□ سانجى حۇيزۋ اۆتونوميالى وبلىستىق قوعامدىق عىلىمدار بىرلەستىگىنىڭ ءتوراعاسى زەينەپ
پومپەو تەكتەستەر شينجياڭعا ساياتىن وسەك - اياڭدارىن تاراتىپ، شىندىقپەن ساناسپاي، شينجياڭنىڭ اسا تاماشا جاعدايىنا جانە ءار ۇلت حالقىنىڭ باقىتتى تۇرمىسىنا قاساقانا كۇيە جاقتى. مەن بۇعان كۇشتى نارازىلىق بىلدىرەمىن جانە باتىل قارسى تۇرامىن!
پارتيانىڭ قامقورلىعى مەن باۋلۋىندا، مەن ءوزىم ارمانداعان ورتالىق ۇلتتار داشۋەسىنە قابىلداندىم. داشۋەنى تاۋىسقاننان كەيىن، نەگىزگى ساتىدان باستاپ قىزمەتكە كىرىسىپ، بىرتىندەپ باسشى كادر بولىپ جەتىلدىم. كوپ جىلداردان بەرگى قىزمەت كەشىرمەلەرىم مەنى شىن پەيىلىمەن پارتياعا العىس ايتۋعا، ۇلى وتانعا العىس ايتۋعا جەتەلەدى.
مادەنيەت جۇيەسىندە قىزمەت ىستەگەن تالاي جىلدان بەرى مادەنيەت، دەنە تاربيە نەگىزدىك قۇرىلعىلار قۇرىلىسىندا تۋىلعان وراسان زور وزگەرىستەرگە كۋا بولدىم، ءارقايسى اۋدان، قالا، وڭىرلەردە ادەمى دە پايدالانۋعا ۇيلەسىمدى مادەنيەت سارايلارى، كىتاپحانالار، مۇراجايلار، دەنە تاربيە الاڭدارى، تەاترحانالار، ەگىنشى - مالشىلاردىڭ دەنە تاربيە، دەنە شىنىقتىرۋ ينجەنەريا نىساندارى قۇرىلىسى ءساتتى اياقتالىپ، مادەنيەت، دەنە تاربيە نەگىزدىك قۇرىلعىلارىنان ءبىر توبى ارت - ارتىنان پايدالانۋعا بەرىلدى ءارى تۇتاس قوعامعا تەگىن تۇردە اشىق ۇستالدى. دەنە تاربيە الاڭ - سارايلارى (ورنى) جوعارى دەڭگەيدەگى مادەنيەت اۋىس - كۇيىس قيمىلدارىن، ەگىنشى - مالشىلاردىڭ مادەنيەت، دەنە تاربيە قيمىلدارىن ورىستەتەتىن، دەنە تاربيە جارىستارىن وتكىزەتىن، دەنە تاربيە تۇرلەرىنە جاتتىعۋ جۇرگىزەتىن نەگىزگى بازاعا اينالدى. سانجى وبلىسى مەملەكەت جاعىنان ”3 - توپتاعى مەملەكەتتىك الەۋمەتتىك مادەنيەتكە قىزمەت وتەۋ جۇيەسى ۇلگى كورسەتۋ رايونى“ قاتارىنا ەنگىزىلدى.
قارا بۇلت كۇن كوزىن توسا المايدى، وسەك - اياڭنىڭ اقيقاتتى جەڭە المايتىندىعى داۋسىز. مەن مىناعان كامىل سەنەمىن: پومپەو مەيلى قالاي وتىرىك ايتىپ، قالاي الدامشىلىق ىستەسە دە، اق پەن قارانى قالاي شاتاستىرسا دا شينجياڭ قوعامىنىڭ ورنىقتى بولعان اسا تاماشا جاعدايىن بۇلدىرە المايدى، شينجياڭداعى ءار ۇلت حالقىنىڭ تاماشا تۇرمىسىنا كەدەرگىلىك جاساي المايدى، شينجياڭنىڭ ەكپىندەي العا ىلگەرىلەگەن نىق قادامىنا بوگەت بولا المايدى!
