تيانشان تورى   ›   جاڭالىقتار   ›   شينجياڭ حابارلارى

جەل ەلەكتر مەن فوتو ەلەكتر ءبىرىن - ءبىرى تولىقتادى، ەلەكتر قۋاتى جەتكىلىكتى بولدى

    قۇمىل:

    جەل ەلەكتر مەن فوتو ەلەكتر ءبىرىن - ءبىرى تولىقتادى، ەلەكتر قۋاتى جەتكىلىكتى بولدى

    انار بۇلت / شينجياڭ گازەتىنىڭ ءتىلشىسى ءرايدا، قۇمىل تىلشىلەر پۋنكتىنەن شيڭ باۋيۇي

  3 - ايدىڭ 11 - كۇنى قۇمىل قالاسى يجوۋ رايونىنىڭ قالا رايونىنان 70 نەشە كيلومەتر جەردەگى شينجياڭ ەنەرگيا توبى قۇمىل ياندۇن جەل ەلەكتر مەن فوتو ەلەكتر ءبىرىن - ءبىرى تولىقتىراتىن ەلەكتر الاڭىندا، فوتوۆولتتىق كۇن ەنەرگياسى جارىق تاقتايشالارى كۇن نۇرىندا جارقىراپ، جەل گەنەراتورلارى قاتار - قاتار ءتىزىلىپ، جەلمەن اينالىپ ءتۇر.

  بۇل قۇمىلدا قازىر سالىنىپ بولعان جەل ەلەكتر مەن فوتو ەلەكتر ءبىرىن - ءبىرى تولىقتايتىن ەڭ ۇلكەن ەلەكتر الاڭى، وسى ەلەكتر الاڭى گەنەراتور اگراگاتتارىنىڭ جالپى سيىمدىلىعى 300 مىڭ كيلوۆات - ساعات، مۇنىڭ ىشىندە جەل ەلەكتر گەنەراتور اگراگاتتارى 200 مىڭ كيلوۆات - ساعات، فوتوۆولتتىق گەنەراتور اگراگاتتارىنىڭ سيىمدىلىعى 100 مىڭ كيلوۆات - ساعات، ورتا ەسەپپەن جىلىنا جەل ەلەكترى مولشەرمەن 350 ميلليون كيلوۆات - ساعات ەلەكتر شىعارادى، فوتوۆولت ارقىلى مولشەرمەن 150 ميلليون كيلوۆات - ساعات ەلەكتر شىعارادى.

  شينجياڭ ەنەرگيا توبى قۇمىل ياندۇن جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر الاڭىنىڭ شوعىرلى تىزگىندەۋ عيماراتىنىڭ ورتالىق تىزگىندەۋ كەڭسەسىنە كىرسەڭىز، ەكرانداردا جەل كۇشىنەن پايدالانىپ ەلەكتر شىعارۋ مەن كۇن ەنەرگياسىنان پايدالانىپ ەلەكتر شىعارۋ ساندى مالىمەتتەرى كورسەتىلىپ تۇر، جۇمىسقا جاۋاپتى قىزمەتكەر جەل كۇشى، كۇن ەنەرگياسى ەلەكتر قۋاتىنىڭ ناقتى جاعدايىن دەر كەزىندە حابارلاندىرىپ وتىر. كەزەكشى ياڭ ۋي بىلاي دەدى: ”ءار كۇنى 24 ساعات كۇزەتشى تۇرادى، كەزەكشى قىزمەتكەر ارتقى تۇعىرداعى اينالىم ساندى مالىمەتتەرمەن جانە جۇمىس باسىنداعى قىزمەتكەرلەرمەن ۇشتاسۋ ارقىلى كلتيپانداردى دەر كەزىندە ءبىر جايلى ەتەدى“.

  سوڭعى جىلدارى جاڭا ەنەرگيا سالاسىنىڭ دامۋ ساپاسىن جوعارىلاتۋ ءۇشىن، قۇمىل قالاسى جەرگىلىكتى جاعدايعا قاراي ىستەۋ پرينسيبىنە تاباندى بولىپ، ەنەرگيا نىساندارىن ساپالى بىرىكتىرىپ، جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر الاڭى جەل ەنەرگياسى مەن جارىق ەنەرگياسىن اشۋدى ورگانيكالى ۇشتاستىرۋدىڭ ۇلگىسىنە اينالدى.

  ءتىلشىنىڭ ۇعىسۋىنشا، وسى ەلەكتر الاڭى شينجياڭداعى ەرتەرەكتەگى جەل كۇشى مەن كۇن ەنەرگياسىنىڭ ءبىرىن - ءبىرى تولىقتاۋىنان ءبىر ۋاقىتتا پايدالانعان ەلەكتر الاڭى ەكەن، 47 شارشى كيلومەتر اۋماق ىشىنە 500 مىڭعا تاياۋ كوپ كريستالدى كرەمني تاقتا رەتتى تىزىلگەن، ال سول جاعىنا بۇرىش بويىنشا 132 جەل كۇشىمەن ەلەكتر شىعارۋ گەنەراتورى ورنالاسقان.

  ”جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر الاڭى ءبىرىنىڭ ارتىقشىلىعىن ءبىرى قابىلداپ، كەمشىلىگىن تولىقتايدى، جوبالانۋى جونىنەن العاندا، ءبىر ءتۇرلى ءوزارا تولىقتاۋ، تۇندە كۇن نۇرى بولماسا دا جەل ەلەكترى ۇزدىكسىز ەلەكتر شىعارادى، ال كۇندىز جەل بولماسا، فوتوۆولت ءوزارا تولىقتاپ ەلەكتر شىعارادى، جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر شىعارۋ ءتاسىلى بىرتىندەپ جالپىلاستىرىلۋدا“، - دەدى قۇمىل ياندۇن جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر الاڭى پۋنكتىنىڭ ورىنباسار باستىعى ياڭ جىلۇڭ.

  ياڭ جىلۇڭ بىلاي دەپ تانىستىردى: قۇمىل ياندۇن جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر الاڭىنىڭ تەڭىز دەڭگەيىنەن ورتاشا بيىكتىگى مولشەرمەن 660 مەتر دە 710 مەتر، نەگىزگى جەل باعىتى شىعىس وڭتۇستىك باعىتتا، جەل كۇشى بايلىعى ءبىرشاما جاقسى؛ ەندىگى سولتۇستىككە قيىس، جەر بەدەرى بيىك، بۇلتتىڭ مولشەرى ءبىرشاما از، اتموسفەرانىڭ اشىقتىعى جاقسى، جىلدىق كۇن نۇرىنىڭ جالپى ءتۇسۋ مولشەرى ءار شارشى مەترىنە 6100 مەگاجوۋل، وسى ارانىڭ جەل كۇشى جانە كۇن ەنەرگياسى بايلىعىنىڭ مول بولۋ ەرەكشەلىگىنە بايلانىستى، قۇمىل ياندۇن جەل ەلەكتر مەن فوتو ەلەكتر ءبىرىن - ءبىرى تولىقتايتىن ەلەكتر الاڭى وسى ارادا سالىندى.

  شينجياڭدا جەل كۇشىمەن ەلەكتر شىعارۋ كۇندىز - ءتۇنى ءوزارا تولىقتاپ قانا قالماستان، تاعى ماۋسىمدىق پارقى بولادى. ءار جىلى كوكتەمدە جەل بايلىعى ەڭ مول، جەل ەلەكترىنىڭ كوكتەم ماۋسىمىنداعى كۇشى ەڭ زور. فوتوۆولتتىڭ جاز ماۋسىمىنداعى ەلەكتر شىعارۋى ەڭ زور، جاز، قىس ەكى ماۋسىم ەلەكتردەن پايدالانۋ كوتەرىمدىلىگىنىڭ جوعارى كەزى، جەل، فوتو ارقىلى ەلەكتر شىعارۋ ەلەكتر قۋاتىنىڭ بىركەلكىسىزدىگى سياقتى ماسەلەسىن شەشەدى.

  ەلەكتر الاڭى قۇرىلعان العاشقى كەزدەن باستاپ وسى ارادا قىزمەت ىستەگەن ياڭ جىلۇڭ بىلاي دەدى: ”ەلەكتر الاڭى جەل ەلەكتر مەن فوتو ەلەكتر ءبىرىن - ءبىرى تولىقتاۋدىڭ ەڭ زور رولىن ساۋلەلەندىرگەنىمەن، قايتكەندە دالمە - ءدال، قاجەتكە ساي ەلەكتر شىعارۋ ماسەلەسى ءبىزدى مازالاپ كەلدى“.

  وسى ماسەلەنى شەشىم ەتۋ ءۇشىن، 2020 - جىلى زەردەلىلەنگەن، شوعىرلاندىرىلعان مەڭگەرۋ جۇيەسى ىسكە قوسىلدى. جۇيە ىسكە قوسىلعاننان كەيىن ورتا ەسەپپەن ءار 10 مىڭ كيلوۆات گەنەراتور اگراگاتتارى %30تەن استام ادام كۇشىن ۇنەمدەيدى، قۇمىلدان جىڭجوۋعا دەيىنگى 800± كيلوۆاتتىق ەرەكشە جوعارى كەرنەۋلى تۇراقتى توك ينجەنەرياسىنىڭ ارقاسىندا، ەلەكتر قۋاتىن سىرتقا جەتكىزۋ جۇزەگە اسىرىلىپ، ەلەكتر بايلىعىنىڭ پايدالانىلۋ دەڭگەيىن ءونىمدى جوعارىلاتىپ، قۇمىلدىڭ جەل كۇشىمەن ەلەكتر شىعارۋدا ەلەكتر تەجەۋ سالىستىرماسى %5تەن تومەنگە ءتۇسىرىلدى، فوتوۆولتتىق ەلەكتر شىعارۋدا ەلەكتر تەجەۋ سالىستىرماسى %3تەن تومەنگە ءتۇسىرىلدى.

  ”تەحنيكالىق جاقتاعى جاڭالىق اشۋ مەن جاقسارتۋ ارقىلى قازىر ءبىزدىڭ كەرنەۋ اۋىستىرۋ پۋنكتتەرىنىڭ ىشىندەگى بىرەۋىندە كۇزەتكە ادام قويىلمايتىن بولدى، قازىر ادامداردىڭ سەپتەلۋى بۇرىنعىمەن سالىستىرعاندا كەمىندە %20 ازايدى“، - دەدى ياڭ جىلۇڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.