تيانشان تورى   ›   جاڭالىقتار   ›   ماڭىزدى حابارلار

«دۇنيە ءجۇزىنىڭ باستى عىلمي ورتالىعىنا جانە جاڭالىق اشۋدىڭ بيىك بەلەسىنە اينالۋعا قۇلشىنايىق»

  «ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

  «دۇنيە ءجۇزىنىڭ باستى عىلمي ورتالىعىنا جانە جاڭالىق اشۋدىڭ بيىك بەلەسىنە اينالۋعا قۇلشىنايىق»

  شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «دۇنيە ءجۇزىنىڭ باستى عىلمي ورتالىعىنا جانە جاڭالىق اشۋدىڭ بيىك بەلەسىنە اينالۋعا قۇلشىنايىق» اتتى ماڭىزدى ماقالاسىن جاريالايدى.

  ماقالادا مىنالار باسا دارىپتەلگەن: عىلىم - تەحنيكا مەملەكەتتىڭ بولاشاعى مەن تاعدىرىنا ەجەلدەن ءدال بۇگىنگىدەي تەرەڭ ىقپال جاساپ كورگەن ەمەس، حالىق تۇرمىسىنىڭ ىرىس - قۇتىنا ءدال بۇگىنگىدەي تەرەڭ ىقپال جاساپ كورگەن ەمەس. جۇڭگو قۇدىرەتتەنۋ، كوركەيۋ ءۇشىن، ءسوزسىز، عىلىم - تەحنيكانى زور كۇشپەن دامىتۋى، دۇنيە ءجۇزىنىڭ باستى عىلمي ورتالىعىنا جانە جاڭالىق اشۋدىڭ بيىك بەلەسىنە اينالۋعا قۇلشىنۋى كەرەك. جاعداي ادامدى ماجبۇرلەيدى، سىن - سايىس ادامدى ماجبۇرلەيدى، بورىش ادامدى ماجبۇرلەيدى. ءبىز دۇنيە جۇزىندە عىلىم - تەحنيكادا قۇدىرەتتى ەل قۇرۋدى تاريحتاعى ءارقانداي مەزگىلدەن ارمان قاجەت ەتەمىز! ەلىمىزدەگى قالىڭ عىلىم - تەحنيكا قىزمەتكەرلەرى ۇلكەن اۋقىمدى مەڭگەرىپ، ورايدى قولدان بەرمەي، ماسەلەگە بەتپە - بەت كەلىپ، قيىندىققا قارسى اتتانىپ، دۇنيە ءجۇزى عىلىم - تەحنيكاسىنىڭ الدىڭعى لەگىن ءداپ باسىپ كوزدەپ، عىلىم - تەحنيكا دامۋىنىڭ بەتالىسىنا جەتەكشىلىك ەتىپ، تاريح جۇكتەگەن كەلەلى مىندەتتى ارقالاپ، جاڭا داۋىردە عىلىم - تەحنيكادا جاڭالىق اشۋدىڭ اتويشىسى بولۋعا باتىلدىق ەتۋ كەرەك.

  ماقالادا مىنالار اتاپ كورسەتىلگەن: جاڭالىق اشۋدىڭ ءبىرىنشى قوزعاۋشى كۇش ەكەندىگىن جەتە تانىپ، جوعارى ساپالى دامۋدى عىلىم - تەحنيكامەن قامتاماسىز ەتىپ، وسىزاماندانعان ەكونوميكالىق جۇيە قۇرىلىسىنا تىرەك ازىرلەۋگە كۇش سالۋ كەرەك. ءوز كۇشىنە سۇيەنىپ جاڭالىق اشۋدى بۇلجىماس مۇرات ەتىپ، جاڭالىق اشۋ سەنىمىن بەكەمدەپ، ءوز كۇشىنە سۇيەنىپ جاڭالىق اشۋ قابىلەتىن كۇشەيتۋگە قۇلشىنۋ كەرەك. ءوز كۇشىنە سۇيەنىپ جاڭالىق اشۋ ءبىزدىڭ دۇنيە جۇزىلىك عىلىم - تەحنيكانىڭ بيىك شىڭىنا شىعۋىمىزداعى باسىپ وتۋگە ءتيىستى جول. شەشۋشى وزەكتى تەحنيكانى اكەلە سالۋعا، ساتىپ الۋعا، سۇراپ الۋعا كەلمەيدى. تەك شەشۋشى وزەكتى تەحنيكانى ءوز قولىمىزدا مىقتى يگەرگەندە عانا مەملەكەتتىڭ ەكونوميكالىق حاۋىپسىزدىگىنە، مەملەكەت قورعانىسى حاۋىپسىزدىگىنە جانە باسقا دا حاۋىپسىزدىكتەرگە تۇبىرىنەن كەپىلدىك ەتۋگە بولادى.

  ماقالادا مىنالار اتاپ كورسەتىلگەن: عىلىم - تەحنيكا ءتۇزىلىسى رەفورماسىن جالپى بەتتىك تەرەڭدەتىپ، جاڭالىق اشۋ جۇيەسى ونىمدىلىگىن جوعارىلاتىپ، جاڭالىق اشۋ ومىرشەڭدىگىن كۇش سالا قاۋلاتۋ كەرەك. عىلىم - تەحنيكادا جاڭالىق اشۋعا تۇساۋ بولاتىن بارلىق يدەيالىق كەدەرگىلەر مەن تۇزىمدىك بوگەتتەردى الاستاپ، عىلىم - تەحنيكادا جاڭالىق اشۋ مەن تۇزىمدە جاڭالىق اشۋ سىندى ”قوس قوزعالتقىشقا“ تاباندى بولىپ، عىلىم - تەحنيكادا جاڭالىق اشۋ جۇيەسىن جوعارى دەڭگەيدە جوبالاۋدى ساپالىلاندىرۋ جانە كۇشەيتۋ كەرەك. الەمدىك عىلىم - تەحنيكالىق جونگە سالۋعا ىشكەرىلەي ات سالىسىپ، جۇڭگو پاراساتىن ارناپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش سالۋ كەرەك.

  ماقالادا مىنالار اتاپ كورسەتىلگەن: دارىندىلار ارقىلى دامۋعا جەتەكشىلىك ەتۋ ستراتەگيالىق ورنىن مىقتاپ ورناتىپ، دارىندىلاردى جاپپاي شوعىرلاندىرىپ، جاڭالىق اشا دامۋدىڭ دارىندىلار نەگىزىن كۇش سالا بەكەمدەۋ كەرەك. جاڭالىق اشۋدىڭ بىردەن - ءبىر جولى − دارىندىلاردا. دارىندىلاردى باعالاۋ تۇزىلىسىندە جاڭالىق اشىپ، دارىندىلاردىڭ جەتىلۋىنە ءتيىمدى باۋلۋ مەحانيزمىن، پايدالانۋ مەحانيزمىن، شابىتتاندىرۋ مەحانيزمىن، باسەكەلەسۋ مەحانيزمىن جەدەل قالىپتاستىرىپ، الەمدەگى دارىندىلار جۇڭگوعا توپتاساتىن، بارلىعى ءوز قابىلەتىن ەركىن ساۋلەلەندىرەتىن جاڭالىق اشۋ جاعدايىن قالىپتاستىرۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.