− پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن 2021 - جىلعى مەملەكەتتىك ەكى ماجىلىسكە دەيىن
□ شينحۋا اگەنتتىگىنىڭ تىلشىلەرى
2020 - جىلى 10 - ايدىڭ 29 - كۇنى حالىق سارايىندا پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى.
4 ايدان اسا ۋاقىت، 127 كۇننەن كەيىن −
2021 - جىلى 3 - ايدىڭ 5 - كۇنى حالىق سارايىندا 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى اشىلدى، وسى ۇسىنىسقا ساي جاسالعان، قالىڭدىعى 142 بەتتىك ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاما جوباسى ۋاكىلدەردىڭ الدىنا قويىلىپ، ءماجىلىستىڭ قاراپ تەكسەرۋىنە ۇسىنىلدى.
3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى جابىلدى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلىنى داۋىسقا سالىپ ماقۇلداپ، وسى جوبا باعدارلاماسىن بەكىتۋدى ۇيعاردى.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن 2021 - جىلعى مەملەكەتتىك ەكى ماجىلىسكە دەيىن پارتيانىڭ دارىپتەمەسى زاڭدا بەلگىلەنگەن ءتارتىپ بويىنشا مەملەكەت ەركىنە اينالدى، بۇكىل پارتيانىڭ، بۇكىل ەلدەگى ءار ۇلت حالقىنىڭ اقىل - پاراساتى مەن تىلەگىن ۇيىستىرعان جوبا باعدارلاماسى جاڭا ساپاردى باستاۋداعى ارەكەت تۇعىرناماسىنا اينالدى.
”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە شي جينپيڭ جولداستى ۇيتقى ەتكەن پارتيا ورتالىق كوميتەتى بولجامپاز دانىشپاندىق جانە بورىش ارقالاۋ ارقىلى ۇلى جوبانى جاساپ، بۇكىل ەل حالقىن ەكىنشى 100 جىلدىق كۇرەس نىساناسىنا قاراي ەرلىكپەن العا باسۋعا ىنتىماقتاستىردى، باستادى.
بەسىنشى جالپى ماجىلىستەن مەملەكەتتىك ەكى ماجىلىسكە دەيىن باس شۋجي شي جينپيڭ جالپى جاعدايدى ءبىر تۇتاس مەڭگەرىپ، باعدار نۇسقاپ، كەڭ ستراتەگيالىق كوز ايا جانە ستراتەگيالىق وي جۇگىرتۋ ارقىلى بولاشاقتىق جوبانى جاسادى، پارتيانىڭ دارىپتەمەسى مەملەكەت ەركىنە اينالدى، سان ميلليونداعان حالىقتىڭ ورتاق ارەكەت تۇعىرناماسىنا اينالدى
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى پارتيامىز اشقان ورتالىقتىڭ ءبىر رەتكى ەرەكشە ماڭىزدى جالپى ءماجىلىسى بولىپ تابىلادى.
جالپى ءماجىلىس قاراپ ماقۇلداعان جوبا ۇسىنىسى ەلىمىز جاڭا دامۋ كەزەڭىنە وتكەن كوركەم كارتينانى بەينەلەپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋىنە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى.
ۇلى جوبا جاساپ، نەگىزدى يگەرىپ باسقا ىستەرگە جول اشتى.
جالپى ماجىلىستە باس شۋجي شي جينپيڭ بىلاي دەپ باسا دارىپتەدى: كەزەكتە جانە مۇنان بىلايعى ءبىر مەزگىلدە بۇكىل پارتيانىڭ، بۇكىل ەلدىڭ ءبىر ماڭىزدى ساياسي مىندەتى وسى رەتكى جالپى ءماجىلىستىڭ رۋحىن ۇيرەنىپ، دايەكتىلەندىرىپ، ۇسىنىستا تۇراقتانعان ءتۇرلى شەشىمدەردى، ورنالاستىرۋلاردى جانە قىزمەت تالاپتارىن ناقتاپ تياناقتاندىرۋ.
باستاما اشۋ جالپى جاعدايعا قاتىستى، قادام باسۋ سوڭعى تەبىندى بەلگىلەيدى. جالپى ءماجىلىستىڭ رۋحىن قالاي ويداعىداي دايەكتىلەندىرۋ، تياناقتاندىرۋ، پارتيانىڭ دارىپتەمەسىن مەملەكەت ەركى مەن سان ميلليونداعان حالىقتىڭ ارەكەتىنە قالاي اينالدىرۋ وسىزامانداندىرۋ قۇرىلىسىنىڭ جالپى جاعدايىنا سايادى، ۇلتتىڭ گۇلدەنۋىنىڭ بولاشاعىنا سايادى.
بەسىنشى جالپى ماجىلىستەن مەملەكەتتىك ەكى ماجىلىسكە دەيىن يدەيانى بىرلىككە كەلتىرۋ، ورتاق تانىمدى ۇيىستىرۋ بارىسى −
2021 - جىلدىڭ باسىندا ماڭىزدى ءبىر زەرتتەۋ - تالقى كۋرسى ورتالىق پارتيا مەكتەبىندە وتكىزىلدى.
ولكە، مينيسترلىك دارەجەلى 190 نەشە باسشى كادر وسى اراعا جينالىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەندى، دايەكتىلەندىردى. كۋرستىڭ باستالۋ سالتىندا باس شۋجي شي جينپيڭ ”شەشۋشى ازشىلىققا“ شەشۋشى ءبىر ساباق ءوتتى.
”جاڭا دامۋ كەزەڭىنە ءوتۋ ەلىمىزدىڭ دامۋىنىڭ تاريحي ورنىن ايقىندادى، جاڭا دامۋ ۇستانىمىن دايەكتىلەندىرۋ ەلىمىزدىڭ وسىزامانداندىرۋ قۇرىلىسىنىڭ جەتەكشى پرينسيبىن ايقىندادى، جاڭا دامۋ ارناسىن قالىپتاستىرۋ ەلىمىزدىڭ ەكونوميكاسىن وسىزامانداندىرۋداعى جول تالعامىن ايقىندادى“.
وسى ءۇش ”جاڭا“ − جوبا ۇسىنىسىنىڭ لوگيكالىق نەگىزگى جەلىسى. باس شۋجي شي جينپيڭ وسى جونىندە شوعىرلى، جۇيەلى تەرەڭ بايانداۋ جاسادى.
باس شۋجي نازاريا مەن امالياتتى، تاريح پەن رەالدىقتى، ەل ءىشى مەن حالىقارانى ءوزارا ۇشتاستىرۋ تۇرعىسىنان جاڭا دامۋ كەزەڭىنە ءوتۋدىڭ تەرەڭ نەگىزىنە تالداۋ جاسادى، جاڭا دامۋ ۇستانىمىن ىشكەرىلەي دايەكتىلەندىرۋدىڭ جاڭا تالابىن باياندادى، جاڭا دامۋ ارناسىن جەدەل قالىپتاستىرۋدىڭ نەگىزگى كۇش سالۋ بەتالىسىن ەگجەي - تەگجەيلى باياندادى.
جوبا ۇسىنىسىن قايتكەندە ناقتى تياناقتاندىرۋعا بولادى؟ باس شۋجي شي جينپيڭ ”ءۇش قابىلەت“ جاڭا تالابىن ورتاعا قويدى: ”مەملەكەتتىڭ زور ىستەرىن“ كوكەيدە ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك.
”شەشۋشى ازشىلىق“ شەشۋشى رول اتقارۋى قاجەت. ”ءۇش قابىلەت“ ارقىلى ”ءۇش جاڭانى“ تياناقتاندىرعاندا عانا باسشى كادرلار قىم - قۋىت، كۇردەلى قايشىلىقتى قاتىناس بارىسىندا ساياسي لوگيكانى يگەرە الادى، ۇلكەن اۋقىمدى تۇجىرىمداي الادى، جالپى جاعدايدى كوزدەي الادى، ۇلكەن ءىستى يگەرە الادى، سوندا عانا ساياسي تۇرعىدان مىزعىماۋعا، ساياسي بەتالىستان اۋىتقىماۋعا تاباندى بولىپ، ءتۇرلى ىستەردىڭ دامۋىنىڭ دۇرىس بەتالىستى بويلاي ورنىقتى قادام تاستاۋىن، باياندى بولۋىن ىلگەرىلەتە الادى.
10 نەشە كۇننەن كەيىن ورتالىق كوميتەت ساياسي بيۋروسى ”14 - بەسجىلدىق“ مەزگىلىندە ەلىمىزدىڭ دامۋدا جاقسى باستاما اشۋداعى، جاقسى قادام تاستاۋداعى ءتۇيىندى قىزمەتتەرىن ويداعىداي ىستەۋ جونىندە توپتىق ۇيرەنۋ جۇرگىزدى. باس شۋجي شي جينپيڭ ۇيرەنۋدى باسقارعاندا بىلاي دەپ باسا دارىپتەدى: بۇكىل پارتيا جاڭا دامۋ ۇستانىمىن، ءسوز جوق، تولىق، دالمە - ءدال، جالپى بەتتىك دايەكتىلەندىرىپ، ”14 - بەسجىلدىق“ مەزگىلىندە ەلىمىزدىڭ دامۋدا جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتۋ كەرەك.
بۇل جوعارىدان تومەنگە دەيىن، جالپى بەتتىك ىلگەرىلەتىلگەن ۇلكەن ۇيرەنۋ ەدى. جالپى ءماجىلىس جابىلىپ 9 كۇننەن سوڭ ورتالىق ۇگىت - لەكسيا ۇيىرمەسى بەيجيڭدە العاشقى بايانداما جاساۋ جينالىسىن وتكىزدى، ونان كەيىن بۇكىل ەلدىڭ جەر - جەرىنە بارىپ ۇگىت - لەكسيا جاسادى.
11 كۇندە، ورتالىق ۇگىت - لەكسيا ۇيىرمەسى 43 رەت بايانداما جاسادى، ءتۇرلى فورماداعى ىقپالداسۋ، اۋىس - كۇيىس جاساۋ قيمىلىن 67 رەت وتكىزدى، 40 نەشە مىڭ ادام تىكە تىڭدادى، تەلەۆيزوردا تىكە تاراتۋ، ينتەرنەتتە جالعاپ تاراتۋ سياقتى ارنالارمەن 20 ميلليوننان استام ادام جانامالاي تىڭدادى، كوردى.
پارتيا ورتالىق كوميتەتىنەن ءار دارەجەلى پارتيا ۇيىمدارىنا دەيىن، قالالاردان اۋىل - قىستاقتارعا دەيىن، ورگانداردان كاسىپورىندارعا دەيىن، الەۋمەتتىك اۋماقتاردان مەكتەپتەرگە دەيىن، بۇكىل پارتيادا، بۇكىل ەلدە جالپى ءماجىلىستىڭ رۋحىن ۇيرەنۋ، دايەكتىلەندىرۋ ورلەۋى كوتەرىلىپ، يدەيانى بىرلىككە كەلتىردى، ورتاق تانىمدى ۇيىستىردى، كۇش - قۋاتتى توپتادى، امالياتتى ىلگەرىلەتتى.
بەسىنشى جالپى ماجىلىستەن مەملەكەتتىك ەكى ماجىلىسكە دەيىن، بولاشاقتى بەتكە الىپ كەلەلى شەشىمدەردى، ورنالاستىرۋلاردى ءۇرتىس جوبالاۋ بارىسى −
2020 - جىلى 12 - ايدىڭ 16 - كۇنىنەن 18 - كۇنىنە دەيىن، ورتالىقتىڭ ەكونوميكالىق قىزمەت ءماجىلىسى بەيجيڭدە اشىلدى. باس شۋجي شي جينپيڭ ماڭىزدى ءسوز سويلەپ، قاتاڭ سىن - سايىس جاعدايىندا ەكونوميكالىق قىزمەتتى ويداعىداي ىستەۋگە بولعان زاڭدىلىق سيپاتتى تانىمدى تەرەڭدەتۋدى باسا دارىپتەپ، 2021 - جىلعى ەكونوميكالىق قىزمەتتىڭ جالپى تالابىن جانە ساياساتتىق بەتالىسىن العا قويىپ، ”14 - بەسجىلدىقتىڭ“ باستاماسىن اشۋعا باعدار كورسەتىپ، جول نۇسقادى.
2020 - جىلى 12 - ايدىڭ 28 - كۇنى ورتالىقتىڭ اۋىل - قىستاق قىزمەت ءماجىلىسى بەيجيڭدە اشىلدى. وسى كەزدە كەدەيلىكتەن ارىلتۋدان قامال الۋ نىساناسى مەن مىندەتتەرىن ورىنداۋعا نەبارى 3 كۇن قالعان ەدى.
ماڭىزدى تاريحي تۇيىنگە قادام باسۋ ساتىندە، باس شۋجي شي جينپيڭ پارتيا 18 - قۇرىلتايىنان كەيىنگى ورتالىقتىڭ اۋىل - قىستاق قىزمەتى ماجىلىسىنە 3 - رەت قاتىناستى ءارى ماڭىزدى ءسوز سويلەدى.
ۇلتتى گۇلدەندىرۋ ءۇشىن اۋىل - قىستاقتى، ءسوز جوق، كوركەيتۋ كەرەك. باس شۋجي شي جينپيڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋدا جەڭىسكە جەتكەننەن كەيىن اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك، بۇل اۋىل شارۋاشىلىعى، اۋىل - قىستاق، شارۋالار قىزمەتىنىڭ ماڭىزدى تۇيىنىندەگى تاريحي بۇرىلىس بولىپ تابىلادى.
2021 - جىلى 2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا بىلاي دەپ اتاپ كورسەتتى: جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ جارىققا شىعارعان جاڭا جاعدايلاردى، العا قويعان جاڭا تالاپتاردى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندەگى ەڭ ماڭىزدى ورىنعا قويۋعا تاباندى بولۋ كەرەك.
”ءۇش جاڭا“ تۇرعىسىنان اۋىل شارۋاشىلىعى، اۋىل - قىستاق، شارۋالار ماسەلەسىنە تالداۋ جاساۋ باس شۋجي شي جينپيڭنىڭ تەرەڭ وي جۇگىرتۋى مەن جوبا جاساۋىن ايگىلەدى، اۋىل - قىستاقتى گۇلدەندىرۋدى جاپپاي ىلگەرىلەتۋ جونىنەن ماڭىزدى جەتەكشى ءمان الادى.
”14 - بەسجىلدىق“ مەزگىلىندە ەكونوميكالىق، قوعامدىق دامۋ قالاي ىلگەرىلەتىلەدى؟ باس شۋجي شي جينپيڭ تەرەڭىنەن تولعانىپ، ستراتەگيالىق جوبا جاسادى.
2020 - جىلى 11 - ايدىڭ 16 - كۇنىنەن 17 - كۇنىنە دەيىن، پارتيا تاريحىندا العاش رەت اشىلعان ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسى شي جينپيڭنىڭ زاڭمەن جونگە سالۋ يدەياسىن مەملەكەتتى جاپپاي زاڭمەن جونگە سالۋدىڭ جەتەكشى يدەياسى ەتىپ ايقىندادى.
بۇل رەتكى ماجىلىستە باس شۋجي شي جينپيڭ مەملەكەتتى جاپپاي زاڭمەن جونگە سالۋدى ىلگەرىلەتۋدە ءتۇيىندى ويداعىداي يگەرەتىن قىزمەتتەر جونىندە 11 جاقتان تالاپ قويىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى زاڭمەن جونگە سالۋ قامتاماسىزدىعىن ازىرلەۋدى باسا دارىپتەدى.
ورتالىقتىڭ رەفورمانى جاپپاي تەرەڭدەتۋ كوميتەتىنىڭ 18 - رەتكى ماجىلىسىندە باس شۋجي شي جينپيڭ ماڭىزدى ءسوز سويلەپ، جاڭا دامۋ ارناسىن قالىپتاستىرۋدىڭ نىسانالارى مەن مىندەتتەرىن يگەرىپ، رەفورما جوبالارىن اناعۇرلىم دالمە - ءدال شىعارىپ، رەفورمانىڭ اناعۇرلىم تەرەڭ قاباتقا قاراي ىلگەرىلەۋىن جەبەپ، رەفورمانى جاپپاي تەرەڭدەتۋدىڭ جاڭا دامۋ ارناسىن قالىپتاستىرۋداعى شەشۋشى رولىن ساۋلەلەندىرۋدى باسا دارىپتەدى.
...
جالپى ماجىلىستەن كەيىنگى تالاي رەتكى ماڭىزدى ماجىلىستەردە باس شۋجي شي جينپيڭ جول باستاۋشىنىڭ اقىل - پاراساتى مەن كورەگەندىگى ارقىلى پارتيا مەن مەملەكەت ىستەرىنىڭ دامۋ جالپى جاعدايىنا قاتىستى ءبىر قىدىرۋ كەلەلى قىزمەتتەردى ۇزدىكسىز جوبالاپ جانە ورنالاستىرىپ، ”14 - بەسجىلدىق“ جوبا باعدارلاماسىن جاساۋعا جەتەكشىلىك ەتتى.
نازاريا امالياتقا جەتەكشىلىك ەتەدى ءارى امالياتتان باستاۋ الادى.
بۇكىل مەملەكەتتىڭ ەكونوميكالىق وڭىرىندە چاڭجياڭ اتىراۋى ەكونوميكاسى ەڭ تەبىندى، ەسىك اشۋ دەڭگەيى ەڭ جوعارى، جاڭالىق اشۋ قابىلەتى ەڭ كۇشتى وڭىرلەردىڭ ءبىرى سانالادى.
2020 - جىلى 11 - ايدا باس شۋجي شي جينپيڭ وسى اراعا كەلىپ، ”14 - بەسجىلدىق“ مەزگىلىندەگى ەكونوميكانىڭ، قوعامنىڭ جوعارى ساپالى دامۋى، جالپى ءماجىلىس رۋحىن دايەكتىلەندىرۋدى، تياناقتاندىرۋدى ىلگەرىلەتۋ جونىندە قىزمەت تەكسەرىپ، تەكسەرۋ - زەرتتەۋ جۇرگىزدى.
باس شۋجي جياڭسۋدىڭ نانتۇڭىن، ياڭجوۋىن وزەندى بويلاي ورلەپ، چاڭجياڭ مەن كانال جاعاسى، سۋ يگىلىگى تورابى سياقتى ورىندارعا ىشكەرىلەي تەكسەرۋ - زەرتتەۋ جۇرگىزىپ، نانجيڭدە چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى.
”ەكولوگيالىق ورتانى قورعاۋدى اناعۇرلىم كورنەكتى ورىنعا قويۋ“ ،”دامۋ تاسىلىندە بۇرىلىس جاساپ، دامۋ وي جەلىسىن ساپالىلاندىرۋ“،”تاۋ، سۋ، ادام، قالا جاراسىمدى، ءوزارا توعىسقان جاڭا كارتينا سالۋ“...
”14 - بەسجىلدىق“ مەزگىلىندە جوعارى ساپالى دامۋ اناعۇرلىم كورنەكتى ورىنعا قويىلدى. باس شۋجي شي جينپيڭنىڭ وسى رەتكى قىزمەت تەكسەرۋى مەن اڭگىمە ءماجىلىسى جاسىل دامۋ جەتىستىكتەرى ارقىلى جالپى تۇلعالىق دامۋ ساپاسىن جوعارىلاتۋدىڭ ايقىن سيگنالىن تاراتتى.
كەدەيلىكتەن ارىلتۋدان قامال الۋ مىندەتىن جاڭا عانا ورىنداپ بولعان گۇيجوۋدا، باس شۋجي شي جينپيڭ تاعى دا جوعارى ساپالى دامۋعا نازار اۋداردى. باس شۋجي كەدەيلىكتەن ارىلتۋدان قامال الۋ جەتىستىكتەرىن كەڭەيتۋدى، بەكەمدەۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى تەكسەرىپ، نەگىزگى ساتىنى جونگە سالۋدى وسىزامانداندىرۋدى ۇعىسىپ، جاڭالىق اشا دامۋ جەتىستىكتەرىن كورىپ، بىرگە بايۋدى ىلگەرىلەتۋدى تىلگە تيەك ەتىپ، جوعارى ساپالى دامۋ ارقىلى جالپى جاعدايدى تولىق مەڭگەرۋگە تاباندى بولىپ، دامۋ جانە ەكولوگيا سىندى ەكى تومەنگى سىزىقتى جاقسى ساقتاۋدى باسا دارىپتەدى.
بەسىنشى جالپى ماجىلىستەن مەملەكەتتىك ەكى ماجىلىسكە دەيىن، جوبا باعدارلاماسىن باستاپ جازۋدان كەمەلدەندىرۋگە دەيىنگى بارىس −
جوبا ۇسىنىسىنان جوبا باعدارلاماسىنىڭ جوبا نۇسقاسىن دايىنداۋعا دەيىن، تۇتاس جاساۋ بارىسىندا، باس شۋجي شي جينپيڭ ءوزى جوبالاۋعا جەتەكشىلىك ەتىپ، ماڭىزدى ورنالاستىرۋ - نۇسقاۋلار بەرىپ، كەلەلى ماسەلەلەردە دەر كەزىندە وتكەلدى يگەرىپ باعدار كورسەتىپ، جوبانى جاساۋدا بۇراڭ جولداردى باسپاي، باستان - اياق دۇرىس باعداردى بويلاپ العا ىلگەرىلەۋگە شىنايى كەپىلدىك ەتتى.
باس شۋجي شي جينپيڭ جوبا باعدارلاماسىن جاساۋ قىزمەتىنە ايرىقشا ءمان بەرىپ، كوپ رەت ماڭىزدى نۇسقاۋ بەرىپ، بەكىتۋ جاساپ، ورتالىقتىڭ پىكىرىنە ساي ”14 - بەسجىلدىق“ جوبا باعدارلاماسىن جانە ارنايى جوباسىن، جەرگىلىكتى جوبانى جاقسى جاساپ شىعىپ، پارتيا ورتالىق كوميتەتىنىڭ ”14 - بەسجىلدىق“ دامۋ جونىندەگى شەشىم - ورنالاستىرۋلارىنىڭ ناقتى تياناقتاندىرىلۋىنا شىنايى كەپىلدىك ەتۋدى ايقىن تالاپ ەتتى.
جوبا باعدارلاماسىن جاساۋ قىزمەتىن مەملەكەتتىك كەڭەستىڭ ”14 - بەسجىلدىق“ جوباسىنىڭ «باعدارلاما جوبا نۇسقاسىن» جاساۋ قىزمەتىنە باسشىلىق ەتۋ گرۋپپاسى ۇيىمداستىرىپ اتقاردى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن كەيىن، باسشىلىق ەتۋ گرۋپپاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جالپى ءماجىلىس رۋحىن ىشكەرىلەي ۇيرەنىپ، دايەكتىلەندىرىپ، جوبا باعدارلاماسىنىڭ جوبا نۇسقاسىن جوبا ۇسىنىسىنا ساي جاساپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى بويىنشا نىسانادان، ولشەمنەن جازباي، ۇزدىكسىز وزگەرىس ەنگىزىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىساناسى مەن كەلەلى مىندەتتەرىن ناقتىلاندىردى، ولشەمدەندىردى.
زەرتتەۋ جۇرگىزىلدى، تۇلعالاندىرىلدى، جازىلا باستادى، كەمەلدەندىرىلدى...
2 - ايدىڭ 26 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، مەملەكەتتىك كەڭەستىڭ مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ قاراپ تەكسەرۋىنە ۇسىناتىن جوبا باعدارلاماسىنىڭ جوبا نۇسقاسىن تالقىلادى.
باس شۋجي شي جينپيڭ بىلاي دەپ اتاپ كورسەتتى: ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىن عىلمي جولمەن جاساپ اتقارۋ جاپپاي دوڭگەلەك داۋلەتتى قوعام ورناتۋ مەن كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدا كەلەلى ماڭىزعا يە.
باس شۋجي شي جينپيڭ مىنانى تالاپ ەتتى: ”14 - بەسجىلدىق“ جوبا باعدارلاماسىنىڭ جوبا نۇسقاسىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ قاراپ تەكسەرۋىنە جانە مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسىنىڭ تالقىسىنا تاپسىرۋ بارىسىندا دەموكراتيانى تولىق ساۋلەلەندىرىپ، كوپشىلىكتىڭ اقىل - پاراساتىن توپتاپ، جوبا باعدارلاماسىن شىن مانىندە ويداعىداي جاساپ، جوبا باعدارلاماسىن ءتىپتى جاقسى اتقارۋعا مىعىم نەگىز قالاۋ كەرەك.
7 كۇننەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى اشىلىپ، جوبا باعدارلاماسىنىڭ جوبا نۇسقاسى ءماجىلىستىڭ قاراپ تەكسەرۋىنە ۇسىنىلدى.
بەسىنشى جالپى ماجىلىستەن مەملەكەتتىك ەكى ماجىلىسكە دەيىن، حالىقتىڭ تىلەگىنە كەڭىنەن قۇلاق اسىپ، حالىقتىڭ اقىل - پاراساتىن، حالىقتىڭ كۇش - قۋاتىن ۇيىستىرىپ، كوپ بولىپ كۇش سالىپ، مەملەكەت ءىسىن اقىلداستى، بۇل جۇڭگو ۇلگىسىندەگى دەموكراتيانىڭ جاندى امالياتى
ءبىر ميلليارد 400 ميلليون ادامعا ساياتىن دامۋ جوباسىن جاقسى جاساۋدىڭ ءمانى كەلەلى، مىندەتى جاپالى.
بىلتىر 8 - ايدا باس شۋجي شي جينپيڭ ”14 - بەسجىلدىق“ جوبانى جاساۋ قىزمەتىنە ماڭىزدى نۇسقاۋ بەرىپ، اشىق اقىل - كەڭەس الىپ، كوپشىلىكتىڭ اقىل - پاراساتىن توپتاپ، جوعارى دەڭگەيلى جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، قالىڭ حالىق بۇقاراسى مەن قوعامنىڭ ءار سالاسىن ”14 - بەسجىلدىق“ جوباعا ءار ءتۇرلى تاسىلدەرمەن ۇسىنىس قويۋعا، اقىل - كەڭەس بەرۋگە شابىتتاندىرىپ، قوعامنىڭ تىلەگىن، بۇقارانىڭ اقىل - پاراساتىن، مامانداردىڭ پىكىرلەرىن، نەگىزگى ساتىنىڭ تاجىريبەلەرىن ”14 - بەسجىلدىق“ جوبانى جاساۋ بارىسىندا شىن مانىندە تولىق قابىلداپ، ءبىر نيەتپەن سەلبەسىپ، ”14 - بەسجىلدىق“ جوبانى ويداعىداي جاساۋ كەرەك دەپ باسا دارىپتەدى.
حالىقتىڭ تىلەگىنە كەڭىنەن قۇلاق اسىپ، حالىقتىڭ اقىل - پاراساتىن، حالىقتىڭ كۇش - قۋاتىن ۇيىستىرۋدى باس شۋجي شي جينپيڭ ءوز ارەكەتىمەن ايگىلەدى −
جوبا ۇسىنىسىن جازۋ كەزىندە، باس شۋجي كوپ رەت جەرگىلىكتى ورىنعا ىشكەرىلەي بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، حالىق تىلەگىن تىڭدادى، سونداي - اق 7 ارناۋلى تاقىرىپتىق اڭگىمە ءماجىلىسىن تىكەلەي باسقارىپ اشىپ، كاسىپورىنشىلار، پارتيا سىرتىنداعى قايراتكەرلەر، ەكونوميكالىق، قوعامدىق سالالارداعى ماماندار، عالىمدار، وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنداعى ماماندار، جەرگىلىكتى ورىندارداعى پارتيا مەن ۇكىمەت باسشىلارى، نەگىزگى ساتىنىڭ ۋاكىلدەرى قاتارلى ءار سالا، ءار جىكتەگى قايراتكەرلەردىڭ پىكىر - ۇسىنىسىن تىڭدادى.
بىلتىر 9 - ايداعى عالىمدار اڭگىمە ماجىلىسىندە باس شۋجي شي جينپيڭ عىلىم - تەحنيكادا جاڭالىق اشۋدا ”ءتورتتى بەتكە الۋعا“ تاباندى بولۋ ستراتەگيالىق ورنالاستىرۋىن جاسادى: دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋ، ەكونوميكانىڭ نەگىزگى شايقاس مايدانىن بەتكە الۋ، مەملەكەتتىڭ كەلەلى قاجەتىن بەتكە الۋ، حالىقتىڭ ءومىرىن، سالاماتتىعىن بەتكە الۋ.
”ءۇشتى بەتكە الۋدان“”ءتورتتى بەتكە الۋعا“ دەيىن، باس شۋجي شي جينپيڭ جوبا نۇسقاسىن جازۋ گرۋپپاسىنا بىلاي دەپ باسا دارىپتەدى: ”14 - بەسجىلدىق“ جوبا ۇسىنىسىن جاساعاندا، عىلىم - تەحنيكادا جاڭالىق اشۋعا ”حالىقتىڭ ءومىرىن، سالاماتتىعىن بەتكە الۋدى“ قوسۋ كەرەك.
”حالىقتىڭ ءومىرىن، سالاماتتىعىن بەتكە الۋ“ تالابى جوبا ۇسىنىسىنا قوسىپ جازىلۋدان سىرت، قازىر جوبا باعدارلاماسىنىڭ جوبا نۇسقاسىندا اناعۇرلىم ناقتىلاندىرىلدى:
”بيولوگيالىق ءدارى - دارمەكتى“ مەملەكەتتىك تاجىريبەحانا قۇرۋداعى كەلەلى جاڭالىق جاساۋ سالاسىنا ەنگىزۋ؛ عىلىم - تەحنيكانىڭ الدىڭعى لەگىندەگى سالالاردا قامال الۋ ستونىنا ”گەن جانە بيوتەحنيكا“، ”كلينيكالىق مەديتسينا جانە سالاماتتىق“ سياقتى ۇزدىك زەرتتەۋلەردى تۇگەلدەي قامتۋ...
مەملەكەتتىك ەكى ءماجىلىس اشىلعاننان كەيىن، باس شۋجي شي جينپيڭ ۋاكىل - مۇشەلەرمەن بىرگە جوبا باعدارلاماسىنىڭ جوبا نۇسقاسىن بىرگە قاراپ تەكسەرىپ، تالقىلادى.
3 - ايدىڭ 5 - كۇنى تۇستەن كەيىن باس شۋجي ءوزى تۇرعان ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى.
”14 - بەسجىلدىق“ مەزگىلىندەگى دامۋ ماڭىزدى ماسەلەلەرىن ارقاۋ ەتە، باس شۋجي شي جينپيڭ ونداعى ۋاكىلدەردىڭ ءسوزىن مۇقيات تىڭدادى، سونداي - اق كوپشىلىكپەن ىشكەرىلەي پىكىر اۋىستىردى.
باياننۇردان كەلگەن ۋاكىل جاڭ شياۋبيڭ حىتاۋ وڭىرىندە ەكولوگيانى قالپىنا كەلتىرۋدى، قۇمنىڭ شىعىستان حۋاڭحىعا كىرۋىن توسۋدى ىلگەرىلەتۋ جاعدايىنان مالىمەت جاسادى.
”بۇل جەردى جاقسى قورعاۋدا سورتاڭدانعان ەگىستىك جەردى جونگە سالۋ ماسەلەسى دە، قۇمدى تىزگىندەۋ ماسەلەسى دە بار“، - دەپ جاۋاپ قايتاردى باس شۋجي شي جينپيڭ.
جوبا باعدارلاماسىنىڭ جوبا نۇسقاسىندا تاۋ، سۋ، ورمان، ەگىنجاي، كول، جايلىم جۇيەسىن جونگە سالۋعا تاباندى بولۋ العا قويىلدى.
باس شۋجي شي جينپيڭ باياندامانى قاراۋعا قاتىناسقان كەزدە بىلاي دەپ ايرىقشا اتاپ كورسەتتى:”تاۋ، سۋ، ورمان، ەگىنجاي، كول، جايلىم، قۇم جۇيەسىن جونگە سالۋدى ءبىر تۇتاس جوسپارلاۋ قاجەت، بۇعان’قۇم‘ دەگەن ءسوزدى قوسۋ كەرەك“.
”تاۋ، سۋ، ورمان، ەگىنجاي، كول، جايلىم، قۇم جۇيەسىن قالاي ورنالاستىرۋ كەرەك؟ مۇندا جوعارى دەڭگەيدە جوبالاۋدى جاقسى ىستەۋ، جان - جاقتىلى جونگە سالۋ كەرەك، بۇل ءبىر جۇيە ينجەنەرياسى، قاجىرلىلىقپەن ەڭبەك كورسەتۋ كەرەك“. ”جاڭا دامۋ ۇستانىمى ءبىر تۇتاس تۇلعا، ءسوز جوق، تولىق، دالمە - ءدال، جالپى بەتتىك ءتۇسىنۋ جانە دايەكتىلەندىرۋ، جاڭا دامۋ ارناسىنا كۇش سالا قىزمەت ەتۋ جانە توعىسۋ كەرەك“... جاڭا دامۋ ۇستانىمىن ارقاۋ ەتە، باس شۋجي شي جينپيڭ ەگجەي - تەگجەيلى ءتۇسىندىرۋ جاسادى.
”14 - بەسجىلدىق“ مەزگىلىندە ەمدەۋدەگى، وقۋ - اعارتۋداعى ولقىلىقتاردى قالاي تولىقتاۋ بۇقارانىڭ ىرىس - قۇتىنا سايادى، باس شۋجي شي جينپيڭ مۇنى كوكەيىنەن شىعارمادى.
3 - ايدىڭ 6 - كۇنى تۇستەن كەيىن باس شۋجي شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداسا باردى ءارى بىرلەسكەن گرۋپپا جيىنىنا قاتىناستى.
”حالىقتىڭ سالاماتتىعى قوعامدىق وركەنيەتتىڭ العا باسۋىنىڭ نەگىزى“، ”وقۋ - اعارتۋ مەملەكەتتىڭ ۇلى جوسپارى، پارتيانىڭ ۇلى جوسپارى“. مۇشەلەردىڭ لەبىزىنە جانە تىلگە تيەك ەتكەن ءىشىنارا قولامتالى ماسەلەلەرگە باس شۋجي شي جينپيڭ ايرىقشا نازار اۋداردى ءارى سويلەگەن ماڭىزدى سوزىندە: ”حالىقتىڭ سالاماتتىعىن قامتاماسىز ەتۋدى الدىمەن دامىتاتىن ستراتەگيالىق ورىنعا قويۋ كەرەكتىگىن“، ”پارتيانىڭ وقۋ - اعارتۋ باعىتىن جاپپاي دايەكتىلەندىرۋ كەرەكتىگىن“ باسا دارىپتەپ ءوتىپ، ەمدەۋ، ءدارى - دارمەك، دەنساۋلىق ساقتاۋ جانە وقۋ - اعارتۋ ىستەرىنىڭ دامۋىنا ايقىن باعىت نۇسقاپ، ۋاكىلدەردىڭ، مۇشەلەردىڭ جانە قالىڭ كادر - بۇقارانىڭ كۇرەس جاساۋ كۇشىن تاسقىنداتتى.
”14 - بەسجىلدىق“ مەزگىلىندە، جوعارى ساپالى دامۋدى ىلگەرىلەتۋ ايقىن تاقىرىپ بولدى.
3 - ايدىڭ 7 - كۇنى تۇستەن كەيىن باس شۋجي شي جينپيڭ اراعا 5 جىل سالىپ، چيڭحاي ۋاكىلدەر ۇيىرمەسىنىڭ باياندامانى قاراۋىنا تاعى دا قاتىناستى، ۋاكىلدەردىڭ ءجىتى قاداعالاپ وتىرعان ىستەرىنە مەڭزەس، ەڭ اۋەلى، نەگىزگى ماقساتتى ۇعىندىرىپ ءوتتى:
”جوعارى ساپالى دامۋ ەكونوميكالىق تالاپ قانا ەمەس، قايتا ەكونوميكالىق، قوعامدىق دامۋدىڭ ءار جاعىنا قويىلعان باس تالاپ“، ”تەك ەكونوميكاسى دامىعان وڭىرلەرگە قويىلعان تالاپ قانا ەمەس، قايتا بارلىق وڭىرلەردىڭ دامۋىندا، ءسوزسىز، دايەكتىلەندىرۋگە ءتيىستى تالاپ“...
”ۋادەلى ۋاعىندا جەتىپ كەلگەن كوكتەمدەگى سالتاناتتى ماجىلىستە، باس شۋجي شي جينپيڭ ۋاكىلدەرمەن، مۇشەلەرمەن مەملەكەت ىستەرىن بىرگە اقىلداستى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا قاراي ەرلىكپەن العا ۇمتىلۋدىڭ وراسان جويقىن كۇشىن ۇيىستىردى.
ۇسىنىس قويىپ، كەڭەس بەرىپ، ۇلى جوسپاردى بىرگە اقىلداستى. ءماجىلىس زالىندا ۋاكىلدەردىڭ، مۇشەلەردىڭ باعدارلامانى، جوبانى تەكسەرگەن، تالقىلاعان بەينەسى وتە دۋماندى بولدى؛ ۋاكىلدەر، مۇشەلەر كاريدورىندا، 30دان استام ۋاكىل، مۇشە ”بەينە ەكراندا تىلدەسىپ“، جاڭا ساپارداعى دامۋدىڭ ورتاق تانىمىن ۇيىستىردى؛ ەكى رەتكى ساياسي كەڭەس ماجىلىسىندە، لەبىز ءبىلدىرۋ بارىسىندا، 24 مۇشە نازاردى ”14 - بەسجىلدىقتاعى“ دامۋدىڭ قيىن تۇيىندەرىنە، قولامتالى تۇيىندەرىنە شوعىرلاندىرىپ، ۇسىنىس قويىپ، كەڭەس بەردى.
جۇرت قالاۋى، دەموكراتيانىڭ نەگىزى.
مىڭ شاقىرىم شالعايداعى ىشكى موڭعۇلدىڭ دالاتى حوشۇنىندا پۋگىبو قىستاعى پارتيا باس ياچەيكاسىنىڭ شۋجيى لي ديانبو ”14 - بەسجىلدىق“ جوبا باعدارلاماسى جوباسىندا ”اۋىل - قىستاقتىڭ ءوزارا كومەكتەسەتىن باقىت اۋلاسى سياقتى ءوزارا كومەكتەسۋ سيپاتىنداعى قارتتاردى كۇتىمدەۋدى بەلسەنە دامىتۋ“ ارناۋلى تۇردە العا قويىلعاندىعىنان حابار الىپ، كوڭىل تولى قۋانىشىن جاسىرا المادى.
”اسا تەبىرەنىپ تۇرمىن، مەنىڭ ۇسىنىسىمدى ورتالىق قابىل الىپ، جوبا ۇسىنىسقا ەنگىزىپتى، باعدارلاما جوباسىندا اناعۇرلىم ناقتى شارالار بار بولدى“. بىلتىر لي ديانبو ”يۇنفان“ دەگەن توراپ اتىمەن ”ءوزارا كومەكتەسۋ سيپاتىنداعى قارتتاردى كۇتىمدەۋ“ ۇسىنىسىن قالدىرعان. پۋگىبو قىستاعىندا 800دەن ارتىق ۇيدە قالعان قارت بار، لي ديانبو باعدارلاما جوباسىندا اۋىل - قىستاقتى جاپپاي گۇلدەندىرۋدى ىلگەرىلەتۋمەن بىرگە، اۋىل - قىستاقتاردىڭ قارتتاردى كۇتىمدەۋ قيىن ماسەلەسىن شەشۋدى ارمانداپ كەلگەن - دى.
بىلتىر 8 - ايدا ”14 - بەسجىلدىق“ جوبانى جاساۋدا ينتەرنەت جەلىسى ارقىلى تۇتاس قوعامنان ۇسىنىس جانە پىكىر قابىلداعان، بۇل ەلىمىزدىڭ 5 جىلدىق جوبانى جاساۋ تاريحىنداعى تۇڭعىش بولىپ، جالپى ءبىر ميلليون 18 مىڭنان استام ۇسىنىس - پىكىر تاپسىرىپ الىپ، جوبا جاساۋ قىزمەتىن ءتيىمدى ۇسىنىس - پىكىرلەردەن پايدالانۋمەن قامدادى.
باس شۋجي شي جينپيڭ ارناۋلى تۇردە ماڭىزدى نۇسقاۋ بەرىپ بىلاي دەپ باسا دارىپتەدى: حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز، حالىقتىڭ سەنىمى مەن قولداۋى مەملەكەتىمىزدىڭ ەكپىندەي ىلگەرىلەۋىنىڭ كۇشى“.
جوبا باعدارلاماسى جوباسىن جاساۋ بارىسىندا اقىل - كەڭەس سۇراۋ قيمىلىن ورىستەتىپ، ءارقايسى سالانىڭ ۇسىنىس - پىكىرلەرىن تىڭدادى، سونىمەن بىرگە تەكسەرۋ - زەرتتەۋ ساۋالناماسىن تاراتتى.
ساياسيدىڭ ەڭ جوعارى سارايىندا ۋاكىلدەر، مۇشەلەر بۇكپەسىز ۇسىنىس بەردى. جۇڭگوشا دەموكراتيانىڭ بايتاق دالاسىنا تامىر تارتقان ميلليارد حالىقتىڭ اقىل - پاراساتى ماڭگى وشپەيتىن كۇش - قۋات تاسقىنداتتى.
بەسىنشى جالپى ماجىلىستەن مەملەكەتتىك ەكى ماجىلىسكە دەيىن پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋدى جۇزەگە اسىرىپ، ۇزبەي كۇرەس جۇرگىزۋدىڭ، ۇلى ءىستى بىرگە تىندىرۋدىڭ قۇدىرەتتى كۇشىن ۇيىستىردى
ەكى ءماجىلىس كەزىندە ۋاكىلدەردىڭ، مۇشەلەردىڭ قاراپ تەكسەرۋ، تالقىلاۋ بارىسىندا ورتاعا قويعان پىكىرلەرىنە نەگىزدەلىپ، مەملەكەتتىك كەڭەس جوبا باعدارلاماسى جوباسىنا وزگەرىس ەنگىزدى، ونان سوڭ 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ جابىلۋ جيىنىندا داۋىسقا سالۋعا ۇسىندى.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە جوبا ۇسىنىسىن قاراپ ماقۇلداپ، جوبا باعدارلاماسىن جاساۋعا ايقىن العا ىلگەرىلەۋ بەتالىسىن نۇسقاپ، ماڭىزدى بويسۇنۋ ولشەمىن ازىرلەۋدەن؛ كەڭ كولەمدە ءار جاقتىڭ پىكىرىن قابىلداپ، جوبا باعدارلاماسىن عىلمي جاساپ، جوبا ۇسىنىسىندا ورتاعا قويىلعان باستى نىسانالار مەن ماڭىزدى مىندەتتەردى ناقتىلاندىرۋعا، سانعا اينالدىرۋعا دەيىن؛ ونان سوڭ جوبا باعدارلاماسى جوباسىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ قاراپ تەكسەرۋىنە ۇسىنۋعا دەيىن جابىلۋ جيىنىندا حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلى داۋىسقا سالىنىپ ماقۇلدانىپ، وسى جوبا باعدارلاماسىن بەكىتۋ ۇيعارىلىپ، جوبا باعدارلاماسىن اناعۇرلىم ويداعىداي اتقارۋعا بەرىك نەگىز قالادى.
بۇل پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋدىڭ تۇزىمدىك ورنالاستىرۋى.
جاڭا جۇڭگو قۇرىلعان 70 نەشە جىلدان بەرى ”1 - بەسجىلدىقتان“ ”14 - بەسجىلدىققا“ دەيىن، جۇڭگو كوممۋنيستىك پارتياسى ”جوبانى سوڭىنا دەيىن جالعاستىرۋداي“ ارىن - جىگەرمەن، ”كۇش جالعاپ جۇگىرۋدەي“ ءتۇزىم باسىمدىعىمەن بۇرىنعىلار ىستەپ كورمەگەن ءىستى نىق قاداممەن العا ىلگەرىلەتىپ، ادامزات تاريحىنداعى ەڭ ايبىندى وسىزاماندانۋ اياق الىسىن كەسكىندەدى.
”5 جىلدىق جوبا ارقىلى جۇڭگونى ءتىپتى دە ىشكەرىلەي تۇسىنۋگە بولادى“. شەتەلدىڭ اقپارات قۇرالدارى بىلاي دەدى: ”كوپتەگەن مەملەكەتتەردىڭ، اۋەلى، الداعى بىرنەشە اپتانىڭ جوسپارىن جاساي الۋى مۇڭ، ال جۇڭگو ءبىر جىل، اۋەلى، ونان دا ۇزاق ۋاقىتتان پايدالانىپ، كوپ بولىپ اقىل قوسىپ، كۇش سالىپ، بۇكىل ەلدەگى حالىقتىڭ جانە ءارقايسى كاسىپ سالاسىنىڭ، ءوڭىردىڭ، قۇرىلىمنىڭ مۇددەسى مەن تالاپ - تىلەگىن مۇمكىندىكتىك بارىنشا بەينەلەيتىن ەڭ ۇلكەن ورتاق بولگىش سانى بار ۇزاق ۋاقىتتىق دامۋدىڭ كەڭەستىك ءتارتىبىن جاساپ شىقتى“.
بولاشاقتىق جوسپار جاسادى، كۇش سالا ىلگەرىلەتتى.
مەملەكەتتىڭ دامۋ جوسپارىن تياناقتاندىرۋعا شىنايى كەپىلدىك ەتەتىن ءتۇزىلىستى، مەحانيزمدى قايتكەندە ورناتۋعا، كەمەلدەندىرۋگە بولادى؟ باس شۋجي شي جينپيڭ ۇزبەي تەرەڭ وي جۇگىرتتى ءارى ونى مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ ماڭىزدى قۇرامداس ءبىر بولىگى رەتىندە ءبىر تۇتاس جوسپارلاپ جوبالادى.
2018 - جىلى 9 - ايدا باس شۋجي شي جينپيڭ باسقارىپ اشقان ورتالىقتىڭ رەفورمانى جاپپاي تەرەڭدەتۋ كوميتەتىنىڭ 4 - رەتكى ءماجىلىسى «جوبا جۇيەسىن بىرلىككە كەلتىرىپ، مەملەكەتتىڭ دامۋ جوباسىنىڭ ستراتەگيالىق جەتەكشىلىك رولىن اناعۇرلىم ويداعىداي ساۋلەلەندىرۋ جونىندەگى پىكىردى» قاراپ ماقۇلدادى. 2019 - جىلى پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەملەكەتتىڭ كەلەلى دامۋ ستراتەگياسى مەن ورتا، ۇزاق مەزگىلدەگى ەكونوميكالىق، قوعامدىق دامۋ جوباسى ءتۇزىمىن كەمەلدەندىرۋدى ايقىن ورتاعا قويدى.
بيىل 1 - ايدىڭ 22 - كۇنى باس شۋجي شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ءسوز سويلەپ بىلاي دەپ اتاپ كورسەتتى: پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، باقىلاۋدى ”14 - بەسجىلدىق“ قۇرىلىسىنا ءسىڭىرۋ كەرەك. باقىلاۋدى پارتيانىڭ باسشىلىعىنداعى ەكونوميكالىق، قوعامدىق دامۋدىڭ جالپى بارىسىمەن ساباقتاستىرىپ، ۇقىق اينالىمىن جانە باقىلاۋ، تەجەۋ مەحانيزمىن كەمەلدەندىرۋدى جوبانى اتقارۋدىڭ نەگىزدىك قۇرىلىسى ەتىپ، جالپى بەتتىك قامتىعان جاۋاپكەرشىلىك ءتۇزىمىن جانە باقىلاۋ ءتۇزىمىن ورناتۋ كەرەك.
ءتۇزىمدى كەمەلدەندىرۋدەن زاڭمەن جونگە سالۋ ارقىلى قامتاماسىز ەتۋگە دەيىن مەملەكەتتى دامىتۋ جوباسىن ءبىر تۇتاس باسشىلىققا الىپ، تۇرعىسى ءدال، شەكاراسى ايقىن، يقۋاتى ءبىرىن - ءبىرى تولىقتايتىن، ءبىر تۇتاس ۇشتاسقان مەملەكەت جوبا جۇيەسى − پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋعا پارمەندى تۇزىمدىك كەپىلدىك ازىرلەيدى.
تەكسەرىپ قاراۋعا ۇسىنىلعان جوبا باعدارلاما جوباسى ”جوبانى اتقارۋدى قامتاماسىز ەتۋدى كۇشەيتۋدى“ قورىتىندى ءسوزى ەتتى ءارى جەكە تاراۋ رەتىندە ورنالاستىردى. باعدارلاما جوباسىندا مىنالار العا قويىلدى: پارتيا ورتالىق كوميتەتىنىڭ، مەملەكەتتىك كەڭەستىڭ جوبا جۇيەسى قۇرىلىسىن جانە مەملەكەتتى دامىتۋ جوباسىن ءبىر تۇتاس جوبالاۋ جونىندەگى بەلگىلەمەلەرىن، تالاپتارىن جانە تابىستى تاجىريبەلەرىن، ادىستەرىن زاڭ فورماسى ارقىلى تۇراقتاندىرىپ، دامۋ جوباسى زاڭىن شىعارۋدى تەزدەتىپ، جوبانى جاساۋدى، اتقارۋدى زاڭمەن جونگە سالۋ ارقىلى قامتاماسىز ەتۋدى كۇشەيتۋ كەرەك.
جوبا باعدارلاماسىنىڭ اتقارىلۋىن قامتاماسىز ەتۋدى زاڭدىق دەڭگەيگە كوتەرۋ − ورتالىق كوميتەتتىڭ مەجەلى نىسانانى جۇزەگە اسىرۋ جونىندەگى بەرىك بەكىمىن ايگىلەدى.
جاڭا ساپاردىڭ ءبىرىنشى 5 جىلدىعى باستالدى.
بۇل تىلەك توعىستىرعان، كۇش بىرىكتىرگەن، جاڭالىق اشا دامىعان جاڭا تاراۋدىڭ 5 جىلدىق جوباسى −
جالپى 19 ءبولىم، 65 تاراۋ، 192 تاراۋشاسى بار جوبا باعدارلاما جوباسىن پاراقتاساق − ورتالىق كوميتەتتىڭ جوبا - ۇسىنىس رۋحىنىڭ بولاشاقتاعى 5 جىلداعى، سونداي - اق 15 جىلداعى مەملەكەتتىڭ دامۋ بەتالىسىنىڭ، ساياساتتىق شارالارىنىڭ، كەلەلى ينجەنەريالىق نىساندارىنىڭ قۇرىلىس چەرتوجىنا اينالعاندىعىن بايقايمىز. ەكونوميكالىق دامۋ، جاڭالىق اشۋ ارقىلى دامۋعا دەم بەرۋ، حالىقتىڭ ىرىس - قۇتى، جاسىل ەكولوگيا، حاۋىپسىزدىكتى قامتاماسىز ەتۋ، 5 ۇلكەن ءتۇر، 20 سالانىڭ باستى كورسەتكىشتەرى جۇڭگونىڭ دامۋ جۇلگەسىن كەسكىندەدى.
بۇل قيىندىقتان قامال الۋدىڭ، وزگەرىس بارىسىندا جاڭا جاعداي اشۋدىڭ 5 جىلدىق جوباسى −
جاڭالىق اشۋ ارقىلى دامۋدىڭ جاڭا باسىمدىقتارىن سومدادى، ”سيفرلى جۇڭگو“ ارىنداي جۇيتكىدى، كەمەلدى ىشكى سۇرانىس جۇيەسى جەدەل جەتىلدىرىلدى، قالا، اۋىلدىڭ وڭىرلىك دامۋىنىڭ جاپسارلارى جابىلدى... دامۋ كەزەڭدەرىنىڭ الدى - ارتى ۇشتاستىرىلۋدان ەل ءىشىن، حالىقارانى ءبىر تۇتاس جوسپارلاۋدى ويلاستىرۋعا دەيىن، ماڭىزدى تۇيىننەن جول اشۋدان جۇيەلى ىلگەرىلەتۋگە دەيىن بۋىن - بۋىن قابىسقان، ءوزارا تىرەك بولعان، جوعارى ساپالى دامۋدى ىلگەرىلەتۋ باستى تاقىرىبى ونان ارى كورنەكتىلەندى.
بۇل حالىقتى وزەك ەتىپ، بىرگە بايۋدى جەبەۋدىڭ 5 جىلدىق جوباسى −
حالىق ساپاسىن جوعارىلاتۋدى كورنەكتى، ماڭىزدى ورىنعا قويىپ، بىرگە بايۋدى تىڭعىلىقتى ىلگەرىلەتتى... بۇقارا نەگە كوڭىل بولسە سونى شەشىپ، حالىق نەگە تالپىنسا سونى جۇزەگە اسىرۋعا قۇلشىنىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
جاڭا دامۋ كەزەڭىنىڭ جوباسى بىرتىندەپ ايشىقتالىپ، جاڭا ساپاردا ەكپىندەي ىلگەرىلەۋدىڭ دابىلى شالىندى. پارتيانىڭ پارمەندى باسشىلىعى باردا، جۇڭگوشا سوتسياليزمنىڭ ءتۇزىم ابزالدىلىعى باردا، ”13 - بەسجىلدىق“ مەزگىلىندە قالانعان دامۋدىڭ بەرىك نەگىزى باردا، ميلليارد حالىقتىڭ ءبىر نيەتتە ۇيىسىقان تەلەگەي كۇشى باردا بولاشاقتى بەتكە العان ءبىزدىڭ كوكىرەك تولى سەنىمىمىز بار!
(تىلشىلەر جاۋ چىڭ، جاڭ شۇيدۇڭ، جاۋ چاۋ، حان جيە، ان بەي)
(شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى)
