− 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
«حالىق گازەتى» باسماقالاسى
كوپتىڭ اقىل - پاراساتىن شوعىرلاندىرىپ، كوپتىڭ كۇشىن ۇيىستىردى، جاڭا باستاما اشىپ، جاڭا تاراۋ جازدى. 3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ءتۇرلى كەڭەستىك تارتىپتەرىن تولىق ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر بەلسەندىلىكپەن اقىل - كەڭەس بەرىپ، تىڭعىلىقتى تۇردە مىندەتىن اتقارىپ، جاۋاپكەرشىلىگىن وتەپ، دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءداۋىر سيمفونياسىن شىعانداتتى. ءماجىلىستىڭ تابىستى بولعاندىعىن قىزۋ قۇتتىقتايمىز!
بۇل رەتكى ءماجىلىس − جاپپاي سوتسياليستىك وسىزاماندانعان مەملەكەت قۇرۋعا باستاما باستاۋ، قادام تاستاۋ كەزەڭىندە اشىلعان ءبىر رەتكى ماڭىزدى ءماجىلىس. ءماجىلىس ”13 - بەسجىلدىق“ مەزگىلىندە ەلىمىزدىڭ ەكونوميكالىق، قوعامدىق دامۋىندا قول جەتكەن تاريحي تابىستار مەن وتكەن ءبىر جىلدا مەملەكەتتىڭ ءتۇرلى ىستەرىندە، ءتۇرلى جاقتارداعى قىزمەتتەرىندە قول جەتكەن ناتيجەلەردى جوعارى باعالادى. ۋاكىلدەر ءبىر اۋىزدان بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى دەپ قارادى. ءماجىلىس ۇكىمەت قىزمەتىنەن باياندامانى قارادى ءارى بەكىتتى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسىن جانە باسقا ءتۇرلى ماڭىزدى باياندامالاردى تەكسەردى جانە بەكىتتى، وزگەرىس ەنگىزىلگەننەن كەيىنگى مەملەكەتتىك حالىق قۇرىلتايىنىڭ ۇيىمدىق زاڭى مەن مەملەكەتتىك حالىق قۇرىلتايىنىڭ ءىس قاراۋ ەرەجەسىن ماقۇلدادى. ۋاكىلدەر ءبىر اۋىزدان: ۇكىمەت قىزمەتىنەن باياندامادا شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا ورتالىق كوميتەتىنىڭ شەشىمدەرى، ورنالاستىرۋلارى ايگىلەنگەن، شىندىققا جۇگىنگەن، ناقتى، ادامدى ەكپىندەي ىلگەرىلەۋگە جىگەرلەندىرەتىن بايانداما دەپ قارادى. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «قارارىندا» ”ءبىر ەل، ەكى ءتۇزىمنىڭ“ تۇزىمدىك جۇيەسىنە تاباندى بولىپ جانە ونى كەمەلدەندىرىپ، ەرەكشە اكىمشىلىك رايوننىڭ نەگىزگى زاڭنىڭ جانە ءتۇبىرلى زاڭنىڭ اتقارىلۋىمەن قاتىستى تۇزىمدەرى مەن مەحانيزمدەرىن كەمەلدەندىرىپ، وتانشىلداردى نەگىزگى تۇلعا ەتكەن ”شياڭگاڭدى شياڭگاڭدىقتار باسقارۋعا“ تاباندى بولۋ العا قويىلدى. بۇل رەتكى ءماجىلىس «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن» قاراپ ماقۇلدادى. ۋاكىلدەر ءبىر اۋىزدان: بۇل تۇزىمدىك ورنالاستىرۋ نەگىزگى زاڭنىڭ بەلگىلەمەلەرى مەن نەگىزگى زاڭنىڭ پرينسيپتەرىنە ۇيلەسەدى، شياڭگاڭنىڭ ءتۇبىرلى زاڭىنا ۇيلەسەدى، بەرىك ساياسي نەگىز بەن زاڭمەن جونگە سالۋ نەگىزىنە يە، وتانشىلداردى نەگىزگى تۇلعا ەتكەن ”شياڭگاڭدى شياڭگاڭدىقتار باسقارۋدى“ جۇزەگە اسىرۋعا شىنايى كەپىلدىك ەتىپ، شياڭگاڭ ”ءبىر ەل، ەكى ءتۇزىم“ امالياتىنىڭ نىق قاداممەن الىسقا جەتۋىن پارمەندى تۇردە قامتاماسىز ەتەدى، - دەپ قارادى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭداپ، قاراپ، مەملەكەتتىك حالىق قۇرىلتايى تۇراقتى كوميتەتىنىڭ ءبىر جىلدان بەرى مىندەت وتەپ، جاۋاپكەرشىلىكتى ادا ەتىپ، بەلسەندىلىكپەن ءىس تىندىرىپ، ءتۇرلى قىزمەتتەردە تىڭ ىلگەرىلەۋشىلىكتەر مەن تىڭ ونىمدىلىككە قول جەتكىزگەندىگىن تولىق تۇراقتاندىردى. ءماجىلىستىڭ تابىستى بولۋى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ تاماشا باستاماسىن جۇزەگە اسىرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە سەنىمدى ارتتىرىپ، كۇش - قۋاتتى ۇيىستىردى.
ءىستى جەدەل باستاۋ ءۇشىن، ءسوز جوق، ونىڭ ناتيجەسىن ويلاستىرۋ، تابىسقا جەتۋ ءۇشىن، الدىمەن جوسپار جاساۋ كەرەك. وسى رەتكى ءماجىلىس تەكسەرگەن جانە بەكىتكەن حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى ۇزاق بولاشاقتىق نىسانانى جاساۋ جونىندەگى ۇسىنىسىنىڭ» رۋحىن جاپپاي دايەكتىلەندىرىپ، بۇكىل ەلدەگى ءار ۇلت حالقىنىڭ اقىل - پاراساتىن شوعىرلاندىرىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىسانالارى مەن كەلەلى مىندەتتەرىن ناقتىلاندىردى، سانعا اينالدىردى. ”14 - بەسجىلدىق“ مەزگىلى − ەلىمىز جاپپاي دوڭگەلەك داۋلەتتى قوعام ورناتقاننان، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، قولايلى جاعدايدان ۇتىمدى پايدالانا وتىرىپ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ ءبىرىنشى 5 جىلى. ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، ءبىراق وراي مەن سىن - سايىستاردا جاڭا دامۋ، وزگەرىستەر بار. جوبا باعدارلاماسىن ويداعىداي دايەكتىلەندىرىپ، تياناقتاندىرىپ، جاڭا دامۋ كەزەڭىن ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى قۇلشىنا ىلگەرىلەتسەك، ءبىز، ءسوز جوق، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشىپ، جاقسى قادام تاستاپ، جۇڭگوشا سوتسياليزم ىستەرىنىڭ جاڭا تاراۋىن جازا الامىز.
حالىق − پارتيامىزدىڭ بيلىك جۇرگىزۋىنىڭ ەڭ مىعىم نەگىزى جانە ەڭ ۇلكەن سەنىمى. حالىق قۇرىلتايى ءتۇزىمىنىڭ كۇشتى ومىرشەڭدىك قۋات پەن كورنەكتى ابزالدىلىققا يە بولۋىنىڭ تەتىگى ونىڭ حالىق اراسىندا تەرەڭ تامىر تارتقاندىعىندا. حالىقتى وزەك ەتكەن دامۋ يدەياسىنا تاباندى بولىپ، دامۋدى حالىق ءۇشىن جۇرگىزۋگە، دامۋدا حالىققا سۇيەنۋگە، دامۋ جەتىستىكتەرىن حالىقتىڭ تەڭ يگىلىكتەنۋىنە تاباندى بولعاندا عانا، دۇرىس دامۋ كوزقاراسى، وسىزامانداندىرۋ كوزقاراسى بولادى. بولاشاققا بەت العاندا، ءبىز مەملەكەتتىڭ بارلىق بيلىگى حالىققا ءتان دەگەنگە تاباندى بولىپ، حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداپ جانە وعان كەپىلدىك ەتىپ، ەڭ قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرۋىمىز، قورعاۋىمىز، دامىتۋىمىز كەرەك. جاڭا كۇرەس ساپارىندا، ءسوز جوق، حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن تولىق ساۋلەلەندىرىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولىپ، ءار جاقتاعى تۇزىمدەر مەن مەملەكەتتىڭ جونگە سالۋىنىڭ حالىقتىڭ ەركىن ءتىپتى جاقسى ايگىلەۋىنە، حالىقتىڭ ۇقىق - مۇددەسىن قامتاماسىز ەتۋىنە، حالىقتىڭ جاسامپازدىعىن قاۋلاتۋىنا مۇمكىندىك جاساپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاق تاعدىرىن حالىقتىڭ قولىنا مىقتاپ ۇستاتۋ كەرەك.
”جەلمەن جۇيتكىپ زەڭگىرگە، تەربەتىلە، كوز تاستايمىن تاۋ - وزەن كەلبەتىنە“. جاڭا جوبا جۇرت كوڭىلىن جەلپىندىردى، جاڭا ساپاردىڭ بولاشاعى ساۋلەتتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا جەلكەن جايىپ ساپارعا اتتانىپ، تولقىن جارا العا ىلگەرىلەپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى مەملەكەت ەتىپ قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي كۇرەس جۇرگىزەيىك!
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
