چىن چۋانگو اۆتونوميالى رايوننىڭ ساياسي - زاڭ قوسىنىن تاربيەلەۋگە، رەتتەۋگە جۇمىلدىرۋ، ورنالاستىرۋ ماجىلىسىندە بىلاي دەپ باسا دارىپتەدى
بۇكىل رايونداعى ساياسي - زاڭ قوسىنىن تاربيەلەۋدى، رەتتەۋدى تىڭعىلىقتى ورىستەتىپ، سەنىم ارتاتىن، ارقا سۇيەيتىن، الاڭسىز بولاتىن ساياسي - زاڭ قۇرىش قوسىنىن تۇلعالاۋ كەرەك
شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 14 - كۇنى ۇرىمجىدەن حابارلايدى. 3 - ايدىڭ 14 - كۇنى تۇستەن بۇرىن اۆتونوميالى رايوننىڭ ساياسي - زاڭ قوسىنىن تاربيەۋگە، رەتتەۋگە جۇمىلدىرۋ، ورنالاستىرۋ ءماجىلىسى اشىلدى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ ساياسي - زاڭ قوسىنىن تاربيەلەۋ، رەتتەۋ باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان، چىن ميڭگو، ياڭ يۇڭ قاتارلىلار ماجىلىسكە قاتىناستى.
چىن چۋانگو بىلاي دەپ اتاپ كورسەتتى: ساياسي - زاڭ قوسىنىن تاربيەلەۋ، رەتتەۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرى دامۋىنىڭ جالپى جاعدايى دەڭگەيىنەن جاساعان كەلەلى شەشىمى، ورنالاستىرۋى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ساياسي - زاڭ قوسىنى قۇرىلىسىن كۇشەيتۋ جونىندەگى ماڭىزدى نۇسقاۋلارىنىڭ جانە تالىمدەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋعا، ساقشى قوسىنىن جاپپاي قاتاڭ جونگە سالۋعا تاباندى بولىپ، ”بەستە ىسىلۋ“ تالابىن ارقاۋ ەتىپ، وزىنە توڭكەرىس جۇرگىزۋ رۋحىن ساۋلەلەندىرىپ، ”شەشۋشى ازشىلىقتى“ مىقتاپ ۇستاپ، ماڭىزدى مىندەتتەردى كورنەكتىلەندىرىپ، شەشۋشى بۋىنداردى مىقتى يگەرىپ، جاپپاي ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ ساقشى قوسىنىن الۋەتتەندىرىپ، توڭكەرىستەنۋ، ماماندانۋ، كاسىبيلەنۋ قۇرىلىسىن كۇشەيتىپ، پارتيا مەن حالىق سەنىم ارتاتىن، ارقا سۇيەيتىن، الاڭسىز بولاتىن، بولشەكتەۋشىلىككە قارسى كۇرەستە، لاڭكەستىككە قارسى تۇرىپ ورنىقتىلىقتى قورعاۋ كۇرەسىندە باسىن ءباي تىگەتىن، اتويلاپ الدا جۇرەتىن، شايقاستا جەڭىپ شىعاتىن جاڭا ءداۋىر ساياسي - زاڭ قۇرىش قوسىنىن تۇلعالاۋعا قۇلشىنىپ، اناعۇرلىم جوعارى دەڭگەيدەگى تىنىش شينجياڭ، زاڭمەن جونگە سالىناتىن شينجياڭ قۇرۋعا پارمەندى ۇيىمدىق كەپىلدىك ازىرلەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
چىن چۋانگو بىلاي دەپ اتاپ كورسەتتى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، تاربيەلەۋ، رەتتەۋدى بولشەكتەۋشىلىككە قارسى كۇرەسپەن، لاڭكەستىككە قارسى تۇرىپ، ورنىقتىلىقتى قورعاۋ كۇرەسىمەن بىرلەستىرىپ، ءبىر تۇتاس جوسپارلاپ ىلگەرىلەتۋ كەرەك. لاڭكەستىككە قارسى تۇرىپ، ورنىقتىلىقتى قورعاۋ سىندى ارقاۋدى قاي - قاشان دا مىقتاپ شيراتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالۋ ارناسىنا ءتۇسۋىن، ۇدايىلانۋىن ىلگەرىلەتىپ، تاربيەلەۋدەن، رەتتەۋدەن قاۋلاعان قىزمەت جاۋاپكەرلىگىن ارقالاۋدىڭ، ءىس تىندىرىپ، ناتيجە شىعارۋدىڭ جالىندى ىنتاسىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن قۋاتتى قوزعاۋشى كۇشكە جانە ناقتى ارەكەتكە شىنايى اينالدىرىپ، تاربيەلەۋ، رەتتەۋدىڭ ءونىمى جاقسى بولۋىنا، قوعامدىق كەلەلى جاعدايدىڭ ۇزدىكسىز ورنىقتىلىعىنا شىنايى كەپىلدىك ەتۋ كەرەك. ”ساياسي ادالدىقتى بەكەمدەۋ، شىرىقتى بۇزعانداردى الاستاۋ، ءسىڭىستى كىناراتتار مەن قاساڭ دەرتتەردى رەتتەپ، جونگە سالۋ، قاھارماندىق رۋحتى اسقاقتاتۋ“ سىندى ءتورت ءتۇيىندى ماڭىزدى مىندەتتى كورنەكتىلەندىرىپ، ساياسي - زاڭ قوسىنىنىڭ ساياسي ەكولوگياسىنىڭ ونان ارى ساپالىلانۋىن، ءتارتىپ ستيلىنىڭ ونان ارى جاقسارۋىن، ساپا - قابىلەتىنىڭ ونان ارى كۇشەيۋىن كۇش سالا ىلگەرىلەتىپ، ساياسي - زاڭ قوسىنىنىڭ شارتسىز ادالدىعىنا، شارتسىز كىرشىكسىزدىگىنە، شارتسىز سەنىمدىلىگىنە شىنايى كەپىلدىك ەتىپ، بارلىق ارەكەتتە باس شۋجي شي جينپيڭنىڭ جانە پارتيا ورتالىق كوميتەتىنىڭ بۇيرىعى مەن قولباسشىلىعىنا قۇلاق اسۋ كەرەك. ”ءوزىن تەكسەرگەندەرگە كەڭ بولۋ، تەكسەرىلگەندەرگە قاتاڭ بولۋ“ ساياساتتىق باعدارىن دالمە - ءدال يگەرىپ، وتكەنگىدەن ساباق الىپ، كەيىنگىگە عيبرات ەتۋدى، اۋرۋدى ەمدەپ ادام قۇتقارۋدى كوزدەپ، باسىم كوپ ساندىلارىنا تاربيە بەرىپ، وتە از ساندىلارىن جازالاپ، ساياسي ونىمدىلىكتىڭ، ءتارتىپ - زاڭ ونىمدىلىگىنىڭ، قوعامدىق ونىمدىلىكتىڭ بىرلىگىنە شىنايى كەپىلدىك ەتۋ كەرەك.
چىن چۋانگو بىلاي دەپ باسا دارىپتەدى: پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، ساياسي قۇرىلىس سىندى ماڭداي الدى مىندەتتى تىعىز ارقاۋ ەتىپ، شەشۋشى بۋىندارمەن تىعىز بايلانىستىرىپ، يدەيالىق جەتەكشىلىكتى كۇشەيتىپ، ماسەلەلەردى رەتتەۋ - وزگەرتۋدى تەرەڭدەتىپ، ۇدايىلانعان، باياندى مەحانيزمدى اقاۋسىزداندىرىپ، كەمەلدەندىرىپ، تاربيەلەۋ، رەتتەۋ مىندەتتەرىنىڭ تياناقتانۋىن ويداعىداي يگەرۋ كەرەك. ۇيرەنۋ - تاربيەنى ويداعىداي يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە ءتۇسىنۋدى ءتۇبىرلى مىندەت ەتۋگە تاباندى بولىپ، ساياسي تاربيەنى، پارتيا تاريحىن ۇيرەنۋ تاربيەسىن، ساقتىق تاربيەسىن، ۇزدىك تيپتەر تاربيەسىن ىشكەرىلەي ورىستەتىپ، ادال، كىرشىكسىز بولۋداعى، جاۋاپكەرلىك ارقالاۋداعى ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇش سالا كۇشەيتۋ كەرەك. تەكسەرۋدى، تۇزەتۋدى، رەتتەۋدى، وزگەرتۋدى ويداعىداي يگەرىپ، ماسەلەنى باعدار ەتۋگە تاباندى بولىپ، نازاردى ءسىڭىستى كىناراتتار مەن قاساڭ دەرتتەرگە شوعىرلاندىرىپ، باتىلدىقپەن شىنداپ كىرىسىپ قيىندىقتارمەن ايقاسىپ، تەكسەرۋدىڭ، تۇزەتۋدىڭ، رەتتەۋدىڭ، وزگەرتۋدىڭ ناقتى ناتيجەگە قول جەتكىزۋىن ىلگەرىلەتۋ كەرەك. قورىتىندىلاۋدى، دەڭگەيدى جوعارىلاتۋدى ويداعىداي يگەرىپ، حالىقتى وزەك ەتۋگە تاباندى بولىپ، امالياتتىڭ سىنىنان وتكىزۋ، بۇقارا باعالاۋ ولشەمىنە تاباندى بولىپ، اشىق - جاريا تۇردە تاربيەلەپ، رەتتەپ، ناتيجەسىن ساراپتاۋدى عىلمي ورىستەتىپ، ماسەلەلەردى رەتتەۋ - وزگەرتۋدى ۇزدىكسىز تەرەڭدەتىپ، ەرەجە بەلگىلەۋدى، ءتۇزىم جاساۋدى كۇش سالا ويداعىداي يگەرىپ، بۇقاراعا ناقتى ونىمدىلىكتى سەزىندىرۋ كەرەك.
چىن چۋانگو بىلاي دەپ اتاپ كورسەتتى: ساياسي جاۋاپكەرشىلىكتى كۇشەيتىپ، ساياسي - زاڭ قوسىنىن تاربيەلەۋگە، رەتتەۋگە ۇيىمدىق باسشىلىقتى شىنايى كۇشەيتۋ كەرەك. اۆتونوميالى رايوندىق پارتكوم جالپى جاقتان جاۋاپتى بولۋ، ءار دارەجەلى پارتكومدار تاربيەلەۋدىڭ، رەتتەۋدىڭ تۇلعالىق جاۋاپكەرشىلىگىن كۇشەيتىپ، پارتكومدارداعى نەگىزگى جاۋاپتى جولداستاردىڭ ءبىرىنشى جاۋاپتى ادامدىق جاۋاپكەرشىلىگىن قاتايتۋ كەرەك، ءار دارەجەلى پارتكومداردىڭ ساياسي - زاڭ كوميتەتتەرى مەن ساياسي - زاڭ ورىندارىنداعى پارتيا ۇيىمدارى ءوز جەرىندەگى، ءوز ورنىنداعى تاربيە، رەتتەۋ جۇرگىزۋ قىزمەتىن ناقتى ۇيىمداستىرىپ ورىستەتۋ، ءارقايسى قاتىستى تاراۋلار جۇمىلا يگەرىپ، بىرگە باسقارىپ، بىرىككەن كۇش قالىپتاستىرۋ كەرەك. ءارقايسى جەتەكشىلىك ەتۋ گرۋپپالارى ساتىلار، تۇرلەر بويىنشا دالمە - ءدال جەتەكشىلىك ەتىپ، ءىس جۇزىندىك ماسەلەلەردى كۇش سالا شەشۋى كەرەك. قوعامدىق پىكىر جەتەكشىلىگىن كۇشەيتىپ، تاربيەلەۋ، رەتتەۋ ءۇشىن تاماشا قوعامدىق پىكىر اۋقىمىن قالىپتاستىرۋ كەرەك.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوننىڭ ساياسي - زاڭ قوسىنىن تاربيەلەۋ، رەتتەۋ باسشىلىق گرۋپپاسىنىڭ ورىنباسار باستىقتارى، مۇشەلەرى جانە كەڭسەدەگى قاتىستى جاۋاپتى جولداستار، تۇيىندە تۇرىپ جەتەكشىلىك ەتۋ گرۋپپالارىنىڭ باستىقتارى، اۆتونوميالى رايوندىق ساياسي - زاڭ كوميتەتىندەگى، اۆتونوميالى رايوننىڭ ساياسي - زاڭ ورىندارىنداعى قاتىستى جاۋاپتى جولداستار،ت.ب نەگىزگى ءماجىلىس ورنىندا ماجىلىسكە قاتىناستى.
