(13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە 2021 - جىلى 3 - ايدىڭ 11 - كۇنى ماقۇلداندى)
13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى كوميتەت باستىعى لي جانشۋدىڭ مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن جاساعان قىزمەت بايانداماسىن تىڭدادى جانە قارادى. ءماجىلىس 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنەن بەرگى تۇراقتى كوميتەتتىڭ قىزمەتىن تولىق تۇراقتاندىرىپ، باياندامادا العا قويىلعان بۇدان بىلايعى ءبىر جىلداعى باستى مىندەتتەرىن قۇپتاپ، وسى باياندامانى بەكىتۋدى ۇيعاردى.
ءماجىلىس مىنالاردى تالاپ ەتتى: مەملەكەتتىك حالىق قۇرىلتايىنىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، پارتيا مەن مەملەكەتتىڭ وزەكتى مىندەتىن مىقتاپ ارقاۋ ەتە وتىرىپ، قىزمەت ۇقىعىن زاڭ بويىنشا جۇرگىزىپ، قىزمەتتەردى جاسامپازدىقپەن ورىستەتىپ، نەگىزگى زاڭدى اتقارۋدى جانە باقىلاۋدى كۇشەيتىپ، ءتۇيىندى سالالاردا، جاڭادان وركەندەگەن سالالاردا، شەتەلدەرگە ساياتىن سالالاردا زاڭ شىعارۋدى ىلگەرىلەتىپ، جۇڭگوشا سوتسياليستىك زاڭ - ءتۇزىم جۇيەسىن كەمەلدەندىرۋدى جەدەلدەتىپ، زاڭدىق باقىلاۋدى جانە ”ۇكىمەتتىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ“ قىزمەتىن باقىلاۋدى كۇشەيتىپ، حالىق قۇرىلتايىنىڭ رولىن اناعۇرلىم ويداعىداي ساۋلەلەندىرىپ، وزىندىك قۇرىلىسىن جاپپاي كۇشەيتىپ، ”14 - بەسجىلدىق“ جوبانى اتقارۋ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارىن باستاۋعا تىڭ ۇلەس قوسىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرىمىزبەن قۇتتىقتاۋىمىز كەرەك!
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
