انار بۇلت / شينجياڭ گازەتىنىڭ ءتىلشىسى جاۋ شييا
جۇمىستاندىرۋدىڭ ءبىر جاعى ەكونوميكالىق دامۋمەن بايلانىستى بولسا، ەندى ءبىر جاعى، بۇقارانىڭ قۇت - ىرىسىمەن بايلانىستى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، كەدەيلىكتەن ارىلتۋدان قامال الۋ مەن جۇمىستاندىرۋدى جەبەۋ سىندى 2 ءىرى ءىستى تاباندىلىقپەن ويداعىداي يگەرۋ كەرەك، - دەپ باسا دارىپتەدى.
جۇمىستانۋ حالىق تۇرمىسىنىڭ نەگىزى، ”التىنى ورنىقتىرۋ“ قىزمەتىن ويداعىداي ىستەۋدە، ەڭ اۋەلى، جۇمىستانۋدى ورنىقتىرۋ كەرەك. رايونىمىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جالپى بەتتىك دايەكتىلەندىرىپ، تياناقتاندىرىپ، جۇمىستاندىرۋ ارقىلى حالىقتى يگىلىككە كەنەلتۋ ساياساتتىق ۇسىنىلىمىنىڭ تەبىنىن ۇزدىكسىز ارتتىرىپ، جۇمىس ورىندارىن ورنىقتىرۋدىڭ، جۇمىستانۋدى قامتاماسىز ەتۋدىڭ ”سەنترلەس شەڭبەرىن“ ويداعىداي سىزدى. بىلتىر بۇكىل رايونداعى قالا، قالاشىقتاردا 461 مىڭ 100 ادام جاڭادان جۇمىستانىپ، اۋىل - قىستاقتارداعى ارتىق ەڭبەككۇشتەر 3 ميلليون 154 مىڭ 700 ادام - رەت باسقا كاسىپكە ويىسىپ جۇمىستانىپ، جىلدىق نىسانا مىندەت جەكە - جەكە ％102.47، ％116.84 ورىندالىپ، بۇكىل رايوننىڭ جۇمىستانۋ جاعدايى ورنىقتى، جاقسى بولدى.
جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا، شارۋاشىلىق قۇرۋىنا جەتەكشىلىك ەتتى
”سالەمەتسىزدەر مە، كوپشىلىك، مەن سىزدەردىڭ سىرالعى دوستارىڭىز حۋاڭ ۋىن بولامىن، بۇگىن كوپشىلىككە ءبىر ەرىن بوياعىشتى الا كەلدىم، قازىر زاكاز بەرسەڭىزدەر ％20 ارزانداتىلادى...“ 3 - ايدىڭ 12 - كۇنى 90 - جىلداردىڭ تۇلەگى حۋاڭ ۋىن دوۋيىن تىكە تاراتۋ تۇعىرىندا توردوستارى مەن جانكۇيەرلەرىنە ەڭ جاڭا ۇلگىدەگى ەڭلىك بۇيىمدارىن تانىستىردى.
بىلتىر شارۋاشىلىق قۇرۋ كەپىلدىك نەسيە ساياساتىنىڭ قولداۋىندا، جوعارى مەكتەپ وقۋشىسى حۋاڭ ۋىن 200 مىڭ يۋان نەسيە الىپ، شارۋاشىلىق قۇرۋ ارمانىن جۇزەگە اسىردى. قازىر ونىڭ ەڭلىك بۇيىمدارىن ساتۋ سەرىكتەستىگىنىڭ ايلىق ساتۋ سوماسى 500 مىڭ يۋان اينالاسىنا جەتۋمەن بىرگە، 21 ادامدى جۇمىستاندىردى.
جوعارى مەكتەپتەن وقۋ تاۋىسقان وقۋشىلاردىڭ جۇمىستانۋى سان مىڭداعان وتباسىلارىنا سايادى. 2020 - جىلى جاڭا تيپتى ايدارشا ۆيرۋس وكپە قابىنۋ ىندەتى جوعارى مەكتەپتەن وقۋ تاۋىسقان وقۋشىلارعا ىقپال جاسادى، رايونىمىز جۇمىستانۋعا، شارۋاشىلىق قۇرۋعا قىزمەت وتەۋدى جاقسارتىپ، قىزمەت ءتاسىلىن، ءادىس - امالىن رەتتەپ، ينتەرنەت جەلىسىندە قىزمەت وتەۋ تەبىنىن ارتتىرىپ، جوعارى مەكتەپتەن وقۋ تاۋىسقان وقۋشىلاردىڭ ەرتەرەك جۇمىستانۋىنا، دەر كەزىندە جۇمىستانۋىنا دەم بەردى.
كاسىپورىنداردىڭ جوعارى مەكتەپتەن وقۋ تاۋىسقان وقۋشىلاردى جۇمىستاندىرۋداعى نەگىزگى ارنالىق رولىن تولىق ساۋلەلەندىرۋ ءۇشىن، اۆتونوميالى رايون ”كەشىرىم ەتۋ، ازايتۋ، كەشەۋىلدەتۋ، قايتارۋ، تومەندەتۋ، تولىقتاۋ، ۇزارتۋ“ سياقتى كاسىپورىنداردىڭ قيىنشىلىعىن شەشۋ ساياساتتارىن بەلسەندىلىكپەن تياناقتاندىرىپ، شارتقا ۇيلەسەتىن كاسىپورىندارعا قاراتا جۇمىسقا قابىلداۋداعى قوعامدىق قامسىزداندىرۋ جاردەماقىسى، جۇمىسقا قابىلداۋ ءبىر رەتتىك جاردەماقى، كاسىپتىك باۋلۋ جاردەماقىسى سياقتى قولداۋ ساياساتتارىن دەر كەزىندە تياناقتاندىرىپ، كاسىپورىنداردى جوعارى مەكتەپتەن وقۋ تاۋىسقان وقۋشىلاردى جۇمىستاندىرۋعا شابىتتاندىردى. بىلتىر جىل اياعىنا دەيىن كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋ اقىسىنان جالپى 13 ميلليارد 598 ميلليون يۋان ازايتىلدى، كەشىرىم ەتىلدى.
”ءبىز جوعارى مەكتەپتەن وقۋ تاۋىسقان وقۋشىلاردى نەگىزگى ساتىدا شىنىقتىرۋ جوسپارىن، ’ءۇشتى قولداۋ، ءبىردى سۇيەمەلدەۋ‘ جوسپارىن ۇزدىكسىز اتقارىپ، ءتۇرلى قوسىمشا قاراجات جانە قىزمەت وتەۋ مەرزىمى تولعاندا ەمتيحان الىپ قابىلداۋ سياقتى ساياساتتاردى تياناقتاندىرۋ ارقىلى جوعارى مەكتەپتەن وقۋ تاۋىسقان وقۋشىلاردى نەگىزگى ساتىعا بارىپ جۇمىستانۋعا بەلسەندىلىكپەن جەتەكتەدىك“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ جاۋاپتىسى بىلاي دەپ تانىستىردى: 2020 - جىلى شينجياڭ ”ءۇشتى قولداۋ، ءبىردى سۇيەمەلدەۋ“ بويىنشا جيىنى 2152 قىزمەتكەردى نەگىزگى ساتى ءبىرىنشى شەبىنە بارىپ قىزمەت وتەۋگە قابىلدادى. ساياساتتىڭ جەتەكشىلىگىندە، ءتىپتى دە كوپ جوعارى مەكتەپتەن وقۋ تاۋىسقان وقۋشىلار نەگىزگى ساتىعا تامىر تارتىپ، جاستىق ورالدارىن ارناپ، ارماندارىن جۇزەگە اسىردى.
قازىرگە دەيىن شينجياڭداعى رايونعا قاراستى جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋ مولشەرى ％89.05كە جەتىپ، بەلگىلەنگەن نىسانا، مىندەت ورىندالدى.
100 مىڭ ادامدى جۇمىستاندىرۋ جوسپارى الدىن الا ورىندالدى
3 - ايدىڭ 14 - كۇنى تاڭەرتەڭ كەلپىن اۋدانى يۇىرچي اۋىلى توما ارىق قىستاعىنداعى شينجياڭ الينۇر نان مادەنيەتى عىلىم - تەحنيكا شەكتى سەرىكتەستىگىنىڭ زاۆود ۇيىندە ناننىڭ حوش ءيىسى اڭقىپ، ناۋباي عۇلامجان ءمۇتالىپ توناردان ىپ - ىستىق نانداردى ەپپەن الىپ شىعىپ جاتتى.
36 جاستاعى عۇلامجان توما ارىق قىستاعىنىڭ تۇرعىنى، بۇرىن ءوز ۇيىندە نان جاباتىن ونىڭ كىرىسى ماردىمسىز بولاتىن. بىلتىر قىستاق ”ەكى كوميتەتى“ ونىڭ وتباسىنىڭ ءىس جۇزىندىك جاعدايىنا نەگىزدەلىپ، ”ءبىر ادامعا، ءبىر شارا“ بەلگىلەپ كەدەيلەردى دالمە - ءدال سۇيەمەلدەۋ شاراسىن جەر جاعدايىنا قاراي اتقارىپ، ونى سەلبەستىك كووپەراتيۆكە مۇشە بولۋعا شابىتتاندىردى، قازىر ول ايىنا 8000 يۋان كىرىس كىرگىزەدى. ”ءۇي ماڭىنان - اق اقشا تابامىن دەپ ويلاماعان ەكەنمىن، قازىر مەن اۆتوكولىك ساتىپ الدىم، تاعى 5 شاكىرت قابىلدادىم“، - دەدى ءبىر جىلداعى وزگەرىستەرىن تىلگە العاندا جۇزىنەن شاتتىق لەبى ەسكەن عۇلامجان.
ءوز جەرىندە، جاقىن ماڭدا، ءوڭىر اتتاتىپ باسقا كاسىپكە ويىستىرىپ جۇمىستاندىرۋ سياقتى كوپ ارنامەن جۇمىستاندىرۋ − كەدەي ەڭبەككۇشتەردى كەدەيلىكتەن ارىلتىپ، كىرىسىن ارتتىرۋداعى ماڭىزدى ارنا. اۆتونوميالى رايون نازاردى وڭتۇستىك شينجياڭنىڭ اۋىر كەدەي اۋداندارىنداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەرگە شوعىرلاندىرىپ، جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوباسىن اتقاردى: 2018 - جىلدان 2020 - جىلعا دەيىن ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 227 مىڭ ادامدى باسقا كاسىپكە ويىستىرىپ جۇمىستاندىردى.
كەدەي وتباسىلارىنداعى ەڭبەككۇشتەردىڭ جۇمىستانۋ شەبەرلىگىن كۇشەيتۋ ءۇشىن، رايونىمىز جۇمىستاندىرۋ ارقىلى كەدەيلەردى سۇيەمەلدەۋ بويىنشا باۋلۋ، جەبەۋ جوسپارىن اتقارىپ، ”شەبەرلىك + مەملەكەتتە ءبىر تۇتاس قولدانىلاتىن ءتىل - جازۋ + نەگىزگى ەڭبەك ساپاسى“ قۇراما ۇلگىسىندە باۋلۋدى زور كۇشپەن ورىستەتتى. بىلتىر كەدەي ەڭبەككۇشتەرگە 391 مىڭ 100 ادام - رەت باۋلۋ جۇرگىزىلدى، بۇل الدىنداعى جىلداعىدان 149 مىڭ 700 ادام - رەت ارتىق بولىپ، ارتۋ شاماسى ％62.01كە جەتتى.
”وڭتۇستىك شينجياڭنىڭ 4 ايماق - وبلىسىندا 3 جىلدا 100 مىڭ كەدەي حالىقتى جۇمىستاندىرۋ جوسپارى مەجەدەن ءبىر جىل بۇرىن ارتىعىمەن ورىندالدى، سولتۇستىك شينجياڭداعى، شىعىس شينجياڭداعى 10 ايماق، وبلىس، قالانىڭ وڭتۇستىك شينجياڭداعى 50 مىڭ كەدەي ەڭبەككۇشتىڭ باسقا كاسىپكە ويىسىپ جۇمىستانۋىن قابىلداۋ مىندەتى جاپپاي ورىندالدى“. بيىلعى اۆتونوميالى رايوننىڭ ۇكىمەت قىزمەتىنەن باياندامادا ايقىن سان - سيفرلار رايونىمىزدىڭ جۇمىستاندىرۋ ارقىلى كەدەيلەردى سۇيەمەلدەۋ ونىمدىلىكتەرىنە كۋا بولدى.
شەبەرلىككە باۋلۋ جۇمىستانۋ سەنىمىن ارتتىردى
قاشقار قالاسىنداعى ءبىر كيىم - كەشەك زاۆودىندا انيپاگۇل ءومار جۇمىسشىلار تىككەن كيىمدەرىن تەكسەرۋدە.
”مەنىڭ نىسانام سەح مەڭگەرۋشىسى بولۋ!“، - دەدى 3 - ايدىڭ 10 - كۇنى، كەزىندە وتباسى ايەلى بولىپ ۇيىندە وتىراتىن انيپاگۇل نىق سەنىممەن. باۋلۋدان كەيىن قىزمەتكە شىققان ول، قىزمەتكە شىققانىنا ءبىر جىل بولماي جاتىپ ەكى ءوندىرىس جەلىسىنە جاۋاپتى گرۋپپا باستىعىنا اينالىپ، ايلىق ەڭبەكاقىسى 4000 يۋاننان استى.
بىلتىر 6 - ايدا قۇمىل قالاسى يجوۋ رايونى استانا قالاشىعى گۇڭشاڭ قىستاعىنىڭ تۇرعىنى ۋاڭ شياۋلۇڭ جەرگىلىكتى ورىن ۇيىمداستىرعان شەبەرلىككە باۋلۋ كۋرسىنان وقۋ بىتىرگەننەن كەيىن، جۇڭفۋ ليانجۇڭ (قۇمىل) بىرىكپە ماتەريالدار شەكتى سەرىكتەستىگىنە جۇمىسقا قابىلدانىپ، ەلەكتر دانەكەرلەۋ شەبەرلىگى جۇمىسشىسى بولىپ، ايىنا 4500 يۋان ەڭبەكاقى الدى. ”شەبەرلىككە باۋلۋ كۋرسىنان وقۋ بىتىرە سالا كاسىپورىن كەلىپ جۇمىسقا قابىلدايدى دەپ ويلاماپپىن، قازىر شەبەرلىككە يە بولعاننان كەيىن قىزمەتتەگى سەنىمىم ارتا ءتۇستى“، - دەدى ۋاڭ شياۋلۇڭ سەنىممەن.
بويدا شەبەرلىك، قولدا كۋالىك بولعاندىقتان، بايۋ جولدارى اشىلىپ، جاي وتباسىلارىنىڭ تاماشا كەلەشەگىن كەسكىندەدى. انيپاگۇلدىڭ، ۋاڭ شياۋلۇڭنىڭ جۇمىستانۋ حيكاياسى رايونىمىزدىڭ شەبەرلىككە باۋلىپ جۇمىستانۋدى جەبەۋدى اتقارعاندىعىنىڭ جاندى تۇسىندىرمەسى.
ەڭبەككۇشتەردىڭ ساپاسىن ۇزدىكسىز جوعارىلاتۋعا تاباندى بولۋ − جۇمىستانۋ ساپاسىن جوعارىلاتۋداعى، بۇقارانىڭ كىرىسىن ارتتىرۋداعى ماڭىزدى تۇتقا. ورنىقتى جۇمىستانۋدى جەبەپ، قۇرىلىمدىق جۇمىستانۋ قايشىلىعىن شەشۋ ءۇشىن، جۋىرداعى جىلداردان بەرى رايونىمىز ءتۇرلى ادامداردى شەبەرلىككە باۋلۋ تەبىنىن ارتتىرىپ، ءتىپتى دە كوپ ەڭبەكشىلەردىڭ شەبەرلىك ارقىلى جۇمىستانۋ، شەبەرلىك ارقىلى كىرىسىن ارتتىرۋ، شەبەرلىك ارقىلى دارىندىعا اينالۋ جولىنا تۇسۋىنە مۇمكىندىك جاسادى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، بىلتىر رايونىمىز ءتۇرلى شەبەرلىككە باۋلۋ كۋرسى بويىنشا ءبىر ميلليون 231 مىڭ 400 ادام - رەت تاربيەلەپ، جىلدىق نىسانا مىندەتتى ％111.95 ەتىپ ورىنداعان.
ورنىقتى جۇمىستانعاندا عانا بۇقارا باقىتتى، تاماشا تۇرمىسقا يە بولادى. ”14 - بەسجىلدىق“ باستالاتىن جىلى رايونىمىز ورنىقتىلىقتى جانە جۇمىستاندىرۋدى كەڭەيتۋدى ۇزدىكسىز قىزمەتتىڭ نەگىزگى جەلىسى ەتىپ، جۇمىستاندىرۋدى كەڭەيتۋ ارقىلى حالىقتى يگىلىككە كەنەلتۋ ينجەنەرياسىن اتقارىپ، شارۋاشىلىق قۇرۋ ارقىلى جۇمىستاندىرۋدى جەبەۋ، ءتۇيىندى شوعىرلاردى جۇمىستاندىرىپ كومەكتەسىپ - سۇيەمەلدەۋدى ويداعىداي ىستەۋ، الەۋمەتتىك جۇمىستانۋعا، شارۋاشىلىق قۇرۋعا قىزمەت وتەۋدى كۇشەيتۋ سياقتى شارالاردى ويداعىداي يگەرۋ ارقىلى قالا، قالاشىقتاردا 460 مىڭنان استام ادامدى جاڭادان جۇمىستاندىرىپ، اۋىل - قىستاقتاعى ارتىق ەڭبەككۇشتەردەن 2 ميلليون 750 مىڭنان استام ادام - رەت باسقا كاسىپكە ويىستىرىپ جۇمىستاندىردى، رايونعا قاراستى ادەتتەگى جوعارى مەكتەپتەردەن بيىل وقۋ تاۋىساتىن وقۋشىلاردىڭ جۇمىستانۋ مولشەرى ％88كە جەتىپ، ورنىقتى جۇمىستانۋ، كىرىستىڭ ارتۋى بۇقارانىڭ تابىس سەزىمىنىڭ، باقىت سەزىمىنىڭ اناعۇرلىم تولىق بولۋىنا مۇمكىندىك جاسادى.
