13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدە جابىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدە جابىلدى

ۇكىمەت قىزمەتىنەن بايانداما، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى قاتارلىلاردى بەكىتتى

مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قاراردى، مەملەكەتتىك حالىق قۇرىلتايى ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى

شي جينپيڭ ءتوراعا بۇيرىعىنا قول قويىپ جاريالادى

مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ماقۇلدادى

شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى

   لي جانشۋ باسقاردى ءارى ءسوز سويلەدى

  3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭ حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى، لي جانشۋ جابىلۋ جيىنىن باسقاردى ءارى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭ حالىق سارايىندا جابىلدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ جابىلۋ جيىنىن باسقاردى ءارى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ءتۇرلى كەڭەستىك تارتىپتەرىن تولىق ورىنداعان سوڭ، 3 - ايدىڭ 11 - كۇنى تۇستەن كەيىن حالىق سارايىندا جابىلدى. ءماجىلىس ۇكىمەت قىزمەتىنەن بايانداما، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى قاتارلىلاردى بەكىتتى. ءماجىلىس مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قاراردى، مەملەكەتتىك حالىق قۇرىلتايى ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى، مەملەكەت ءتوراعاسى شي جينپيڭ 73 - ءنومىرلى، 74 - ءنومىرلى ءتوراعا بۇيرىعىنا قول قويىپ جاريالادى. ءماجىلىس مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ماقۇلدادى.

  جابىلۋ جيىنىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

  شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  ماجىلىسكە قاتىناسۋعا ءتيىستى ۋاكىل 2953 ادام، قاتىناسقانى 2896 ادام، قاتىناسا الماعانى 57 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  تۇستەن كەيىن ساعات 3تە لي جانشۋ جيىننىڭ باستالعاندىعىن جاريالادى.

  جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ۇكىمەت قىزمەتىنەن بايانداما جونىندەگى قاۋلىسىن ماقۇلدادى. قاۋلىدا مىنالار اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتىن تولىق تۇراقتاندىرىپ، بايانداما ورتاعا قويعان ”14 - بەسجىلدىق“ مەزگىلىندەگى باستى نىسانا - مىندەتتەردى جانە 2021 - جىلعى ەكونوميكالىق، قوعامدىق دامۋدىڭ جالپى تۇلعالىق تالابىن، باستى نىسانالارىن جانە قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.

  جيىن داۋىسقا سالۋ ارقىلى حالىق شارۋاشىلىعى مەن قوعامدىق دامۋدىڭ ”14 - بەسجىلدىق“ جوباسى مەن 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلىنى ماقۇلدادى. قاۋلىدا مىنالار اتاپ كورسەتىلدى: جيىن مەملەكەتتىك حالىق قۇرىلتايى قازىنا - ەكونوميكا كوميتەتىنىڭ تەكسەرۋ ناتيجەسى بايانداماسىن ماقۇلداپ، وسى جوبا باعدارلاماسىن بەكىتۋدى ۇيعاردى. جيىن مىنالاردى تالاپ ەتتى: ”14 - بەسجىلدىق“ كەزىندە ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن ىلگەرىلەتۋدىڭ جالپى تۇلعالىق ورنالاستىرۋىن ءبىر تۇتاس جوسپارلاپ، جاپپاي سوتسياليستىك وسىزاماندانعان مەملەكەت قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن ءداپ باسىپ يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەكونوميكانىڭ ورنىقتى قاداممەن باياندى ىلگەرىلەۋىن، قوعامنىڭ تىنىش، جاراسىمدى بولۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشۋ، جاقسى قادام تاستاۋ كەرەك.

  جيىن داۋىسقا سالۋ ارقىلى مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قاراردى، مەملەكەتتىك حالىق قۇرىلتايى ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى. وسى ەكى قارار 2021 - جىلى 3 - ايدىڭ 12 - كۇنىنەن باستاپ اتقارىلادى. «جۇڭحۋا حالىق رەسپۋبليكاسى مەملەكەتتىك حالىق قۇرىلتايى ۇيىمدىق زاڭىنا»، «جۇڭحۋا حالىق رەسپۋبليكاسى مەملەكەتتىك حالىق قۇرىلتايى ءىس قاراۋ ەرەجەسىنە» وسى ەكى قارار نەگىزىندە جەكە - جەكە سايكەستى وزگەرىس ەنگىزىلىپ، قايتادان جاريالاندى.

  جيىن داۋىسقا سالۋ ارقىلى مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ماقۇلدادى. قارار جاريالانعان كۇننەن باستاپ اتقارىلادى.

  جيىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىسىن داۋىسقا سالىپ ماقۇلدادى، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى بەكىتۋدى، 2021 - جىلعى حالىق شارۋاشىلىعى مەن قوعامدىق دامۋ جوسپارىن بەكىتۋدى ۇيعاردى؛ 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ 2020 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىن مەجە ەسەبى جونىندەگى قاۋلىنى داۋىسقا سالىپ ماقۇلدادى، 2020 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى، 2021 - جىلعى ورتالىقتىڭ مەجە ەسەبىن بەكىتۋدى ۇيعاردى.

  جيىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جونىندەگى قاۋلىسىن داۋىسقا سالىپ ماقۇلدادى. قاۋلىدا مىنالار اتاپ كورسەتىلدى: ءماجىلىس 13 - كەزەكتى مەملەكەتتىك حالىق قۇرىلتايى 3 - ماجىلىسىنەن بەرگى تۇراقتى كوميتەتتىڭ قىزمەتىن تولىق تۇراقتاندىرىپ، باياندامادا ورتاعا قويىلعان الداعى ءبىر جىلداعى باستى مىندەتتەردى قۇپتاپ، وسى باياندامانى بەكىتۋدى ۇيعاردى.

  جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قاۋلىسىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاۋلىسىن ماقۇلداپ، وسى ەكى باياندامانى بەكىتۋدى ۇيعاردى.

  وسىدان كەيىن لي جانشۋ ءسوز سويلەدى. ول بىلاي دەدى: 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى جالپى ۋاكىلدەردىڭ بىرگە قۇلشىنۋىندا ءتۇرلى كەڭەستىك تارتىپتەرىن تولىق ورىندادى.

  لي جانشۋ بىلاي دەپ اتاپ كورسەتتى: ءماجىلىس پارتيا مەن مەملەكەت ىستەرىندە قول جەتكەن ەلەۋلى تابىستارعا جوعارى باعا بەرىپ، حالىقتىڭ باس شۋجي شي جينپيڭدى جانە شي جينپيڭ جولداستى ۇيتقى ەتكەن پارتيا ورتالىق كوميتەتىن شىن جۇرەكتەن ارداقتايتىندىعىن بەينەلەدى. ءماجىلىس ۇكىمەت قىزمەتىنەن باياندامانى جانە باسقا دا باياندامالاردى قاراپ بەكىتتى، حالىق شارۋاشىلىعى مەن قوعامدىق دامۋدىڭ ”14 - بەسجىلدىق“ جوباسى مەن 2035 - جىلعا دەيىنگى بولاشاقتىق نىسانا باعدارلاماسىن تەكسەرىپ بەكىتتى.

  لي جانشۋ بىلاي دەدى: ءماجىلىس مەملەكەتتىك حالىق قۇرىلتايى ۇيىمدىق زاڭىنا وزگەرىس ەنگىزۋ جونىندەگى قاراردى جانە مەملەكەتتىك حالىق قۇرىلتايى ءىس قاراۋ ەرەجەسىنە وزگەرىس ەنگىزۋ جونىندەگى قاراردى قاراپ ماقۇلدادى. ءماجىلىس شىعارعان شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارار جالپى ۋاكىلدەردىڭ ايرىقشا قۇپتاۋىنا يە بولىپ، شياڭگاڭدىق باۋىرلاستاردى قامتىعان بۇكىل ەلدەگى ءار ۇلت حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ، شياڭگاڭنىڭ نەگىزگى زاڭدىق ءتارتىبىن قورعاۋ باتىل بەكىمىن ايگىلەدى.

  لي جانشۋ بىلاي دەپ اتاپ كورسەتتى: جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا حالىق قۇرىلتايى قىزمەتى فۋنكتسيالىق رولىن اناعۇرلىم جاقسى ساۋلەلەندىرىپ، ءسوز جوق، يدەيادا، ساياسيدا، ارەكەتتە اناعۇرلىم سانالىلىقپەن تۋى ايقىن تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن حالىق قۇرىلتايى قىزمەتىن ءبىر تۇتاس مەڭگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا ۇزاق ۋاقىت تاباندى بولىپ، حالىق قۇرىلتايى قىزمەتىنىڭ دۇرىس بەتالىسپەن ۇزدىكسىز العا دامۋىنا شىنايى كەپىلدىك ەتۋ؛ تۋى ايقىن تۇردە پارتيانىڭ حالىق قۇرىلتايى قىزمەتىنە جاپپاي باسشىلىعىنا تاباندى بولىپ، پارتيانىڭ باسشىلىعىن حالىق قۇرىلتايى قىزمەتىنىڭ جالپى بارىسىنا، ءار جاعىنا تولىق ءسىڭىرىپ، پارتيانىڭ قۋاتتاماسىن زاڭدىق تارتىپتەر ارقىلى مەملەكەتتىڭ ەركىنە جانە حالىقتىڭ ورتاق ارەكەتىنە اينالدىرىپ، پارتيانىڭ لۋشيان، باعىت - ساياساتتارىنىڭ جانە شەشىم، ورنالاستىرۋلارىنىڭ مەملەكەت قىزمەتىندە جاپپاي دايەكتىلەنۋىنە جانە ءونىمدى اتقارىلۋىنا كەپىلدىك ەتۋ ؛ تۋى ايقىن تۇردە جۇڭگوشا سوتسياليستىك ساياسي دامۋ جولىمەن ءجۇرىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە اناعۇرلىم سانالىلىقپەن تاباندى بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە كۇشەيتىپ، رەفورما جاساۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا ورنىقتى ساياسي ورتا جانە پارمەندى ساياسي كەپىلدىك ازىرلەۋ؛ تۋى ايقىن تۇردە شي جينپيڭنىڭ زاڭمەن جونگە سالۋ يدەياسىن جەتەكشى ەتىپ، مەملەكەتتى جاپپاي زاڭمەن جونگە سالۋدا ماڭىزدى رول اتقارىپ، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، جۇڭگوشا سوتسياليستىك زاڭمەن جونگە سالۋ جۇيەسىن قۇرۋ، سوتسياليستىك زاڭمەن جونگە سالىناتىن مەملەكەت قۇرۋ باس نىساناسىمەن تىعىز بايلانىستىرىپ، جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، مەملەكەتتى جاپپاي زاڭمەن جونگە سالۋ امالياتىنا كەمەلدى زاڭمەن تىرەك بولۋ جانە قامتاماسىز ەتۋ؛ تۋى ايقىن تۇردە پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ قىزمەتتەردى جوبالاپ جانە ورىستەتىپ، زاڭ شىعارۋ ۇقىعىن، باقىلاۋ ۇقىعىن، قارار شىعارۋ ۇقىعىن، مىندەتكە تاعايىنداۋ ۇقىعىن جانە مىندەتتەن قالدىرۋ ۇقىعىن زاڭ بويىنشا اتقارىپ، حالىق قۇرىلتايىنىڭ فۋنكتسيالىق رولىن دۇرىس، ءونىمدى ساۋلەلەندىرىپ، پارتيا مەن مەملەكەتتىڭ وزەكتى قىزمەتى قايدا بولسا، حالىق قۇرىلتايى قىزمەتى سوندا بولۋىن ىلەسە ىلگەرىلەتۋدى، پارتيا مەن مەملەكەتتىڭ كەلەلى جاعدايى قانداي بولسا، حالىق قۇرىلتايىنىڭ ءتۇيىندى قىزمەتتەرىن ورنالاستىرۋ سونداي بولۋدى شىن مانىندە ورىنداۋ؛ تۋى ايقىن تۇردە حالىقتى وزەك ەتۋگە تاباندى بولىپ، ۋاكىلدەردىڭ نەگىزگى تۇلعالىق رولىن ساۋلەلەندىرىپ، ۋاكىلدەرگە قۇرمەت ەتىپ، ۋاكىلدەرگە سۇيەنىپ، ۋاكىلدەرگە قىزمەت وتەپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ قوجايىن بولۋىن مەملەكەتتىڭ ساياسي ومىرىندە جانە قوعامدىق ومىردە اناعۇرلىم ءونىمدى تياناقتاندىرۋ كەرەك.

  لي جانشۋ بىلاي دەدى: جۇڭگو كوممۋنيستىك پارتياسى 100 جىلدىق مەرەي تويدى قارسى العان جاڭا تاريحي ساتتە، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەتپەن كۇش سالىپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا ىلگەرىلەيىك.

  تۇستەن كەيىن ساعات 3تەن 43 مينۋتتا لي جانشۋ جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايى 4 - ءماجىلىسى جابىلدى دەپ جاريالادى. ءماجىلىس ايبىندى مەملەكەت انىمەن اياقتادى.

  ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىليە لاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىن - يىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.

  ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.

  شەتەلدەردىڭ جۇڭگوداعى ەلشىلەرى ءماجىلىستى سىرتتاي تىڭدادى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.