مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارى

(13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە 2021 - جىلى 3 - ايدىڭ 11 - كۇنى ماقۇلداندى)

　　13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەملەكەتتىك حالىق قۇرىلتايى تۇراقتى كوميتەتىنىڭ «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن (جوبا)» قاراۋعا ۇسىنۋ جونىندەگى كەڭەستىك جوباسىن قارادى. ءماجىلىس بىلاي دەپ قارادى: شياڭگاڭ وتان قۇشاعىنا ورالعاننان كەيىن، قايتادان مەملەكەتتى جونگە سالۋ جۇيەسىنە ەنگىزىلىپ، «جۇڭحۋا حالىق رەسپۋبليكاسىنىڭ نەگىزگى زاڭى» مەن «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭى» شياڭگاڭ ەرەكشە اكىمشىلىك رايونىنىڭ نەگىزگى زاڭدىق جۇيە نەگىزىن بىرگە قالىپتاستىردى. شياڭگاڭ ەرەكشە اكىمشىلىك رايونى اتقارعان سايلاۋ ءتۇزىمى اكىم جانە زاڭ شىعارۋ كەڭەسىن سايلاۋ ءادىسىن قامتيدى، شياڭگاڭ ەرەكشە اكىمشىلىك رايونى ساياساتتىق ءتۇزىلىسىنىڭ ماڭىزدى قۇرامداس بولىگى، ”ءبىر ەل، ەكى ءتۇزىم“ باعىتىنا ۇيلەسۋى، شياڭگاڭ ەرەكشە اكىمشىلىك رايونىنىڭ ءىس جۇزىندىك جاعدايىنا ۇيلەسۋى، شياڭگاڭدى وتانشىلداردىڭ، شياڭگاڭدى سۇيەتىندەردىڭ شياڭگاڭدى باسقارۋىنا شىنايى كەپىلدىك ەتۋى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا پايدالى بولۋى، شياڭگاڭنىڭ باياندى كوركەيىپ - گۇلدەنۋىن، ورنىقتى بولۋىن ساقتاۋى كەرەك. شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرىپ، شياڭگاڭ ەرەكشە اكىمشىلىك رايونىنىڭ ءىس جۇزىندىك جاعدايىنا ۇيلەسەتىن دەموكراتيالىق ءتۇزىمدى دامىتۋ ءۇشىن، «جۇڭحۋا حالىق رەسپۋبليكاسى نەگىزگى زاڭىنىڭ» 31 - تارماعى جانە 62 - تارماعىنىڭ 2 - ءتۇرى، 14 - ءتۇرى، 16 - ءتۇرىنىڭ بەلگىلەمەسى بويىنشا، سونداي - اق «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭى»، «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىنىڭ» قاتىستى بەلگىلەمەلەرىنە ساي، مەملەكەتتىك حالىق قۇرىلتايى تومەندەگىدەي قارار شىعاردى:

　　ءبىرىنشى، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋدە، ءسوز جوق، ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“ وسكەلەڭ اۆتونوميا باعىتىن، ءسوز جوق، جاپپاي، دۇرىس دايەكتىلەندىرىپ، تياناقتاندىرىپ، «جۇڭحۋا حالىق رەسپۋبليكاسىنىڭ نەگىزگى زاڭى» مەن «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭى» تۇراقتاندىرعان شياڭگاڭ ەرەكشە اكىمشىلىك رايونىنىڭ نەگىزگى زاڭدىق جۇيە ءتارتىبىن قورعاپ، وتانشىلداردى نەگىز ەتكەن ”شياڭگاڭدى شياڭگاڭدىقتار باسقارۋعا“ شىنايى كەپىلدىك ەتىپ، شياڭگاڭ ەرەكشە اكىمشىلىك رايونىنىڭ جونگە سالۋ ونىمدىلىگىن شىن مانىندە جوعارىلاتىپ، شياڭگاڭ ەرەكشە اكىمشىلىك رايونىنىڭ ماڭگىلىك تۇرعىندارىنىڭ سايلاۋ ۇقىعى مەن سايلانۋ ۇقىعىن قامتاماسىزداندىرۋ كەرەك.

　　ەكىنشى، شياڭگاڭ ەرەكشە اكىمشىلىك رايونىندا جاپپاي ۋاكىلدىك سيپاتى بار، شياڭگاڭ ەرەكشە اكىمشىلىك رايونىنىڭ ءىس جۇزىندىك احۋالىنا ۇيلەسەتىن، قوعامنىڭ جالپى تۇلعالىق مۇددەسىن بەينەلەيتىن سايلاۋ كوميتەتىن قۇرۋ. سايلاۋ كوميتەتى اكىم كانديداتتارىن، زاڭ شىعارۋ كەڭەسىنىڭ ءبىر ءبولىم مۇشەلەرىن سايلاۋ، سونداي - اق اكىم كانديداتتىعىنا، زاڭ شىعارۋ كەڭەسى مۇشەسىنىڭ كانديداتتىعىنا كورسەتۋ سياقتى ىستەرگە جاۋاپتى بولادى.

　　سايلاۋ كوميتەتى ساۋدا - ونەركاسىپشىلەر، فينانس سالاسى، ارناۋلى ماماندىق سالاسى، نەگىزگى ساتى، جۇمىسشى جانە ءدىن سياقتى سالالار، زاڭ شىعارۋ كەڭەسىنىڭ مۇشەلەرى، وڭىرلىك ۇيىم ۋاكىلدەرى سياقتى سالالار، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنداعى ۋاكىلدەرى، مەملەكەتتىك ساياسي كەڭەستىڭ شياڭگاڭ ەرەكشە اكىمشىلىك رايونىنداعى مۇشەلەرى جانە قاتىستى مەملەكەتتىك توپتاردىڭ شياڭگاڭدىق مۇشەلەرىنىڭ ۋاكىلدەرى سالاسى سياقتى 5 سالاداعى جيىنى 1500 مۇشەدەن قۇرالادى.

　　ءۇشىنشى، شياڭگاڭ ەرەكشە اكىمشىلىك رايونىنىڭ اكىمىن سايلاۋ كوميتەتى سايلايدى، ورتالىق حالىق ۇكىمەتى تاعايىندايدى.

　　اكىم كانديداتى، ءسوز جوق، كوميتەتتىڭ كەمىندە 188 مۇشەسىنىڭ بىرلەسىپ كورسەتۋىنە قول جەتكىزۋى، سونىمەن بىرگە جوعارىداعى 5 سالانىڭ ىشىندەگى ءاربىر سالادان كورسەتۋگە قاتىناسقان مۇشەلەر 15تەن كەم بولماۋى كەرەك. سايلاۋ كوميتەتى ءبىر ادامعا ءبىر بەلەت بويىنشا جاسىرىن داۋىس بەرۋ ارقىلى اكىم كانديداتىن سايلايدى، اكىم كانديداتى، ءسوز جوق، سايلاۋ كوميتەتىندەگى بارلىق مۇشەنىڭ تەڭ جارتىسىنان استامىنىڭ قولداۋىنا يە بولۋى كەرەك.

　　ءتورتىنشى، شياڭگاڭ ەرەكشە اكىمشىلىك رايونى زاڭ شىعارۋ كەڭەسىنىڭ ءار كەزەكتەگى مۇشەسى 90 ادام بولادى. سايلاۋ كوميتەتىنىڭ سايلاۋى، فۋنكتسيالىق توپتاردىڭ سايلاۋى، وڭىرگە ءبولىپ تىكەلەي سايلاۋ سياقتى ءۇش ءتۇرلى ادىسپەن جەكە - جەكە سايلانادى.

　　بەسىنشى، شياڭگاڭ ەرەكشە اكىمشىلىك رايونى كانديداتتاردىڭ تولىمدىلىعىن تەكسەرۋ كوميتەتىن قۇرىپ، سايلاۋ كوميتەتىنىڭ مۇشە كانديداتتارىن، اكىم كانديداتتارىن جانە زاڭ شىعارۋ كەڭەسى مۇشە كانديداتتارىنىڭ تولىمدىلىعىن تەكسەرۋگە ءارى تۇراقتاندىرۋعا جاۋاپتى بولادى. شياڭگاڭ ەرەكشە اكىمشىلىك رايونى قاتىستى تولىمدىلىقتى تەكسەرۋ ءتۇزىمى مەحانيزمىن اقاۋسىزداندىرۋى جانە كەمەلدەندىرۋى، كانديداتتاردىڭ تولىمدىلىعى «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنا»، «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىنا»، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنىڭ» 104 - تارماعىنداعى تۇسىندىرمەگە جانە شياڭگاڭ ەرەكشە اكىمشىلىك رايونىنىڭ زاڭ شىعارۋ كەڭەسى مۇشەلەرىنىڭ تولىمدىلىق ماسەلەسى جونىندەگى قارارعا جانە شياڭگاڭ ەرەكشە اكىمشىلىك رايونىنىڭ جەرگىلىكتى ورىنداعى قاتىستى زاڭدىق بەلگىلەمەلەرىنە ۇيلەسۋىنە شىنايى كەپىلدىك ەتۋى ءتيىس.

　　التىنشى، مەملەكەتتىك حالىق قۇرىلتايى تۇراقتى كوميتەتىنە ۇقىق بەرىپ، وسى قارار نەگىزىندە «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭى» ءبىرىنشى قوسىمشاسى «شياڭگاڭ ەرەكشە اكىمشىلىك رايونىنىڭ اكىمىن سايلاۋ ءادىسى» مەن ەكىنشى قوسىمشاسى «شياڭگاڭ ەرەكشە اكىمشىلىك رايونىنىڭ زاڭ شىعارۋ كەڭەسىن سايلاۋ ءادىسى مەن داۋىسقا سالۋ تارتىبىنە» وزگەرىس ەنگىزۋدى ۇيعارادى.

　　جەتىنشى، شياڭگاڭ ەرەكشە اكىمشىلىك رايونى وسى قارار بويىنشا جانە مەملەكەتتىك حالىق قۇرىلتايى تۇراقتى كوميتەتىنىڭ وزگەرىس ەنگىزگەننەن كەيىنگى «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنىڭ» ءبىرىنشى قوسىمشاسى «شياڭگاڭ ەرەكشە اكىمشىلىك رايونىنىڭ اكىمىن سايلاۋ ءادىسى» مەن ەكىنشى قوسىمشاسى «شياڭگاڭ ەرەكشە اكىمشىلىك رايونىنىڭ زاڭ شىعارۋ كەڭەسىن سايلاۋ ءادىسى مەن داۋىسقا سالۋ ءتارتىبى» بويىنشا شياڭگاڭ ەرەكشە اكىمشىلىك رايونىنىڭ جەرگىلىكتى ورىنداعى قاتىستى زاڭدارىنا وزگەرىس ەنگىزىپ، قاتىستى سايلاۋ قيمىلدارىن زاڭ بويىنشا ۇيىمداستىرىپ، جۇيەلى باسقارۋ كەرەك.

　　سەگىزىنشى، شياڭگاڭ ەرەكشە اكىمشىلىك رايونىنىڭ اكىمى شياڭگاڭ ەرەكشە اكىمشىلىك رايونى سايلاۋ ءتۇزىمىنىڭ ورنالاستىرۋى مەن سايلاۋعا ۇيىمداستىرۋ سياقتى قاتىستى ماڭىزدى جاعدايلارعا قاراتا، دەر كەزىندە ورتالىق حالىق ۇكىمەتىنە مالىمەت تاپسىرۋى كەرەك.

　　توعىزىنشى، بۇل قارار جاريالانعان كۇننەن باستاپ اتقارىلادى.

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)