تۇعىرلىق ەكونوميكانىڭ جۇيەلى، اقاۋسىز، باياندى دامۋىن ىلگەرىلەتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 3 - ايدىڭ 15 - كۇنى تۇستەن كەيىن ورتالىق قازىنا - ەكونوميكا كوميتەتىنىڭ 9 - رەتكى ءماجىلىسىن باسقارىپ اشىپ، تۇعىرلىق ەكونوميكانىڭ اقاۋسىز دامۋىن جەبەۋ ماسەلەسىن جانە كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى جۇزەگە اسىرۋ نەگىزگى وي جەلىسى مەن باستى شارالارىن اقىلداستى. شي جينپيڭ ماجىلىستە ماڭىزدى ءسوز سويلەپ بىلاي دەپ باسا دارىپتەدى: ەلىمىزدىڭ تۇعىرلىق ەكونوميكاسىنىڭ دامۋى شەشۋشى مەزگىلدە تۇر، ۇزاق بولاشاقتى كوزدەپ، كوز الداعى جاعدايمەن ساناسىپ، ولقىلىقتاردى تولىقتىرىپ، ءالسىز تۇستاردى كۇشەيتىپ، جاڭالىق اشۋ ورتاسىن قالىپتاستىرىپ، كورنەكتى قايشىلىقتار مەن ماسەلەلەردى شەشىپ، تۇعىرلىق ەكونوميكانىڭ جۇيەلى، اقاۋسىز، باياندى دامۋىن ىلگەرىلەتۋ كەرەك؛ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ − اۋقىمدى ءارى تەرەڭ ەكونوميكالىق، قوعامدىق جۇيەلى وزگەرىس، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزىپ، العان بەتىنەن قايتپايتىن ارىنمەن 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، 2060 - جىلدان بۇرىن كومىر قىشقىل گازىن بەيتاراپتاندىرۋ نىساناسىن ۋاعىندا جۇزەگە اسىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.
ءماجىلىس مەملەكەتتىك دامۋ جانە رەفورما كوميتەتىنىڭ، جۇڭگو حالىق بانكەسىنىڭ، مەملەكەتتىك بازار باقىلاۋ - باسقارۋ باس مەكەمەسىنىڭ تۇعىرلىق ەكونوميكانىڭ اقاۋسىز دامۋىن جەبەۋ جونىندەگى مالىمەتىن تىڭدادى، مەملەكەتتىك دامۋ جانە رەفورما كوميتەتىنىڭ، ەكولوگيالىق ورتا مينيسترلىگىنىڭ، جاراتىلىستىق بايلىق مينيسترلىگىنىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، بەيتاراپتاندىرۋدى جۇزەگە اسىرۋ جالپى وي جەلىسى مەن باستى شارالارى جونىندەگى مالىمەتىن تىڭدادى.
ءماجىلىس مىنالاردى اتاپ كورسەتتى: سوڭعى جىلدارى ەلىمىزدىڭ تۇعىرلىق ەكونوميكاسى تەز دامىپ، ەكونوميكالىق، قوعامدىق دامۋدىڭ جالپى جاعدايىنداعى ورنى مەن رولى كۇن سايىن كورنەكتىلەنە ءتۇستى. تۇعىرلىق ەكونوميكا تۇتاس قوعامنىڭ بايلىقتى جايعاستىرۋ ونىمدىلىگىن جوعارىلاتۋعا ءتيىمدى، تەحنيكا مەن كاسىپ سالاسىنداعى وزگەرىستىڭ ينفورماتسيالانۋ، سيفرلانۋ، زەردەلىلەنۋ بەتالىسىنا قاراي جەدەل ىلگەرىلەۋىن جەبەيدى، حالىق شارۋاشىلىعى اينالىمىنىڭ ءار بۋىنىمەن ساباقتاستىرۋعا سەپتىگىن تيگىزەدى، سونداي - اق مەملەكەتتى جونگە سالۋدىڭ زەردەلىلەنۋ، جالپى وڭىرلەنۋ، دارالانۋ، ەگجەي - تەگجەيلىلەنۋ دەڭگەيىن جوعارىلاتۋعا ءتيىمدى. ەلىمىزدىڭ تۇعىرلىق ەكونوميكاسى دامۋىنىڭ جالپى جاعدايى جاقسى، بەلسەندى رول اتقارىپ وتىر، سونىمەن قاتار ءىشىنارا كورنەكتى ماسەلەلەر دە ءومىر سۇرۋدە، كەيبىر تۇعىرلىق كاسىپورىنداردىڭ دامۋى جۇيەلى ەمەس، حاۋىپ - قاتەر بار، تۇعىرلىق ەكونوميكانىڭ دامۋى تولىق ەمەس، ولقىلىقتار بار، باقىلاۋ - باسقارۋ ءتۇزىلىسىنىڭ ۇيلەسىمدى بولماۋى ماسەلەسى دە ءبىرشاما كورنەكتى.
ءماجىلىس مىنالاردى باسا دارىپتەدى: دۇرىس ساياسي بەتالىسقا تاباندى بولىپ، مەملەكەتتىڭ باسەكەدەگى جاڭا باسىمدىلىعىن تۇلعالاۋدىڭ ستراتەگيالىق دەڭگەيىن شىعار ءتۇيىن ەتىپ، دامۋ مەن ارناعا تۇسىرۋگە بىردەي ءمان بەرۋگە تاباندى بولىپ، تۇعىرلىق ەكونوميكانىڭ دامۋ زاڭدىلىعىن يگەرىپ، تۇعىرلىق ەكونوميكانى جونگە سالۋ جۇيەسىن ورناتىپ، اقاۋسىزداندىرىپ، ەرەجەنى ايقىنداپ، تومەنگى شەكتى ايىرىپ، باقىلاۋ - باسقارۋدى كۇشەيتىپ، ءتارتىپتى ارناعا ءتۇسىرىپ، دامۋ مەن حاۋىپسىزدىكتى، ەل ءىشى مەن حالىقارانى اناعۇرلىم ويداعىداي ءبىر تۇتاس جوسپارلاپ، ءادىل باسەكەنى جەبەپ، مونوپوليالاۋعا قارسى تۇرىپ، كاپيتالدىڭ ءتارتىپسىز كەڭەيۋىنىڭ الدىن الۋ كەرەك. ارناعا ءتۇسىرۋ مەن باقىلاۋ - باسقارۋدى كۇشەيتىپ، بۇقارانىڭ مۇددەسى مەن قوعام ورنىقتىلىعىن قورعاپ، جونگە سالۋ بىرىككەن كۇشىن قالىپتاستىرۋ كەرەك. ەسىك اشىپ سەلبەستىك جاساۋدى كۇشەيتىپ، ومىرشەڭدىك، جاسامپازدىق قۋاتقا يە ءتۇزىم ورتاسىن قالىپتاستىرىپ، حالىقارالىق تەحنيكالىق اۋىس - كۇيىس پەن زەرتتەۋ - اشۋ سەلبەستىگىن كۇشەيتۋ كەرەك. ”ەكىدەن استە اۋىتقىماۋعا“ تاباندى بولىپ، تۇعىرلىق ەكونوميكا سالاسىنداعى حالىقتىق كاسىپورىنداردىڭ اقاۋسىز دامۋىن جەبەۋ كەرەك.
ءماجىلىس مىنالاردى اتاپ كورسەتتى: ەرەجە - تۇزىمدەردى اقاۋسىزداندىرىپ، كەمەلدەندىرىپ، تۇعىرلىق ەكونوميكاعا قاتىستى زاڭداردى، زاڭ ەرەجەلەردى جەدەل اقاۋسىزداندىرىپ، ەرەجەدەگى اقتاڭداق پەن ساڭلاۋدى دەر كەزىندە تولىقتاۋ، ساندى مالىمەت مال - مۇلىك ۇقىعى ءتۇزىمى قۇرىلىسىن كۇشەيتۋ، تۇعىرلىق كاسىپورىندار ساندى مالىمەت حاۋىپسىزدىگى جاۋاپكەرشىلىگىن كۇشەيتۋ كەرەك. باقىلاۋ - باسقارۋ قابىلەتى مەن ورەسىن جوعارىلاتىپ، باقىلاۋ - باسقارۋ قۇرىلماسىن ساپالىلاندىرىپ، ىستەن بۇرىنعى، ءىس بارىسىنداعى، ىستەن كەيىنگى جالپى تىزبەكتى باقىلاۋ - باسقارۋدى جۇزەگە اسىرۋ، مونوپوليالاۋعا قارسى تۇرۋدى باقىلاۋ - باسقارۋ كۇشىن نىعايتۋ، باقىلاۋ - باسقارۋدىڭ بەدەلىن ارتتىرۋ، فينانس قيمىلدارىنىڭ بارلىعىن فينانستىق باقىلاۋ - باسقارۋعا الۋ كەرەك. تۇعىرلىق ەكونوميكانىڭ جوعارى ساپالى دامۋعا جانە جوعارى ساپالى تۇرمىسقا قىزمەت وتەۋىن ىلگەرىلەتۋ، ونەركاسىپ ينتەرنەت تۇعىرىنان پايدالانىپ ءداستۇرلى كاسىپ سالالارىن جاڭالاپ، دەڭگەيىن كوتەرۋدى، وزىق جاساۋ كاسىپتەرىن دامىتۋدى جەدەلدەتۋ، تۇتىنۋ سالاسىنداعى تۇعىرلىق كاسىپورىنداردىڭ بازار كومەسكى كۇشىن اشۋىن قولداپ، ساپالى ونىممەن جانە قىزمەت وتەۋمەن قامتاماسىز ەتۋدى ارتتىرۋ كەرەك. تۇعىرداعى بازار تۇلعالارىنىڭ ۇقىق - مۇددەسىن قورعاۋدى كۇشەيتۋ، تۇعىرلىق كاسىپورىنداردى تاۋار ساپاسىن، ازىق - تۇلىك حاۋىپسىزدىگىن قامتاماسىز ەتۋ سياقتى جاۋاپكەرشىلىكتەردى ارقالاۋعا قۋزاپ، قاريدارلاردىڭ ساندى مالىمەت ۇقىق - مۇددەسىن جانە جەكە قۇپيالىق ۇقىعىن قورعاۋ، تۇعىرلىق كاسىپورىنداردىڭ ەڭبەكتىك قورعاۋ جاۋاپكەرشىلىگىن ايقىنداۋ كەرەك. شەشۋشى وزەكتى تەحنيكالاردان قامال الۋدى كۇشەيتىپ، تۇعىرلىق كاسىپورىنداردىڭ زەرتتەۋ - اشۋ ۇسىنىلىمىن ارتتىرۋىن قولداپ جانە وعان جەتەكشىلىك ەتىپ، نەگىزدىك زەرتتەۋدى كۇشەيتۋ، نەگىزدىك تەحنيكانىڭ تاعانىن نىعايتۋ، ورتا، شاعىن كاسىپورىنداردىڭ جاڭالىق اشۋىن سۇيەمەلدەۋ قاجەت. ينتەرنەت نەگىزدىك قۇرىلعى قۇرىلىسىن كۇشەيتۋ كەرەك.
ءماجىلىس مىنالاردى باسا دارىپتەدى: ەلىمىز 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى جۇزەگە اسىرۋعا، 2060 - جىلدان بۇرىن كومىر قىشقىل گازىنىڭ بەيتاراپتانۋىن جۇزەگە اسىرۋعا كۇش سالادى، بۇل − پارتيا ورتالىق كوميتەتى تەرەڭ تولعانىپ شىعارعان كەلەلى ستراتەگيالىق شەشىم، جۇڭحۋا ۇلتىنىڭ ماڭگىلىك دامۋىنا جانە ادامزاتتىڭ تاعدىرلاس ورتاق تۇلعاسىن قۇرۋعا سايادى. جاڭا دامۋ ۇستانىمىن بۇلجىماستان دايەكتىلەندىرىپ، جۇيە كوزقاراسىنا تاباندى بولىپ، دامۋ مەن جاراقسىز زاتتاردىڭ شىعارىلۋىن ازايتۋدىڭ، جالپىلىق پەن ءىشىنارالىقتىڭ، قىسقا مەزگىل مەن ورتا، ۇزاق مەزگىلدىڭ قاتىناسىن ويداعىداي ءبىر جاقتى ەتۋ، ەكونوميكالىق، قوعامدىق دامۋدىڭ جاسىلعا قاراي جاپپاي تيپ وزگەرتۋىنە جەتەكشىلىك ەتىپ، ەنەرگيانىڭ جاسىل، تومەن كومىرتەكتى دامۋىن تەتىك ەتىپ، بايلىق ۇنەمدەيتىن جانە قورشاعان ورتانى قورعايتىن كاسىپ سالاسى قۇرىلىمىن، ءوندىرىس ءتاسىلىن، تۇرمىس ءتاسىلىن، كەڭىستىك جۇيەسىن جەدەل قالىپتاستىرۋ، ەكولوگيانى الدىڭعى ورىنعا قويۋ، جاسىل، تومەن كومىرتەكتى جوعارى ساپالى دامۋ جولىمەن بۇلجىماي ءجۇرۋ كەرەك. بۇكىل ەل بويىنشا ءبىر تۇتاس جوسپارلاۋعا تاباندى بولىپ، جوعارى دەڭگەيدە جوبالاۋدى كۇشەيتۋ، تۇزىمدىك باسىمدىقتى ساۋلەلەندىرىپ، ءار جاقتىڭ جاۋاپكەرشىلىگىن ناقتىلاندىرۋ، جەر - جەردىڭ ءىس جۇزىندىك جاعدايىنا قاراي تۇرلەر بويىنشا شارا اتقارۋ كەرەك. ەنەرگيانى، بايلىقتى ۇنەمدەۋدى الدىڭعى ورىنعا قويىپ، جالپى بەتتىك ۇنەمدەۋ ستراتەگياسىن اتقارۋ، ۇنەمدى، ۇيلەسىمدى، جاسىل، تومەن كومىرتەكتى تۇرمىس ءتاسىلىن دارىپتەۋ كەرەك. ۇكىمەت پەن بازار ەكى جاقتان كۇش سالۋعا تاباندى بولىپ، عىلىم - تەحنيكا مەن تۇزىمدە جاڭالىق اشۋدى كۇشەيتۋ، ەنەرگيا مەن قاتىستى سالالارداعى رەفورمالاردى تەرەڭدەتۋ، ءونىمدى شابىتتاندىرۋ، تەجەۋ مەحانيزمىن قالىپتاستىرۋ كەرەك. حالىقارالىق اۋىس - كۇيىستى، سەلبەستىكتى كۇشەيتىپ، ەل ىشىندەگى، حالىقاراداعى ەنەرگيا بايلىعىن ءونىمدى تۇردە ءبىر تۇتاس جوسپارلاۋ كەرەك. حاۋىپ - قاتەردى ايىرا ءبىلۋدى جانە تىزگىندەۋدى كۇشەيتىپ، لاستاۋشى زاتتاردىڭ شىعارىلۋىن ازايتۋ، كومىر قىشقىل گازىنىڭ شىعارىلۋىن تومەندەتۋ مەن ەنەرگيا حاۋىپسىزدىگىنىڭ، كاسىپ سالاسى تىزبەگى، قامداۋ تىزبەگى حاۋىپسىزدىگىنىڭ، استىق حاۋىپسىزدىگىنىڭ، بۇقارانىڭ قالىپتى تۇرمىسىنىڭ قاتىناسىن ويداعىداي ءبىر جاقتى ەتۋ كەرەك.
ءماجىلىس مىنالاردى اتاپ كورسەتتى: ”14 - بەسجىلدىق“ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدىڭ شەشۋشى مەزگىلى، تەرەزەلىك مەزگىلى، مىناداي قىزمەتتەردى ءتۇيىندى تۇردە ويداعىداي ىستەۋ كەرەك: تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن قالىپتاستىرىپ، تاسقا اينالعان ەنەرگيانىڭ جالپى مولشەرىن تىزگىندەۋ، پايدالانۋ ونىمدىلىگىن كۇش سالا جوعارىلاتۋ، تۋىندامالى ەنەرگيانى بالامالاۋ ارەكەتىن اتقارۋ، ەلەكتر قۋاتى ءتۇزىلىسى رەفورماسىن تەرڭدەتۋ، جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن قۇرۋ كەرەك. ءتۇيىندى كاسىپ سالالارىنداعى لاستاۋشى زاتتاردىڭ شىعارىلۋىن ازايتىپ، كومىر قىشقىل گازىنىڭ شىعارىلۋىن تومەندەتۋ ارەكەتىن اتقارۋ، ونەركاسىپ سالاسىندا جاسىل جاساۋدى ىلگەرىلەتۋ، قۇرىلىس سالاسىندا ەنەرگيا ۇنەمدەۋ ولشەمىن جوعارىلاتۋ، قاتىناس سالاسىندا جاسىل، تومەن كومىرتەكتى تاسىمال ءتاسىلىن جەدەل قالىپتاستىرۋ كەرەك. جاسىل، تومەن كومىرتەكتى تەحنيكادا ەلەۋلى تىڭ سەرپىلىس جاساۋدى ىلگەرىلەتۋ، تومەن كومىرتەكتى وزىق تەحنيكالاردى زەرتتەۋدى ورنالاستىرۋدى مىقتى يگەرۋ، لاستاۋشى زاتتاردىڭ شىعارىلۋىن ازايتىپ، كومىر قىشقىل گازىنىڭ شىعارىلۋىن تومەندەتۋ تەحنيكاسىن جەدەل جالپىلاستىرىپ قولدانۋ، جاسىل، تومەن كومىرتەكتى تەحنيكانى باعالاۋ، ساۋدالاۋ جۇيەسىن جانە عىلىم - تەحنيكادا جاڭالىق اشۋعا قىزمەت وتەۋ تۇعىرىن ورناتۋ، كەمەلدەندىرۋ كەرەك. جاسىل، تومەن كومىرتەكتى ساياسات پەن بازار جۇيەسىن كەمەلدەندىرۋ، ەنەرگيادا ”قوس تىزگىندەۋ“ ءتۇزىمىن كەمەلدەندىرۋ، جاسىل، تومەن كومىرتەكتى دامۋعا ءتيىمدى قازىنا - باجى، باعا، فينانس، جەر، ۇكىمەتتىك ساتىپ الۋ سياقتى ساياساتتاردى كەمەلدەندىرۋ، كومىر قىشقىل گازىن شىعارۋ ۇقىعى ساۋداسىن جەدەل ىلگەرىلەتۋ، جاسىل فينانستى بەلسەنە دامىتۋ كەرەك. جاسىل، تومەن كومىرتەكتى تۇرمىستى دارىپتەپ، استا - توك ىسىراپشىلدىققا قارسى تۇرىپ، جاسىل ءجۇرىس - تۇرىسقا شابىتتاندىرۋ، جاسىل، تومەن كومىرتەكتى تۇرمىس جاڭا سالتىن قالىپتاستىرۋ كەرەك. ەكولوگيانىڭ كومىر قىشقىل گازىن توپتاۋ قۋاتىن ارتتىرۋ، مەملەكەت تەرريتورياسىنىڭ كەڭىستىك جوباسى مەن پايدالانىلۋ ماقساتىن باسقارۋ - مەڭگەرۋدى كۇشەيتۋ، ورماننىڭ، جايلىمنىڭ، سازدى جەردىڭ، تەڭىز - مۇحيتتىڭ، توپىراقتىڭ، توڭ توپىراقتىڭ كومىر قىشقىل گازىن تۇراقتاندىرۋ رولىن ءونىمدى تۇردە ساۋلەلەندىرىپ، ەكولوگيالىق جۇيەنىڭ كومىر قىشقىل گازىن توپتاۋ مولشەرىن جوعارىلاتۋ كەرەك. كليمات وزگەرىسىنە توتەپ بەرۋدىڭ حالىقارالىق سەلبەستىگىن كۇشەيتىپ، حالىقارالىق ەرەجە ولشەم بەلگىلەۋدى ىلگەرىلەتىپ، جاسىل جىبەك جولىن قۇرۋ كەرەك.
ءماجىلىس مىنالاردى باسا دارىپتەدى: كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ − قاتاڭ شايقاس ءارى پارتيامىزدىڭ ەل باسقارۋ قابىلەتىنە قويىلعان ۇلكەن سىناق. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، باقىلاۋ، باعالاۋ مەحانيزمىن كەمەلدەندىرۋ كەرەك. ءار دارەجەلى پارتكوم مەن ۇكىمەت جاۋاپكەرشىلىك ارقالاپ، نىسانا بەلگىلەپ، شارا قولدانىپ، تەكسەرىپ وتىرۋ كەرەك. باسشى كادرلار كومىر قىشقىل گازىنىڭ شىعارىلۋىنا قاتىستى بىلىمدەردى ۇيرەنۋدى كۇشەيتىپ، جاسىل، تومەن كومىرتەكتى دامۋدى ويداعىداي يگەرۋ قابىلەتىن جوعارىلاتۋ كەرەك.
ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
