تيانشان تورى   ›   جاڭالىقتار   ›   شينجياڭ حابارلارى

شينجياڭداعى ءار ۇلت حالقىنىڭ باقىتتى تۇرمىسى ءۇشىن

انار بۇلت / شينجياڭ گازەتىنىڭ تىلشىلەرى ياڭ شۋحان، جيا چۇنشيا

  ءۇرىمجىنىڭ كەشكى كورىنىسى.

□گازەتىمىزدىڭ ماتەريال سۋرەتى

  1950 - جىلى كوكتەمدە شينجياڭنىڭ بايتاق دالاسىندا قاۋىرت ءوندىرىس دابىرالى ورىستەتىلدى. 1 - شىلدە ماقتا توقىماشىلىق زاۆودى سياقتى ءبىر توپ وسىزاماندانعان زاۆود بوي كوتەردى.

□ ماتەريال سۋرەت

  اسقار تيانشان تاۋى، سان قيلى زور وزگەرىستىڭ كۋاسى؛ كەڭ كوسىلگەن كۇنلۇندە قاۋلاعان تىرشىلىك لەبى ەستى.

  جۇڭگو كوممۋنيستىك پارتياسىنىڭ 100 جىلدىق بارىسى جەر - جاھاندى اسەرلەندىرگەن كۇرەس جۇرگىزۋ ەپوسى، تاريح بەتىندە ايشىقتالعان ۇلى كەرەمەت، سونىمەن بىرگە ءار ۇلت حالقىنىڭ مۇددەسى كوزدەلگەن، ءار ۇلت حالقى ءۇشىن تاماشا تۇرمىس جاراتۋدىڭ ايبىندى تاراۋى.

  جۇڭگو كوممۋنيستىك پارتياسى دۇنيەگە كەلگەن كۇننەن باستاپ باستان - اياق شينجياڭعا نازار اۋداردى، سونداي - اق شينجياڭداعى ءار ۇلت حالقىن يمپەرياليزم مەن فەوداليزمنىڭ ساياسي، ەكونوميكالىق ەزگىسىنەن ازات ەتۋدەي تاريحي ماڭىزدى مىندەتتى سانالىلىقپەن ارقالادى.

  جاڭا جۇڭگو قۇرىلعاننان بەرگى ءاربىر كەلەلى تاريحي مەزگىلدە جانە ماڭىزدى تاريحي ساتتەردە پارتيا ورتالىق كوميتەتى شينجياڭداعى ءار ۇلت حالقىن كوكەيىندە ساقتادى.

  جۇڭگو كوممۋنيستىك پارتياسىنىڭ باسشىلىعى بولعاندىقتان عانا، شينجياڭ ويران - توپىرى شىعۋدان بارلىق شارۋاشىلىعى شالقىعان كۇيگە جەتتى، حالىق تۇرمىسى جونىندە اۋىز اشۋعا كەلمەۋدەن بۇقارانىڭ ساۋ - سالاماتتىعىنا، تىنىش تۇرمىسىنا قول جەتتى، شەت - شالعاي، توماعا - تۇيىقتىقتان شار تاراپقا بەت الدى... شينجياڭنىڭ دامۋ وزگەرىسى الەم حالقىنا جۇڭگو كوممۋنيستىك پارتياسى بولماسا، بۇگىنگىدەي جاراسىمدى دا ورنىقتى شينجياڭنىڭ بولمايتىندىعىن، ءار ۇلت حالقىنىڭ تاماشا تۇرمىسى بولمايتىندىعىن ايگىلەدى.

ءبىر قىزىل سىزىق باس - اياعىن ساباقتاستىردى

  100 جىلدىق ساپاردىڭ ايبىنى ارتىپ، 100 جىلعى اۋەلگى ماقسات ۋاقىت وتكەن سايىن بەكەمدەلە ءتۇستى.

  100 جىلداعى داڭقتى شاقتارعا قايىرىلا قاراساق، جۇڭگو كوممۋنيستىك پارتياسىنىڭ سۇيىسپەنشىلىگىنىڭ باستان - اياق شينجياڭداعى ءار ۇلت حالقىمەن توعىسقاندىعىن، باستان - اياق شينجياڭداعى ءار ۇلت حالقىنىڭ بولاشاق تاعدىرىن ويلاعاندىعىن، ءار ۇلت حالقىنىڭ ەڭسە كوتەرىپ ازات بولۋى ءۇشىن ءار ۇلت حالقىنىڭ باقىتتى تۇرمىسى ءۇشىن جاپالى دا ەرەن كۇرەس جۇرگىزىپ، جەر - الەمدى اسەرلەندىرگەن ماداق جىرىن جازعاندىعىن بىلەمىز.

  20 - عاسىردىڭ 30 - جىلدارىندا يۇي شيۋسۇڭ سياقتى ءبىر توپ كوممۋنيستەر شينجياڭعا كەلگەننەن كەيىن بارلىق جەردە ءار ۇلت حالقىنىڭ مۇددەسىن قورعادى، شىڭ شىسايدىڭ ”جيھانگەرلىككە قارسى تۇرۋ، بەيبىتشىلىكتى ساقتاۋ، قۇرىلىس جۇرگىزۋ، سوۆەت وداعىنا جاقىنداسۋ، كىرشىكسىز بولۋ، ۇلتتىق تەڭدىكتى ساقتاۋ“ سىندى التى ۇلكەن ساياساتتى جاساۋىنا كومەكتەسىپ، شينجياڭنىڭ ەكونوميكاسىنىڭ قالپىنا كەلۋىنە جانە دامۋىنا، ۇلتتار قاتىناسىنىڭ جاقسارۋىنا، ءار ۇلت حالقىنىڭ استىقتىڭ تاپشى بولۋىنان ۋايىمداماۋىنا مۇمكىندىك جاسادى.

  1949 - جىلى شينجياڭ بەيبىت جولمەن ازات بولدى، كەرتارتپا ۇستەمدىك جۇرگىزۋشىلەردىڭ ءار ۇلت حالقىن اياۋسىز ەزۋىن اياقتاتىپ، شينجياڭ تاريحىنداعى كەلەلى بۇرىلىس تۇيىنىنە اينالىپ، شينجياڭ تاريحىنىڭ جاڭا ءداۋىرىن اشتى. سونان باستاپ شينجياڭداعى ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا، تەرەزەسى تەڭ، ىنتىماقتى، ءوزارا قارايلاسىمدى، بەرەكەلى، تاماشا تۇرمىستى بىرگە جاراتاتىن شۇعىلالى تاراۋدى جازا باستادى.

  1955 - جىلى شينجياڭ ۇيعۇر اۆتونوميالى رايونى قۇرىلدى. بۇل پارتيانىڭ ۇلتتىق وڭىرلىك اۆتونوميا ساياساتىنداعى ۇلى جەڭىس، شينجياڭنىڭ ساياسي، ەكونوميكا جانە مادەنيەت ىستەرىنىڭ دامۋىن جەبەدى، شينجياڭنىڭ ەكونوميكالىق دامۋى مەن قوعامىنىڭ العاباسۋىن تىڭ ساتىعا كوتەردى.

  ءار دارەجەلى پارتيا ۇيىمدارى مەن ءار ۇلت حالقىنىڭ بىرگە قۇلشىنۋىندا، شينجياڭنىڭ ونەركاسىپ، اۋىل شارۋاشىلىعى، مال شارۋاشىلىعى ءوندىرىسى جانە ءتۇرلى سوتسياليستىك قۇرىلىس ىستەرى قارىشتاپ دامىدى، حالىقتىڭ تۇرمىسى كورنەكتى جاقساردى، ساياسي، ەكونوميكا جانە قوعامدىق بەت - بەينەسىندە گۇلدەنگەن جاعداي جارىققا شىقتى.

  رەفورما جاساپ، ەسىك اشقاننان بەرى پارتيا مەن مەملەكەتتىڭ نەشە ۇرپاق باسشىلارى ىلگەرىندى - كەيىندى تيانشان الابىنداعى ءار ۇلت باۋىرلاستارىنىڭ اراسىنا كەلىپ، حالىق تۇرمىسىن ۇعىسىپ، ىنتىماقتى دارىپتەپ، دامۋدى تىلگە تيەك ەتىپ، ىقىلاستى قامقورلىق كورسەتىپ، جان دۇنيەسىن جىلىتىپ، ءار ۇلت كادر - بۇقاراسىن جۇڭگوشا سوتسياليستىك شينجياڭ قۇرۋ جولىندا كامىل سەنىممەن، ەرلىكپەن العا ۇمتىلۋعا شابىتتاندىردى.

  اسىرەسە، پارتيا 18 - قۇرىلتايىنان بەرى باس شۋجي شي جينپيڭ شينجياڭعا ءوزى كەلىپ قىزمەت تەكسەرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىن باسقارىپ اشىپ، 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، ستراتەگيالىق جانە جالپى جاعدايلىق تۇرعىدان شينجياڭ قىزمەتىن قاداعالاپ، جوسپارلاپ، ورنالاستىرىپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتى باس نىساناسىن تۇراقتاندىردى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىتتى جانە دامىتتى، شينجياڭ قىزمەتىن اناعۇرلىم ويداعىداي ىستەۋگە ايقىن العاباسۋ بەتالىسىن كورسەتتى، ءتۇبىرلى بويسۇنۋ ولشەمىن ۇسىندى.

  100 جىلدان بەرى جۇڭگو كوممۋنيستىك پارتياسى ءار ۇلت حالقىنىڭ ءتۇبىرلى مۇددەسىن ويداعىداي قورعاۋدى، ويداعىداي جۇزەگە اسىرۋدى، ويداعىداي دامىتۋدى شينجياڭ قىزمەتىنىڭ شىعار ءتۇيىنى مەن تابان تىرەر تياناعى ەتۋگە باستان - اياق تاباندى بولىپ، بۇكىل ىنتا - پەيىلىمەن ءار ۇلت حالقىن باقىتقا كەنەلتۋ − ءبىر قىزىل سىزىقتى باسىنان - اياعىنا دەيىن ساباقتاستىرىپ، ءبىر قىدىرۋ ستراتەگيالىق شەشىمدەردى، ورنالاستىرۋلاردى شىعارىپ، تيانشان الابىنىڭ تاريحي سيپاتتى شارىقتاۋدى جۇزەگە اسىرۋىن ۇزدىكسىز ىلگەرىلەتتى.

اي - كۇنگە ءامىر شاشا الامىز، جاڭارتۋعا كوك ءجۇزىن

  بيلىك − حالىق، حالىق − بيلىك.

  شينجياڭداعى ءار ۇلت حالقىنىڭ باقىتتى تۇرمىسى ءۇشىن سان ۇرپاق كوممۋنيستەر شينجياڭنىڭ توڭكەرىسى، قۇرىلىسى، رەفورماسى جولىندا ءۇرتىس كۇرەس جۇرگىزىپ، العان بەتىنەن قايتپاي، قايراتتانا العا ىلگەرىلەدى.

  20 - عاسىردىڭ 30 - جىلدارى لين جيلۋ، حان گۋاڭ، شۇي لياڭ سياقتى ءبىر توپ شينجياڭدا قىزمەت ىستەگەن جۇڭگو كوممۋنيستەرى ءوز قىزمەت ورىندارىندا ۇكىمەت ءىسىن قۇلشىنا ىستەپ، پاك بولىپ، بارلىق جەردە ءار ۇلت حالقىنىڭ مۇددەسىن قورعاۋدى، ۇلتتار ىنتىماعىن كۇشەيتۋدى شىعار ءتۇيىن ەتىپ، حالىق جاعدايىن ءبىلىپ، ناقاق تۇرمەگە جابىلعانداردى بوساتىپ، سۋ قۇرىلىسىن سالىپ، وقۋ - اعارتۋدى دامىتىپ، كوپىر جوندەپ، جول توسەپ، قيىنشىلىقتان قۇتقارىپ، كەدەيلەردى سۇيەمەلدەپ، ءار ۇلت حالقىنا كوپتەگەن يگى ءىس ىستەپ بەرگەندىگىن قازىرگە دەيىن ءار ۇلت بۇقاراسى جىرعا قوسىپ كەلەدى.

  1938 - جىلى 2 - ايدا ماۋ زىمين شينجياڭ ولكەلىك قازىنا مەڭگەرمەسىنىڭ ورىنباسار باستىعى، ۋاقىتشا مەڭگەرمە باستىعى مىندەتىنە تاعايىندالدى. سول تۇستا شينجياڭ قازىناسى جىل سايىن قات - قابات ىستەر سەبەبىنەن قارىزعا بەلشەسىنەن باتقان بولاتىن. ماۋ زىمين ۇزدىك قازىنا باسقارۋ قابىلەتىمەن ۇزاق ۋاقىت بويى ميشا بىلىققان شينجياڭ قازىناسىن ءبىرشاما قىسقا ۋاقىت ىشىندە دۇرىس ارناعا سالدى.

  1939 - جىلى لين جيلۋ كۇچار اۋدانىنىڭ اكىمى بولىپ تۇرعان كەزىندە بۇقارانى بارىنشا ەزىپ - قاناعان ”كوتەرمە سالىق ءتۇزىمىن“ باتىل كۇشىنەن قالدىرىپ، تارام - تارام 20نەشە ءتۇرلى سالىقتى 7 تۇرگە قىسقارتىپ، بۇقارا جاعىنان ”لين چيڭتيان“ دەپ اتالدى. ول ءار ۇلت حالقىن باستاپ سالدىرعان تاسقىن توساتىن ءىرى توسپا، ”ىنتىماق جاڭا كوپىرى“ سياقتى ينجەنەريالار كۇنى بۇگىنگە دەيىن ماڭىزدى رول اتقارۋدا.

  ءىستى باستاۋ قيىن، كۇرەس تابىسقا جەتكىزەدى. جاڭا جۇڭگو قۇرىلعان باستاپقى مەزگىلدە، بىرىنشىدەن، كەدەي، ەكىنشىدەن، اق، بارلىق سالا تۇرالاعان مەشەۋ جاعداي الدىندا، جۇڭگو كوممۋنيستەرى ”اي مەن كۇنگە ءامىر شاشا الامىز، جاڭارتۋعا كوك ءجۇزىن“ دەگەن اسقاق ەرىك - جىگەرمەن شينجياڭداعى ءار ۇلت كادر - بۇقارانى باستاپ، جاپالىلىقپەن ىستەپ، ءالميساقتان بەرگى جاپان تۇزدە سالتاناتتى دا ايبىندى دامۋدىڭ، قۇرىلىستىڭ پاراقتارىن جازدى.

  1950 - جىلى كوكتەمدە كەڭ كوسىلگەن شينجياڭنىڭ بايتاق دالاسىندا تاسقىنداعان كولەمدى ءوندىرىس ءجۇرىلدى. ”قورىقپايمىز جاپادان، قايمىقپايمىز قيىننان، قۇبا تۇزدە سالامىز، گۇل باۋ - باقشا قۇلپىرعان“ دەگەن اسقاق ءان داۋىسى ىشىندە شينجياڭداعى تۇڭعىش بولات - تەمىر بىرلەسكەن كاسىپورنى 1 - تامىز بولات - تەمىر زاۆودى، تۇڭعىش اۆتوماتتى وت كۇشى ەلەكتر ستانسياسى − ۋيحۋلياڭ ەلەكتر ستانسياسى، تۇڭعىش ماقتا توقىما فابريكاسى 1 - شىلدە ماقتا توقىما فابريكاسى قاتارلى ءبىر توپ وسىزاماندانعان زاۆودتار ارت - ارتىنان بوي كوتەردى.

  سيفرلار ءۇنسىز بولعانىمەن، ەڭ قۋاتتى يلاندىرۋ كۇشىنە يە. 1952 - جىلى شينجياڭنىڭ ونەركاسىپ، اۋىل شارۋاشىلىعىنىڭ جالپى ءونىم قۇنى 635 ميلليون يۋانعا جەتىپ، 1949 - جىلداعىدان %52 ارتتى، ماقتا مەن مايلى داقىلداردىڭ ءونىم مولشەرى تۇگەلدەي تاريحتاعى ەڭ جوعارى ورەگە جەتتى.

  شار تاراپقا كوز سالساڭ، شىت جاڭارعان بىردەمدە. رەفورما جاساپ، ەسىك اشقاننان بەرى باتىس بولىكتى قاۋىرت اشۋعا ىلەسە، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ قادامى تەزدەدى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تابىستى امالياتىنا ىلەسە، تيانشان الابىنىڭ ەكونوميكالىق، قوعامدىق دامۋى قارقىندى جولعا ءتۇسىپ، حالىقتىڭ تۇرمىس ورەسى زور دارەجەدە جوعارىلاپ، ءار ۇلت بۇقاراسىنىڭ كوڭىلى بولاشاققا دەگەن سەنىمگە تولدى.

  2021 - جىلى 2 - ايدىڭ 25 - كۇنى تاريحقا، ءسوزسىز، جازىلاتىن ۇلى كۇن بولدى. بۇل كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سالتاناتپەن بىلاي دەپ جاريالادى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الۋ ماڭىزدى ساتىندە، ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزىپ، مۇلدەم كەدەيلىكتى جويۋدىڭ جاپالى مىندەتى ورىندالىپ، تاريح بەتىندە ايشىقتالعان تاعى ءبىر دۇنيە كەرەمەتى جاراتىلدى! بۇل شينجياڭداعى 25 ميلليون ءار ۇلت بۇقاراسىنىڭ سان مىڭداعان جىلدان بەرى قۇنداقتاپ كەلگەن كەدەيلىك قىسپاعىنان تۇبەگەيلى ارىلىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاۋ الدىندا تۇرعاندىعىن دا بىلدىرەدى.

  بۇل ادامدى شاتتاندىراتىن نەتكەن تاماشا ءسات دەسەڭىزشى! اي مەن كۇن ايعاق، وزەن - كولدەر كۋا، كوممۋنيستىك پارتيا بولماسا، جاڭا جۇڭگو دا بولماق ەمەس، وتان قۇشاعىنداعى گۇلدەنىپ - كوركەيگەن كورىكتى شينجياڭ تىپتەن بولماق ەمەس، ءار ۇلت حالقىنىڭ باقىتتى دا تاماشا بۇگىنگى كۇنى دە بولماق ەمەس.

سۋ ىشكەندە قۇدىق قازۋشىنى ۇمىتپاي، جۇرەكتەر پارتيا دەپ سوقتى

  جۇرت جۇرەگى ەڭ ۇلكەن ساياسي، حالىق ەڭ ۇلكەن تىرەك.

  پارتيانىڭ كۇندەي نۇرلى شۋاعىنا شومعان، بۇگىنگى شينجياڭ تاريحتاعى ەڭ تاماشا گۇلدەنگەن، دامىعان مەزگىلدە تۇر، ءار ۇلت حالقى بەرەكەلى، تاتۋ - ءتاتتى، تىنىش ءومىر، شات - شادىمان تىرشىلىك كەشىرۋدە. سۋ ىشكەندە قۇدىق قازۋشىنى ۇمىتپا دەگەن، ءار ۇلت بۇقاراسىنىڭ جۇرەگى پارتيا دەپ سوعىپ، ءىس جۇزىندىك ارەكەتتەرى ارقىلى پارتيانىڭ قامقورلىعىنا العىس ايتتى.

  ازاتتىقتىڭ العاشقى مەزگىلىندە جۇڭگو كوممۋنيستىك پارتياسى شينجياڭداعى ءار ۇلت حالقىن باستاپ، جەر مايىن كەمەيتىپ، زورەكەرلەرگە قارسى تۇرۋ جانە جەر رەفورماسىن جۇرگىزىپ، جەرى جوق، جەرى از ءار ۇلت شارۋالارىنا جەر ءبولىپ بەرىپ، وندىرگىش كۇشتى ازات ەتتى. ءار ۇلت شارۋالارى شاتتانا بيگە باسىپ، جاڭا قوعامدى ونان ارى قىزۋ ءسۇيدى، جۇڭگو كوممۋنيستىك پارتياسىن اناعۇرلىم جاقتاي ءتۇستى.

  1952 - جىلى 3 - ايدىڭ 23 - كۇنى جەر رەفورماسى سىناق ءتۇيىنىن جۇرگىزگەن كونەءشار اۋدانى پاقتاكلا اۋىلىنداعى ۇيعۇر شارۋالار جەر رەفورماسى جەڭىسىن قۇتتىقتاۋ جينالىسىندا پوەما فورماسىندا ءتوراعا ماۋ زىدۇڭعا «ماۋجۋشيعا ارنايمىز» اتتى سالەم حات جازىپ، جۇڭگو كوممۋنيستىك پارتياسىنا جانە ءتوراعا ماۋ زىدۇڭعا دەگەن شەكسىز سۇيىسپەنشىلىككە تولى تەرەڭ سەزىمدەرىن بەينەلەدى.

  ەڭسە كوتەرىپ ازاتتىققا جەتكەن كەريا اۋدانىنداعى ۇيعۇر شارۋا قۇربان تۇلىمنىڭ ماۋجۋشيگە بەتپە - بەت راقىمەت ايتۋ ءۇشىن وتاننىڭ ەڭ باتىسىنان ەسەككە ءمىنىپ شىعىپ بەيجيڭگە بارسام دەگەن نيەتىن كوپ رەت ايتقانى جۇڭگو توپىراعىندا تاماشا حيكاياعا اينالدى. 1958 - جىلى بەيجيڭ جۇڭنانحايدا ماۋجۋشي مەن قۇرباننىڭ ىقىلاسپەن قول الىسقان سۋرەتى تاريحقا وشپەس ەستەلىك بولىپ قالدى ءارى قۋاتتى رۋحاني كۇشكە اينالىپ، تيانشان پەرزەنتتەرىن پارتيانى سۇيەتىن، وتاندى سۇيەتىن قىزىل گەندى ۇرپاقتان - ۇرپاققا جالعاۋعا جىگەرلەندىردى.

  پارتيانىڭ مەيىرىن ەستە بەرىك ساقتاۋ ءۇشىن ونسۋ اۋدانى تۇمسىق قالاشىعى لانگان قىستاعىنىڭ تۇرعىنى قۇداۋادى يمىن 20 نەشە جىلدى ءبىر كۇنگىدەي وتكىزىپ، ءوز اۋلاسىندا مەملەكەت تۋىن تاباندىلىقپەن شىعارىپ تۇردى. ول قايتىس بولعاننان كەيىن اكەسىنىڭ ارمانىن جالعاعان ۇلى دا مەملەكەت تۋىن ۇزبەي شىعارىپ، بەس جۇلدىزدى قىزىل تۋدىڭ ماڭگى شەكارادا جەلبىرەۋىنە، جۇرەكتەردە جەلبىرەۋىنە مۇمكىندىك جاسادى؛ ۇلىقشات اۋدانى جىعىن اۋىلى ساز قىستاعىنداعى شەكارا قورعاۋشى بۇرماحان مولدو شەكارانى 50 نەشە جىل تاپجىلماي كۇزەتىپ، 200 مىڭ كيلومەتردەن استام تاۋ جولىن باسىپ، پامير ۇستىرتىندەگى ۇلكەندى - كىشىلى تاۋ - تاستارىنا 100 مىڭنان استام ”جۇڭگو تاسىن“ ءوز قولىمەن ويىپ شىقتى. بۇرماحان جونىنەن ايتقاندا، وتاندى قىزۋ ءسۇيۋ دەگەنىمىز ءبىر ءتۇرلى سەنىم، عاسىرلاردان جالعاسقان وتباسى سالتى.

  100 جىلدىق كۇرەس جولى جاڭا ساپارعا اتتاندى. جاڭا باستامادا تيانشان الابىنداعى ءار ۇلت كادر - بۇقارا كوكىرەك تولى العىستى سەزىمدى تاسقىنداعان قىزۋ سۇيىسپەنشىلىككە جانە كۇش - قايراتقا اينالدىرىپ، اسقاق شىعانداعان ەكپىندى اۋەنگە باسىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنا قول ۇستاسا قادام تاستادى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.