مەملەكەتتىك ساياسي كەڭەس 13 - كەزەكتى كوميتەتىنىڭ 4 -ءماجىلىسى جابىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 4 -ءماجىلىسى جابىلدى

شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، ۋاڭ ياڭ ءسوز سويلەدى

  3 - ايدىڭ 10 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى بەيجيڭدە جابىلدى. شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى، ۋاڭ ياڭ جابىلۋ جيىنىن باسقاردى ءارى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  3 - ايدىڭ 10 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى بەيجيڭ حالىق سارايىندا جابىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جابىلۋ جيىنىن باسقاردى ءارى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى ءتۇرلى كەڭەستىك تارتىپتەرىن تولىق اياقتاتقان سوڭ، 3 - ايدىڭ 10 - كۇنى تۇستەن كەيىن حالىق سارايىندا جابىلدى. ءماجىلىس حالىق ساياسي كەڭەستىڭ ءار دارەجەلى ۇيىمدارىن، ءارقايسى قاتىسۋشى ورىنداردى جانە قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن - زەردەنى، كۇش - قۋاتتى شوعىرلاندىرا وتىرىپ دامۋدى جەبەپ، قولايلى جاعدايدان ۇتىمدى پايدالانىپ جاڭا باستاما اشىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋگە ۇندەدى.

   جيىندى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

   شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى.

   تۇستەن كەيىن ساعات 3تە جابىلۋ جيىنى باستالدى. ۋاڭ ياڭ جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ماجىلىسىنە قاتىناسۋعا ءتيىستى مۇشە 2158 ادام، قاتىناسقان مۇشە 2087 ادام ەكەندىگىن، مۇنىڭ بەلگىلەنگەن ادام سانىنا ۇيلەسەتىندىگىن جاريالادى.

   ءماجىلىس ساياسي كەڭەس 13 - كەزەكتى مەملەكەتتىك كوميتەتى 4 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس 13 - كەزەكتى مەملەكەتتىك كوميتەتى 4 - ءماجىلىسىنىڭ ساياسي كەڭەس 13 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتىنىڭ جاعدايى بايانداماسى جونىندەگى قاۋلىسىن، ساياسي كەڭەس 13 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 13 - كەزەكتى كوميتەتىنىڭ 4 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، ساياسي كەڭەس 13 - كەزەكتى مەملەكەتتىك كوميتەتى 4 - ءماجىلىسىنىڭ ساياسي قاۋلىسىن ماقۇلدادى. مۇشەلەر مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندە شىعارعان قارارىن ءبىر اۋىزدان قۇپتادى جانە باتىل قولدادى.

   ۋاڭ ياڭ سوزىندە بىلاي دەدى: بۇل رەتكى ءماجىلىس نازاردى ”14 - بەسجىلدىققا“ شوعىرلاندىردى، جاڭا جوبانى بىرگە اقىلداستى، وڭ ەنەرگيا توپتادى، ءبىر رەتكى دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ءىسىن اقىلداستى. بارلىق مۇشەلەر ۇكىمەت قىزمەتىنەن باياندامانى، ”14 - بەسجىلدىق“ جوبا باعدارلاماسى جوباسىن جانە باسقا دا باياندامالاردى ىشكەرىلەي تالقىلاپ، مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى سياقتى حۇجاتتاردى مۇقيات قاراپ، ۇسىنىس بەرىپ مەملەكەت ىستەرىن اقىلداسۋ جانە ورتاق تانىمدى ۇيىستىرۋ سىندى ەكى جاقتان كۇش سالۋعا تاباندى بولىپ، بەلسەندى جەتىستىكتەرگە قول جەتكىزىپ، قالىڭ مۇشەلەردىڭ مەملەكەت ءۇشىن مىندەت وتەۋ، حالىق ءۇشىن جاۋاپكەرشىلىكتى ادا ەتۋ سىندى جاۋاپكەرشىلىك ارقالاۋ رۋحىن تولىق ايگىلەپ، حالىق ساياسي كەڭەسىنىڭ ارناۋلى كەڭەس قۇرىلىمىندىق باسىمدىعى مەن رولىن ساۋلەلەندىردى.

  ۋاڭ ياڭ بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى ءارى ”14 - بەسجىلدىق“ جوبا اتقارىلاتىن، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى باستالاتىن ءبىرىنشى جىل. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتىنە قويعان تالاپتارىن ۇزدىكسىز تياناقتاندىرىپ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتىن جانە كۇش - قۋاتىن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشۋعا، جاقسى قادام تاستاۋعا بەلسەندى ۇلەس قوسۋ كەرەك.

  ۋاڭ ياڭ بىلاي دەپ باسا دارىپتەدى: حالىق ساياسي كەڭەسى پارتيانىڭ ءتۇرلى قىزمەتتەرگە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى شەبى رەتىندە، پارتيانىڭ باسشىلىعىنا تاباندى بولۋ مەن كۇشەيتۋدى، ءسوز جوق، باستان - اياق ءتۇبىرلى ساياسي پرينسيپ جانە كەلەلى ساياسي جاۋاپكەرشىلىك ەتىپ، نەگىزدى كۇشەيتىپ، ارقاۋدى بەكەمدەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، پارتيانىڭ باسشىلىعىن جۇزەگە اسىرۋداعى كەڭەستىك دەموكراتيا سىندى ماڭىزدى ءتاسىلدىڭ رولىن اناعۇرلىم جاقسى ساۋلەلەندىرىپ، ساياسي كەڭەستىڭ كەڭەسۋ ءتۇزىمى امالياتى ارقىلى پارتيانىڭ دارىپتەمەسىن قوعامداعى ءار سالانىڭ ورتاق تانىمى مەن ارەكەتىنە اينالدىرۋ كەرەك. حالىق ساياسي كەڭەسى پارتيانىڭ جاسامپاز نازارياسى ارقىلى ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرى رەتىندە، ءسوز جوق، يدەيالىق ساياسي جەتەكشىلىكتى كۇشەيتىپ، پارتيانىڭ جاسامپاز نازارياسى ارقىلى ساياسيداعى ىنتىماق پەن سەلبەستىكتى، يدەياداعى تەڭ العاباسارلىقتى، ارەكەتتەگى بىركەلكى قادامدى ىلگەرىلەتۋگە تاباندى بولىپ، عىلمي نازاريانى جەتەكشى، كەڭەسۋدى، پىكىرلەسۋدى ەرەكشەلىك، ءوزىن جوعارىلاتۋدى نەگىزگى ماقسات، شىنايى مويىنداۋدى كۇشەيتۋدى نىسانا ەتكەن ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ تۇعىرىن كۇش سالا ورناتىپ، جۇڭگو كوممۋنيستىك پارتياسىنىڭ تاريحىن ءتۇيىن ەتكەن ”ءتورت تاريحتى“ ۇيرەنۋ تاربيەسىن كۇشەيتۋ، تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋ كەرەك. حالىق ساياسي كەڭەسى ورتاق يدەيالىق ساياسي نەگىزدە قايشىلىقتاردى جويۋدىڭ جانە ورتاق تانىم ۇيىستىرۋدىڭ ماڭىزدى ارناسى رەتىندە، ءسوز جوق، ساياساتتاردى ۇگىتتەۋ، ءتۇسىندىرۋ قىزمەتىن كوبىرەك ىستەپ، ىنتىماقتاسا كۇرەس جۇرگىزۋ، دامۋدى بىرگە ىلگەرىلەتۋ كۇش - قايراتىنا كوبىرەك دەم بەرىپ، سەنىمدى كۇشەيتىپ، جۇرت تىلەگىن جۇمىلدىرىپ، ورتاق تىلەك قالىپتاستىرىپ، سالالارداعى بۇقارالىق قىزمەتتى جاسامپازدىقپەن ورىستەتۋدىڭ فورماسىنا، دانەكەرىنە جاڭالىق ەنگىزىپ، ساياسي كەڭەستىڭ مۇشەلەردى ۇيىمداستىراتىن، مۇشەلەر سالالارداعى بۇقاراعا جەتەكشىلىك ەتەتىن قىزمەت جەلىسىن ۇزدىكسىز كەمەلدەندىرىپ، كوپتىڭ اقىل - پاراساتىن كەڭ كولەمدە شوعىرلاندىرىپ تاماشا ءادىس - امال تابۋدىڭ، جۇدىرىقتاي جۇمىلىپ جاڭا جاعداي اشۋدىڭ تەلەگەي كۇشىن قالىپتاستىرۋ كەرەك.

  ۋاڭ ياڭ بىلاي دەپ باسا دارىپتەدى: ”مەملەكەتتىڭ كەلەلى ىستەرىن“ ارقالاعان سايىن جاۋاپكەرشىلىك تە اۋىر بولادى. ”قوس 100 جىلدىق“ كۇرەس نىساناسىنىڭ تاريحي توعىسىنداعى شەشۋشى تۇيىندە بورىش ارقالاپ، جاۋاپكەرشىلىكتى ۇستىمىزگە الىپ وتىرمىز. ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءۇش وگىز“ رۋحىن زور كۇشپەن ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ ۇلى امالياتىنا بەلسەنە ات سالىسىپ، ارناۋلى كەڭەس قۇرىلىمى قۇرىلىسىنىڭ جانە حالىق ساياسي كەڭەس ىستەرىنىڭ دامۋىن ۇزدىكسىز ىلگەرىلەتىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋىمىز كەرەك.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا جابىلۋ جيىنىنا قاتىناستى.

   جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جيىنىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، ت. ب ۇسىنىس بويىنشا جابىلۋ جيىنىنا قاتىناستى.

   ءماجىلىس ايبىندى مەملەكەت انىمەن جابىلدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.