تيانشان تورى   ›   جاڭالىقتار   ›   ەل ءىشى حابارى

13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلىسى

(13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە 2021 - جىلى 3 - ايدىڭ 11 - كۇنى ماقۇلداندى)

  13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەملەكەتتىك كەڭەس ورتاعا قويعان «جۇڭحۋا حالىق رەسپۋبليكاسىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسىن (جوبا نۇسقا)» تەكسەردى، ءماجىلىس مەملەكەتتىك حالىق قۇرىلتايى قازىنا - ەكونوميكا كوميتەتىنىڭ تەكسەرۋ ناتيجەسى بايانداماسىن ماقۇلداپ، وسى جوبا باعدارلاماسىن بەكىتۋدى ۇيعاردى.

  ءماجىلىس بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل مەملەكەتتەگى ءار ۇلت حالقى قايراتتانا العا ىلگەرىلەپ، ءورىس اشا جاڭالىق جاراتىپ، ”13 - بەسجىلدىق“ جوباداعى نىسانا - مىندەتتەردى جەڭىسپەن ورىنداپ، جاپپاي دوڭگەلەك داۋلەتتى قوعام ورناتۋدا ۇلى، تاريحي سيپاتتى تابىستارعا قول جەتكىزىپ، كەدەيلىكتەن ارىلتۋدان قامال الۋدىڭ شەشۋشى شايقاسىندا جالپى بەتتىك جەڭىسكە قول جەتكىزدى، جۇڭحۋا ۇلتىنىڭ ۇلى گۇلدەنۋى العا قاراي جاڭا دا ارشىندى قادام باستى. بۇل جۇڭگو كوممۋنيستىك پارتياسى باسشىلىعىنىڭ جانە جۇڭگوشا سوتسياليستىك ءتۇزىمنىڭ ابزالدىلىعىن تولىق ايگىلەپ، بۇكىل پارتيا، بۇكىل مەملەكەتتەگى ءار ۇلت حالقىن تاعى دا تالپىنا تۇسۋگە، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ەرلىكپەن العا باسۋعا جىگەرلەندىردى. ءماجىلىس مىنالاردى تالاپ ەتتى: ”14 - بەسجىلدىق“ مەزگىلىندە جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم - لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جوباسىن جالپى بەتتىك دايەكتىلەندىرىپ، ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ، ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ، رەفورمانى جاپپاي تەرەڭدەتۋدىڭ، مەملەكەتتى جاپپاي زاڭمەن جونگە سالۋدىڭ، پارتيانى جاپپاي قاتاڭ جونگە سالۋدىڭ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن قالىپتاستىرۋدى جەدەلدەتىپ، جوعارى ساپالى دامۋدى ىلگەرىلەتىپ، دامۋ جانە حاۋىپسىزدىكتى ءبىر تۇتاس جوسپارلاپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەكونوميكانىڭ ۇزاق ۋاقىت ورنىقتىلىعىن، قوعامنىڭ تىنىش، جاراسىمدى بولۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاۋ، قادامىن جاقسى باسۋ كەرەك.

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.