تيانشان تورى   ›   جاڭالىقتار   ›   ەل ءىشى حابارى

13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ۇكىمەت قىزمەتىنەن بايانداما جونىندەگى قاۋلىسى

(13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە 2021 - جىلى 3 - ايدىڭ 11 - كۇنى ماقۇلداندى)

  13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەملەكەتتىك كەڭەستىڭ زۇڭليى لي كىچياڭ جاساعان ۇكىمەت قىزمەتىنەن باياندامانى تىڭدادى جانە قارادى. ءماجىلىس ”13 - بەسجىلدىق“ مەزگىلىندەگى ەلىمىزدىڭ ەكونوميكالىق، قوعامدىق دامۋدا قول جەتكىزگەن تاريحي سيپاتتى ناتيجەلەرىن جوعارى باعالاپ، مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىردى، بايانداما ورتاعا قويىلعان ”14 - بەسجىلدىق“ مەزگىلىندەگى نەگىزگى نىسانالار مەن مىندەتتەردى جانە 2021 - جىلعى ەكونوميكالىق، قوعامدىق دامۋدىڭ جالپى تالابىن، باستى نىساناسى مەن قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.

  ءماجىلىس: بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاعاناتتاندىرۋدى ءتۇبىرلى ماقسات ەتىپ، جۇيەلى كوزقاراسقا تاباندى بولىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى ونان ارى ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكالىق اينالىمنىڭ ۇيلەسىمدى اۋماعىن ساقتاپ، ەكونوميكانىڭ، قوعامنىڭ ءۇرتىس اقاۋسىز دامۋىن جەبەپ، ءبىر نيەتپەن كۇش قوسىپ، تايسالماي ۇمتىلىپ، تىڭعىلىقتى قىزمەت ىستەپ، ”14 - بەسجىلدىقتىڭ“ باستاماسىن جاقسى باستاۋعا، قادامىن جاقسى باسۋعا شىنايى كەپىلدىك ەتىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋعا ۇندەدى.

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.