڭ ىشىندە زاڭ شىعارۋعا قاتىستىسى 467، باقىلاۋعا قاتىستىسى 6. كەڭەستىك جوبالاردىڭ باسىم كوپشىلىگى زاڭدىق جوبالار، مۇنىڭ ىشىندە زاڭ جاساۋعا ساياتىنى 208، زاڭعا وزگەرىس ەنگىزۋگە ساياتىنى 247، زاڭدى تۇسىندىرۋگە ساياتىنى 4، زاڭناما جاساۋعا ساياتىنى 4، ءىس ۇيعارۋعا قاتىستىسى 2. مازمۇنى، باستىسى، مىنالارعا شوعىرلاندى: حالىق تۇرمىسىن قامتاماسىز ەتۋ، قوعامدىق جونگە سالۋ سالاسىنداعى زاڭ شىعارۋدى كۇشەيتۋ؛ وسىزاماندانعان ەكونوميكا جۇيەسى زاڭ - ءتۇزىمىن اقاۋسىزداندىرۋ؛ ەكولوگيالىق ورتانى قورعاۋ زاڭىن كەمەلدەندىرۋ؛ مەملەكەت قۇرىلىمدارى ۇيىمدارى جانە فۋنكتسياسى جونىندە زاڭ شىعارۋدى كەمەلدەندىرۋ؛ الەۋمەتتىك دەنساۋلىق ساقتاۋدى زاڭمەن جونگە سالۋ قامتاماسىزدىعىن كۇشەيتۋ؛ مەملەكەت حاۋىپسىزدىگىن زاڭمەن جونگە سالۋ جۇيەسىن اقاۋسىزداندىرۋ؛ شارتى تولىسقان سالالاردا زاڭناما قۇراستىرۋ قىزمەتىن ۇيلەسىمدى ۋاقىتتا باستاۋ قاتارلىلار. ءماجىلىس حاتشىلار باسقارماسى ۋاكىلدەر العا قويعان كەڭەستىك جوبالارعا ءبىر - بىرلەپ مۇقيات تالداۋ جاساپ، اقىلداسىپ، وسى رەتكى جيىننىڭ قاراۋىنا ەنگىزۋگە قاجەتتى كەڭەستىك جوبا جوق دەپ قارادى. ءماجىلىس حاتشىلار باسقارماسى مىنالاردى ۇسىنىس ەتتى: ۋاكىلدەر العا قويعان كەڭەستىك جوبالار جەكە - جەكە مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرىلادى. قاتىستى ارناۋلى كوميتەتتەر جوعارىداعى كەڭەستىك جوبالاردى قاراعاننان كەيىن، مەملەكەتتىك حالىق قۇرىلتايىنىڭ تۇراقتى كوميتەتىنە قاراۋ ناتيجەسى جونىندە بايانداما تاپسىرادى، مەملەكەتتىك حالىق قۇرىلتايى تۇراقتى كوميتەتى قاراپ ماقۇلداعاننان كەيىن 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە باسىپ تاراتادى. ءماجىلىس حاتشىلار باسقارماسى ۋاكىلدەردىڭ كەڭەستىك جوبالارىن قاراۋعا جانە قاتىستى قىزمەتتەرگە تومەندەگىدەي ۇسىنىستاردى العا قويدى: ءتۇيىندى سالالارداعى، جاڭادان گۇلدەنگەن سالالارداعى، سىرتقا قاتىستى سالالارداعى زاڭ شىعارۋدى كۇشەيتىپ، زاڭ شىعارۋدىڭ ساپاسى مەن ونىمدىلىگىن ۇزدىكسىز جوعارىلاتۋ؛ كەڭەستىك جوبالاردى العا قويعان ۋاكىلدەرمەن بايلانىستى جانە قارىم - قاتىناستى كۇشەيتىپ، قاتىستى زاڭ شىعارۋ، باقىلاۋ قىزمەتتەرىنىڭ اياق الىسىن دەر كەزىندە حابارلاندىرۋ؛ حالىق قۇرىلتايىنىڭ زاڭ شىعارۋ قىزمەتىندەگى جەتەكشى رولىن ساۋلەلەندىرىپ، كەڭەستىك جوبالاردى قاراۋ ساپاسى مەن دەڭگەيىن ۇزدىكسىز جوعارىلاتۋ.

  جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسى حاتشىلار باسقارماسىنىڭ ۋاكىلدەر العا قويعان كەڭەستىك جوبالاردى ءبىر جاقتى ەتۋ جونىندەگى بايانداماسىن ماقۇلدادى.

  ءتوراعالار القاسىنىڭ تۇراقتى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ جيىنعا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.