تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىز ينتەرنەت جەلىسىنەن سىرت زات ساتىپ العاندا زاتتى سەبەپسىز قايتارۋ جونىندەگى نۇسقامانى جاريالادى (سىناق رەتىندە اتقارىلادى)

  رايونىمىز ينتەرنەت جەلىسىنەن سىرت زات ساتىپ العاندا زاتتى سەبەپسىز قايتارۋ جونىندەگى نۇسقامانى جاريالادى (سىناق رەتىندە اتقارىلادى)

  تۇتىنۋشىلاردىڭ جەلىدەن سىرت تۇتىنۋدا ”وكىنۋ ۇقىعى“ بولاتىن بولدى

  انار بۇلت / شينجياڭ گازەتىنىڭ ءتىلشىسى يۇي شي 3 - ايدىڭ 15 - كۇنى ۇرىمجىدەن حابارلايدى. 3 - ايدىڭ 15 - كۇنى «اۆتونوميالى رايوننىڭ جەلىدەن سىرت زات ساتىپ العاندا زاتتى سەبەپسىز قايتارۋ جونىندەگى نۇسقاماسى (سىناق رەتىندە اتقارىلادى)» (تومەندە قىسقارتىلىپ «نۇسقاما (سىناق رەتىندە اتقارىلادى)» دەلىنەدى) جاريالاندى، بۇل بۇكىل شينجياڭ كولەمىندەگى جەلىدەن سىرت ناقتى دۇكەندەردە زاتتى سەبەپسىز قايتارۋدى ىلگەرىلەتەدى، ”زاتتى سەبەپسىز قايتارۋ“ تۇتىنۋشىلاردىڭ جەلىدەن سىرت تۇتىنۋدا ”وكىنۋ ۇقىعى“ بولۋىنا مۇمكىندىك جاراتتى.

  «نۇسقاما (سىناق رەتىندە اتقارىلادى)» بويىنشا، تۇتىنۋشىلار جەلىدەن سىرت زات ساتىپ العاندا زاتتى سەبەپسىز قايتارۋعا ساياتىن تۇتىنۋ دەگەندە تۇرمىستىق تۇتىنۋدىڭ قاجەتى ءۇشىن تاۋار ساتىپ الۋ، پايدالانۋ ارەكەتى مەڭزەلەدى؛ زاتتى سەبەپسىز قايتارۋعا ۋادە بەرگەن تيجاراتشىلار ”زاتتى سەبەپسىز قايتارۋعا ۋادە بەرگەن ورىن“ دەگەن ورتاق بەلگىنى اشىق كورسەتىپ قويۋ ءارى ۋادە مازمۇنى، سەبەپسىز قايتارۋعا بولاتىن تاۋارلاردىڭ ءتۇرى، كولەمى، زاتتى قايتارۋ شارتى، زاتتى قايتارۋ ءتارتىبى جانە قاتىستى تۇسىندىرمەسى سياقتىلاردى جاپسىرۋ، ءىلۋ، قويۋ سياقتى فورمالارمەن تيجارات ورنىنداعى كورنەۋ ورىنعا اشىق كورسەتىپ قويۋى؛ تاۋارلاردى ساتۋ بارىسىندا، تيجاراتشىلار مەن ساتۋشى قىزمەتكەرلەر تۇتىنۋشىلارعا ءوز دۇكەندەرىندەگى سەبەپسىز قايتارۋعا بولاتىن تاۋارلاردىڭ كولەمى، زاتتى قايتارۋ ۋاقىت شەگى جانە زاتتى قايتارۋ شارتى، زاتتى قايتارۋ ءتارتىبى سياقتىلار جونىندەگى كوڭىل بولەتىن ىستەردى ەگجەي - تەگجەيلى ءتۇسىندىرۋى؛ جەلىدەن سىرت زات ساتىپ العاندا زاتتى سەبەپسىز قايتارۋ ۋادەسىنىڭ ۋاقىتى ەڭ ارى بولعاندا 7 كۇن بولادى، جەلىدەن سىرت ناقتى دۇكەندەردى زاتتى سەبەپسىز قايتارۋ ۋادەسىن ءتىپتى دە ۇزاق ۋاقىتقا سوزۋعا شابىتتاندىرۋ؛ تۇتىنۋشىلاردىڭ قايتارعان تاۋارى ەش بۇلىنبەگەن بولۋى، تيجاراتشىنىڭ قايتالاي ساتۋىنا ىقپال ەتپەۋى كەرەك. تاۋاردىڭ ساپاسى، رولى، سىرتقى كورىنىسى اۋەلگى قالپىندا ساقتالعان، تاۋاردىڭ ءوز باسى، بولشەكتەرى، ساۋدا ماركاسى، تاڭباسى، سيلىق بۇيىمدار (ەگەر بار بولسا)، جوندەۋ كارتچكاسى، تۇسىندىرمەسى، تالونى (ەگەر بار بولسا)، سىرتقى قورابى (ەگەر بار بولسا) سياقتىلار تولىق بولسا، تاۋار ەش بۇلىنبەگەن سانالادى.

  مۇنان سىرت، «نۇسقاماعا (سىناق رەتىندە اتقارىلادى)» نەگىزدەلگەندە، تيجاراتشى تۇتىنۋشىنىڭ تاۋار ساتىپ الۋى ءوز باسىنىڭ تۇرمىستىق قاجەتى ءۇشىن ەمەس ەكەندىگىن، ياكي ادالدىق، سەنىمدىلىك پرينسيبىنە قايشى كەلگەندىگىن نەمەسە بوگدە نيەتتە بولۋ جاعدايى ورىن تەپكەندىگىن بايقاعان بولسا، تيجاراتشىنىڭ زاتتى قايتارىپ الۋدان باس تارتۋىنا بولادى؛ زاتتى سەبەپسىز قايتارۋ سالدارىنان تۇتىنۋ داۋ - شارى تۋىلسا، تۇتىنۋشىنىڭ سول جەردەگى بازار باقىلاۋ - باسقارۋ تاراۋلارىنىڭ نەمەسە تۇتىنۋشىلاردىڭ ۇقىق - مۇددەسىن قورعاۋ ۇيىمدارىنىڭ جاراستىرۋىن ءوتىنىش ەتۋىنە بولادى.

  اۆتونوميالى رايوندىق بازار باقىلاۋ - باسقارۋ مەكەمەسى ينتەرنەت ساۋداسىن باقىلاۋ - باسقارۋ باسقارماسىنىڭ جاۋاپتىسى كۇڭ جۇن بىلاي دەدى: كەزەكتە ەلىمىزدە ينتەرنەت سياقتى الىس ارالىقتان زات ساتىپ العاندا ”7 كۇن ىشىندە زاتتى سەبەپسىز قايتارۋ“ قىزمەت وتەۋىنەن يگىلىكتەنۋگە بولادى، الايدا جەلىدەن سىرت ناقتى دۇكەندەردەن زات ساتىپ الۋدا ”زاتتى سەبەپسىز قايتارۋ“ بەلگىلەمەسى ءالى شىعارىلمادى. تۇتىنۋ كەشىرمەسىن جاقسارتۋدىڭ، تۇرعىنداردى تۇتىنۋدى كەڭەيتۋگە جەتەلەۋدىڭ، الاڭسىز تۇتىنۋدىڭ ماڭىزدى شاراسى رەتىندە، رايونىمىز جەلىدەن سىرت زات ساتىپ العاندا زاتتى سەبەپسىز قايتارۋعا قىزمەت وتەۋدى جولعا قويۋدى دارىپتەدى، ماقساتى − تۇرعىنداردىڭ تۇتىنۋ سەنىمىن كۇشەيتۋ، تۇتىنۋ قۋاتىن جوعارىلاتۋ، تۇتىنۋ كومەسكى كۇشىن قوزعاۋ.

  ۇعىسۋعا قاراعاندا، بۇكىل شينجياڭدا جەلىدەن سىرت زات ساتىپ العاندا زاتتى سەبەپسىز قايتارۋدى ىلگەرىلەتۋ ءۇشىن، رايونىمىز ”زاتتى سەبەپسىز قايتاراتىن ورىنداردىڭ يكەمدى ءتىزىمى قامباسىن“ قۇرۋعا جانە ونى اقاۋسىزداندىرۋعا كۇش سالعان. بۇكىل شينجياڭنىڭ جەر - جەرىندەگى بازار باقىلاۋ - باسقارۋ تاراۋلارى تۇتىنۋ كەشىرمەسى، قوعامدىق باقىلاۋ، اكىمشىلىك تەكسەرۋ، تۇتىنۋ ارىز - شاعىمى سياقتى بۋىندارعا يكەمدى باقىلاۋ جۇرگىزىپ، كاسىپورىنداردى بورىشىن مۇقيات اتقارۋعا قۋزاپ، تۇتىنۋشىلاردىڭ زاڭدى ۇقىق - مۇددەسىن قورعايدى ەكەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.